SA July 20na pala ang showing ng dramedy film na Maid In Malacanang ng Viva Films na mula sa script at direction ni Darryl Yap, kaya puspusan na ang pagsu-shooting nila.

Ang movie ay mula sa kuwento ng reliable source ni direk, tungkol sa mga pangyayari sa Palace, 72 hours bago umalis ang mga Marcoses for Hawaii.

Sanay nang mag-portray si Cesar Montano ng buhay ng mga bayani, tulad nina Jose Rizal at Andres Bonifacio, pero this time, na-challenge siya kung paano ipu-portray ang role niya bilang si President Ferdinand Marcos, dahil konti lamang ang available videos na pwede niyang ma-research tungkol sa former President ng Pilipinas.

Kaya, nakipag-usap si Cesar kay Senator Imee Marcos para tanungin tungkol sa kanilang ama, para mabigyan niya ng justice ang pagganap niya sa role nito. Nagpasalamat din si Cesar dahil first time lamang niyang nakatrabaho ang anak niyang si Diego Loyzaga na siyang gaganap bilang si Bong Bong Marcos.

Nakikita na rin ngayon ang group photo ng Marcos family sa movie, with Ruffa Gutierrez as First Lady Imelda Romualdez-Marcos, Cristine Reyes as Imee, Ella Cruz as Irene, Kyle Velino as Greggy Araneta and Kiko Estrada as Tommy Manotoc.

Playing the maids in Malacanang sina Ms. Elizabeth Oropesa as Yaya Lucy, Karla Estrada as Yaya Santa, and Beverly Salviejo as Yaya Biday.

***

NAS South Korea na ang cast ng Running Man Philippines based sa Instagram post ng director ng reality show na si Rico Gutierrez.

Kita ang saya kina Glaiza de Castro, Mikael Daez, Ruru Madrid, Buboy Villar, Angel Guardian, Lexi Gonzales at Kokoy de Santos.

Nag-post din si Ms. Lilibeth G. Rasonable, head ng GMA Entertainment Group ng “a happy & fulfilling day with SBS – meeting, exploring, & being treated to a sumptuous orig Korean dinner.” Kasama rin ni Ms. Rasonable sa group sina Bang Arespacochaga, Janine Piad-Nacar at Enri Calaycay.

Tatagal ang shoot nila roon ng almost two months, kaya kaabang-abang kung kailan natin ito mapapanood sa GMA-7.

***

PUMASOK na ang bagong character sa sportserye na Bolera nina Kylie Padilla, Jak Roberto at Rayver Cruz, na si Klea Pineda.

Klea is playing the role of a lady billiard player known as Golden Eye. Pero kapapasok pa lamang niya, galit na ang mga netizens sa kanya dahil maangas siya at tiyak na siyang makakalaban ni Bolera.

First encounter pa lamang nila may asaran nang naganap, magpapatalo ba naman si Bolera?

Nagtatanong ang netizens kung si Klea raw ang makakatambal ni Jak sa serye. Matatandaan na minsan nang nagtambal ang dalawa sa isang GMA Afternoon Prime series na Stories From the Heart: Never Say Goodbye at nagustuhan ng mga viewers ang tambalan nila.

Napapanood ang Bolera gabi-gabi after First Lady sa GMA-7.

(NORA V. CALDERON)

SA IG post ni Lovi Poe last June 25, ibinahagi rin niya ang official poster ng ‘Sleep With Me’, at may caption na, “Are you ready to sleep with Luna and Harry?”

Ito ang first lesbian series ni Lovi na kung saan makakatambal niya si Janine Gutierrez.

Post naman ng aktres sa kanyang IG account, “Gumawa tayo ng mundo na parang sating dalawa lang.”

Mula ito sa panulat at direksyon ni Samantha Lee, na matatandaan sa LGBTQ films na “Bakas Bukas” (2016) at “Billie and Emma” (2016).

Hatid ito ng ABS-CBN Entertainment, Dreamscape Entertainment at Project 8 Projects (nina Dan Villegas at Antoinette Jadaone) na streaming na this August sa iWantTFC.

Bukod sa IG accounts ng dalawang premyadong aktres, makikita rin sa social media pages ng iWantTFC, Dreamscape, at Project 8 Projects ang official poster na isinabay sa selebrasyon ng Pride month.

Sa caption ng @project8projects, “Feeling emotionally damaged, restless and romantically deprived?

“Calling every sadghorl, sadboi, and accla! Sleep With Me is coming out this August, so don’t forget to be yourself with DJ Harry and Luna. Happy Pride!”

Pinusuan nga ito ng netizens, pero may ilan ding nagni-nega agad sa series na na pagbibidahan nina Lovi at Janine:

“Ang ganda ng side profile ni Janine 😍”

“Pero not so much sa front, she’s pretty naman pero maasim yon mukha pag sa actingan na.”

“Kaya nga sana si Lovi nalang yung binaliktad sa pic.”

“Hindi nagco-compliment looks nila para sakin, walang chemistry.”

“Nagawa na yan nila Andrea at Kylie , yung BetCin.”

“At naunang gawin nila Rhian at Glaiza sa The Richman’s Daughter. First GL na primetime series ng GMA.

“Parang parehas sila girly girly, sana kahit isa totomboy-tomboy parang rhian-glaiza datingan.”

“They’re not the first and will not be the last to do this kind of movie kaloka ka.”

“So dapat isang GL lang for the entire existence ng mga tao? ha ha. iba-iba ang story line, at gagawa pa ng madami in the future.

“At nagawa na rin yan nong 1930s na pinakaunang lesbian film from Germany.”

Kahit na ano pang sabihin at pagkontra, for sure exciting pa rin itong panoorin at kaabang-abang unang pagsasama nina Lovi at Janine sa isang GL series, na sa true lang magtatagisan din sa husay nila sa pag-arte.

(ROHN ROMULO)

DAHIL wala naman kasing nababalitang non-showbiz boyfriend si Rita Daniela at sila ng ka-loveteam na si Ken Chan ang madaling isipin na tila may “something” in real-life, talagang hindi lang siya ang nakatanggap ng mga pagbati ng ‘congratulations,’ maging ang Kapuso actor.

Umamin na nga kasi si Rita na siya ay buntis at kahit na napangunahan ito ng mga blind-items, sinabi ni Rita na wala naman daw siyang planong itago ang kondisyon at proud daw siya sa kanyang magiging baby.

So, to set the record straight, yes, hindi po si Ken ang ama ng ipinagbubuntis ni Rita, huh!

At kahit na broken hearted daw ang heart ng mga RitKen, na-emo (emotional) naman daw sila sa ipinost ni Ken na message of support nito sa ka-loveteam.

Sabi ni Ken na proud daw kay Rita, “To you and your baby,

“Miracles are worth their weight in gold, if not many times more. I’m here if you need anything at all, as a friend, as someone you can always rely on. I pray to God for the utmost positivity, protection, support and love to surround you and your baby.

“As a friend, as someone who cares, I’ll always be here for you no matter what.

“You’ve always been incredible and strong and certainly, You.

“You’ve got this, and without a doubt, you will only continue on to be that much more incredible, always.

“I am so proud of you @missritadaniela.”

***

BONGGA ang actor na si JC Santos na nag-settle na sa kanyang hometown sa Pampanga since the state of pandemic noong taong 2022.

Pero kahit na sa probinsiya na nakatira, na-tap pa rin siyang ambassador ng BeautéHaus, along with his wife, Shyleena Herrera.

Formal silang winelcome at pumirma rin ng kontrata with Ms. Rhea Tan, Beautéderm Group of Companies CEO and President bilang mga ambassadors ng BeautéHaus na itinuturing na major beauté hub sa Angeles City, Pampanga.

Along with JC and Shyleena, formal din na nai-welcome at pinapirma ng kontrata ang mga local ambassadors ng Beautéderm. Mga Kapampangan na successful in their own fields tulad ng mga fashion designers na sina Marlon Tuazon, Frederick Policarpio, at Michelle Viray; ang top OB-GYNE ng Central Luzon na si Dr. Rowena Mangubat; ang creative director na si Lance Tan; ang businesswoman na si Isabel Lim; ang marketing executive at lifestyle journalist na si Joanna Ning Cordero; ang Clark International Airport Corporation Vice President for Operations na si IC Calaguas; ang Executive Assistant IV to the Office of the Mayor of Angeles City na si Reina Manuel; at ang event planner na si Voltaire Zalamea – na lahat ay ambassadors ng Beautéderm Group of Companies kung saan bahagi ang clinic at ang Beautéderm at kasama din ang celebrity make-up artist na si Mariah Santos at ang internationally acclaimed fashion designer na si Mak Tumang.

Inamin naman ni JC na mula nang maging tatay siya, gusto naman daw niyang maibalik ang dati niyang pangangatawan at mag-goodbye na siya sa kanyang ‘Dad bod.” Kaya talagang malaki ang naitulong sa kanya ng Beautéhaus.

Ayon kay JC, “Gusto kong ibalik ang pangangatawan ko na slim ulit. ‘Yung pasok ulit sa camera, magandang tingnan sa mga shadows at saka, marami pang roles na pwedeng gawin kapag nando’n ka sa stage na ‘yon.”

At natatawang sabi pa niya, “Maybe at the end of this month, makikita ko na ulit ang mga abs ko at pwede na ulit akong mag-topless.

“Naging dad bod po kasi.”

Bongga si JC bilang official celebrity ambassador ng Beautéhaus dahil itinatag ito ni Ms.Rhea noong 2016 at ngayon, ipinagmamalaki na isa meron itong pinakamahuhusay na medical teams sa Northern Luzon na dalubhasa sa larangan ng dermatology at kumpleto din ito sa mga latest top-of-the-line, cutting-edge machines at equipment sa larangan ng aesthetic medicine.

***

IBANG level ang ginawa ng female lead ng upcoming Kapuso primetime series na “Start Up” na si Bea Alonzo na lie detector test sa kanyang Youtube account.

Hindi yung mga parang toy machine lang na lie detector test ang ginamit niya. Instead, nag-imbita siyang talaga ng legit, ang Truth Verifier Systems, Inc.

Gagawin na raw itong series ni Bea na ang mga kaibigan niyang artista naman ang isasalang niya. Pero bago yun, si Bea muna.

In fairness, ilan lang sa mga tanong ang lie ang naging resulta ng sagot niya. Isa na rito ang tanong kung tingin niya raw, may good taste siya sa pagpili ng lalaki.

Natatawa muna ito at nag-explain na, “Right now, yes.”

Pero lie ang lumabas na result kaya mega-explain ito na, “Right now, oo! Pero dati kasi—- Ha ha ha!”

Siyempre, alam naman ng lahat na happy and in-love si Bea sa boyfriend na si Dominic Roque.

At kaya nga raw niyang walang social media sa loob ng isang Linggo, as long as ang kasama niya ay si Dominic.

Truth naman ang result ng lie detector test sa sagot niya na ang taong 2019 ang pinaka-difficult time ng buhay niya. At ipinaliwanag pa na, “Sa love department, yes… I guess it’s the most difficult time.”

Madali nang mahaluan na ito ang controversial ghosting issue nila ng ex-boyfriend na si Gerald Anderson.

Sa isang banda, sinagot at nagpakatotoo rin si Bea na kung ikakasal siya, okay siya na magkaroon sila ng prenup engagement.

(ROSE GARCIA)

FAMILY dramedy movie ang ‘Maid In Malacanang’, ang pinakabagong offering mula sa Viva Films to be directed by the controversial Darryl Yap.

Bida sa movie sina Cesar Montano as the late president Ferdinand Marcos, si Ruffa Gutierrez as former First Lady Imelda Marcos, Cristine Reyes as Sen. Imee Marcos, Diego Loyzaga as now President Bongbong Marcos and Ella Cruz as Irene Marcos.

Sabi ni Boss Vic del Rosario, ito raw ang biggest movie to date ng Viva na ipalalabas sa mga sinehan. Hindi pa man sinisimulan ang shoot ay may playdate na ito agad which is on July 20.

Buong Pilipinas daw ang release ng movie pati na rin sa iba’t-ibang platforms.

“We hope that is going to be the first box-office film after the pandemic,” sabi pa ni Boss Vic.

Ayon naman kay Direk Darryl, ang pinagbasehan ng kwento ay nagmula kay Sen. Imee Marcos who said ito ang version nila of truth sa last 72 hours nila sa Malacanang.

Sinabi pa ni Direk Darryl, wala daw pwedeng mag-refute ng kwento dahil wala naman daw ibang kasamang tao ang mga Marcoses sa Malacanang sa kanilang last three days.

Thru the movie ay makikita raw natin na ang Marcoses ay tulad ng pangkaraniwang Pinoy family na may pinagdadaan na katatawanan at kalungkutan sa buhay.

***

MUKHANG nagiging favorite actor ng The Idea First Company si Christian Bables.

Bida si Christian sa bagong movie ng The First Company titled Mahal Kita, Beksman kung saan tampok din sina Keempee de Leon at Katya Santos.

Suwerte si Christian sa mga movies niya sa The Idea First Company. Hindi lang critically-acclaimed ang mga ito kundi win din siya ng acting awards.

Last year ay nanalo siyang Best Actor sa Metro Manila Film Festival for Big Night.

To be fair kay Christian, bawat movie na ginagawa niya ay may improvement ang kanyang acting. He is always better sa next movie na ginawa niya.

He makes good use of his God-given talent in a good way.

Ang Mahal Kita, Beksman ay sinulat ni Fatrick Tabada. Siya rin ang writer ng Patay na Si Jesus at Born Beautiful.

***

HITIK sa sex and violence ang Virgin Forest, ang latest movie ni Direk Brillante Mendoza na nagkaroon ng special preview sa Gateway Cinema 7 last week.

Pero kahit na may sex and violence, relevant ang Virgin Forest dahil tinatalakay nito ang issue ng corruption, prostitution at greed bilang backdrop ng kwento.

Direk Brillante took it upon himself to tackle various issues sa movie when it was greenlighted by Viva for production.

“We all know that the audience of Vivamax looks for sex so there is the theme of prostitution. I just don’t want to use prostitution to show nudity, love scenes and all. They are all intentional, not just to shock the viewers but also for us to have critical thinking,” paliwanag niya.

Matagal nang problema ang illegal logging sa ating mga kagubatan pero ngayon lang ito tinatalakay sa pelikula ni Direk Dante.

Bagamat nakagugulat ang eksena ng mga babaeng nakahubad, integral naman ang nudity sa kwento. Hindi naman basta inilagay lang ang mga sexy scenes.

Maganda ang pelikula at kapuri-puri ang acting ng main cast led by Sid Lucero, Angeli Khang at Vince Rillo.

Kahit na may eksenang “sumilip” ang private part ni Sid ay hindi naman ito big deal sa actor. Aksidente naman ito at hindi naiwasan. Cool lang si Sid sa nangyari.

(RICKY CALDERON)