TIYAK na miss na miss na nina Bianca Umali at Ruru Madrid ang isa’t isa, dahil matagal-tagal na ring nasa South Korea si Ruru na nagti-taping ng “Running Man PH.”

Kaya naman parehong nag-“i miss you” ang dalawa sa kani-kanilang Instagram post, matapos padalhan ni Ruru ng isang bouquet of Ecuadorian red roses si Bianca, kasama ang message niyang: “Since the day I met you, my life has never been the same. (with red heart emoji).”

Sagot naman ni Bianca: “I miss you,” at nasundan naman ito ng mga mensahe mula sa friends and fans nila na tinukso sila na ang sweet daw ni Lolong kay Bianca.

Sa ngayon ay gabi-gabing nagti-trending sa social media ang rating ng fantasy-action series na “Lolong” ni Ruru sa GMA-7 pagkatapos ng “24 Oras.” Kasama rito ni Ruru sina Shaira Diaz, Arra San Agustin, Paul Salas, Jean Garcia at Christopher de Leon.

Busy naman ngayon si Bianca sa paghahanda ng mga fight scenes niya sa sisimulan niyang bagong epic serye ng GMA, ang “Sang’gre,” na muli raw magbabalik ang original na Sang’gre na makakasama ng mga bagong Sang’gre.

***

MARAMING nagulat nang lumabas ang teaser ng “The Boobay and Tekla Show,” na mapapanood na this Sunday, July 24, at nakita roon si Lyca Gairanod, ang champion ng “The Voice Kids Philippines Season 1.”

May mga nagtanong tuloy kung lumipat na raw ba sa GMA Network si Lyca. Sinagot agad ito ng show nina Boobay at Tekla na magiging special guest lamang nila si Lyca sa special episode nila, na ibabahagi ni Lyca ang kanyang buhay bilang isang vlogger, artista at isa sa successful singers ng kanyang generation.

Base sa trailer, magpapakitang gilas din si Lyca sa pag-arte bilang kontrabida sa isang nakakatawang improvised segment kasama sina Boobay at Tekla. May isa ngang eksena roon na nagulat pa si Tekla sa ginawa ni Lyca.

Abangan ang eksenang ito at si Lyca, sa pagsali niya sa iba pang laro at mga pakulo ng comedy show, na mapapanood pagkatapos ng “Kapuso Mo, Jessica Soho,” sa GMA-7.

***

NANGAMUSTA si Comedy Queen Ai Ai delas Alas sa pamamagitan ng kanyang Instagram, sa mga kasama niya sa cast ng GMA Afternoon Prime series na “Raising Mamay.”

Habang nasa San Francisco, California pa sila ng husband niyang si Gerald Sibayan, dahil naging very successful ang kanilang baking business na ube pandesal na thankful sila dahil tinatangkilik ito ng mga kababayan natin doon.

Pumunta roon sina Ai Ai after ng lock-in taping nila ng serye with Shayne Sava, Abdul Raman, Gary Estrada, Joyce Ching ang Ms. Valerie Concepcion.

Final week na ng serye simula sa Monday, July 25, kaya excited na ang mga netizens na malaman kung ano ang magiging wakas ng story, na sasagutin na ang maraming sekreto.

Tulad nang sino ang tunay na ina at ama ni Abigail (Shayne) at ang pinakahihintay ng lahat, muli kayang bumalik ang kaisipan ni Mamay Letty (Ai Ai), na dahil sa isang aksidenteng nabaril siya sa ulo, ay nabuhay nga siya, pero bumalik ang kaisipan niya ng isang bata. At si Abigail na kinilala niyang anak, ang siyang nag-alaga sa kanya.

Napapanood ang “Raising Mamay” after ng “Apoy sa Langit” sa GMA-7.

Samanatala, malamang bumalik si Ai Ai sa bansa kapag magsisimula na ang reality singing competition na “The Clash” 5th edition.

(NORA V. CALDERON)

NAGING dream pala noon ng aktres na si Ina Feleo ang mag-compete sa Olympics sa sport na figure ice skating.

Bago naging artista si Ina, nag-train siya bilang isang figure ice skater sa edad na 9.

“Nag-start ako nine years old, ‘yung pinsan ko galing Cebu may competition sila dito sa Manila so sumama ‘ko ng rehearsal and then sabi nila, ‘gusto mo i-try?’

“So ako naman, sige, and then I stepped on the ice, two hours walang tigil, ‘di ako lumalabas ng yelo and the rest was history. Parang sobrang naadik talaga ako and got so into it. Ang dream ko talaga noon maging Olympic champion,” pagbalik-tanaw ni Ina.

Isa sa nag-train kay Ina noon abroad ay ang Japanese figure skating champion and technical specialist na si Shin Amano. Hindi pa raw popular ang ice skating noon sa Pilipinas kaya hirap si Ina na ma-achieve ang kanyang Olympic dream.

Sey ni Ina: “Siyempre marami ring pumigil, maraming aspects kung bakit mahirap na mahirap pa siyang ma-achieve lalo na before wala tayong Olympic size rinks, napakamahal na sport no’ng figure skating. Siyempre, ‘yung coaches natin hindi pa trained. Basta maraming gano’n.

“Mga twice I went to the States to train. Talagang lahat ng pera nila Daddy parang binuhos para magkapag-train ako but then, at some point, this was ‘yung magka-college na ‘ko. Parang na-feel ko rin na ‘di ko ma-a-achieve ‘yung maging Olympic champion realistically kasi I was 16. ‘Pag 16 ka na dapat, at that point, competing ka na in Olympic level na which I wasn’t yet, ganyan.”

Basta na lang daw tumigil si Ina sa kanyang training dahil pakiramdam niya ay di na niya maabot ang pangarap niya.

“Kumbaga, ginive up ko s’ya, ‘yun naman ‘yung pinagsisihan ko kung bakit ko ginive up completely. Tumigil talaga ‘ko, hindi talaga ‘ko nag-skate, ngayon lang talaga ‘ko bumalik so that’s how it ended.

“Pero ang dami kong natutunan, feeling ko ang laking parte kung sino ako ngayon dahil naging athlete ako before. ‘Yung disiplina sa lahat, mental discipline, ganyan ang dami kong natutunan sa skating.”

After 20 years, muling bumalik si Ina sa kanyang unang minahal na figure ice skating. Hindi na raw niya goal ang makapasok pa sa Olympics, gusto na lang daw niyang i-enjoy ito bilang isang hobby.

Kasalukuyang napapanood si ina bilang kontrabida sa GMA Afternoon Prime teleserye na Raising Mamay.

***

MAPAPANOOD na sa kauna-unahang pagkakataon sa GMA ang champion ng The Voice Kids Philippines Season 1 na si Lyca Gairanod sa The Boobay and Tekla Show ngayong Linggo, July 24.

Sa special episode ng well-loved comedy program, ibabahagi ni Lyca ang kanyang buhay bilang vlogger, artista, at isa sa successful singers ng kanyang henerasyon.

Magpapakitang gilas din si Lyca sa pag-arte bilang kontrabida sa isang nakakatawang improvised segment kasama sina Boobay at Tekla. Kasali rin siya sa iba pang laro at mga pakulo ng naturang show.

Abangan ang mga ito sa The Boobay and Tekla Show ngayong Linggo ng gabi, pagkatapos ng Kapuso Mo, Jessica Soho sa GMA-7.

***

MAGBABALIK na sa kanyang Justice Tour si Justin Bieber.

Ayon sa Canadian pop star, nakatakda siyang bumalik sa kanyang tour on July 31 sa Lucca Summer Festival in Italy.

Wala pang announcement kung kelan ma-resume ang mga na-cancel niyang tour dates sa North America noong June pagkatapos siyang ma-diagnose na may Ramsay Hunt Syndrome na siyang cause ng kanyang facial paralysis.

Nakapagpahinga na raw si Justin at nakatulong ang naging bakasyon niya sa isang ranch sa Idaho kasama ang singer-friend-mentor na si Usher.

Ayon pa kay Usher: “Justin is doing great. Seeing him on vacation, we managed to hang out with each other, and I think that whatever he may be experiencing right now it’s actually really great to see that he has the support from his fans and his family.

“As an artist, I think we are all going to experience some things that people may not necessarily understand. A performer’s life comes with a great deal of pressure. I think [Justin] has obviously taken the world on a journey. I am happy that I was at the beginning of and I am still a part of to this day, as a friend.”

Isa sa Usher sa nag-mentor kay Justin noong ma-discover nila ito ni Scooter Braun sa isang YouTube video noong 2007. Ngayon ay isa sa best-selling music artists of all-time si Justine with 150 million records sold worldwide.

(RUEL J. MENDOZA)

NI-RETWEET ni Heart Evangelista ang pinost ng GMA News tungkol sa painting collaboration nila ng Incubus frontman na si Brandon Boyd.

Kahit marami ang natuwa at nag-congratulate sa Kapuso actress at fashion icon, meron at meron pa ring papansin at walang magawang maganda na basher.

Sa photo nina Heart at Brandon makikikita na sumisilip ang cleavage at sides ng boobs ng aktres, kaya pinansin ito ng basher at pinagtripan.

Comment nga matapang na netizen, “It’s all about the boobs for heart nowadays.”

Sagot naman ng follower ni Heart, “Hoy mukhang pwet, sa ugali ka na nga lang babawi hindi mo pa magawa? kung ganyan ka talaga ka insecure ayusin mo yang sarili mo hindi yung tahol ng tahol ka dyan, kaya miserable yung buhay mo eh, desurb.”

Ni-repost naman ni Heart ang naging komento ng basher at sinagot ng, “Men and women have boobs. Should I remove mine? You tell me 🙂 since you are very logical .:) labo mo tol.”

Say naman ng isang netizen kay Heart, “Just ignore the stupid people.”

“Don’t worry I was just having fun,” reply naman ng aktres, kasama ang clinking glasses emoji.

Comment pa ng mga netizens sa entertainment blog:

“Ang daming hater ni Heart at madalas it is because she is not a housewife or a mom at her age.”

“Ang daming bashers ni Heart, mostly about being the opposite of what a late 30’s woman is doing. Either housewife or nanay si Heart, yun ang gusto ng mga bashers.”

“Insensitive and paladesisyon ang mga tao. Not everyone wants to be a mother, hindi rin lahat nabibiyaan ng anak. Let her be.”

“Mga haters talaga lahat papansinin. Itanim mo sa utak mo ito. Kapag inggit, pikit na lang ha?! Walang magagawa yan pagba-bash mo.”

“Inggit lang yan bashers. She is almost 40s pero ganyan pa rin kapayat at young looking. Kung ganyan lang ako kapayat baka nagbikini na ako sa labas sa init here sa Europa. 🤣”

“Ang point naman ni Heart, since may boobs naman siya, hindi ba pwedeng may pa-cleavage reveal sa mga outfits niya lately?”

“kakainis yun “tol” lol trying hard.”

“She’s showing her fit body lang siguro as a result sa strict diet niya.”

“Kung ganyan din katawan ko sa edad niya, eh mag bikini din ako habang keri noh.”

“Masyadong triggered at sensitive ang mga Pinoy sa boobs. Si Brandon nga walang pake.”

“Heart shouldn’t get offended. Even maybe her, can notice her styles these days. Free those Boobs kinda game! And nothing wrong with that naman.”

“Ewan ko sayo Heart. Pwede mo naman di na patulan yan. Hay!”

“Pag may nang away or nang bash sayo, tatahimik ka nalang ba?”

“I get it na dapat patulan minsan ang bashers pero mas class lang sana sa side kung dedma na lang sha. Wala naman kwenta yung comment ng basher.”

“Baka ang meaning nung tweet ay may pagka sexy na yung mga outfit ni Heart E.”

“These people commenting about why she is showing sexiness which include flaunting her boobs because she is a fashion influencer. If you don’t know her background, watch her vlogs. It is all about fashion. Itigil na yang pagiging conservative ninyo. It’s 2022.”

“Heart is not the type to show too much skin. Mga bashers talaga 😂”

Samantala, pinost naman ni Brandon sa Instagram account ang naturang art collab nila ni Heart na pinusuan ng mga followers nila, na kung saan looking forward daw ito na makagawa pa sila ng mas maraming paintings.

“It’s finally here and it’s almost sold out! Mine and @iamhearte ‘s painting collaboration ‘Neon People’ is available in two sizes at www. moonlightartscollective.com . It was so much fun working with you Love, and I look forward to painting more in the future! ❤️”

(ROHN ROMULO)