- March 7, 2026
Ang Diyaryong Pinagkakatiwalaan
Archive for June, 2022
‘Inagurasyon ni President-elect Ferdinand Marcos Jr. gagawin sa National Museum’
SA MAKASAYSAYANG National Museum of the Philippines inaasahang gaganapin ang panunumpa sa tungkulin ni President-elect Ferdinand “Bongbong” Marcos, Jr. bilang ika-17 pangulo ng bansa sa darating na Hunyo 30, 2022.
Dating kilala bilang Old Legislative Building, dito rin ginanap ang panunumpa sa tungkulin ng mga dating pangulo noon gaya nina Manuel L. Quezon (1935), Jose P. Laurel (1943), at Manuel Roxas (1946).
Ayon kay dating Manila representative at ngayo’y Presidential Management Staff (PMS) Secretary-designate Zenaida “Naida” Angping, ang mga miyembro ng inaugural committee ay nagsagawa na ng ocular inspection at kanilang nakita na ito ang pinakamagandang venue para sa inagurasyon ni Marcos.
“The National Museum of Philippines building and its surrounding areas match our requirements for President-elect Marcos’ inauguration. Preparations are already in full swing to ensure that it will be ready by then,” sabi ni Angping.
Dinisensyo ng Bureau of Public Works (ngayon ay DPWH) noong 1918 bilang bagong tirahan ng National Library of the Philippines habang natapos naman ang pagbuo nito noong 1926.
Noong 1935, dito rin ginanap ang proklamasiyon ng Philippine Commonwealth at dati rin itong kilala bilang National Assembly Building.Nasira ito noong World War II at sumailalim sa reconstruction mula 1949 hanggang 1950.
Sinabi rin ni Angping na kanilang inisip ang Quirino Grandstand bilang isang potential venue para sa inagurasyon ngunit napansin ng kanilang ocular inspection team na nakatayo pa rin ang ilang COVID-19 field hospitals sa lugar.
“The safety and welfare of our people are paramount. As such, we chose to avoid disrupting the medical care being given to the COVID-19 patients housed there. That’s why we opted for the National Museum as the venue,” dagdag niya.
Si Marcos ay naproklamang president-elect ng Kongreso nitong Mayo 25 matapos ang kanyang landslide na pagkapanalo sa nagdaang 2022 national elections.
Nangako si Marcos na agad siyang magtatrabaho at nakita nga ito sa pagsisimula niyang maglagay ng mga tao sa kanyang gabinete.
Sa press briefing na naganap, inanunsyo ni Press Secretary-designate Atty. Trixie Cruz-Angeles ang nominasyon ni Angping pati na rin ni Liloan, Cebu Mayor Christina Frasco bilang tourism secretary, at Amenah Pangandaman bilang head ng Department of Budget and Management (DBM).
Nominado rin ang beteranong journalist na si Erwin Tulfo bilang Department of Social Welfare and Development (DSWD) secretary at Atty. Ivan John Uy bilang head ng Department of Information and Communications Technology (DICT).
Napabalita nitong Linggo na tatlong lugar ang kinokonsidera ng kampo ni Marcos para sa kanyang inagurasyon at ito ay sa: Quirino Grandstand, Fort Santiago, at sa National Museum.Sa Quirino Grandstand ginanap ang panunumpa ng kanyang ama na si dating Pangulong Ferdinand Marcos Sr. bilang ika-10 pangulo ng bansa noong 1965. (Daris Jose)
Nang tanungin sa totoong estado ng relasyon: PAULO, naghihintay pa rin kung gugustuhin ni JANINE
HANDA na ba sina Paulo Avelino at Janine Gutierrez na sabihin kung ano ang totoong estado ng kanilang relasyon?
“Sakto lang,” sagot ni Paulo tungkol sa real status ng relasyon niya with the award-winning young actress. “Busy naman kami sa mga trabaho namin ngayon. Janine is doing another teleserye.”
“Next month we will start a new serye sa ABS-CBN. So I’m excited. Meron din akong Cinemalaya na i-su-shoot,” pahayag naman ni Janine, during a media conference for her latest flick “Ngayon Kaya?” under T-Rex Productions.
Tinanong si Paolo kung lalagyan ng label ang kanilang relasyon ni Janine, sagot niya, “Ayos naman kami. Kung gugustuhin po ni Janine okay lang sa akin.”
Natatawang sagot naman ni Janine, “I knew you would say that. Kung papahintulutan po ako.”
Tanong naman ni Paolo kay Janine, “Ikaw? Gusto mo ba?”
Ang “Ngayon Kaya?” ang first movie together nina Janine and Paulo, na co-producer for the film. Nauna nilang ginawa ang pelikula noong 2019 bago nailagay ang maraming lugar underlockdown.
Natapos nila ang movie bago sila nagksama sa Kapamilya series “Marry Me, Marry You” na nagtapos nitong January 2022.
Fans believe that the movie will trigger rumors about their relationship as it opens in theaters on June 22.
***
FIRST acting job ni Anthony Flores ang role niya bilang leading man ni Rex Lantano sa BL series na “Papa What Is Love” na dinirek ni Shandii Bacolod.
Si Anthony ang Man of the Universe (Philippines) winner noong 2019 at naging representative ng Pilipinas sa Man of the Universe pageant na ginawa sa Cebu.
He was only 17 nang unang sumali si Anthony sa isang pageant at winner siya agad. He waited for two years bago nag-join sa Man of the Universe where he represented Angeles City.
“Sinabi lang sa akin na may potential ako. I am the type of person na hanggang di ko nasusubukan or di ko natitikman, hindi ko alam kung masarap o kung gusto ko talaga.
“Tulad sa pagkain, hanggang di ko natitikman ang pagkain, hindi ko alam kung magugustuhan ko siya o hindi,” wika ni Anthony over lunch sa Limbaga 77 Café last Saturday.
Pero na-shock si Anthony nang alukin siya to play the lead role sa “Papa What is Love.” Wala kasi siyang acting experience at never pa siya nakapag-worskshop. Ang tanging ginagawa niya ay mag-Tiktok.
“Well, siguro it’s about time that I try acting kasi marami na rin naman ang nagsasabi sa akin to give it a try. Subukan ko muna kasi wala nga akong experience. Baka matawa ko infront of my co-actor. Luckily naman, maganda naman ang resulta ng acting ko sa BL. Nag-improve ako,” sabi pa ni Anthony.
Nagdalawang-isip man siya the first time he was asked na subukan ang acting ay nag-decide na rin si Anthony to say yes.
Pero aminado si Anthony na hindi sya risk-taker. Hindi raw siya pupusta sa isang bagay kung di siya sigurado.
“Pero this year I want to try many things na gusto kong gawin,” sabi pa ni Anthony.
Ipinalalabas ito every Saturday at 8 p.m. sa Rex Lantano YouTube channel. The series also stars Arnold Reyes.
(RICKY CALDERON)
‘Duterte Legacy?’: Utang ng Pilipinas record-breaking sa halos P13 trilyon
SUMIRIT sa panibagong all-time high ang outstanding debt ng pamahalaan matapos itong maitala sa P12.76 trilyon sa pagtatapos ng Abril 2022 — bagay na naapektuhan ng paghina ng piso kontra dolyar.
Ibinalita ito ng Bureau of Treasury, Huwebes, ilang linggo matapos maiulat na katumbas na ng 63.5% ng ekonomiya ang utang ng Pilipinas. Matatandaang naitaya ang utang ng bansa sa P12.68 trilyon para sa buwan ng Marso.
“For April, the [national government’s] total debt increased by P83.40 billion, or 0.7% due to the net issuance of government securities to both local and external lenders and the depreciation of the local currency against the USD,” ayon sa Treasury kanina.
“Of the total debt stock, 30.0% was sourced externally while 70.0% were domestic borrowings.”
Kung hahatiin, narito ang itsura ng outstanding debt ng national government:
utang panlabas (P3.83 trilyon)
utang panloob (P8.93 trilyon)
Lumundag ng P67.2 bilyon ang domestic debt kumpara sa end-March 2022 level habang P16.2 bilyon naman ang itinaas ng external debt.
Ang naturang problema sa paghiram ng pera, marami rito ginamit sa COVID-19 response, ang isa sa mga haharapin ng papasok na administrasyon ni president-elect Ferdinand “Bongbong” Marcos Jr., na siyang katatalaga pa lang ng kanyang economic team.
Miyerkules lang nang banatan ng economic think tank na IBON Foundation ang iiwang legacy ni Pangulong Rodrigo Duterte sa ekonomiya, lalo na’t lumala raw ito nang husto kumpara noong simula ng kanyang termino noong 2016.
“The economy that the Duterte administration painted in its final report was a fantasy,” ayon sa IBON sa isang pahayag kahapon.
“It omitted important numbers that show how it wasn’t an economy that worked for ordinary Filipinos.”
Maliban sa malaking utang, tumaas raw patungong 15% ang rice import dependency ng Pilipinas nitong 2020, kumpara sa 5% lang noong 2016.
Naabot din ang 4.9% inflation rate (bilis ng pagtaas ng presyo ng bilihin) nitong Abril 2022 na siyang pinakamataas sa tatlong taon, maliban pa pagpalo ng debt payments sa P1.2 trilyon noong 2021.
Una nang sinabi ni Finance Secretary Carlos Dominguez na pwedeng magdagdag ng buwis ang susunod na administrasyon para masolusyunan ang problema sa paglobo ng utang. Pero ayon naman kay incoming Finance Secretary Benjamin Diokno, pwede namang pahusayin muna ang koleksyon at efficiency sa tax administration kaysa magkaroon ng mga pagtataas.
“Ang utang kasi, hindi dapat katakutan kung halimbawa may dahilan kung tayo nangutang,” ani Department of Budget and Management (DBM) acting Secretary Tina Canda sa Laging Handa briefing.
“Alam naman natin na ‘yung time na tumama ang COVID… wala tayong mga isolation facilities. Wala tayong tamang dami ng hospital beds. Hindi naman natin pwedeng isakripisyo ang buhay ng ating mga kababayan dahil lang ayaw natin mangutang.”
Marcos Jr. hinikayat ang Korte Suprema na ibasura ang COC cancelation petition
HINIKAYAT ni President-elect Ferdinand “Bongbong” Marcos, Jr. sa Korte Suprema na ibasura ang petisyon na nananawagan na kanselahain ang kanyang certificate of candidacy (COC) na inihain laban sa kanya ng civic leaders.
Ang Presidential Electoral Tribunal (PET) na ayon kay Marcos Jr. ang may hurisdiksyon na tingnan ang kanyang “eligibility.’
“[I]t is respectfully prayed of the Honorable Court to protect the free choice of the Sovereign Filipino People that their president is respondent Ferdinand ‘Bongbong’ R. Marcos Jr. (BBM) and to dismiss the instant Petition for Certiorari dated May 16, 2022 for lack of jurisdiction and/or complete lack of merit,” ang pahayag ni Marcos Jr. sa Korte Suprema sa pamamagitan ng kanyang abogado na si Atty. Estelito Mendoza.
Matatandaang, buwan ng Mayo nang dalhin sa pinakamataas na korte ng Pilipinas ang laban kontra sa kandidatura ni Marcos Jr.
Ang petisyon sa Korte Suprema ay inihain ng kampo nina Fr. Christian Buenafe, et al. na una nang hiniling sa Commission on Elections kanselahin ang certificate of candidacy (COC) ni Bongbong. Sa kabila nito, ibinasura ito ng Comelec.
Ang naging kahilingan ng mga petitioners ay ibaliktad o isantabi ng Supreme Court ang naunang resolusyon ng Comelec; ikansela o ideklarang “voice ab initio” ang COC ni Bongbong, na hindi siya talaga naging kandidato sa 2022 national elections; at gawing permanento ang temporary restraining order laban sa Kongreso at pigilan silang i-canvass ang mga botong nakuha ni Bongbong.
Para naman sa kampo ni Marcos Jr., walang hurisdiksyon ang Korte Suprema para pigilan ang Mababang Kapulungan ng Kongreso mula sa canvassing ng boto at proklamasyon ng mga nanalo sa katatapos lamang ng May 9 presidential election.
Sa isang manipestasyon na isinumite sa Korte Suprema ni Atty. Estelito Mendoza, mula sa kampo ni presumptive president Ferdinand “Bongbong” Marcos Jr., nakasaad dito na ang “duly elected president and vice president” ay kailangan na masimulan ang kanilang termino sa Hunyo 30, alas-12 ng tanghali at magtatapos ang kanilang termino sa kaparehong oras at petsa matapos ang anim na taon, gaya ng nakasaad sa ilalim ng 1987 Constitution.
Tinukoy ni Mendoza ang Seksyon 4, Article VII ng Saligang Batas, kung saan binigyan ng mandato ang mga mambabatas na mag-canvass ng mga boto.
Nakasaad pa rin sa kaparehong probisyon na ang isang indibidwal o kandidato na may mataas na bilang ng boto ay “shall be proclaimed elected.”
“All of the above provisions, in language and intent, are mandatory and the Supreme Court is without jurisdiction to prevent their implementation,” ani Mendoza.
Base sa partial at unofficial results, nanguna si Marcos na may 31.1 milyong boto na sinundan naman ni Vice President Leni Robredo na may 14.8 milyong boto. (Daris Jose)
Ilang motorista, kaniya-kaniyang diskarte para makatipid sa gitna ng mataas na singil sa produktong petrolyo
KANIYA-kaniyang diskarte ang taumbayan para makatipid ngayon sa gitna ng pabago-bagong galaw sa presyo ng produktong petrolyo.
Ngayong araw ay ipinatupad nanaman kasi ang panibagong dagdag-bawas sa halaga ng krudo.
Nasa Php 1.70 ang ibinaba sa presyo ng kada litro ng gasolina, habang pumalo naman sa Php 1.20 ang halagang nadagdag sa kada litro ng diesel, at Php 2.45 naman ang itinaas sa kada litro ng kerosene.
Dahil sa patuloy na pabago-bago at madalas na oil price hike sa bansa ay umaaray na ang karamihan sa ating mga kababayan.
Bukod daw kasi na mataas ang bayarin sa gasolina, ay sinabi rin ni Nase na sa ngayon ay kakaunti nalang din ang pasaherong sumasakay sa kanila dahilan para mabawasan pa ang kakarampot na perang kanilang kinikita.
Ngunit sa kabila ng mga paghihirap na ito ay may magandang naidulot kay Nase ang mataas na bilihin sa merkado.
Dahil sa ngayon ay napilitan pa raw siya na itigil ang kaniyang bisyo na paninigarilyo para makatipid at pandagdag sa pambili ng mga pangangailangan ng kaniyang asawa’t anak.
“Tuluy-tuloy yung pagtaas ng gas tapos yung pasahero namin konti nalang. Talagang malaking epekto samin ang pagtaas ng gasolina.” ani Nase.
Dagdag pa niya,”Nagtitiis na nga lang kami kasi wala na kami ibang magagawa e. Andiyan na ‘yan. Tinigil ko na rin paninigarilyo ko para lang makabawas sa gastusin.”
Samantala, sa pagsisimula ng taong 2022 ay nakapagtala ang mga kinauukulan ang nasa Php 24.80 na dagdag sa halaga ng kada litro ng gasolina, habang Php 28 naman sa kada litro ng diesel, at nasa Php24.25 naman sa kada litro ng kerosene.
Ang malakas na demand sa suplay ng gasolina sa pandaigdigang merkado at gayundin ang mga suliraning nararanasan ng ibang mga bansa pangunahing pinagkukuhanan ng suplay ng langis ang itinuturong dahilan nito.
Bongbong admin ‘posibleng’ makipagtulungan kay Robredo
KUNG si Sen. Imee Marcos ang tatanungin, pwedeng makipagtulungan ang kapatid niyang si President-elect Ferdinand “Bongbong” Marcos Jr. sa karibal at nakalabang si Bise Presidente Leni Robredo — aniya, “walang imposible.”
Kilalang kritiko ng Martial Law at dikdatura ni dating Pangulong Ferdinand Marcos Sr. — ama nina Bongbong at Imee — si Robredo, na siyang tumakbo rin sa pagkapangulo para sa 2022 ngunit natalo.
“Everything is possible. ‘Yun nga ang sinasabi ng nanay ko. Walang masamang tinapay. Baka maging kaalyado mo pa,” banggit ni Imee, Miyerkules, sa panayam ng ANC.
“I think this is what we need to do. I’ve spoken also of a second chance. And the truth is, sometimes a second chance is better than the first time around. Because of course you learned your mistakes from the first time.”
Una nang inirekomenda ni Imee sa susunod na pangulo na bumuo ng Gabineteng magsisilbing “team of rivals,” kung saan bubuuin ito ng mga magkakalaban sa pulitika ngunit nagkakaisa para sa ikabubuti ng bansa. (Daris Jose)
Incoming PCOO secretary, itinutulak ang accreditation ng mga bloggers sa Malakanyang
INAAYOS na ng Malakanyang na makasama ang mga bloggers sa ilan sa mga briefings sa Palasyo ng Malakanyang.
Sa katunayan, sinabi ni incoming PCOO Secretary Trixie Cruz-Angeles na inaayos na nila ang accreditation ng mga bloggers sa Malakanyang.
Idinagdag pa nito na kasama ito sa kanilang prayoridad.
“We are pushing for the accreditation of bloggers to be invited to some of the briefings especially those conducted by the President,” ayon kay Atty. Trixie Cruz-Angeles, isang pro-administration blogger.
“Yun pa lang po, ‘yun ang isa sa aming na-formulate na priority for the incoming [Presidential Communications Operations Office],” dagdag na pahayag nito.
Sa ulat, malaki ang naging gampanin ng mga pro-administration bloggers sa panahon ng kampanya ni President-elect Ferdinand “Bongbong” Marcos, Jr., may ilan ang nabigyan ng priority access noong panahon ng UniTeam sorties.
Ang access sa Malacañang coverage o Palace events ay kadalasang limitado lamang sa mga mamamahayag mula sa TV networks, online news outfits, at newspapers.
At sa tanong kung papayagan ng incoming administration ang lahat ng mga journalists o mamamahayag na mag-cover ‘physically’ sa mga Presidential events, sinabi ni Angeles na titingnan muna nila ang umiiral na polisiya sa usaping ito.
” I think we have to take a look at the existing policy first and determine the decision later on as to how appropriately they are at the current times. Well have to wait and see,” ayon kay Angeles.
Hindi naman lingid sa kaalaman ng lahat na pinagbawalan ang Rappler reporter noong 2018 na makapasok sa buong Palace complex matapos na maglathala ng kritikial sa administrasyon. (Daris Jose)
Naghiwalay na pagkatapos ng tatlong taon: JASON, ‘di itinago na naging ‘unfaithful’ bilang asawa ni MOIRA
PAGKATAPOS ng tatlong taong pagsasama bilang mag-asawa, naghiwalay na sina Jason Hernandez at Moira dela Torre.
Hindi inaasahan ng mga tagahanga nila Jason at Moira na aabot sa paghihiwalay ang dalawa dahil noong January 2019 lamang sila kinasal.
Hindi naman itinago ni Jason na naging unfaithful siya bilang asawa kay Moira sa tatlong magkasama sila.
Sa Facebook account ni Jason pinost ang official statement nilang dalawa ni Moira para sa media.
“This is probably the hardest thing I’ve ever had to write. But since you guys have been with us from the start, it is only right that you hear this straight from me.
“3 years ago, I married my bestfriend with the intent of spending the rest of my life with her. Though my love for her has always been genuine, a few months ago, I confessed to Moira that I have been unfaithful to her during our marriage. I believe that she deserved to know the truth rather than continue down a “peaceful” but dishonest path. I take full responsibility and I’m doing my best to be better.
“From the bottom of my heart, I’m sorry for everyone I hurt. Especially Moi.”
Hinihintay pa ng fans at social media followers ni Moira ang kanyang saloobin sa nangyari sa pagsasama nila ni Jason.
***
PINABULAANAN ni Diego Loyzaga na may something na nangyayari sa kanila ng former Pinoy Big Brother housemate ng si Franki Russell.
“Franki and I are not a thing. I just want to be single for now,” sambit ni Diego sa isang interview sa kanya.
Na-link romantically si Diego kay Franki pagkatapos mag-post ito ng birthday greeting para sa aktor sa kanyang Instagram Stories noong nakaraang May 20.
Nag-post pa ni Franki ng ilang photos na magkasama sila ni Diego kaya nag-assume ang netizens na may relasyon na ang dalawa. Pero ngayon ay deleted na ang mga photos na iyon sa kanyang IG.
Huling nakarelasyon ni Diego ay si Barbie Imperial at naghiwalay sila pagkaraan ng isang taon. Pero nananatili naman daw silang magkaibigan. Hindi rin naman daw umaasa si Barbie na magkakabalikan sila ni Diego.
Sey pa ni Barbie: “We broke up na, break na kami. Hindi naman siya bad break-up. Okay kami. Hindi kami nag-break na magkaaway kami, hindi. We are okay, I think it’s for the better naman. And even si Diegs naman alam niya naman ‘yon na parang marami pa kaming kailangang matutunan at kailangan pa namin na mag-grow apart.”
Si Franki naman ay dating na-link sa ex-boyfriend ni Miss Universe 2015 Pia Wurtzbach na si Marlon Stockinger.
***
KABILANG ang Canadian Popstar na si Justin Bieber sa maraming humihingi ng hustisya para sa 21 people na namatay sa shooting sa Robb Elementary School in Uvalde, Texas.
Hindi napigilan ni Bieber na maiyak sa kanyang Justice World Tour in Mexico nang makarating sa kanya ang karumal-dumal na pangyayari.
“Everybody is equal. In this world, there’s a lot of division and a lot of racial injustice, but we get to be the difference makers. We get to stand together and unite and celebrate amongst one another because we are all the same. Racism is evil and it is diabolical, but we’re in this together and I love you so much,” sey ni Bieber sa kanyang audience.
Sa kanyang Instagram. pinost niya ang isang video clip at nilagyan niya ng caption na: “Tears fill my eyes with hope for humanity. INJUSTICE ANYWHERE IS A THREAT TO JUSTICE EVERYWHERE.”
Bago ang nangyaring shooting sa Uvalde, sampung tao naman ang namatay sa pamamaril sa Buffalo, New York.
Hiling ni Bieber sa kanyang audience: “As you know, there’s been tragedy in the city, but what we’re gonna do tonight, is we’re gonna honor those people, and I would love if we could just take a moment of silence. That would mean a lot to me. We get to be the people who continue to have the conversations with our friends and our families and our loved ones, who continue to be allies.”
(RUEL J. MENDOZA)
Mark Caguioa hindi makakasama ng Ginebra sa PBA Philippine Cup
HINDI makakasama ng Barangay Ginebra sa 2022 Philippine Cup ng PBA si Mark Caguiao.
Kinumpirma ito ng koponan na hindi makakasama ang dating PBA Most Valuable Player sa pagsisimula ng bagong conference sa Hunyo 5.
Sinabi ni Ginebra team governor Alfrancis Chua na may mga aayusin lamang ito subalit hindi na nagbigay ito ng anumang detalye.
Posible sa buong conference ay hindi makakapaglaro si Caguiao.
Magugunitang nakakaranas ng injury si Caguiao kaya naging limitado lamang ang kaniyang paglalaro noong nakaraang mga conference.