2022 July 06 Archive - People's Balita

Archive for July 6th, 2022

Dahil sa killer clown na si Pennywise sa ‘IT’: ANDREA, ini-reveal sa vlog na may takot sa mga payaso

Posted on: July 6th, 2022 by @peoplesbalita No Comments

EXCITED na ang ilang Sparkle artists para sa magaganap na GMA Thanksgiving Gala sa July 30.

May kanya-kanya paghahanda ang ilang Kapuso hunks tulad nina Jak Roberto, Nikki Co, Kristoffer Martin at Dion Ignacio.

Si Jak ay gusto munang magbawas ng timbang para raw mas maganda ang lapat ng isusuot niyang suit sa gala: “Actually si Barbs ang naghanap lahat. Ang concern ko na lang, magpapayat. Kailangan kong mag-lose ng weight para maganda ‘yung fit.”

Si Kristoffer naman ay white suit ang napiling isuot sa gala dahil naaalala niya ang kanyang high school prom: “Na-excite ako sa mga sayaw-sayaw, sa mga kaibigan kong siyempre nandoon din.

Si Nikki naman ay looking forward sa gala dahil ito raw ang first time na magkakasama silang lahat na Sparkle artists pagkaraang ng dalawang taon: “The last time was like two years ago bago magkaroon ng pandemic. It’s just nice na magkita-kita ulit kaming lahat kahit walang taping.”

Makapagsusuot ulit si Dion ng formal tuxedo dahil noong magkaroon daw ng pandemic, sa bahay lang daw siya parati: “Dalawang taon din tayong na-stuck sa bahay lang dahil sa pandemic. Mag-enjoy lang kaming lahat sa gabing iyon.”

***

MAY takot pala sa mga payaso si Andrea Torres. Isa ito sa ni-reveal niya sa kanyang ni-launch na YouTube vlog.

Sa kuwento ng Kapuso sexy actress, nagsimula raw ang takot niya sa mga payaso o clowns dahil sa character na si Pennywise, ang killer clown sa suspense novel ni Stephen King na ‘IT’.

Bago kasi ginawang pelikula ang ‘IT’ noong 2017, ginawa muna itong 2-part mini-series noong 1990.

“Kasi noong bata ako, natutulog ako noon tapos pagkagising ko, saktong-sakto ‘yung nakakatakot na eksena sa IT, so iyak ako nang iyak. So ever since talaga, hindi ko kayang lumapit sa mga clown kapag may pinapadala sa school or kapag may party, umiiyak talaga ako. Talagang hindi ko kayang lumapit,” sey ni Andrea.

Ang tawag sa phobia na ito ni Andrea ay Coulrophobia or the fear of clowns. Makararanas ng “extreme, irrational reactions when they see clowns in person or view pictures or videos of clowns.”

Through the years ay unti-unting nao-overcome ni Andrea ang takot niya sa payaso, pero hindi si Pennywise sa IT. Kakaibang takot pa rin daw ang dala ni Pennywise sa kanya.

“Kasi na-prove ko ‘yan noong nagkaroon ng remake ng movie at tinry ko panoorin ‘yung trailer, hindi ko talaga mabuksan ‘yung mata ko. As in, pinapawisan ako, kinakabahan ako, ‘yung dibdib ko talagang kumakabog. Tingin ko brave person ako pero pagdating kay IT, hindi talaga,” diin pa ng aktres.

***

MAG-TURN 30 na pala ang former Disney child star na si Selena Gomez ngayong July.

Thankful ang singer-actress na naging maganda ang takbo ng kanyang buhay at career kahit na marami siyang pinagdaanan tulad ng kanyang personal na pakikipagrelasyon at ang buwis-buhay na kalusugan niya. Wala na raw siyang mahihiling pa.

“I have no idea what to expect. Getting older is weird, but I love it. And I’m finding out new things about myself. It’s honestly… I enjoy getting older. Here’s to 30,” sey pa ni Gomez.

Kasalukuyang pino-promote ni Selena ang season ng Hulu murder-mystery comedy series na ‘Only Murders In The Building’ kunsaan co-stars niya sina Steve Martin at Martin Short.

Happy si Selena na nakasama siya sa isang well-written series na tungkol sa trio ng amateur investigators na pilit maka-solve ng crime pero hindi maiwasan ang mga kapalpakan.

Wish ni Selena na magkaroon ng reboot ang pinagbidahan niyang 2007 series noon sa Disney na ‘Wizards of Waverly Place’. This time daw ay adults na sila ng mga co-stars niyang sina David Henrie, Jake T. Austin, Lucy Hale, Jennifer Stone, Gregg Sulkin at Dan Benson.

(RUEL J. MENDOZA)

Gilas Pilipinas tututok na sa FIBA Asia Cup

Posted on: July 6th, 2022 by @peoplesbalita No Comments

SESENTRO na ang atensiyon ng Gilas Pilipinas sa kampanya nito sa FIBA Asia Cup na aarangkada sa Hulyo 12 hanggang 24 sa Jakarta, Indonesia.

Magarbong tinapos ng Pinoy squad ang third window ng 2023 FIBA World Cup Asian Qualifiers na ginanap sa Mall of Asia Arena sa Pasay City kung saan pinataob nito ang India sa iskor na 79-63.

Kaya naman lilipat na ang atensiyon ng Gilas Pilipinas sa FIBA Asia Cup at inaasahang madaragdagan pa ang pool sa mga susunod na araw.

Tila malabo nang makapaglaro si Kai Sotto sa koponan dahil wala pa itong kumpirmasyon kung babalik ito sa Pilipinas para makasama ang Gilas squad.

Ayon kay Gilas Pilipinas program director Chot Reyes, hindi sumasagot ang East West Private –ang humahawak sa basketball career ni Sotto –sa komunikasyon ng Samahang Basketbol ng Pilipinas.

“We’re still hoping, but to be very honest, medyo malabo,” ani Reyes.

Dahil dito, ilang key players ang mapapasama sa lineup.

Ilan sa nais ni Gilas Pilipinas head coach Nenad Vucinic na madagdag sina Thirdy Ravena at Bobby Ray Parks Jr. na parehong naglaro sa Japan B.League.

“We are in a situation that we are playing unbalanced as a team. We don’t really have enough size, enough big guys that we can rotate. We are pla-ying William Navarro out of position as a big guy so it is difficult because of the composition of the team,” ani Vucinic.

Pinag-aaralan pang mahugot sina Poy Erram at Kelly Williams ng Talk ’N Text, at Gilas draftee Justin Arana ng Converge.

Ang tatlo ay naglalaro sa kani-kanyang mother team sa ginaganap na PBA Philippine Cup.

Sa FIBA Asia Cup, nasa Pool D ang Pilipinas kasama ang New Zealand, Lebanon at India.

Inflation pinakamataas simula Nobyembre 2018 matapos sumirit sa 6.1%

Posted on: July 6th, 2022 by @peoplesbalita No Comments

NAITALA nitong Hunyo ang pinakamabilis na pagtaas ng presyo ng bilihin sa Pilipinas sa nakalipas na 44 buwan matapos tumalon sa 6.1% ang inflation rate kasabay ng sunud-sunod na oil price hikes, pagtataya ng Philippine Statistics Authority (PSA).

Ito’y matapos nitong maungusan ang 5.4% inflation rate na naitala nitong Mayo, na noo’y pinakamataas simula noong Nobyembre 2018.

“Ang headline inflation o ang pagtaas ng presyo ng mga produkto at serbisyo sa bansa ay bumilis sa antas na 6.1% nitong Hunyo 2022,” ayon sa pahayag ng PSA, Martes.

Ang dahilan ng mas mataas na antas ng inflation nitong Hunyo 2022 ay ang mas mabilis na pagtaas ng presyo ng Food and Non-Alcoholic Beverages. Ito ay may 6.0% inflation at 58.3% share sa pagtaas ng pangkalahatang inflation sa bansa.”

Labis-labis pa rin ito sa 2-4% na target ng Bangko Sentral ng Pilipinas. Dahil dito, tumuntong na sa 4.4% ang average inflation mula Enero 2022 hanggang Hunyo 2022.

Huling mas mataas ang inflation noong Nobyembre 2018, kung kailan umabot ito sa 6% na siyang labis na nagpataas sa presyo ng mga bilihin at serbisyo.

Ang pangalawang commodity group na nagpakita ng mas mataas na inflation noong nakaraang buwan ay ang sektor ng transportasyon, na may 17.1 inflation at 31.7% share sa pagtaas ng pangkalahatang inflation sa bansa.

“Ito ay dahil sa mas mabilis na pagtaas ng presyo ng Gasoline, na may 53.9% inflation; Other Passenger Transport by Road, tulad ng pamasahe sa jeep, na may 2.7% inflation; at Diesel, na may 92.5% inflation,” patuloy pa ng PSA.

Matatandaang lumobo sa lagpas P80 hanggang P90/litro ang presyo ng gasolina noong Hunyo. Sa monitoring ng Department of Energy noong buwang ‘yon, umabot na sa P30/litro (gasolina), P45.9/litro (diesel) at P39.75/litro (kerosone) ang year-to-date adjustments.

Sa tuwing tumataas ang presyo ng produktong petrolyo, kalimitang tumataas din ang presyo ng mga pangunahing bilihin na kailangang i-transport sa iba’t ibang parte ng Pilipinas.

Dahil dito, Hunyo lang nang sabihin ng transport group na PISTON na isa sa limang tsuper ng jeep na ang naka-tigil pasada, lalo na’t nasa P200 hanggang P300 na lang daw ang naiuuwi nilang kita sa araw-araw.

Kaugnay nito, humirit tuloy ng P2 dagdag sa minimum pasahe sa jeep ang mga tsuper, dahilan para maaprubahan ang nasa P11 provisional na pasahe sa buong Pilipinas.

Sa kabila nito, bumaba naman ng P3/litro ang presyo ng diesel ngayong araw matapos ang limang sunod na linggo ng pagtataas.

Ang lahat ng ito ay natataon sa patuloy na pagbulusok ng halaga ng piso kontra dolyar, na siyang pinakamababa sa mahigit 16 taon noong nakaraang buwan. Kadalasang epekto ng peso depreciation ang mas mataas na halaga ng foreign goods ang services sa mga Pilipino gaya na lang iniaangkat na langis.

DOTr: BBM pinalawig ang libreng sakay sa EDSA Carousel

Posted on: July 6th, 2022 by @peoplesbalita No Comments

BINIGYAN ng go-signal ni President Ferdinand Marcos, Jr. ang pagpapatuloy ng libreng sakay sa EDSA Carousel bus rides hanggang katapusan ng taon.

Pinalawig pa ang pagbibigay ng libreng sakay upang mabawasan ang nararanasan na financial burden ng mga consumers mula sa pagtaas ng mga presyo ng mga pangunahing bilihin at serbisyo dahil sa patuloy na pagtaas ng presyo ng produktong petrolyo sa merkado.

“The President signed the memorandum drafted by the Department of Transportation (DOTr), which said it considered the availability of the budget for service contracting under the 2022 General Appropriations Act for the extension of the free bus rides that started in April,” wika ng DOTr.

Kasama rin sa nasabing memorandum ang pagbibigay ng libreng sakay sa Metro Rail Transit Line 3 (MRT3), Light Rail Transit Line 1 at Philippine National Railways (PNR) na magsisimula ngayon August kapag nagbukas na ang face-to-face na klase ng mga paaralan.

Nasa ilalim din ng nasabing memorandum na tinatapos na ang pagbibigay ng libreng sakay sa mga pasahero ng MRT 3. Kinakailangan gawin ito sapagkat sa ngayon ang MRT 3 fare ay heavily subsidized na ng pamahalaan.

Ang nasabing libreng sakay naman sa mga rail lines ay magsisimula sa August. 22 hanggang November 4 para lamang sa mga estudyante. Wala pa naman konkretong mechanics ang nilalabas ng DOTr para sa pagpapatupad ng nasabing libreng sakay.

Inaasahan ng Department of Education na may mahigit kumulang sa 38,000 na mga paaralan ang magbubukas ng face-to-face classes ngayon darating na pasukan.

“The move will ease the burden of rising living expenses on Filipino families and help them save money – especially with the return of face-to-face classes after more than two years,” dagdag ng DOTr.

Ang libreng sakay sa MRT 3 ay nakatulong sa mahigit na 28.62 million na pasahero na sumakay mula noong March hanggang June 30 kung saan nagsimulang tumaas ang presyo ng mga pangunahing pangangailangan ng mga tao lalo na ang pagkain.

Gumastos ang DOTr ng mahigit na P500 million para sa programang pagbibigay ng libreng sakay sa mga pasahero ng MRT 3.

Samantala, pinahayag din ng DOTr na wala munang mangyayari pagtataas ng pamasahe sa MRT 3. Sa ngayon ang MRT 3 fare ay mula P13 hanggang P28. Ang mga senior citizens ay binibigyan ng 20 porsientong discount.

“These fares are currently subsidized by the rail management. For example, you pay P28, that is not the actual fare. It is even doubled,” saad ni MRT 3 general manager Michael Capati. LASACMAR

Kai Sotto hindi na isinama ng Gilas Pilipinas sa kanilang laban sa 2022 FIBA Asia Cup

Posted on: July 6th, 2022 by @peoplesbalita No Comments

HINDI na isinama ng Gilas Pilipinas si Kai Sotto para sa 2022 FIBA Asia Cup na gaganapin sa Indonesia.

Ayon kay Samahang Basketbol ng Pilipinas (SBP) program director Chot Reyes, na makailiang beses na silang nakipag-ugnayan sa kaniyang handler sa East West Private subalit wala silang natatanggap na anumang kasagutan.

Dahil aniya sa nalalapit na ang nabanggit na torneo ay minabuti nilang hindi na isama sa listahan ang 7 foot 3 na manlalaro.

Malaki ang paniniwala ni Reyes na posibleng abala na rin si Sotto para NBA dream nito.

Hindi naman aniya nila isinasara ang posibilidad na maisama ang 20-anyos na si Sotto.

Gaganapin ang 2022 FIBA Asia Cup sa darating na Hulyo 12 hanggang 24.

Singil ng kuryente posibleng tumaas dahil sa SC decision

Posted on: July 6th, 2022 by @peoplesbalita No Comments

POSIBLENG tumaas ang singil ng kuryente sa bansa matapos na ideklara ng Korte Suprema na “null and void” ang kautusan ng Energy Regulatory Commission na nagpapatupad ng regulated power rates sa Wholesale Electricity Spot Market (WESM) noong Nobyembre at Disyembre 2013.

Base sa court desisyon na ipinalabas ni SC Associate Justice Jhoseph Y. Lopez at dating Chief Justice Alexander Gesmundo ,Associate Justices Estela Perlas -Bernabe at Marivic Leonen na ang kautusan ng ERC na pumipigil sa 2013 Luzon rates at sa halip na ipinatupad ay regulated price ay base sa tinatawag na “unfinished investigation”.

Ang rates aniya sa nasabing panahon ay hindi reasonable, rationale at competitive dahil sa confluence of factors”.

Inaatasan din aniya ng ERC ang Philippine Electricity Market Corp ang operator ng WESM na mag-recalculate ng kanilang rates.

Ang hakbang din ng SC ay base sa mga petisyon na inihain sa kanila sa pag-apruba umano ng ERC sa request ng MERALCO ng pagkulekta ng automatic rate adjustments mula sa generation cost noong Nobyembre 2013.

Tiniyak naman ng Meralco na kanilang pag-aaralan muna ang desisyon ng korte at hindi agad sila magpapatupad ng taas singil sa kuryente. (Daris Jose)

MEET ACE THE HOUND IN “DC LEAGUE OF SUPER-PETS”

Posted on: July 6th, 2022 by @peoplesbalita No Comments

HE won’t sit or stay, but trust that he’ll save you any day. Kevin Hart is the voice of Ace in Warner Bros. Pictures’ animated action adventure “DC League of Super-Pets.”

Check out the featurette “Meet the Pets – Ace the Hound” below and watch the film in cinemas across the Philippines July 27.

YouTube: https://youtu.be/cVTESqSmyVY

In the film, Krypto the Super-Dog and Superman are inseparable best friends, sharing the same superpowers and fighting crime in Metropolis side by side. When Superman and the rest of the Justice League are kidnapped, Krypto must convince a rag-tag shelter pack—Ace the hound, PB the potbellied pig, Merton the turtle and Chip the squirrel—to master their own newfound powers and help him rescue the Super Heroes.

The leader of the shelter pack, ACE is a sarcastic hound who’s spent most of his life in a Metropolis animal shelter planning his escape. Strong and seemingly invulnerable, he employs a tough guy attitude that masks his soft underbelly. Ace may act like he’s fine flying solo, but he’ll join the others in battle if it means not only saving the Justice League but getting Krypto to lead them all to greener pastures.

About “DC League of Super-Pets”

Dwayne Johnson stars as the voice of Krypto the Super-Dog in Warner Bros. Pictures’ animated action adventure feature film “DC League of Super-Pets,” from director Jared Stern.

The film also stars the voices of Kevin Hart (the “Jumanji” and “Secret Life of Pets” films), Kate McKinnon (“Saturday Night Live,” “Ferdinand”), John Krasinski (the “Quiet Place” films), Vanessa Bayer (“Saturday Night Live”), Natasha Lyonne (“Show Dogs”), Diego Luna (“Rogue One: A Star Wars Story”), Marc Maron (“Joker”), Thomas Middleditch (“Godzilla: King of the Monsters”), Ben Schwartz (“Sonic the Hedgehog”), and Keanu Reeves (the “Matrix” and “John Wick” films).

In “DC League of Super-Pets,” Krypto the Super-Dog and Superman are inseparable best friends, sharing the same superpowers and fighting crime in Metropolis side by side. When Superman and the rest of the Justice League are kidnapped, Krypto must convince a rag-tag shelter pack—Ace the hound, PB the potbellied pig, Merton the turtle and Chip the squirrel—to master their own newfound powers and help him rescue the Super Heroes.

Stern, a veteran writer/consultant on the “LEGO®” movies, makes his animated feature film directorial debut, directing from a screenplay he wrote with frequent collaborator John Whittington, based on characters from DC, Superman created by Jerry Siegel and Joe Shuster. The film is produced by Patricia Hicks, Dwayne Johnson, Dany Garcia, Hiram Garcia and Jared Stern. The executive producers are John Requa, Glenn Ficarra, Nicholas Stoller, Allison Abbate, Chris Leahy, Sharon Taylor and Courtenay Valenti.

Warner Bros. Pictures Presents A Seven Bucks Production, “DC League of Super-Pets.” The film will be released by Warner Bros. Pictures in Philippine theaters July 27.

Join the conversation online and use the hashtag #DCSuperPets

(ROHN ROMULO)

Kyrgios at Tsitsipas minultahan ng Wimbledon

Posted on: July 6th, 2022 by @peoplesbalita No Comments

PINATAWAN ng multa ng Wimbledon ang sina tennis star Nick Kyrgios at Stefanos Tsitsipas.

Ito ay matapos ang naganap na bangayan nila ng sila ay magharap sa ikatlong round ng nasabing torneo.

Mayroong $10,000 na multa ang world number 5 na si Tsiptsipas dahil sa unsportmanlike conduct.

Itinuturing na ito na ang pinakamalaking multa na naipataw ng Wimbledon sa isang manlalaro.

Kahit na humingi ng ng paumanhin ang Australian player matapos na tamaan ang bola sa stands ay hindi pa rin ito pinalampas ng mga organizers.

Mayroong $10,000 na multa ang world number 5 na si Tsiptsipas dahil sa unsportmanlike conduct.

Itinuturing na ito na ang pinakamalaking multa na naipataw ng Wimbledon sa isang manlalaro.

Kahit na humingi ng ng paumanhin ang Australian player matapos na tamaan ang bola sa stands ay hindi pa rin ito pinalampas ng mga organizers.

Ang 27-anyos na si Kyrios ay makailang beses ng inireklamo dahil sa magaspang nitong pag-uugali sa playing court.

DTI, pinag-aaralan na ngayon ang ilang kahilingan ng mga manufacturer na magtaas ng presyo sa bilihin

Posted on: July 6th, 2022 by @peoplesbalita No Comments

PINAG-AARALAN na ngayon ng Department of Trade and Industry (DTI) ang kahilingan ng ilang mga pangunahing bilihin na magtaas ng presyo sa mga bilihin sa bansa.

Ito ay sa gitna pa rin ng kinakaharap na mataas na presyo ng produktong petrolyo na nagbubunsod naman ng pagtaas ng bilihin sa merkado.

Pag-amin ni DTI Usec. Ruth Castelo, dahil dito ay nakakatanggap na ang kanilang kagawaran ng ilang mga kahilingan sa mga manufacturers sa bansa na magtaas pa ng presyo ng kanilang produkto.

Ngunit paglilinaw niya, ito ay kinakailangan pang sumailalim sa kanilang proseso bago mapahintulutan.

Sa bahagi naman ng mga mamimili ay sinabi ni Castelo na natural lang sa mga ito na maapektuhan ng mga pagtaas na bilihin.

Pero masasabi naman daw niya na naiintindihan ng mga consumers ito ng mga consumers at ang mahalaga ay nananatiling kontrolado at bantay sarado ng kagawaran ang halaga ng mga produktong binebenta sa merkado partikular na sa mga bilihing kabilang sa suggested retail price (SRP) bulletin ng DTI.

Samantala, tiniyak naman ng opisyal na magpapatuloy ang kanilang isinasagawang pagbabantay sa presyo ng mga bilihin at hindi ito basta-bastang maaaring galawin ng mga manufactures kahit na nagpalit na ngayon ang administrasyon.

Dahil may umiiral na non-disclosure agreement: Sen. ROBIN, pasok sa ‘Maid in Malacanang’ pero palaisipan pa ang role

Posted on: July 6th, 2022 by @peoplesbalita No Comments

MAY umiiral palang NDA (non-disclosure agreement) sa pagitan ng Viva Films at sa bumubuo ng production ng “Maid in Malacanang” na dinidirek ni Darryl Yap.

Ang ibig sabihin nito, walang pwedeng lumabas na balita tungkol sa movie at sa shooting, kung walang pahintulot ni Boss Vic del Rosario at ng Viva Films. Kaya lahat ng involved sa shooting ay hindi pwedeng tanungin ng nangyayari tungkol sa movie, kung hindi sila nagpaalam at pinayagan ng Viva Films.

Kaya nang ilabas ni Direk Darryl ang picture ni Senator Robin Padilla na nakasuot ng uniform ng isang sundalo, walang makapagsabi kung ano ang role niya sa movie, may nagtatanong kung siya raw ang gaganap sa character ni General Fabian Ver o ni Gringo Honasan na isang key player sa 1986 EDSA Revolution.

Hindi kataka-taka kung may iba pang artistang papasok na bubuo sa movie, bukod kina Cesar Montano as President Ferdinand E. Marcos, Ruffa Gutierrez as Madame Imelda Marcos and their children Imee (Cristine Reyes), Bongbong (Diego Loyzaga) at Irene (Ella Cruz).

Malapit na silang matapos ng shooting dahil may playdate na ito sa mga sinehan nationwide sa July 20. Marami nang nag-aabang sa movie na magpapakita ng last 72 hours bago nilisan ng mga Marcos ang Malacanang Palace.

***

TRENDING daily ang GMA Afternoon Prime series na “Apoy Sa Langit,” dahil na rin sa na-discover ng mga netizens na bagong young kontrabida, si Kapuso actress Lianne Valentin.

No wonder na laging mainit ang suporta ng mga netizens kaya madalas mag-viral sa Facebook at Twitter ang mga episodes nito, na madalas ay ang mga eksena between Lianne as Stella and Maricel Laxa as Gemma.

Noong isang araw ay nakakuha ng 2.2 million views ang episode nilang “Pictorial Turned Disaster” at ang sumunod na episode na “Stubborn Stella on the Loose” na nakakuha ng 4 million views.

Sa story ay mag-asawa sina Gemma at Cesar (Zoren Legaspi) at si Stella ay mistress ni Cesar pero nagpanggap silang mag-ama. Sabay na nagbuntis sina Gemma at Stella kaya laging naiinggit si Stella kapag binibigyan ng atensyon ni Cesar si Gemma. Kaya lagi siyang nagpaplano ng masama kay Gemma na madalas namang pumapalpak at nadadamay pa ang ibang kasama nila sa bahay, para pagtakpan ni Stella ang mga kamalian niya.

Pero ang maganda kahit nakakainis ang character ni Stella, hangang-hanga ang mga viewers sa husay ng pagganap niya. “Nakakaloka talaga ang story, parang totoo. Araw-araw inaabangan ko ito. Ang galing nila, super!” comment pa sa Facebook.

Napapanood ang “Apoy sa Langit,” Mondays to Saturdays, 2:30PM, after “Eat Bulaga.”

***

SUNUD-SUNOD na ang work ng mga Sparkada ng GMA Artist Center.

Isa rito ang Sparkada love team nina Miguel Tanfelix at Ysabel Ortega, na dalawang projects ang ginagawa ngayon, ang matagal nang inaabangang “Voltes V: Legacy” at ang romantic-comedy series na “What We Could Be” na mula sa production ng Quantum Films.

Parehong serye ang dalawang projects nila kaya mahabang panahon ang ginugugol nila sa dalawang set.

Nauna nilang sinimulan ang “Voltes V: Legacy,” on June, 2021, pero dahil sa mabusising production ng live-action anime adaptation, hindi pa rin sila tapos, pero ayon sa Instagram post ni director Mark Reyes, malapit na raw silang matapos ng taping.

Pero hindi naiinip sina Miguel at Ysabel kahit dalawang projects ang ginagawa nila, dahil nakahanap sila ng bagong family habang nasa lock-in taping sila, kasama ang cast mates nila na karamihan ay katulad nilang mga Sparkle artists din.

(NORA V. CALDERON)