MAY KAKAYAHAN na ang Research Institute for Tropical Medicine (RITM) na makatukoy ng kaso ng monkeypox na kumalat na sa iba’t ibang bansa sa mundo.

Ayon sa RITM, pinakalakas nila ang kanilang ‘real-time PCR (polymerase chain reaction) assay’ para makatukoy ng monkeypox virus at maging ang kanilang ikalawang ‘PCR assay’.

Tanging mga suspect cases at ang mga sumusunod sa ‘procedures for referral’ ang mapo-proseso nila ng RITM, base sa isang memorandum ng Department of Health (DOH).

May kakayahan na ang Research Institute for Tropical Medicine (RITM) na makatukoy ng kaso ng monkeypox na kumalat na sa iba’t ibang bansa sa mundo.

Ayon sa RITM, pinakalakas nila ang kanilang ‘real-time PCR (polymerase chain reaction) assay’ para makatukoy ng monkeypox virus at maging ang kanilang ikalawang ‘PCR assay’.

Tanging mga suspect cases at ang mga sumusunod sa ‘procedures for referral’ ang mapo-proseso nila ng RITM, base sa isang memorandum ng Department of Health (DOH).

Ang virus ay naililipat sa pamamagitan ng hindi protektadong kontak sa pamamagitan ng ‘respiratory droplets’ at may ‘incubation period’ mula lima hanggang 21 araw, ayon kay Dr. Marissa Alejandria, miyembro ng DOH-technical advisory group on infectious diseases.

Kabilang sa mga sintomas nito ay ang lagnat, paglaki ng lymph nodes, sakit ng ulo, panginginig, sore throat, malaise at pagkapagod.

NAPILI si dating  Department of Agriculture (DA) Secretary Emmanuel “Manny” Piñol para magsilbi bilang  food security adviser  kay incoming National Security Adviser (NSA) Clarita Carlos.

“Yes . Actually, si Secretary Clarita Carlos kaibigan kong matagal na. She was my consultant when I was DA Secretary,” ayon kay Piñol.

Ani  Piñol, sinang-ayunan niya si  Carlos na ang food security at dapat na ikonsidera bilang national security concern.

“Food security is an important component of national security,” anito.

Si Piñol  ay itinalaga bilang Agriculture secretary noong2017 subalit nagbitiw sa tungkulin noong 2019 matapos ang sinasabing “conflict” sa  economic team ng administrasyong Duterte.

Aniya, ang nagbabadyang  food crisis ay nararamdaman na ng mga mamamayang Filipino.

Sinabi pa nito na may banta sa food security dahil sa  limited volume ng rice exportation at mataas na presyo ng trigo ng mga bansang Thailand at Vietnam.

Ayon kay Piñol, “the Philippines was close to reaching rice self-sufficiency in 2017 but it was hindered by the implementation of the Rice Tariffication Law, which allows more importation.”

“Nandoon na sana tayo, 2017, for the first time, sa kasaysayan ng Pilipinas, umani tayo ng mataas na ani, 19.28 million metric tons,”  dagdag na pahayag nito.

Ayon sa kanya, ang bansa ay mayroong kakapusan sa bigas na 700,000 metric tons noong 2017.

Ang bansa aniya ngayon ay umaangkat ng  3 million metric tons ng rice  para punan ang supply gap.

Dahil dito, inirekomenda ni Piñol  ang rice sufficiency strategy roadmap na nakatuon sa irigasyon, paggamit ng high quality hybrid at inbred seeds, fertilizers, at pagbuo ng “good price.”

Aniya, “half of the rice fields could be harvested only once a year due to lack of irrigation, which caused low national average yield per hectare.”

Bago pa umalis sa kanyang puwesto, na-organisa na ni Piñol ang P40-billion loan mula Israel  upang magtayo ng solar-powered irrigation system, kabilang na ang technical support, na maaaring sumakop sa 500,000 ektarya ng lupa.

“Anong nangyari? Nandoon, natutulog sa [National Economic and Development Authority – Investment Coordination Committee] yung offer ng Israel na P40 billion na pautuang,” ayon kay Piñol.

‘Building the project would only take three months, which he said is faster compared to the construction of traditional irrigation from dams,” aniya pa rin.

Ang bigas anoya ay dapat na mayroong “good pricing” dahil sa “profitability motivates productivity.” (Daris Jose)

WALANG dapat na ipangamba ang publiko sa paghina ng piso kontra dolyar.

Ito ang sinabi ni Bangko Sentral ng Pilipinas (BSP) Gov. at incoming Finance Secretary Benjamin Diokno matapos pumalo sa  P54.47 ang piso kontra dolyar.

Itinuturing kasi na ito ang pinakamahinang halaga nito sa loob ng halos 17 taon.

Dahil sa iba’t ibang dahilan partikular na sa mga nangyayari sa ibang bansa ay apektado na ang ilang maliliit na negosyanteng nag-aangkat ng produkto mula ibang bansa.

“It is not a reflection of.. to weakness of the economy. It’s just that masyadong malakas ang dolyar at sabi ko nga, if you compare us to the rest of Asian economies including Japan, nasa middle tayo,” ani Diokno.

Aniya pa, maganda ang lagay ng ekonomiya.

Sa kabilang banda, pabor din naman ang paglakas ng dolyar sa mga OFWs dahil lalaki ang halaga ng padala nilang pera sa Pilipinas.

‘Hindi ka naman mahilig sa mga  imported goods. Hindi ka naman maaapektuhan. Hindi naman tayo dapat matakot na..  again i’ve seen many crisis in the past .. basta may crisis tayo ay nauubusan tayo ng dolyar dahil pambayad ng utang, noh?. Hindi tayo ganoon ngayon,” lahad ni Diokno.

Subalit para naman kay JG Summit President & CEO Lance Y. Gokongwei , na may negosyo sa airlines at mall, parehong may maganda at hindi magandang dulot ang mahinang piso lalo’t marami sa kanilang mga supplies at food inputs ay galing abroad.

Iyon nga lamang posibleng tumaas naman ang pasahe sa airlines at iba pang produkto kung magtutuloy-tuloy ang pagmahal ng presyo ng krudo at paghina ng piso. (Daris Jose)