2022 June Archive - People's Balita

Archive for June, 2022

Naghahanda na para sa ihu-host na variety/game show: RABIYA, inaming malaki ang paghanga sa kakayanan ni MICHELLE

Posted on: June 6th, 2022 by @peoplesbalita No Comments

KAHIT na sunud-sunod ang hiwalayan sa showbiz, nananatili pa ring matibay ang relasyon ni Kiray Celis sa kanyang non-showbiz boyfriend na si Stephan Estopia.

Noong maging public na ang relasyon ng dalawa, nakatanggap ng bashing at hate comments si Kiray dahil hindi naman daw tatagal ang relasyon nila ni Stephan. Ginagamit lang daw siya nito at huwag daw masyadong mag-ilusyon si Kiray na may lalakeng seseryoso sa kanya.

Pero two years na nga ang relasyon ng dalawa at napatunayan na nila sa mga haters na patuloy ang pagmamahalan nila dalawa against all odds.

Sa isang Instagram post, nai-share ni Kiray ang sweet photos nila ni Stephan habang nasa isang resort silan. May caption ito na: “Parehas kaming naloko. Kaya ayaw namin gawin sa ibang tao. Walang lokohan. Hanggang sa dulo. #HindiLahatHiwalaySa2022,”

Nag-trending last year si Stephan nang ipa-tattoo ng huli sa kanyang dibdib ang mga mata ni Kiray at nasundan pa ito noong February nang ang buong pangalan naman ni Kiray ang ipina-tattoo niya sa kanyang braso.

Kapitbahay lamang noon ni Kiray si Stephan na kaibigan din ng kanyang kuya. Dahil sa paglalaro ng Mobile Legends kaya mas naging close raw ang dalawa hanggang sa mapagpasiyahang ligawan na ni Stephan ang aktres.

***

MALAKI pala ang paghanga ni Miss Universe Philippines 2020 at Sparkle artist na si Rabiya Mateo kay Michelle Dee na naging first runner-up at Miss Universe Philippines-Tourism sa nakaraang MUP 2022 pageant.

Ayon kay Rabiya, bilib siya sa talent ni Michelle dahil kaya raw nitong gawin ang lahat bukod sa pagiging model at beauty queen.

“Si Michelle Dee, talented. Ano pa ba yung hindi nya kaya gawin? Nag-a-acting siya, nagho-hosting and ngayon isa na syang beauty queen ulit after winning Miss World Philippines.

“Hindi kasi siya takot mag-take ng risks which is isa sa mga importanteng virtue na meron tayo. Kasi walang magandang mangyayari sa buhay natin kung palagi tayong nasa comfort zone.”

Deserving naman daw talaga para kay Rabiya ang pagkapanalo ni Celeste Cortesi bilang Miss Universe 2022. Malaki raw ang naging transformation ni Celeste at napakasipag daw na tao nito.

“She used to be that girl na may doubt sa sarili. Pero isa ako sa mga nag-push sa kanya kasi nakita ko yung potential nya. And I’m so happy that she won.

“As a friend, I’m very proud and I’m going to support her all the way kasi naniniwala akong kaya niyang ipanalo ang ikalimang korona para sa Pilipinas,” diin pa ni Rabiya na naghahanda na para sa kanyang ihu-host na variety/game show sa GMA-7 na kapalit ng Mars Pa More.

Ito ay ang Tick To Clock at kasama niya rito sina Pokwang at Kuya Kim Atienza.

***

NAKITA at nakilala na ni Queen Elizabeth II ang kanyang apo sa tuhod kay Prince Harry na si Lilibet Diana.

Natuwa ang 96 year-old monarch na nasilayan na niya si Lilibet na 11 months old na at pati ang pagkikita nila ulit ng 3 year-old na panganay nila Harry at Meghan Markle na si Archie.

Sinilang ni Meghan si Lilibet sa California noong June 2021. Lookin forward si Queen Elizabeth na makakapag-celebrate ng kanyang 1st birthday si Lilibet sa Buckingham Palace.

Bumalik sa England ang mag-asawang Harry at Meghan para um-attend ng Platinum Jubilee celebrations, honoring the Queen’s 70 years on the throne.

Noong nakaraang April, nasa U.K. din ang Duke and Dichess of Sussex para sa Invictus Games at dinalaw nila si Queen Elizabeth.

Sey ni Harry: “Being with her, it was great. It was just so nice to see her. She’s on great form. She’s always got a great sense of humor with me. It was really nice to catch up with her.”

Kahit na bumitiw sina Harry at Meghan sa kanilang royal duties para tumira sa Amerika, hindi nila kayang palagpasin ang 70th anniversary ni Queen Elizabeth sa trono at makilala na nito ang anak nilang si Lilibet.

(RUEL J. MENDOZA)

VP Leni, nakipagkita na sa team ni Sara Duterte para sa transition talks

Posted on: June 6th, 2022 by @peoplesbalita No Comments

NAKIPAGKITA na si outgoing Vice President Leni Robredo sa mga kinatawan ni Vice President-elect Sara Duterte para sa transition talks.

Winelcome ni Robredo at binigyan ng tour ang transition team ni Duterte sa naging pagbisita ng mga ito sa Office of the Vice President (OVP) sa Quezon City.

Sa naging pagpupulong, sinabi ni Robredo na handa siyang magbigay ng tulong at gabay upang matiyak ang smooth transition sa susunod na administrasyon.

Nito lamang Hunyo 1, nagsagawa ng Zoom meeting ang transition teams kung saan tinalakay ang overview ng organisasyon at primary reforms at mga proyekto sa ilalim ng termino ni Robredo.

Samantala, nakahanda na ang San Pedro Square sa Davao City para sa inagurasyon ni Vice president-elect Sara Duterte sa Hunyo 19.

Nauna rito, sinabi ni Sara Duterte na nais niyang magtatag ng satellite offices sa iba’t ibang rehiyon upang dalhin ang serbisyo malapit sa mga tao. (Daris Jose)

Luntiang Silong ng Bulacan Medical Center, nagkamit ng mga parangal sa QUILTS Awards 2022

Posted on: June 6th, 2022 by @peoplesbalita No Comments

LUNGSOD NG MALOLOS – Isang panibagong pagkilala ang muling nadagdag sa listahan ng mga karangalang natanggap ng Pamahalaang Panlalawigan ng Bulacan nang magkamit ang pasilidad na Luntiang Silong ng Bulacan Medical Center ng dalawang malaking karangalan bilang kampeon sa parehong kategorya ng Linkage to Care at Differentiated Service Delivery and Case Management sa katatapos lang na Quality Uptake and Improvements in Lifesaving Treatment Services (QUILTS) Awards 2022 na ginanap sa Tanghalang Pasigueño, Pasig City Hall Complex, Caruncho Ave, Pasig, Metro Manila noong Mayo 31, 2022.

Ang nasabing pasilidad ang tugon ng lalawigan sa pagbibigay ng wastong pangangalaga sa mga Bulakenyong nagpositibo sa HIV at naglalayong magbigay kaalaman sa mga tao hindi lamang para bumuo at magpanatili ng mas ligtas na mga gawi, kundi magbigay rin ng ligtas na lugar upang mabawasan ang diskriminasyon sa mga taong may HIV (PLHIV).

Ayon kay Ronchie D. Santos, HIV Unit Nurse Supervisor, tumanggap ang pasilidad ng mga tropeyo at mga sertipiko ng pagkilala para sa mga katangi-tangi nitong mga nagawa sa pangangalaga at serbisyong panggagamot sa mga taong may HIV lalo na noong unang taon ng pandemya.

“Sa panahon ng pandemya, ang Luntiang Silong ay hindi natigil maibigay ang serbisyong kailangan ng ating mga PLHIV (People Living with HIV). Tayo mismo ang nanguna na sila ang matest/masuri. Tayo mismo ang pumunta sa kanilang mga bahay-bahay at lahat ng ating mga nasuring positibo ay agad-agad nakakuha ng gamutan sa loob lang ng isang araw,” ani Santos.

Sinabi naman ni Gobernador Daniel R. Fernando na hindi dapat ipinagsasawalang bahala ang HIV at hinikayat ang mga Bulakenyo na magpa-test para maiwasan ang pagkalat ng virus.

“Ang pagkakaroon po ng HIV ay hindi dapat ipinagsasawalang bahala. Kung ito ay hindi papansinin at hindi magagamot, magtutuloy-tuloy po ito bilang AIDS na mas delikado sa immune system. Napaka delikado po nito kaya naman nariyan ang ating Luntiang Silong para magbigay ng mga serbisyo at kaalaman kung paano natin lalaban ang sakit na ito. Hinihikayat ko rin ang ating mga kababayan na hangga’t maaari ay magpa-test para tuluyan nating maiwasan ang pagkalat nitong HIV,” anang gobernador.

Kabilang rin ang Luntiang Silong sa mga finalist para sa Top RHIVDA Facility dahil sa mabilis na pagtatayo nito ng pasilidad at ang Meycauayan City Primary HIV Care Clinic na nanalo rin ng Adherence Award.

Ang QUILTS Awards ay isang award giving body na kumikilala sa mga partner facility at organisasyong nagbibigay ng mga serbisyong panggagamot sa mga PLHIV.

Searchlight Pictures Releases Brand-new Trailer of ‘The Menu’ Starring Ralph Fiennes and Anya Taylor-Joy

Posted on: June 4th, 2022 by @peoplesbalita No Comments

SEARCHLIGHT Pictures has released a brand-new trailer for their upcoming dark comedy horror movie The Menu starring Ralph Fiennes and Anya Taylor-Joy.

Directed by Mark Mylod (Games of Thrones) and produced by Adam McKay (Don’t Look Up) and Betsy Koch, The Menu features an ensemble cast alongside Fiennes and Taylor-Joy, including the likes of Nicholas Hoult (X-Men: First Class), John Leguizamo (Encanto), Hong Chau, Janet McTeer, Judith Light, Aimee Carrero, and Paul Adelstein.

The story of The Menu revolves around a young couple (Hoult and Taylor-Joy) who travel to a remote island to eat at an exclusive restaurant where Chef Slowik has prepared a sumptuous menu with some shocking surprises.

Now, Searchlight Pictures have dropped a brand-new trailer for The Menu, putting the spotlight on Ralph Fiennes’ sinister Chef Slowik as he sends his ill-fated guests into a frenzy. Supported by an unsettling background score setting up the cult-like atmosphere of the secluded island-based restaurant, the trailer begins with Taylor-Joy and Hoult’s characters arriving at the remote location, where the daunting head chef calls the shots. As his guests settle down for an appetizing set of meals, the evening turns deadly when Taylor-Joy begins to suspect Chef Slowik’s intentions.

Check out the trailer below: https://www.youtube.com/watch?v=CAWZMssP3gM

Fresh off Matthew Vaughn’s action flick The King’s Man, Fiennes is currently working on several projects, including a reunion with Wes Anderson for The Wonderful Story of Henry Sugar, where he will star alongside Benedict Cumberbatch. As for Taylor-Joy, the Northman and Last Night In Soho actress is hard at work on George Miller’s highly-anticipated Mad Max: Fury Road prequel Furiosa, which is filming in Australia. Moviegoers can catch the two stars, along with the rest of the talented cast, when The Menu makes its theatrical debut on November 18, 2022. (source: screenrant.com)

(ROHN ROMULO)

Ads June 4, 2022

Posted on: June 4th, 2022 by @peoplesbalita No Comments

Top 2 at 3 Most Wanted Person sa Navotas, nalambat

Posted on: June 4th, 2022 by @peoplesbalita No Comments

BINITBIT sa loob ng selda ang dalawang lalaki na listed bilang top 2 at 3 most wanted sa Navotas City matapos matimbog sa magkahiwalay na manhunt operation ng pulisya, kamakalawa sa naturang lungsod.

Ayon kay Navotas police chief Col. Dexter Ollaging, dakong ala-1:05 ng hapon nang maaresto ng pinagsamang mga tauhan ng Navotas Police Warrant and Subpoena Section (WSS) at Sub-Station 1 sa isinagawang joint manhunt operation si Rommel Morris, 35, pedicab driver, sa kanyang bahay sa Galicia extension St., cor. Lapu-lapu st., Brgy. Bangkulasi, Navotas City.

Si Morris na listed bilang top 2 most wanted sa lungsod ay inaresto sa bisa ng warrant of arrest na inisyu ni Hon. Ronald Que Torrijos, Presiding Judge ng Regional Trial Court (RTC) Branch 288, Navotas City, para sa kasong Murder (RPC ART. 248).

Nauna rito, nadakip din ng mga tauhan ng WSS, Intelligence Section at Sub-Station 4 sa joint manhunt operation si Reynaldo Tagle, 54, sa kanyang bahay sa Blk 34B Lot 45 Phase 2 Area 2 Dagat Dagatan NBBS, Navotas City dakong alas-7:45 ng gabi.

Si Tagle na listed bilang top 3 most wanted sa lungsod ay inaresto ng pulisya sa bisa ng warrant of arrest ni Hon. Carlos M. Flores, Presiding Judge ng Regional Trial Court (RTC) Branch 73, Malabon City, para sa kasong Rape under Art, 266 of RA 7610 and VIOL. OF SEC. 5 (B) OF RA 7610. (Richard Mesa)

Marcos, inilatag ang mga prayoridad para sa 2023 national budget

Posted on: June 4th, 2022 by @peoplesbalita No Comments

INATASAN ni President-elect Ferdinand ‘Bongbong’ Marcos Jr. si incoming Department of Budget and Management (DBM) secretary Amenah Pangandaman na tiyakin na ang kanyang priority sectors ay makakakuha ng suporta mula sa 2023 national expenditure program.

Sinabi ni Pangandaman, sa isang kalatas na bilang karagdagan sa economic reconstruction target ni Marcos Jr., nais ng president-elect na pagtuunan ng pansin ang mga sumusunod na aspeto gaya ng “agricultural and food security, climate change adaptation, economic recovery, improved healthcare and education, enhanced infrastructure projects including digital infrastructure, utilization of renewable energy sources, strengthened tourism and jobs creation at sustainable development.”

Sinabi ni Pangandaman, na nilalayon niya ang isang budget plan na makakapag- “promote a broad-based and inclusive economic recovery and growth.”

“President-elect Marcos’ priority programs are in line with that,” dagdag na pahayag ni Pangandaman.

Sinabi pa ni Pangandaman na ang buong economic team ni Marcos Jr. ay magkikita sa lalong madaling panahon.

Noong nakaraang buwan, hinikayat ni DBM officer-in-charge Tina Canda ang incoming administration na obserbahan at tingnan ang spending plan cap na ₱5.268 trillion para sa 2023 “for prudent fiscal management”.

Kinilala ni Canda na ang budget ay maaaring “tight,” subalit ang pamahalaan ay kailangan na manatili sa ganoong level “if we want to be respected in the international financial community.”

“Under the constitution, the National Expenditure Program detailing the government’s proposed budget will be submitted to Congress within thirty days from the opening of its regular session,” ayon kay Canda.

Ang 19th Congress ay nakatakdang mag-convene sa Hulyo 25. (BISHOP JESUS “JEMBA” M. BASCO)

Nagpi-pray na kayanin ang matinding pagsubok: KRIS, naghahabol ng oras at halos dalawang taon ang aabutin ng gamutan

Posted on: June 4th, 2022 by @peoplesbalita No Comments

MAY bagong update si Kris Aquino tungkol sa kanyang kalagayan at patuloy na pagbagsak ng kanyang kalusugan.

Sa IG post niya, pinost ang video na kung saan sinu-swab siya, kasama ang mahabang explanation kanyang doktor.

Panimula ni Kris, “Not a long caption:

“Maraming salamat po sa lahat ng nagdasal for my recovery. Here’s the TRUTH as explained by my attending physician Dr. Niño Gavino, an exceptional Filipino American doctor based in Houston who successfully diagnosed what’s really wrong with my health.

“i’ll miss you- my friends & followers very much. Time is now my enemy, naghahabol kami hoping na wala pang permanent damage to the blood vessels leading to my heart.”

Dagdag pa ni Kris na ‘di nawawalan ng pag-asa at patuloy na lumalaban sa kanyang karamdaman, “so many people to thank but I choose to do that privately. #grateful

“For now and the next few years- sadly, it’s goodbye. Praying na kayanin ng katawan ko itong matinding pagsubok.

“kahit 17 hours away na kami nila kuya josh & bimb to fly to & the Pacific Ocean separates the PH from USA, i’d still like to end this with #lovelovelove.”

Pinusuan naman at umapaw ang pagdarasal ng netizens at celebrity friends para malampasan ni Kris ang matinding pagsubok sa kanyang buhay.

Ilan sa nag-comment sa IG post ni Kris si Judy Ann Santos-Agoncillo at nagsabi ng, “We’ll be praying for your health and recovery kris.. ❤️”
SSay naman ni Kim Chiu: “Love you ate💛💛💛🙏🏻 at “Love you, Tita!” naman ang pinost ni Darren Espanto.
‘Healing prayers’ naman ang komento ni Lorna Tolentino.
Verified
Comment ni Jackielou Blanco, “i will continue to pray for you Kris❤️❤️❤️.”
Ang impersonator naman ni Kris na si Krissy Achino ay nag-comment din ng, “The Lord is the mighty Healer, He will not forsake you, Ms. Kris! Continuously praying for you & your beloved fam po. May God bless you always. Love, love, love!!!”

Sa rami ng nagdarasal para sa unti-unting paggaling ni Kris kanyang karamdaman, nawa’y mabigyan siya ng lakas at milagro ng Diyos.

(ROHN ROMULO)

Robredo, wala pang plano na magtrabaho sa gobyerno

Posted on: June 4th, 2022 by @peoplesbalita No Comments

WALA pang plano si Vice President Leni Robredo na pumasok sa alinmang tanggapan ng gobyerno.

Ayon kay Attorney Ibarra Gutierrez, tagapagsalita ni Robredo, hindi muna tatanggap ng anumang posisyon sa gobyerno si Robredo dahil nakasentro ang atensyon nito ngayon sa maayos na pagtatapos ng kanyang termino.

Ang pahayag ng kampo ni Robredo ay ginawa nang mapabalitang bibigyan ito ng posisyon sa Marcos administration.

“Well, that question is hard to answer since she is yet to be offered a government post. But for now, her focus ay ang maayos na pagtatapos ng kaniyang termino. ‘Yung kaniyang pagkakaroon ng maayos na transition at pagsasara ng lahat na programa ng OVP under her leadership,” sabi pa ni Gutierrez.

Anya, tutok din si Robredo sa pagiging private citizen na kikilos bilang bahagi ng isang civil society na sisikaping ipagpatuloy ang serbisyo sa mamamayan.

Plano ni Robredo na maglunsad ng non-government organization na tatawaging Angat Buhay sa darating na Hulyo 1, isang araw matapos niyang bumaba sa pagka-bise presidente.

Ang Angat Buhay ay isang anti-poverty program ng Office of the Vice President sa ilalim ni Robredo. (ARA ROMERO)

Dahil kailangang mag-stay ng three months sa Korea: MARIAN, tinanggihan na ang offer na maging ina ni KIM SEON HO sa pelikula

Posted on: June 4th, 2022 by @peoplesbalita No Comments

TOTOO nga pala na may offer kay Marian Rivera na gumanap bilang Filipina mom ng South Korean actor na si Kim Seon Ho sa Korean film nito na Sad Tropics.

Ito ang project na nagtuloy-tuloy gawin ni Seon Ho after his scandal. Nang lumabas ang balitang ito, minessage na namin si Marian at tinanong. Pero, “secret” kasunod ang smiley face na sagot niya.

Pero ‘yun nga, tinanggihan daw ni Marian ang offer. Ang dahilan, same reason din kung bakit hindi niya magawang tumanggap ng teleserye sa GMA Network.

Eh, kinakailangan pang mag-stay siya sa Korea for three months for the filming. Bilang sa Korea, talagang buwan ang binibilang ng filming ng isang pelikula.

Malinaw kay Marian ang priority niya at ito ay ang kanyang pamilya, lalo na ang dalawang anak nila ni Dingdong Dantes na sina Zia at Sixto.

***

NAKARARAMDAM na kami ng awa kay Andrea Brillantes.

Aba, mukhang hindi talaga siya tinatantanan ng mga haters at bashers niya.

Si Andrea ang teenstar pa lang, pero sangkaterba as in milyon-milyon ang followers sa social media.

In fact, si Andrea nga yata ang most followed celebrity in Tiktok. Pero at the same time, si Andrea rin yata ang most bashed na celebrity.

Simula pa nang maging very vocal siya sa pagiging isang Kakampink at isa sa nag-all-out na sumuporta kay VP Leni Robredo.

Hanggang ngayon sa kanyang relationship with Ricci Rivero. Pati pananalita niya na until now, pabebe pa rin daw. Bawat galaw ni Andrea, may nasasabing negative sa kanya ang mga bashers niya.

Pero ang nakakaloka, ‘yung old video ni Andrea noong 2015 pa kunsaan, masasabing isa sa “scandal” daw noon ay nagre-resurface o lumalabas na naman ngayon. Sinasabing wala naman daw ibang gagawa nito kung hindi ang mga haters ng actress.

Bata pa si Andrea noon at never niyang sinagot ang tungkol sa scandal video. Ngayon kaya ay ia-address na niya ito?

***

SA rami na ng mga naghiwalay na showbiz couple, bakit parang ang hiwalayan talaga nina Moira dela Torre at ng kanyang musician husband na si Jason Hernandez ang nag-trigger para marami ang mag-push na ipasa na ang Divorce Bill sa bansa.

Bukod pa rito, naging isyu na rin ang mga groom na umiyak during their wedding. May mga nag-compile tuloy ng ilang showbiz couple na hiwalay na ngayon at umiyak ang groom noong ikinasal.

Isa sa nag-react dito ay ang Kapuso actress na si Yasmien Kurdi. Napatanong pa ito na, “Is it true that if a man cries in a wedding he has a better chance of divorce?”

Eh, may sampung taon na halos kasal si Yasmien sa kanyang mister na si Rey Soldevilla, isang piloto.

Ipinost pa ni Yasmien ang picture ng mister niya noong ikinasal sila para may proof na hindi raw talaga ito umiyak.

Feeling ni Yasmien, hindi sila kasama sa posibleng magkahiwalay o mag-divorce kaya parang na-relieve ito. Sey niya, “buti nalang hindi umiyak si Pangga. You didn’t even cry. Love you!”

(ROSE GARCIA)