2022 June Archive - People's Balita

Archive for June, 2022

Sara Duterte spokesperson, Mayor Frasco next Tourism secretary, Erwin Tulfo magiging DSWD chief ni Marcos

Posted on: June 1st, 2022 by @peoplesbalita No Comments

LIMA pang mga incoming cabinet members o top officials ni President-elect Ferdinand Marcos jr. ang inanunsiyo ngayon ng kanyang spokesperson na si Atty. Trixie Angeles.

Tatayong kalihim ng Presidential Management Staff na siyang nagsisilbing “in-house think tank” ay si dating Manila Rep. Naida Angping.

Habang ang susunod na magiging Tourism secretary ay si Liloan Cebu Mayor Christina Frasco na siya namang tumatayong spokesperson ni Vice President-elect Sara Duterte-Carpio.

Una nang inamin ni Mayor Frasco na hindi niya maiiwan ang kanyang mga constituents lalo na at nasa ikatlo at huling termino na niya ang pagiging alkalde matapos na manalo sa katatapos lamang na halalan.

Ang mister ni Frasco na si Duke, ay reelected din bilang representative ng 5th district ng Cebu.

Samantala magiging Department of Information and Communications Technology (DICT) secretary naman ng Marcos administration si Atty. Ivan John Enrile Uy.

Ang broadcaster na si Erwin Tulfo ay na-appoint din bilang incoming DSWD secretary.

Kung maalala una nang nagkairingan sina Tulfo at kasalukuyang DSWD secretary at ret. Gen. Rolando Bautista dahil sa hindi umano ito nagpapa-interview.

Kaugnay nito, hinirang din ni Marcos si Amenah Pangandaman bilang kanyang magiging Budget secretary.

Si Pangandaman ay ang kasalukuyang Bangko Sentral ng Pilipinas assistant governor, at dati na rin siyang nagsilbing undersecretary at assistant secretary ng DBM.

Marcos Jr., binati ang ‘BFF’ na si Sara Duterte ng ‘happy birthday’

Posted on: June 1st, 2022 by @peoplesbalita No Comments

TINAWAG ni President-elect Ferdinand Marcos Jr. si Vice President-elect Sara Duterte-Carpio na kanyang “BFF”, kasabay ito ng pagdiriwang ng huli ng kanyang ika-44 kaarawan.

Ang BFF ay nangangahulugan na “Best Friend Forever.”

“Happy Birthday Mam Vice President!” ang pahayag ni Marcos sa kanyang Facebook post.

“Cheers to the best running mate and BFF anyone could wish for!” aniya pa rin.

Matatandaang, noong nakaraang taon, nanguna ang magkapatid na Imee at Bongbong Marcos sa paglipad sa Davao City para personal na batiin sa kanyang kaarawan si Davao City Mayor Sara Duterte-Carpio.

Sabado pa lang, Mayo 29, 2021, magkakasama nang nananghalian sina Duterte-Carpio, Imee, at Bongbong para ipagdiwang ang ika-43 birthday ng anak ni Pangulong Rodrigo Duterte.

Mayo 31, ang mismong kaarawan ng alkalde.

“I would like to thank Sen. Imee and former Sen. Bongbong Marcos for their birthday greetings and my husband for the lunch he hosted,” sabi ni Duterte-Carpio.

Pinasalamatan naman ng mayora ang mga supporters niya na nag-virtual concert noong Linggo para sa kaniyang birthday. Pinaalalahanan niya ang lahat na manatiling ligtas.

Personal namang bumati si House Majority Leader Martin Romualdez kay Duterte-Carpio. Si House Speaker Lord Allan Velasco naman, bumati rin bitbit ang mga pirmadong birthday greetings ng mga kongresista. (Daris Jose)

Administrasyong Duterte ‘doer not a talker’

Posted on: June 1st, 2022 by @peoplesbalita No Comments

“ACTIONS speak louder than words and the results speak for themselves.”

Ito ang paglalarawan ni Presidential Adviser on Covid-19 Response, Secretary Vince Dizon sa administrasyon ni Pangulong Rodrigo Roa Duterte.

Para kay Dizon, “talk is cheap” at kinukunsidera niya ang kanyang sarili na “napaka-suwerte” na makatrabaho ang economic team ng Pangulo at maging bahagi ng “Build, Build, Build” team sa loob ng limang taon.

“I can tell you that under the leadership of the President, under the leadership of (Finance Secretary) Sonny Dominguez, (Transportation) Secretary Art Tugade, former (Public Works) Secretary and now senator-elect Mark Villar, and of course, our Executive Secretary, Salvador Medialdea, no one exemplifies those three quotes better than the economic team and the ‘Build, Build, Build’ team. So please let us give credit where credit is due and these are the men who exemplify the best of public service,” ayon kay Dizon sa Duterte Legacy Summit sa Philippine International Convention Center sa Pasay City, araw ng Lunes.

Pinuri ni Dizon ang “unprecedented” whole-of-government approach ng administrasyong Duterte sa national agencies, local government units, at pribadong sektor para labanan ang epekto ng Covid-19 pandemic para sa mahigit na dalawang taon na ngayon.

“I dare say, if not for the very bold, decisive, and swift action of the President and the likes of (vaccine czar) Secretary Carlito Galvez, (Local Government) Secretary Ed Año, (Defense) Secretary (Delfin) Lorenza, and (Health) Secretary Francisco Duque, we would not be here where we are today,” ayon kay Dizon.

“That unprecedented whole-of-nation call of the President signaled unprecedented cooperation,” dagdag na pahayag nito.

Matapos aniya ang mga taon na pagharap sa krisis sa pangkalusugan, sinabi ni Dizon na naibalik ng pamahalaan ang trabaho, negosyo at normal na operasyon ng transportation sector.

Pinuri rin niya ang “unprecedented” cooperation at partnership ng private sector sa pamahalaan upang mas lalo pang palakasin ang pandemic responses, kabilang na ang pagtatayo ng Covid-19 testing laboratories at treatment facilities, at maging ang pagpapaigting ng vaccination program.

Ang National Task Force Against Covid-19, sa pangunguna ni Galvez, ay palaging nasa forefront ng vaccine procurement at inoculation program, tinukoy ito ni Dizon habang inaalala na hinarap nila ang kaliwa’t kanang pambabatikos sa simula pa lamang ng programa.

“The government’s massive and collaborative efforts allowed the Philippines to acquire over 200 million doses of Covid-19 vaccines,” ani Dizon sabay sabing ang mga suplay ay “more than enough” para sa proteksyon ng mga Filipino laban sa nakamamatay na sakit. (Daris Jose)

“ELVIS” SHAKES UP CANNES WITH A 12-MINUTE STANDING OVATION

Posted on: June 1st, 2022 by @peoplesbalita No Comments

THE stars (led by Austin Butler and Tom Hanks) and filmmakers (led by director Baz Luhrmann) of Warner Bros.’ “Elvis” were out in full force at the movie’s gala premiere in Cannes Film Festival, where the film received a 12-minute standing ovation — the longest at this year’s event.

Check out the images below from the daytime photocall and evening red carpet events for “Elvis” in Cannes. Don’t miss the film only in theaters across the Philippines starting June 22.

About “Elvis”

ELVIS is an epic, big-screen spectacle from Warner Bros. Pictures and visionary, Oscar-nominated filmmaker Baz Luhrmann that explores the life and music of Elvis Presley, starring Austin Butler and Oscar winner Tom Hanks.

A thoroughly cinematic drama, Elvis’s (Butler) story is seen through the prism of his complicated relationship with his enigmatic manager, Colonel Tom Parker (Hanks). As told by Parker, the film delves into the complex dynamic between the two spanning over 20 years, from Presley’s rise to fame to his unprecedented stardom, against the backdrop of the evolving cultural landscape and loss of innocence in America. Central to that journey is one of the significant and influential people in Elvis’s life, Priscilla Presley (Olivia DeJonge).

Starring alongside Butler and Hanks, award-winning theatre actress Helen Thomson plays Elvis’s mother, Gladys, Richard Roxburgh portrays Elvis’s father, Vernon, and DeJonge plays Priscilla. Luke Bracey plays Jerry Schilling, Natasha Bassett plays Dixie Locke, David Wenham plays Hank Snow, Kelvin Harrison Jr. plays B.B. King, Xavier Samuel plays Scotty Moore, and Kodi Smit-McPhee plays Jimmie Rodgers Snow.

Also in the cast, Dacre Montgomery plays TV director Steve Binder, alongside Australian actors Leon Ford as Tom Diskin, Kate Mulvany as Marion Keisker, Gareth Davies as Bones Howe, Charles Grounds as Billy Smith, Josh McConville as Sam Phillips, and Adam Dunn as Bill Black.

To play additional iconic musical artists in the film, Luhrmann cast singer/songwriter Yola as Sister Rosetta Tharpe, model Alton Mason as Little Richard, Austin, Texas native Gary Clark Jr. as Arthur Crudup, and artist Shonka Dukureh as Willie Mae “Big Mama” Thornton.

Oscar nominee Luhrmann (“The Great Gatsby,” “Moulin Rouge!”) directed from a screenplay by Baz Luhrmann & Sam Bromell and Baz Luhrmann & Craig Pearce and Jeremy Doner, story by Baz Luhrmann and Jeremy Doner. The film’s producers are Luhrmann, Oscar winner Catherine Martin, Gail Berman, Patrick McCormick and Schuyler Weiss. Toby Emmerich, Courtenay Valenti and Kevin McCormick executive produced.

A Warner Bros. Pictures Presentation, A Bazmark Production, A Jackal Group Production, A Baz Luhrmann Film, “Elvis” will be distributed worldwide by Warner Bros. Pictures. It is set to release in theaters in the Philipines beginning 22 June 2022.

Join the conversation online and use the hashtag #ElvisMovie

Ads June 1, 2022

Posted on: June 1st, 2022 by @peoplesbalita No Comments

DATING OPISYAL NG BIR SINAMPAHAN NG KASO NG NBI

Posted on: June 1st, 2022 by @peoplesbalita No Comments

NAGHAIN ng apat na kaso ang National Bureau of Investigation (NBI) laban sa opisyal ng Bureau of Internal Revenue (BIR) .

Binanggit ni NBI Regional Director Moises Tamayo ang respondent sa kaso bilang Revenue Officer IV na si Flora Albao ng BIR’s Revnue District Office-93A (RDO-93A).

Sinabi ni Tamayo na ang mga kasong inihain laban kay Albao ay paglabag sa 294 of the Revised Penal Code; Tax Reform Act of 1997; Anti-Graft and Corrupt Practices Act; Code of Conduct and Ethical Standards for Public Offices and Employees.

Si Albao ay nasa pansamantalang nasa kustodiya ng NBI matapos siyang maaresto sa entrapment noong Biyernes sa tanggapan ng RDO-15 sa Barangay Zone 4.

“The entrapment operation was launched after a businesswoman filed a complaint of harassment (against the suspect),”sabi ni Tamayo sa isang interview.

Sinabi ni Tamayo na nakatanggap ang negosyanteng babae ng notice na nagsasaad na mayroon siyang P30.7 milyon na tax liabilities at binigyan ng limang araw para mag-ulat sa RDO-93A.

Nagtungo sa opisina ng BIR ang megosyante at inutusang magsumite ng mga kaukulang dokumento para mabawasan ang kanyang buwis.

Inalok din umano ni Albao ang negosyante na mababawasan ang kanyang tax liabilities kapag nagbayad ito ng P1 milyong “SOP” o standard operating procedure.

Sa takot ng negosyante nagbigay ito ng pera ngunit P500,000 lamang ang kaya niyang maibigay Kaye Albao.

“She (businesswoman) was given a grace period to pay the remaining amount of PHP500,000 but the complainant, upon sensing she is being extorted, decided to report to our office,” sabi ni Tamayo.

Aniya ang suspek ay nahuli sa “flagrante delicto” sa panahon ng operasyon. (GENE ADSUARA)

Inihayag na six years na lang sa showbiz: BEAUTY, tutuparin ang ipinangako sa kanyang mag-ama

Posted on: June 1st, 2022 by @peoplesbalita No Comments

THANKFUL and feeling blessed si Kapuso actress Beauty Gonzalez, na simula nang lumipat siya sa GMA Network, sunud-sunod at iba-iba ang mga characters that she is playing.

First project niya ang romantic-drama series na Loving Miss Bridgette with Kelvin Miranda. Nasundan agad ito ng I Can See You: AlterNate, katambal si Kapuso Primetime King Dingdong Dantes who played a dual role.

Ngayon, patapos na ang lock-in taping ng third teleserye niya, ang The Fake Life, at doon na nag-celebrate ng birthday niya last Saturday, May 28.

“Mas matindi po ang character kong ginagampanan dito na talagang pinaghandaan ko, nagpagupit ako ng bangs para iba naman ang mapapanood sa akin nga mga viewers,” kuwento ni Beauty sa zoom mediacon.

“Marupok na malandi ang character ko rito, at salamat kay Direk Adolf Alix, Jr., na-execute ko ang character ko. First time ko lamang nakatrabaho ang mahuhusay na actors na sina Ariel Rivera at Sid Lucero, si Ms. Tetchie Agbayani, gayundin ang ilan sa mga new Sparkles artists ng GMA.”

Inihayag na rin ni Beauty na six years na lamang siya sa showbiz. Promise daw niya iyon sa kanilang only daughter, si Olivia, ng husband niyang art curator na si Norman Crisologo.

“She’s now six years old at madalas ang daddy niya ang kasama at nag-aalaga sa kanya kapag may work ako, lalo ngayon, na lagi akong may lock-in taping. Kapag teenager na siya, I really have to be back home na para alagaan sila at bond with them.”

Sa June 6 na ang world premiere ng The Fake Life at 4:15 pm, after Raising Mamay. Papalitan nila ang Artikulo 247 na finale na sa Friday, June 3 at excited na ang mga viewers, kung matutuloy na ang kasal nina Jane (Rhian Ramos) at Noah (Benjamin Alves) at liligaya na sila pagkatapos ng maraming paghihirap na inabot nila kay Klaire (Kris Bernal)?

Aabangan din kung sino pa ang susunod na paghihigantihan ni Klaire, at kung ano ang kanyang magiging katapusan.

***

LABIS naman ang pasasalamat ng GMA Network at ang buong cast ng Afternoon Prime series na Apoy sa Langit, na tinutukan ng mga televiewers, Mondays to Saturdays, right after Eat Bulaga.

Tampok sa serye sina Zoren Legaspi, Mikee Quintos, Dave Bornea, Lianne Valentin, at si Ms. Maricel Laxa-Pangilinan.

It seems naghihintay ang mga netizens kung kailan mahuhuli sina Cesar (Zoren) at Stella (Lianne) na pagpapanggap na mag-ama, pero ang totoo ay lovers sila, kaya araw -araw ay tumataas ang viewership nito. Kailan lamang sila nagsimulang mapanood pero umaabot na sa 9 million views ang episode at malamang papataas pa ito.

Ang hinihintay ng mga netizens, kailan paniniwalaan ni Gemma (Maricel) na tama ang sinasabi ng anak na si Ning (Mikee) na may babae si Cesar? Paano kung malaman niyang si Stella iyon na itinuturing niyang sister dahil sa kabaitang ipinakikita nito?

***

MATAGAL-TAGAL na rin, simula ng pandemic, na ibinalik muna ng GMA Network ang simula ng story ng family sitcom na Pepito Manaloto na nagkukuwento lamang sina Michael V at Manilyn Reynes ng story nila, at ginampanan ito nina Sef Cadayona as Pepito at Mikee Quintos as Elsa. Kasama sina Pokwang, Gladys Reyes, Archie Alemania, Pekto at Kokoy de Santos.

Naapektuhan din ang story nila dahil sa mga health protocols na hindi pwedeng mag-taping kung wala pang 15 years old ang artistang gaganap sa role. Fourteen years old pa lamang noon si Angel Satsumi na gumaganap na Clarissa, ang bunsong anak nina Bitoy at Elsa.

Ngayon, Angel has turned 16 years old na, kaya malapit na ang muling pagbabalik ng paborito ninyong pamilya Manaloto every Saturday, 6:15 pm sa GMA-7.

(NORA V. CALDERON)

Face-to-face classes, aarangkada na sa Hunyo

Posted on: June 1st, 2022 by @peoplesbalita No Comments

INAASAHAN ng Department of Education (DepEd) na pagsapit ng Hunyo 2022, ang lahat ng paaralan sa bansa ay nagdaraos na ng face-to-face classes, sa kabila ng nananatiling banta ng COVID-19 pandemic.

Sa Laging Handa public briefing nitong Lunes, sinabi ni DepEd Secretary Leonor Briones na ang mga regional offices ay bubuo ng iba’t ibang pamamaraan, base sa assessment ng Department of Health (DOH) at mga local governments sa kanilang lugar.

“By June, which is already a few days away from now, sa next academic school year, ini-expect natin na fully 100% na talaga ‘yung pag-implement natin ng face-to-face classes,” ayon kay Briones.

Hanggang nitong Mayo 26, mahigit 34,000 o 73% na ng mga public schools ay handa sa face-to-face classes.

Pinayuhan na rin aniya ng DepEd ang mga private schools na mag-face-to-face classes na rin.

Samantala, sinabi naman ni DepEd Undersecretary Diosdado San Antonio na hinihikayat na ng DepEd sa ngayon ang lahat ng paaralan na mag-face-to-face classes na, na may limitadong bilang ng mga araw ng in-person meetings.

Ayon kay San Antonio, tinitingnan nila ang posibilidad ng pagkakaroon ng blended learning, na may ilang araw na face-to-face classes at may araw na papayagang sa bahay pa rin mag-aral at matuto ang mga bata.

Isusulong aniya ng DepEd ang naturang setup kung pahihintulutan ng Inter-Agency Task Force for the Management of Emerging Infectious Diseases ang ilang araw sa isang linggo para sa face-to-face classes.

Tiniyak naman ni DepEd Undersecretary Revsee Escobedo na ikukonsidera pa rin nila ang pag-sang-ayon ng mga local government units (LGUs) at mga magulang sa pagdaraos ng in-person classes upang matiyak ang kaligtasan ng mga estudyante.

May ilang paaralan naman aniya ang humihiling na pahintulutan na rin ang mas marami pang grade levels at mga estudyante na lumahok sa face-to-face classes. (Daris Jose)

Sa ngayon ay wala pang nakikitang dahilan: ALJUR, ‘di isinasara ang posibilidad sa ‘frontal nudity’

Posted on: June 1st, 2022 by @peoplesbalita No Comments

WALANG balak na gayahin ni Aljur Abrenica ang mga baguhang artista na walang takot na magbuyangyang ng kanilang private part sa mga pelikulang ginawa.

Wala raw kasing dahilan magpakita ng kanyang hinaharap sa pelikula kaya it’s a big no no muna para mag-frontal nudity.

Tsika nga ng bida ng Revelations, “sa sarili ko lang ito ha, may napapanood akong sobrang sexy pero hindi naman kailangan. For the sake of lang daw. May mga tao para dun. Ako, sa ngayon, hindi pa!”

Dagdag pa ng aktor, “Wala pa naman akong ganun, wala naman akong restrictions diyan as long as the story demands it.

“Hindi naman sa hindi kaya. Hindi sa hindi ko nakikita ang sarili ko. If nasa story talaga na kailangang gawin ‘yun, hindi ko isinasara ang possibility. Basta nakita ko sa script na, ‘Uy! Kailangang ipakita ko yung t*** ko dito, gagawin ko.”

Busy si Aljur sa shooting ng pelikulang Revelations kasama si Jelai Andres, Vin Abrenica at Ana Jalandoni mula sa produksiyon ni Kate Javier at sa direksiyon ni Ray Ann Dulay.

***

NAGING matagumpay ang grand launching ng Aspire Magazine Philippines kung saan cover boy ang Supremo ng Dance Floor na si Klinton Start at Aspire Magazine Global na cover girl si Marianne Besmundo na ginanap kamakailan sa Matrix Event Centre Quezon City.

Kasabay ng nasabing launching ang pagbibigay ng award sa mga inspiring personalities mula sa iba’t-ibang sektor ng lipunan sa pangunguna nina Parañaque District 1 Councilor Jomari Yllana, Abbby Viduya, Zyrill Jacinto, Rodell Salvador, Jillian De Guzman,Winchelle De Castro,Jorick Limpag, Lovanne Lubaton Gallo, Shelle Hunt, Doc. Jen Ortiz, Doc. Paul Ortiz, Doc Annaliza Boras, Brenda Domato, John Fontanilla, Dennis A. Nietes- Nix Dhe, Brenda Domato, Djhoana M. Rington, Arlene Poyaoan Galvez, Priclla Estadola Dacoco, Jerry Lowigie S. Cac, Princess Hyacinth Maralit, Maria Coleen Macabuhay, Leah Chua, Ryan Straw, Reymart Cris E. Trawon, Gerald Dangca,
Robert Flavius E. Dulce, Trevor Catacalan, Jolie Navia, Russel Navia, Laiza Hortaleza, and Elsie Delos Reyes.

Pinutungan din ng korona ang 2022 Aspire Royalties sa pangunguna nina Klinton Start at Ysabella Alberto (ASPIRE KING AND QUEEN ADULT), Marianne Bermundo and Jeremy Peter (ASPIRE QUEEN PRE-ADULT AND ASPIRE KING OF WATER), Princess Lia and Rajan Paguion ( ASPIRE QUEEN TEENS AND ASPIRE KING OF FIRE ), Alexa Lalamunan (ASPIRE QUEEN PRE TEENS), Marcene Bermundo (ASPIRE QUEEN KIDS), Jerviz Baleon (ASPIRE KING OF EARTH), Jan Evan Gaupo (ASPIRE KING OF AIR), Christian Collado ( ASPIRE KING OF JADE), Sammie Al-Ajarmeh (ASPIRE KING PRE-TEENS) and Lance Vladimir (ASPIRE KING KIDS).

(JOHN FONTANILLA)

DILG, hiniling sa Facebook na alisin ang illegal e-sabong accounts

Posted on: June 1st, 2022 by @peoplesbalita No Comments

NANAWAGAN ang Department of Interior and Local Government (DILG) sa Facebook na alisin ang ilang pages, grupo at accounts na di umano’y nanghihikayat sa mga Filipino na mag- online cockfighting o “e-sabong”.

Lumiham kasi si DILG undersecretary Jonathan Malaya sa social media giant na humihiling na i-block ang ilang Facebook pages at accounts na humihikayat sa mga users na maglaro ng illegal e-sabong sa lahat ng social media affiliates o subsidiaries nito.

Gayundin, nagsumite si Malaya sa Meta Platforms, Inc. — parent company ng Facebook — ng listahan ng pitong grupo at accounts na identify ng Philippine National Police (PNP) Anti-Cyber Crime Group bilang nagki-cater ng online gamble.

“We look forward to fruitful cooperation, coordination, and collaboration on this matter in order to fully implement the ban on illegal e-sabong,” ani Malaya.

“We hope that Facebook will immediately suspend or block pages devoted to illegal sabong as fast as they suspend pages that allegedly violate their community standards. I presume that engaging in illegal activities is a violation of FB’s standards,” dagdag na pahayag nito.

Samantala, pinasalamatan naman ni DILG Secretary Eduardo Año ang Bangko Sentral ng Pilipinas (BSP) sa pagtalima sa naging panawagan ni Pangulong Rodrigo Roa Duterte na itigil na ang e-sabong operations sa bansa sa pamamagitan ng pagbibigay atas sa bank-supervised financial institutions (BSFIs) nito na alisin ang lahat ng operators mula sa “list of merchants” sa kani-kanilang online applications.

Nagpalabas naman ang central bank ng kautusan sa pamamagitan ng Memorandum 2022-026 na inaatasan ang BSFIs na ipaalam sa kanilang mga kliyente na may natitira pang pondo sa kanilang e-sabong accounts na ilipat na ang pondo pabalik sa kanilang e-wallets sa loob ng 30 days mula nang ipalabas ang memorandum.

“After 30 days, financial institutions are directed to disable the link between e-sabong accounts and e-money wallets, including e-sabong merchant operator accounts,” ayon sa BSP.

“This means that even if operators or bettors go underground, they cannot bet through Gcash and Paymaya anymore,” ang pahayag naman ni Año.

“Sa tulong ng ating mga kapwa ahensya ng pamahalaan, mawawakasan din natin ang mapinsalang e-sabong na nakasira na sa maraming pamilya sa ating bansa,” aniya pa rin.

Kung matatandaan, pinatigil ni Pangulong Duterte ang e-sabong operations noong nakaraang buwan kasunod ng DILG survey na nagpapakita na isinisisi ng mga apektadong lungsod at lalawigan sa virtual gambling ang pagkawasak ng moral values ng mga Filipino. (Daris Jose)