2022 June Archive - People's Balita

Archive for June, 2022

Pinas, naiwasan ang bagong Covid-19 surge dahil sa vax, pagsunod sa protocol – PDu30

Posted on: June 9th, 2022 by @peoplesbalita No Comments

NAIWASAN ng Pilipinas ang panibagong surge ng Covid-19 cases sa pamamagitan ng nagpapatuloy na Covid-19 vaccinations at pagsunod sa minimum public health standards.

Ito ang inihayag ni Pangulong Rodrigo Roa Duterte sa kanyang Talk to the People, Lunes ng gabi.

“If I were to judge myself, the one single thing that my government did was to contain Covid-19 in a very much earlier span of time. And to think na ‘yung iba sa ngayon nagkaroon ng surge simply because maybe the citizens of that country do not want to follow regulations. E tayo dito, sabi ko, takot ,” ayon kay Pangulong Duterte.

Pinuri naman ng Chief Executive ang pagtalima ng mga mamamayang Filipino sa Covid-19 health protocols.

Nakapagbigay aniya ito ng kumpiyansa na magbalik-trabaho.

“Because we (re)started our economy, yung mga trabahante bumalik na, nakalabas na,” ayon sa Chief Executive.

Samantala, nanawagan naman ang Pangulo sa mga healthcare workers at vaccinators na “stretch their efforts” at tulungan na alamin at kilalanin ang mga Filipino na hanggang ngayon ay hindi pa rin nakapagbabakuna laban sa Covid-19.

“Yung hinahanap natin ‘yung itong mga vulnerable o kaya ng may mga edad na na hindi nakakalabas at di pa naiinjeksyunan, if we can manage to find them,” anito.

Hindi naman lingid sa kaalaman ng Punong Ehekutibo na marami sa mga ito ay bone-weary, subalit umapela siya sa mga ito na “to do more” para sa kapwa Filipino.

“Alam kong pagod na kayo but you have to do more for your countrymen. ‘Yan lang ang pakiusap ko sa inyo …This time do it for the country and do it for your countrymen,” dagdag na pahayag nito.

Samantala, inalala naman ni Pangulong Duterte ang ginawang paglaban ng Pilipinas sa panahon ng kasagsagan ng pandemya.

Muling pinasalamatan ni Pangulong Duterte ang China sa pagbibigay sa bansa ng first batch ng Covid-19 vaccines.

“We started with zero. We were just floating, waiting for the next thing to happen. And maski anong sabihin ng iba and other nations, we would like to reiterate again our gratitude to China,” anito.

Habang ang ibang bansa ay nag-iimbak ng doses ng Covid-19 vaccines, napakabait aniya ng China nang ibahagi nito ang kanilang bakuna sa Pilipinas.

“One day, without us really expecting it, China announced that they’re shipping to the Philippines vaccines to start the yung panlaban natin (our fight), the war against the Covid-19,” dagdag na pahayag ni Pangulong Duterte. (BISHOP JESUS “JEMBA” M. BASCO)

Jeepney drivers nagbabala na hihinto ng operasyon

Posted on: June 9th, 2022 by @peoplesbalita No Comments

NAGBIGAY ng babala ang mga jeepney drivers na sila ay hihinto sa kanilang operasyon ngayon linggo upang iprotesta ang tumataas na presyo ng krudo at iba pang produktong gasolina.

Ayon sa Pagkakaisa ng mga Samahan ng Tsuper at Operators Nationwide (Piston) na ang mga miyembre na kasama sa kanilang asosasyon ay umaangal na sa mga nagaganap na pagtaas ng presyo ng krudo sa mga nakalipas na buwan.

“The P6.50 increase in diesel and P2.70 in gasoline per liter may force us to stop operating to avoid further losses in our operations,” wika ng Piston.

Sa ngayon, ayon na rin sa kanila, ang mga drivers ay halos wala ng kinikita dahil sa situasyon ngayon. Halos lingo-linggo na lamang ay nagtataas ng presyo ng krudo at oil products ang merkado.

“If you look at it, its as if the big oil companies are already insulting the Filipino people because there are days that prices are decreased and then increased,” saad ni Piston national president Modesto Floranda.

Ganon din ang sentimiento ng samahang Federation of Jeepney Operators and Drivers Association of the Philippines (Pejodap). Sa ngayon, marami na sa mga jeepney drivers ang naghahanap na ng iba trabaho at source ng kanilang kabuhayan.

May darating na naman na pagtataas ng presyo ng produktong petroleum ngayon linggo kung saan ang mga kumpanya ng langis ay naganunsyo ng pagtataas ng diesel na P6.30 hanggang P6.50 kada litro at P2.50 hanggang P2.70 kada litro ng gasoline. Ito na ang ikalawang sunod na pagkakataon na nagtaas ang presyo ng diesel ngayon linggo.

“While the transport groups have been asking the government to suspend the collection of excise tax and value-added tax on oil products for months, jeepney drivers have continued to operate with no choice despite the increases in fuel,” dagdag ni Floranda.

Sinabi naman ni Fejodap national president Boy Rebano na ang ibang transport groups ay nagbabalak ng gumamit ng electric jeepneys bilang isang alternatibong transportasyon sa tumataas ng presyong petrolyo.

“It will be punishing to drivers and operators to switch to electric jeepney but we can’t see any other alternative other than this. If we’re always going to be dealing with price increases, then its going to kill us, especially drivers who are suffering the most in this situation,” wika ni Rebano.

Samantala, umaapela naman ang pamahalaan sa mga grupo ng transportasyon na huwag na nilang ituloy ang kanilang plano na huminto ng kanilang pasada dahil sa tumataas ng presyo ng produktong petrolyo.

“We appeal to jeepney drivers and operators not to push through with their plan to halt trips this week. The government is doing what it can do to help drivers and operators amid the rising oil prices,” sabi ni acting presidential spokesman Martin Andanar.

Patuloy pa rin ang pagbibigay ng fuel subsidies sa sektor ng transportasyon na apektado ng mataas ng presyo ng produktong petrolyo. Hanggang noong June 1, may 180,000 ng mga drivers at operators sa sektor ng pampublikong transportasyon ang nabigyan ng fuel subsidies. LASACMAR

Balik-sitcom at gaganap na ina nina Kelvin, Shaun at Abdul: RUFA MAE, pinayagan ng asawa na mag-stay para matutong mag-Tagalog ang kanilang anak

Posted on: June 8th, 2022 by @peoplesbalita No Comments

ANG saya-saya ng mediacon sa Novotel, Cubao, Quezon City, na ipinag-imbita ng GTV para sa first sitcom nila na ‘TOLS’ na pinangungunahan ni actress-comedienne Rufa Mae Quinto.

Yes, back na muna for the meantime si Rufa Mae sa bansa, dahil nami-miss na rin niya ang pag-arte. Sa pagbalik nila ng anak na si Athena, pumirma na siya ng contract bilang isa sa Sparkada, ang Sparkle GMA Artist Center.

Pumayag ba naman ang husband niyang si Trevor Magallanes na mag-stay sila rito ng anak nila samantalang naroon siya sa Amerika?

“Pumayag naman siya dahil gusto ng anak namin na matutong magsalita ng Tagalog,” biro pa ni Rufa Mae, “nahihirapan ako at ‘dumurugo ang ilong ko tuwing nagsasalita ako roon ng English.”

Tamang-tama naman daw na tinanggap ng GMA Network ang pagbalik niya at bukod sa ilang shows nang nag-guest siya, ay kinuha nga siya sa ‘TOLS’ at mga anak niya sina Kelvin Miranda, Shaun Salvador at Abdul Rahman,

Happy si Rufa Mae na gusto raw niya ang mga kasama niya sa cast, “Makukulit, pero masasaya at mababait silang lahat.”

Kasama rin sa cast sina Betong Sumaya, Arkin del Rosario, Raymund Mabute, Olive May, Rollie Concepcion, at Jojo Alejar. Director nila si Monti Parungao na kasamang nag-conceptualize ng story na mala-‘Palibhasa Lalake.’ Sa June 25 ang pilot episode nito, 7:05PM sa GTV.

***

LABIS naman ang pasasalamat ni StarStruck 7 finalist Abdul Rahman, na pagkatapos ng talent search, nagkasunud-sunod din ang projects niya sa GMA Network.

Una siya nabigyan ng first serye niya, ang Legal Wives, katambal ang Ultimate Female Artist na si Shayne Sava. Ongoing ang second series nila ni Shayne na Raising Mamay sa GMA Afternoon Prime.

At ngayon ay meron na siyang first sitcom, ang TOLS kaya natanong si Abdul kung papasok din ba si Shayne sa show?

“Abangan po ninyo ang paggi-guest ni Shayne sa sitcom. Naniniwala po ako na may bright future po ang loveteam namin,” sagot ni Abdul.

“Nagpapasalamt po ako na may bago akong project. Para po ito sa Mama ko na may sakit ngayon at kailangan ko ang pera for her medication para tuluyan na siyang gumaling.”

***

THANKFUL si Kapuso actress Kylie Padilla sa netizens and televiewers na kasisimula lamang mag-air ng first sports-serye ng GMA, ang Bolera ay tinutukan na agad.

Ayon kay Kylie, tiyak daw na naging interesado ang viewers dahil ibang sport naman ang napapanood nila, lalo pa at bago sila nagsimulang mapanood ay

naging gold medalists sa katatapos na 31st SEAGames ang mga naging coaches niya na nagturo sa kanya ng tamang gagawin sa paglalaro ng billiard.

“Nakakataba ng puso na gabi-gabi ay tumataas ang rating namin, kaya salamat po sa inyong pagsubaybay sa amin gabi-gabi,” sabi ni Kylie. “Salamat din sa mga leading men ko rito, sina Rayver Cruz at Jak Roberto, kina Al Tantay, Gardo Versoza, Joey Marquez, sa nanay ko rito, si Ms. Jaclyn Jose, na ang dami-dami kong natutunan sa kanya sa bawat eksenang gawin namin. Salamat po sa pagpanood ninyo sa amin gabi-gabi, 8:50PM sa GMA-7”

***

LAST June 2, longtime celebrity couple, Kapuso actor Jason Abalos and former beauty queen Vickie Rushton, shared photos from their dreamy outdoor pre-nuptial shoot sa Farm Ridge in Pantabangan, Nueva Ecija.

Engaged on December, 2021, ayon kay Vickie it was “one of the best things that happened in 2021.”

Sabi naman ni Jason, “una sa lahat salamat sa inyong mga pagbati. Our pre-nup happened last year in my hometown in Pantabangan, Nueva Ecija, here are some of the photos, more to come.”

The couple first met in 2010 sa isang ABS-CBN event in Bacolod, Vickie’s hometown. They ended dating the following year when Vickie was also crowned Mutya ng Pilipinas International in 2011

Vickie bid goodbye to the pageant world last year, si Jason naman ay kumandidatong Board Member ng Nueva Ecija, noong May elections, na nanalo siya. First time na nag-try pasukin ni Jason ang pulitika.

Congratulations, Jason and Vickie.

(NORA V. CALDERON)

Bilang ng mga nagugutom sa bansa tumaas – SWS

Posted on: June 8th, 2022 by @peoplesbalita No Comments

TUMAAS ang bilang ng mga pamilyang Filipino na nagugutom.

Ayon sa Social Weather Station (SWS) survey na mayroong estimated na 3.1 milyong pamilyang Filipino o 12.2% ang nakaranas ng gutom sa nagdaang tatlong buwan.

Isinagawa ang surver mula Abril 19-27 kung saan mas mataas ito noong Disyembre 2021 na mayroong 11.8 percent.

Sinalihan ito ang face-to-face interviews ng 1,440 adults na balance sa Luzon, Metro Manila, Visayas at Mindanao.

Naranasan ang mataas na bilang ng tag-gutom sa Metro Manila na sinundan ng Mindanao, Luzon at Visayas. (ARA ROMERO)

Mas maraming ayuda, suspended oil tax -PDu30

Posted on: June 8th, 2022 by @peoplesbalita No Comments

SINABI ng Department of Finance (DOF) na ang ginawang pagbibigay ng ilang beses na cash aid sa gitna ng napakatagal na pandemya habang inalis ang oil taxes nang tumalon naman ang global prices sa pinakamataas na record nito ang ilan lamang sa mga dahilan kung bakit pumalo sa P15.4 trillion ang public debt ng Pilipinas ngayong taon.

“The government has consistently exercised fiscal prudence in responding to the COVID-19 pandemic. We spent what we had to, but not more than what we could afford. In fact, had we acquiesced to pressure for us to spend more, our debt would have increased by P2.2-trillion more and reached P15.4 trillion,” ayon kay DOF’s chief economist, retired undersecretary Gil Beltran.

“The national government’s outstanding debt had been projected to hit a new high of P13.2 trillion by yearend. Even if the economy would grow by 7 to 8 percent as targeted in 2022, the debt-to-gross domestic product (GDP) ratio — a better measure of a country’s capability to repay its obligations — would further rise to 60.9 percent, from the 16-year-high of 60.5 percent last year,” ayon sa DOF.

“Debt-to-GDP already reached 63.5 percent in the first quarter — the highest since end-2005’s 65.7 percent — as debts climbed 17.7 percent year-on-year during the first three months and outpaced the better-than-expected first-quarter GDP growth of 8.3 percent. The end-March ratio remained above the 60-percent threshold deemed by debt watchers as manageable among emerging markets like the Philippines,” dagdag na pahayag ng DOF.

Subalit sinabi naman ng domestic finance group ng DOF na “the passage of proposed COVID-19 stimulus bills and other revenue-eroding measures would have led to additional spending or revenue losses of at least P2.2 trillion.”

Bukod sa pangungutang, ang tax at non-tax revenues na kinolekta ng government ang nag-finance sa national budget.

Sinabi pa ng DOF, ang panukalang mga batas na hindi naman naipasa — ukol sa value-added tax (VAT) exemptions para sa langis, liquified petroleum gas (LPG), electricity at iba pang commodities, at maging ang suspension ng fuel excise taxes; bilang ng mga hakbang na naglalayong makapagbigay ng ng mas maraming “subsidies as economic stimulus” sa gitna ng COVID-19 pandemic; mga batas para sa exclusion ng 13th-month pay, performance-based bonuses (PBB), at iba pang income mula sa taxable income; at maging ang pagtatatag ng bagong government departments at agencies, ay nakapagpalobo sa debt pile.

“The government’s pandemic response strategically targeted the most vulnerable sectors. Financing for the two Bayanihan laws focused on ensuring that the most essential health interventions and emergency economic relief measures for populations most adversely affected by the pandemic were funded fully,” ayon kay Beltran na ang tinutukoy ay ang Bayanihan to Heal as One (Bayanihan 1) at maging ang Bayanihan to Recover as One (Bayanihan 2) laws na naipasa noong 2020 para tugunan ang “health and socioeconomic crises” dahil sa COVID-19.

“Aware of the effects of additional spending on our borrowings, the DOF worked closely with legislators to limit the interventions under Bayanihan 2 to P140 billion, despite the objections of many other stakeholders,” ayon kay Beltran.

“The government did not support several stimulus bills, each proposing hundreds of billions of additional appropriations, precisely because we understood that this would translate into further increases in the deficit and debt,” dagdag na pahayag nito.

“To deal with the effects of the pandemic in a strategic and cost-efficient manner, we secured additional financing from multilateral partner-institutions to procure an adequate supply of vaccines for the target population. The accelerated vaccination program, along with shifting to the alert level system with granular lockdowns and increased public transport capacity, enabled us to aggressively reopen the economy and restore jobs,” ang lahad ni Beltran.

Sinabi ni Beltran na sa halip, isinulong ng administrasyong Duterte ang tinawag nitong “fiscally sustainable economic recovery programs,” gaya ng Corporate Recovery and Tax Incentives for Enterprises (CREATE), at maging ang Financial Institutions Strategic Transfer (FIST) laws.

Samantala, ipinanukala naman ng outgoing Duterte administration ang fiscal consolidation at resource mobilization plan kay president-elect Ferdinand “Bongbong” Marcos Jr. para bayaran ang pandemic-induced ballooning debts at mapigilan ang economic and fiscal crises.

“Fiscal consolidation mainly meant higher or new taxes slapped on consumption plus a three-year deferral of scheduled personal income tax cuts, while slashing public spending on non-priority budget items,” ayon sa ulat. (Daris Jose)

Parang damit lang daw kung magpalit ng girlfriend: DIEGO, dininay na may ‘something’ sila ni FRANKI at pinatulan ang bashers

Posted on: June 8th, 2022 by @peoplesbalita No Comments

NAG-COMMENT ang aktor na si Diego Loyzaga sa Instagram post ng model at dating Pinoy Big Brother housemate na si Franki Russell na may caption na, “real eyes realize real lies” kasama ang dalawang sexy selfie photos.

Ang naging comment ni Diego ay, “Real eyes realize pizza pie.”

At may nag-comment agad ng, “Uhm #couplealert.”

Say pa ng isang netizen, “ang bilis magpalit ni Diego, parang damit lang.”

Na sinagot naman ng binata, “Alangan naman wag ako magpalit ng damit? Same brief, isang taon ba dapat? Butas butas na siguro brief mo tol.”

“@diegoloyzaga ah, hinahalintulad mo pala mga babae sa brief mo lang,” comment pa ng isa.

Kaya payo ng isa, “@missfranki wag pauto jan kay Diego haha.”

Isa pang netizen ang nag-comment sa pagde-deny ni Diego sa relasyon nila ni Franki.

At ang comment nito, “@diegoloyzaga baliw dineny mo nga. As friend lang kayo.”

Sagot naman ng anak ni Cesar Montano, “Anong gusto mo, kasal na kami?”

Matatandaang kumalat ang balita na may “something” na kina Franki at Diego matapos kumalat ang pinost na sweet photos nila, noong ika-27 birthday ng dalaga.

Pero statement nga si Diego ng, “Franki and I are not a thing. I just want to be single for now.”

Comment pa nga mga ‘marites’ na karamihan ay nagbababala kay Franki:

“Si ate girl kase nag post pa yan tuloy , mas excited pa si franki mag announce kesa Kay Diego.”

“Super atat si girl mag show off. Atat na sguro ikasal. 2 yrs nlng kasi mag 30 na sya.”

“Dear young girls, don’t waste your time on a guy like Diego. Walang future dyan. Bilis mag sawa. He will drop you like a hot potato. Lakas magpa fall ng babae, then iiwan nya pag sobrang seryosa at mahal na sya. Eeew.”

“Wag din kasi atat yung girl. Alam namang kakatapos lang ng relasyon ni Diego with Barbs at sobrang inlove nilang dalawa dati. Lol”

“Di ko bet si Diego pero di rin naman for keeps yung recent ex nya.”

“Franki, ingat ka. May expiry date ka kay Diego.”

“Papalit palit ng boyfriend Franki na yan.’

“Ang ganda nman ni ate girl… for diego tpos dineny pa.. enebeyen.”

“Magkamukha si Diego and franki. Matinik talaga itong c Diego Sa mga tisay. Infairness Maganda c franki.”

“maganda pero atat. Kaka turn off.”

“same lang naman sila. malay nyo mag click din db? hahaha.”

“”So arrogant and patolero.”

“Di ba pbb si franky tapos may housemate doon si argel na crush nya kaso mas bata sa kanya. Pansin ko lang kamukha ni Diego si argel, baka mga ganyan type ni girl.”

“Bagay naman sila.”

“Di na sana pinatulan ni Diego ang mga comments, nabuking tuloy.”

“Yung ang ganda mo tapos dineny ka. Ouch!”

(ROHN ROMULO)

‘Full vaccination’ ng COVID-19, kasama na 1st booster shot

Posted on: June 8th, 2022 by @peoplesbalita No Comments

SANG-AYON si Health Secretary Francisco Duque III sa panawagan ng health experts na i-redefine ang “full vaccination” sa pamamagitan ng pagsama ng first booster shot.

Sa kasalukuyan, ang naturukan na ng 2 vaccination shots ay itinuturing na “full vaccination” sa bansa, samantalang ang ibang bansa ay redefined na ang kanilang “full vaccination” status sa pamamagitan ng pagsali sa third vaccine jab o first booster shot.

“Yes, I agree with that, but the IATF (Inter Agency Task Force) alam mo naman (as you know), is not just made up of the DOH (Department of Health) , but there are also others—the economic team that frowns upon, does not agree at this,” aniya nang kapanayamin ng ANC sa redefinition kung aangat ang vaccination rate.

Sinabi niya na gusto ng economic team ng gobyerno na pataasin ang mga boosters, ngunit hindi bilang “mandatory.”

Binanggit ni Duque na sa ngayon ay anim na bansa na ang muling tinukoy ang kanilang kahulugan ng “full vaccination” sa pamamagitan ng pagdaragdag ng ikatlong shot.

“But hopefully we are getting more and more evidence in other countries,” aniya.

Hihingiin din niya rito ang consensus sa IATF. (Daris Jose)

Umabot sa higit 300K sa loob nang dalawang taon: ALMA, ‘di napigilang i-post ang photo ng kasambahay na nagnakaw

Posted on: June 8th, 2022 by @peoplesbalita No Comments

HINDI napigilan si Alma Concepcion na i-post sa kanyang Facebook account ang photo ng kanilang kasambahay na nagnakaw sa kanila.

Ayon sa former beauty queen, napaamin niya ang kasambahay sa ginawa nito sa kanyang pamilya.

Sa ginawang pag-iimbestiga ni Alma, dalawang taon na raw silang pinagnanakawan ng kanilang kasambahay. Umabot daw sa higit sa P300,000 ang nanakaw nito sa pamilya niya. Ang ibang ninakaw daw nito ay galing sa anak niyang si Cobie.

Heto ng post ni Alma sa Facebook: “Beware of this person Jhovelyn Castillo. She was our house staff. Madami nawala sa amin. [Please] share [and] be aware. Salamat. Around P300k ang napapadala niya sa probinsya sa loob ng [dalawang] taon na hindi pasok sa sahod niya. ‘Yung iba di pa namin alam. Umamin siya nung nawalan ng dollars ‘yung brother ko. Siyempre pati Beautederm items nakita ko nakatago sa laundry area nung naglinis ako nung umalis na siya, kaya ayun gumanda sa amin.

“We treated her like family- nakakagimik, nakakabarkada, nakaka ‘hang out’ pa mga kaibigan dito pero wala pa rin. Pangit ang sinukli. Tiga Romblon siya. Nung umamin siya pinaalis namin at nakita namin ‘yung mga resibo ng palawan na umabot ng 300k sa loob ng mga [dalawang] taon. Pakulong ko kaya?

“Panay dollars ang kinuha sa kapatid ko Albert Carvajal Concepcion na tinrato siyang barkada parati pa siya sinasama sa labas labas at nood ng sine. Pati anak ko, [si] Cobie Puno nawalan din ng money dahil siyempre sa bahay relax lang naka patong lang mga wallets kung saan saan. Kung nasaan ka man Jhovelyn [private message] mo ako.”

May suggestions ang ilang netizen kay Alma na sa susunod daw ay sa isang kilalang agency na kumuha ng kasambahay para malaman kung may malinis ang record nito. At bago raw sana pinaalis ni Alma ang kasambahay ay ni-report niya ito sa kanilang barangay at mapaamin kung ano pa ang mga ninakaw nito sa kanilang bahay.

***

NATUWA naman ang netizens sa nilabas na prenuptial photos ng newly-engaged couple na sina Jason Abalos at Vickie Rushton.

Kinunan ang prenup photos ng dalawa sa hometown ni Jason sa Pantabangan, Nueva Ejica noong December 2021.

Sa Pantabangan din nakabili ng ilang properties at nagpatayo ng bahay si Jason dahil gusto niyang sa probinsya sila maninirahan ni Vicki kapag kinasal na sila.

Post ni Jason sa Instagram: “Una sa lahat, salamat sa inyong mga pag bati. Our prenup happened Dec. last year in my hometown in Pantabangan Nueva Ecija. Here are some of the photos from the first layout. One of the best things that happened in 2021.”

Na-engage ang dalawa noong September 2021 pagkatapos ng sampung taong relasyon. Unang nagkakilala sina Jason at Vicki noong 2010 sa isang event na pareho silang naimbitahan.

Sinuportahan ni Jason ang pangarap ni Vicki sa pagsali nito sa beauty pageants. Noong dumating na sa pagkakataong hindi na qualified si Vicki dahil overage na ito, tinupad nito ang pangako kay Jason na magiging ready na itong mag-settle down kasama siya.

***

EXPECTING sa kanyang second baby ang singer-actress na si Mandy Moore.

In-announce ng ‘This Is Us’ star at ng kanyang husband na si Taylor Goldsmith ang kanilang happiness na masusundan agad ang kanilang firstborn na si Gus na sinilang ng singer noong February 2021.

“One incredibly seminal chapter of my life just ended and the next one, as a mother of two, is about to start… and are we ever so deeply grateful and excited. Baby Boy Goldsmith #2 coming this fall! Tour is gonna be slightly different than I expected but I can’t wait and Gus is gonna be the BEST big brother!!” caption ni Mandy sa kanyang post sa Instagram.

Post naman ng kanyang husband na si Taylor, tinawag niyang “best mom of 2″ si Mandy: “There’s a good chance I’m the happiest, luckiest person you know (or just follow) and now we’re gonna double it.”

(RUEL J. MENDOZA)

Pagtaas ng presyo ng bigas nakaamba sa Hulyo – DA

Posted on: June 8th, 2022 by @peoplesbalita No Comments

NAKAAMBA umano ang pagtaas ng presyo ng lokal at imported na bigas sa mga suunod na buwan.

Ayon sa Department of Agriculture (DA), dulot ito ng patuloy na pagtaas ng presyo ng abono, krudo at iba pang pangangailangan sa produksyon ng bigas.

Nabatid na mula sa dating P17 hanggang P19 na production cost sa kada kilo ng bigas ay posibleng sumipa na sa P24 kada kilo.

Dagdag pa rito ang gastos sa trucking papunta sa pamilihan o iba pang bagsakan ng produkto.

Bunsod nito, pinangangambahang tataas sa P46 ang presyo ng kada kilo ng well-milled rice na nasa P38 sa kasalukuyan.

Habang sa iba pang tindahan ay nasa P50 hanggang P55 na ang halaga ng kada kilo nito, lalo na kung may sari-sariling packaging ang isa hanggang dalawang kilo.

‘Scream 6’ Star Teases to See the Most Violent Version of Ghostface

Posted on: June 8th, 2022 by @peoplesbalita No Comments

JENNA Ortega reveals that the upcoming Scream 6 will feature the most aggressive and violent version of Ghostface yet.

Earlier this year, marking more than 25 years since the release of the original Scream, audiences were reunited with the horrifying Ghostface killer, who returned to torment the residents of Woodsboro once again. As the fifth installment in the franchise, Scream enjoyed enormous success in theatres despite the ongoing impacts of the COVID-19 pandemic. The much-anticipated Scream 6 was confirmed shortly after.

After bringing back the three legacy stars of 1996’s Scream, Neve Campbell, Courteney Cox, and David Arquette, the sequel also welcomed some fresh blood to the beloved horror franchise, including Melissa Barrera, Mason Gooding, Jasmin Savoy Brown, and Ortega. As Ghostface’s latest prey, the four characters survived the film’s runtime and are now set to reprise their roles in Scream 6. Ortega and Barrera’s characters took the lead in Scream, as sisters Tara and Sam Carpenter, with the latter having a familial link to another of the franchise’s original characters, Billy Loomis.

During her recent red carpet interview with Entertainment Tonight, Ortega was asked if there were any teases she could offer for Scream 6. The film has, naturally, been mainly kept under wraps thus far. The star remained understandably coy but offered an exciting tease about the level of gore and violence that audiences can expect in this upcoming installment.

Ortega teased that the film will see the “most aggressive and violent version” of the franchise’s iconic killer before sharing her excitement to begin shooting these more intense scenes.

Production on Scream 6 is set to officially kick off this month, with recent news confirming the exciting return of fan-favorite Scream 4 character, Kirby Reed, played by Hayden Panettiere. Cox will also reprise her role as Gale Weathers, although her survival within the bounds of Scream 6 is by no means guaranteed after Scream saw Arquette’s character Dewey Riley meet a grisly end in a brave moment of self-sacrifice. Many are hoping to also see Campbell’s return as the series’ original final girl Sidney Prescott. However, her involvement with Scream 6 is currently unconfirmed.

Given that the previous Scream films have built their reputation on being the gore-filled meta commentaries that they are, it’s interesting to hear that Scream 6 could be about to step it up a notch. The most recent film’s opening sequence saw Ortega’s character come face-to-face with the Ghostface killer and survive; however, with the Scream franchise now looking to raise the stakes higher than ever, it remains to be seen what lies ahead for Tara and whether she will live to see another sequel. For now, it might be time to revise the rules of survival as Scream 6 will officially hit theatres on March 31, 2023. (source: screenrant.com)

(ROHN ROMULO)