LUNGSOD NG MALOLOS – Ipinagdiwang ng Hiyas ng Bulacan Cultural Center ang ika-50 taong anibersaryo ng pagkakatatag nito sa pamamagitan ng paglulunsad ng “HIYAS: Ang Kasaysayan” sa ginanap na Pagdiriwang ng Pambansang Buwan Ng Pamana 2022 sa Bulwagang Guillermo Tolentino at Tanghalang Nicanor Abelardo, Hiyas ng Bulacan Cultural Center sa lungsod na ito noong Mayo 28, 2022 kaalinsabay ng ‘Palatuntunang Pang-Alaala para sa Pambansang Araw Ng Watawat.

Pinangunahan nina Gob. Daniel R. Fernando at bagong halal na Bise Gob. Alexis C. Castro ang paggugupit ng laso para sa pagtunghay sa eksibit patungkol sa nasabing 50 ginintuang anibersaryo ng nasabing gusali na tinaguriang sentro ng kasaysayan, sining, kultura at turismo na nasa bakuran ng Kapitolyo.

Sinundan ito ng pagpapalabas ng SINEliksik Bulacan Docu Special na “Ako ang Hiyas ng Bulacan Cultural Center” kung saan idinetalye dito ang kasaysayan ng nasabing establisyimento partikular na ang arkitektura at istruktura nito na itinayo sa bahagi ng 22 ektaryang lupain na tinatawag ngayon na Antonio S. Bautista Bulacan Provincial Capitol Compound.

Ayon sa Provincial History, Arts, Culture, and Tourism Office (PHACTO), pinasinayaan ito noong Agosto 30, 1971 na may dalawang palapag na pinasimulan at idinisenyo ni Arkitekto Dominador Jimenez at ipinatupad ni Arkitekto Leonides Manahan.

May istilong ‘brutalist’, kabilang sa mga anyo nito ay ang 25 pahabang bintana na may nakalitaw na biga, mga adobeng materyales na nakakabit sa pader, malalaki at kakaibang uka at marami pang iba.

Bilang simbulo sa bayanihan, ipinakita sa nasabing dokyu ang iskultura ng Inang Bayan na nakatindig sa harapan ng nabanggit na gusali, nasa unang palapag nito ang main lobby, ang Exhibition Hall na hinalaw ang pangalan mula sa Pambansang Alagad ng Sining sa Iskultura na si Guillermo Tolentino, ang Hiyas ng Bulacan Museum na nagtatampok sa mayamang sining, kalinangan at kasaysayan ng Bulacan, Panlalawigang Aklatan na naglalaman ng mga bibihirang kopya ng mga reperensiya tungkol sa Filipiniana o Kasaysayan ng Pilipinas,  ang PHACTO at ang Bulacan Tourism Information Center.

Matatagpuan naman sa ikalawang palapag ang auditorium na hinalaw ang pangalan mula sa isang sikat na kumpositor ng Kundiman na si Nicanor Abelardo, tubong San Miguel.

Samantala, inilunsad at ipinalabas din ang “Pasyal Kultura sa Bulacan” Web Magazine at SHINE Bulacan Web Magazine.

“Mabuhay ang Hiyas ng Bulacan Cultural Center! Tunay na napakabilis ng panahon at ngayon ay ipinagdiriwang na natin ang ika-50 taong anibersaryo ng pagkakatatag ng Hiyas ng Bulacan Cultural Center na naging saksi sa makulay na sining, kultura, turismo at kasaysayan ng lalawigan. Nais ko rin pong bigyang pugay ang paglulunsad ng SHINE Bulacan Project o ang Sustainable Heritage Imbibing Nationalism through Ecotourism na naging katuwang ng probinsiya sa pagpapalakas ng turismo sa pangunguna ng Commission on Higher Education o CHED sa pakikiisa ng Department of Education at Bulacan State University,” ani Fernando. (BISHOP JESUS “JEMBA” M. BASCO)

NAGBIGAY na ng abiso ang pamunuan ng North Luzon Expressway Corp na siyang namamahala sa SCTEX na magkakaron ng pagtataas ng toll simula ngayon June 1.

Binigyan ng Toll Regulatory Board (TRB) ang pagtataas ng go-signal ng 78 centavos kada kilometro. Ang nasabing pagtataas ng toll ay naaayon sa confirmed periodic rate adjustment noong 2017.

Sa ilalim ng bagong toll matrix, ang SCTEX ay sisingil sa Class 1 na sasakyan na maglalakbay sa pagitan ng Mabalacat City at Tarlac ng karagdagang P31. Ang Class 2 na sasakyan naman ay kinakailangan magbayad ng karagdagang P61 para din sa nasabing ruta habang ang Class 3 na sasakyan ay sisingilin ng karagdagang P92.

Samantala, may karagdagan naman na P49, P98 at P147 ang kokolektahin sa Class 1, 2 at 3, respectively, kung maglalakbay sa pagitan ng Mabalacat City at Tipo, Hermosa, Bataan malapit sa Subic Freeport.

Habang ang mga pampublikong sasakyan naman ay patuloy na magbabayad ng old rates sa loob ng tatlong (3) buwan.

Sa kabilang dako naman, ang pamunuan NLEX Corp na isa sa mga subsidiaries ng Metro Pacific Tollways Corp. ay nagtaas ng toll rates sa North Luzon Expressway (NLEX) habang ang toll rates naman sa Manila-Cavite Expressway (Cavitex) ay pinatupad noong May 22.

Sinabi ng NLEX na binigyan sila ng go-signal ng Toll Regulatory Board (TRB) para sa kanilang petition upang magtaas ng kanilang toll rates na P2 para sa open system at P0.34 naman kada kilometro para sa closed system.

Ang open system ay magsisimula sa Balintawak sa Caloocan hanggang Marilao sa Bulacan habang ang closed system naman ay mula sa bahagi ng Bocaue, Bulacan hanggang Barangay Sta. Ines, Mabalacat, Pampanga kasama na ang Subic-Tipo.

Sa ilalim ng bagong toll fee matrix, ang mga motorista na maglalakbay sa loob ng open system ay kinakailangan magbayad ng karagdagan P2 for para sa Class 1 na sasakyan (regular cars at SUVs), P6 sa Class 2 (buses at small trucks) at P8 naman sa Class 3 na sasakyan.

Kung kayat kung ang isang motorista na maglalakbay ng dulo sa dulo sa pagitan ng Metro Manila at Mabalacat ay magbabayad ng karagdagan P27 para sa Class 1, P69 sa Class 2 at P82 sa Class 3 na mga sasakyan.

Ang nasabing adjustments ay kasama sa pinayagan na periodic adjustments ng NLEX noong 2016 at ang completion ng bagong Subic Freeport Expressway (SFEX) noong 2021.

Ang Cavitex Infrastructure Corp (CIC) na isang subsidiary ng Metro Pacific Tollways Corp. ay joint venture partner ang Philippine Reclamation Authority (PRA) sa Cavitex.

Sa isang pahayag naman ng CIC, ang nasabing pagpapatupad ng bagong toll rates sa Cavitex Paranaque Toll Plaza ay nangyari ng binigyan ng TRB ng go-signal ang 2011 at 2014 na contractual tariff adjustments toll petition para sa Phase 1 and 2 enhancement works na ginawa sa Cavitex R-1 Expressway na natapos noong 2020.

Ang CIC ay siyang concessionaire para sa Cavitex kasama sa isang joint venture ang Philippine Reclamation Authority (PRA).

Kasama sa ginawang enhancements sa Cavitex ay ang completion ng asphalt overlay sa kahabaan ng Cavitex, paglalagay ng Pacific flyover, left turn facility at bridge widening at ang pagsasagawa ng regular maintenance works upang masiguro ang road quality at safety ng mga motorista. LASACMAR