2022 July 09 Archive - People's Balita

Archive for July 9th, 2022

Halos 2-K kaso ng COVID-19, naitala ng DoH

Posted on: July 9th, 2022 by @peoplesbalita No Comments

NAKAPAGTALA ngayon ang Department of Health (DoH) ng karagdagag 1,936 na bagong kaso ng Coronavirus disease 2019 (COVID-19) .

Ito na ang pinakamataas na bagong bilang g bagong kaso sa loob ng isang araw kasunod nang naitalang 2,232 noong February 18.

Ayon sa DoH, sa ngayon ay umakyat pa ang active infections sa 11,370 mula sa dating 10,323 noong Miyerkules.

Sa ngayon, ang nationwide tally ay nasa 3,713,131 at ang recovery tally ay nasa 3,641,136.

Nadagdagan naman ng tatlo ang bilang ng mga namatay at sa ngayon ay aabot sa nsa 60,625 ang nasawi dahil sa naturang virus.

Ang National Capital Region (NCR) pa rin naman ang nakapagtala ng pinakamaraming kaso sa loob ng dalawang linggo na nasa 6,503.

Sinundan ito ng Calabarzon na mayroong 2,688, Western Visayas na may 1,184, Central Luzon na mayroong 1,029 at Central Visayas na mayroong 611.

Sa datos ng Department of Health (DoH), sa ngayon nasa kabuuang 5,868 beds ang okupado sa mga ospital habang 23,334 ang bakante.

Lumalabas na bahagya ring tumaas ang bed occupancy sa bansa ng 20.1 percent noong Martes. (Daris Jose)

First four official entries ng MMFF 2022, inilabas na: VICE at COCO, muling magtatapat sa takilya at lalaban din si IAN at TONI

Posted on: July 9th, 2022 by @peoplesbalita No Comments

SA Christmas season, tiyak na ‘Balik Saya’ na naman ang 48th Metro Manila Film Festival (MMFF) na kung saan inilabas na ang first 4 official entries.

Kinabibilangan ng first 4 MMFF 2022 official entries na base sa script submission:

1. LABYU WITH AN ACCENT (ABS-CBN Productions, Inc)

Director: Rodel P. Nacianceno, Writer: Patrick Valencia

Starring: Coco Martin & Jodi Sta. Maria

2. NANANAHIMIK ANG GABI (Rein Entertainment Productions)

Director & Writer: Shugo Praico

Starring: Ian Veneracion, Mon Confiado & Heaven Peralejo

3. PARTNERS IN CRIME (ABS-CBN Film Production Inc & Viva Films)

Director: Cathy Garcia-Molina, Writer: Enrico Santos

Starring: Vice Ganda & Ivana Alawi

4. THE TEACHER (TEN17P)

Director: Paul Soriano, Writer: Emma Villa

Starring: Joey de Leon & Toni Gonzaga

Ang deadline ng finished film submission (na kung saan pipiliin ang apat pa na official MMFF entries) ay sa September 2 (for early birds submission) at September 30 (regular submission).

Nakaka-excite ang pagbabalik ni Vice Ganda sa MMFF, na palaging topgrosser ang entries na kung saan makatatapat niya si Coco Martin na balik-filmfest din.

Idagdag pa ang kaabang-abang na tambalan nina Joey de Leon at Toni Gonzaga. Matatandaan na topgrosser sa MMFF 2021 ang horror comedy na The ExorSIS nina Toni at Alex Gonzaga.

Winner din ang pagtatambal nina Coco at Jodi Sta. Maria, ganun ang tandem nina at Ivana Alawi, tiyak na patok at riot ito.

For sure, ‘di patatalo ang movie nina Ian Veneracion na sex and violence naman ang tema.

Two months from now, malalalaman na ang kukumpleto sa Magic 8 ng MMFF 2022, na inaasahan na magiging exciting entries din tulad ng first four entries.

(ROHN ROMULO)

9 na bagong opisyal ng gobyerno, nanumpa sa harap ni PBBM

Posted on: July 9th, 2022 by @peoplesbalita No Comments

PATULOY na pinupunan ni Pangulong Ferdinand Marcos Jr., ang mga bakanteng posisyon sa tanggapan at departamento ng gobyerno.

Sa katunayan, inanunsyo ng Office of the Press Secretary (OPS) ang mga mga opisyal na nag- oath of office sa harap mismo ni Pangulong Marcos, ngayong araw, Hulyo 7.

Ang mga ito ay sina:

Cesar Chavez, Undersecretary – Department of Transportation
Maj. Gen. Delfin Negrillo Lorenzana, Chairperson – Bases Conversion and Development Authority
Diorella Gamboa Sotto-Antonio, Chairperson – Movie and Television Review and Classification Board
Emerald Ridao, Undersecretary – Office of the Press Secretary (OPS)
Franz Imperial, Undersecretary – Office of the President (OP)
Honey Rose Mercado, Undersecretary – Presidential Management Staff (PMS)
Atty. Jose Calida, Commissioner – Commission on Audit (COA)
Bianca Cristina Cardenas Zobel, Social Secretary
Gerald Baria, Undersecretary – Office of the President (OP) (Daris Jose)

Bilang ng mga Pilipinong walang trabaho sa bansa, pumalo sa mahigit 2.93-M – PSA

Posted on: July 9th, 2022 by @peoplesbalita No Comments

NADAGDAGAN pa ang bilang ng mga Pilipinong walang trabaho sa bansa noong buwan ng Mayo ng taong kasalukuyan ayon sa Philippine Statistics Authority (PSA).

Sa ulat ni National Statistician and Civil Registrar General at PSA Undersecretary Dennis Mapa sa press conference kaugnay sa May 2022 Labor Force Survey (preliminary) results, pumalo pa sa 6.0% ang unemployment rate sa bansa noong buwan ng Mayo na may katumbas na 2.93 million na mga kababayan natin na walang trabaho.

Mas mataas ito kumpara sa naitalang 5.7% na unemployment rate noong buwan ng Abril o nasa 2.76 million na kabuuang bilang naman ng mga indibidwal na walang trabaho.

Ngunit mas mababa naman ito kung ikukumpara sa 7.7% jobless rate na naitala noong May 2021.

Paliwanag niya, hindi daw kasi lahat ng nadaragdag sa labor force participation ay tuluyang nakakakuha ng trabaho.

Samantala, iniulat din ni Usec. Mapa na nagkaroon din naman ng pagtaas sa employment rate sa nasabing buwan na pumalo naman sa 94% na mas mababa kumpara sa 94.3% na employment rate noong April 2022.

Walang overcharging na nangyari sa gitna ng iniuutos nitong refund sa mga customers ng Meralco -ERC

Posted on: July 9th, 2022 by @peoplesbalita No Comments

BINIGYANG-diin ng Energy Regulatory Commission na walang overcharging na nagawa ang Manila Electric Company (MERALCO) kasunod ng kautusang ibalik nito ang labis na singil na nakuha nito mula sa kanilang customers.

Sa Laging Handa briefing, sinabi ni ERC Chairperson Agnes Devanadera na hindi naman overcharging ang nangyari at sa halip ay diperensiya lamang sa kanilang naging projection noon at base sa aktuwal na pinagbabayaran ng MERALCO.

Aniya, kadalasan talaga ay nagkakaroon ng diperensiya at wala aniyang mali ukol dito.

Tinatayang, aabot sa 21.769 billion pesos ang iniutos ng ERC na i-refund sa mga customers nito partikular dulot ng overcollection mula July 2015 hanggang June 2022.

Base sa 68-page ERC order na may petsang June 16, 2022, kailangang mag-reflect na sa July billing ng mga customers nito ang refund. (Daris Jose)