HINDI PA handa ang public transportation sa ilang bahagi ng Pilipinas sa pagpapatupad ng full resumption ng face-to-face classes.

Ito ang naging tugon ng isang grupo ng mga commuter sa planong pagbabalik ng bagong administrasyon sa in-person classes sa darating na pasukan.

Sa isang pahayag ay sinabi ni The Passenger Forum (TPF) Convener Primo Morillo na bago ang pagpapatupad nito ay dapat din na isaalang-alang ng pamahalaan ang dagdag problemang maaaring idulot nito sa public transport system sa bansa.

Dahil dito ay dapat aniyang magbigay ng agarang tulong sa mga pasaherong maaapektuhan nito ang gobyerno.

Dapat din aniyang tugunan muna ng gobyerno ang mga suliranin sa imprastraktura sa bansa upang matagumpay nitong maibalik ang normal classroom-based education sa Pilipinas.

Samantala, sa ngayon ay wala pa namang nagiging pahayag ang Department of Transportation (DOTr).

Magugunita na kamakailan lang ay isiniwalat ni Pangulong Ferdinand “Bongbong” Marcos Jr. ang planong muling pagbabalik ni Vice President Sara Duterte sa face-to-face clases sa ilang paaralan sa pagsapit ng Setyembre, habang sa darating na Nobyembre naman ang target na full transition nito.

Samantala, sa ngayon ay wala pa namang nagiging pahayag ang Department of Transportation (DOTr).

Magugunita na kamakailan lang ay isiniwalat ni Pangulong Ferdinand “Bongbong” Marcos Jr. ang planong muling pagbabalik ni Vice President Sara Duterte sa face-to-face clases sa ilang paaralan sa pagsapit ng Setyembre, habang sa darating na Nobyembre naman ang target na full transition nito.

AYON sa batas maaari kang magparehistro bilang botante kapag 18 years old ka na – estudyante ka man o hindi, may trabaho man o wala.  Basta 18 years old.  Pero sa SK elections maaring bumoto at iboto ang 15 years old. Dati ang voting age ay 21 years old bago ito binaba ng 18 years old. Pero ngayon sa tingin ng inyong lingkod ay dapat bigyan na rin ng karapatan sa pagboto ang mas nakakaraming kabataan at gawin 16 years old ang voting age.

Kailangan ng amendment sa Saligang Batas dahil nakasaan nga sa Art. V sec 1 ay at least 18 years old dapat ang botante. Ang mga sumusunod ang pwedeng dahilan:

1. Kahit sa ibang bansa iba-iba ang voting age. Halimbawa 21 sa Singapore, 19 sa South Korea 17 sa Indonesia, Greece at 16 sa Scotland at Brazil. Mas maraming bansa na 18 years old ang voting age katulad sa mga karamihan sa mga European Union States. Pero sa Pilipinas may pagkakaiba nga dahil pwede maging botante ang 15 years old pero Sanguniang Kabataan (SK) officials lang ang iboboto. Pero bakit hanggang SK lang? Hindi ba sya apektado ng mga batas na ipapasa ng Kongreso, mga polisiyang ipatutupad ni Mayor, o mga polisiya ni barangay captain? Kung dati na ibinaba ng 18 mula 21 ang voting age maraming dekada na ang nakalipas marahil ay panahon na rin bigyan ng karapatan ang 16 at 17 years old pumili ng lider nila.
2. Mas malawak na ang kaisipan ng kabataan ngayon dahil sa teknolohiya at iba pa. In fact kahit AGE OF CONSENT ay itinaas na ng 16 years old. Pinirmahan ni dating Pangulong Duterte ang RA NO. 11648 raising the age of sexual consent to 16 years old. So kung may malay na ang isang 16 years old sa sex aba alam na rin niya ang iba pang alam ng isang 18 and above tulad ng pagboto .
3. May mga nagsasabi na masyado pang bata ang 16 years old. Wala pang muwang sa politika, walang trabaho at hindi nakakapili ng “tamang” kandidato sa halalan? Ganyan din ang mga dahilan ng mga tumutol na pabotohin ang mga kababaihan noon pero ngayon mas marami pa nga tayong lider na babae. At di ba marami ngang mas nakatatanda na ang tingin sa eleksyon ay pagkakaperahan. Kahit nasa hustong edad ay nagbebenta ng boto. E bakit sa SK makakaboto ang 16? Dahil praktisan lang ba ng kabataan ang SK Election? Marahil ang mas mahalaga ay siguraduhin ng pamahalaan na well-educated ang ating kabataan para alam kung ano ang mga issues sa halalan.
4. Ang kabataan ang pagasa ng bayan. Pero bigyan natin ang higit na nakakaraming kabataan ng karapatan pumili ng mga lider na gagabay sa kanilang kinabukasan. May malayang isipan ang kabataan at marahil mas mabibigyan nila ng halaga ang sagradong pagboto at hindi nila ipagpapalit sa konting halaga lamang.

Amyendahan ang Saligang batas. (Atty. Ariel Inton, Jr)