NAKATATAKOT at nakaaalarma naman ang pinost ng aktres na si Angelika dela Cruz sa kanyang facebook, na kung saan pinadalhan sila ng isang sulat na may kasamang apat na bala.

Caption ng Kapitana ng Brgy. Longos, “napaka dumi po talaga ng politika sa ating bansa .. yan po ang sulat at bala na pinadala sa XO ng aming Barangay na nagsasabi na may 4 daw na susunod at kaya may umiikot na di kilala sa bahay naming magkapatid.. grabe naman kayo kung sino man kayo na gumagawa nito sa amin.”

Umapaw naman ang mensahe sa FB post ni Angelika na nagdarasal at labis na pinag-iingat sa mga nananakot at nagtatangka nang hindi maganda sa kanila. Wag din daw siyang susuko at ipagpatuloy lang ang kanilang ginagawang paglilingkod at pagtulong sa nasasakupang barangay sa Malabon.

Say naman ng mga ‘marites’ sa isang entertainment blog:

“Grabe talaga politics sa pinas.”

“That’s nothing new in pinas.”

“db dati may threat ndn sa family nya…Politics dn..Kaloka nmn dyn sa lugar nila.”

“Parang nabalita pa dati may nagtangka rin sa buhay nya e pero parang baranggay level pa lang tinatakbuhan nya anyare ba sa kanya parang politics na lang sya nabubuhay, she can act pa naman.”

“Maybe she really wants to serve.”

“Dami na talagang masasamang loob kaya extra ingat. Anghirap pa naman ng may ganyang threat kasi nakakapraning sobra! Ingat kayo ng family mo Angelika.”

“Agree, super dirty!”

“So scary.😭”

Payo pa ng ilang netizens kay Angelika,

“Yung bahay nila Angelika sa Malabon paligid squatter area nakakatakot sa lugar na yun sana lumipat sila sa mas safe na community ang daming krimen na nagyayari sa lugar nila!”

“Umalis ka na dyan at ibenta mo na ang bahay. Kung ako sa inyo sa condo muna kayo tumira kasi hindi makakapasok kung sino sino sa condo. Kaya mas bet ko tumira sa condo kasi feeling ko mas safe at hindi nila alam kung ang unit mo.”

“Korek. Alis muna sila dyan. Nakakatakot yan.”

“Hire some bodyguards.”

“May karma sa mga tao nag hire ng ganyan at sa mga gumagawa ng masama. Pwede ka magalit pero yung aabot sa ganyan napakaimmature at hindi ba sila kinakabilutan. May balik lahat ng ginagawa nila masama. Minsan sa anak o apo pa natama hindi dun sa taong may kasalanan.”

“Mga taong ayaw nalalamangan pero ayaw magsikap para umangat.”

“Agree. Hanggang apo maniningil ang karma nyan.’

“Grabe kung buhay naman kapalit magrresign na lang ako. Anu ba naman un sswelduhin or pursyento kung may buhay naman na mawawala. Isa pa artista naman sya gamitin na lang koneksyon to get small raket sa showbiz. Choose safety over money sana. Lalo pat pati pamilya pla idadamay sa death threat.”

Samantala, nasa Bangkok, Thailand ngayon si Angelika kasama ang mga kaibigan at nag-i-enjoy sa kanilang bonding habang nagbabakasyon.

(ROHN ROMULO)

MAY resolusyon na ibinaba ang Quezon City na persona non-grata na ang Kapuso comedienne na si AiAi delas Alas at ang director na si Darryl Yap sa buong siyudad.

Ang dahilan, dahil sa ginawa nilang content during election campaign kunsaan, gumanap si AiAi bilang si Ligaya Delmonte na tila pagpo-portray ng hindi maganda sa incumbent at nanalong Mayor muli ng QC na si Joy Belmonte. Pero more to that, nagamit kasi ang official triangular seal ng siyudad na edited at naiba.

As much as some netizens, especially yung mga BBM supporters ay nagsasabing O.A. at bitter lang daw dahil natalo ang Konsehal na nagsampa ng resolusyon at may pumupuri rin kay AiAi sa ipinost nitong Tiktok dance video hanggang sa kanyang Instagram na “Unbothered,” marami pa rin ang nababasa namin at nagko-comment na “Dasurrrvvv!!!” meaning deserve lang daw ng comedy actress at ng director na maging persona non-grata.

Sa isang banda, tila ipinapakita nga ni AiAi na ngayon ay nasa America kasama ang kanyang mister na dedma siya o para ipakita na happy lang siya at yun nga, unbothered.

Pagkatapos ng caption niya, nag-post ito ng mga hashtags na “Happy wife happy life,” “good vibes,” “los angeles” at “enjoy life.”

Ang balita namin, naka-planong bumalik na agad si AiAi sa bansa from the U.S., so let’s see kung dahil sa resolution na ito ay magkaroon ng pagbabago or sadyang wala siyang paki lalo pa nga’t sabi nga ibang mga comments ng netizens, “siyempre tutulungan sila ni BBM at pakikiusapan si Mayor Joy na ma-lift ang ban sa kanila.”

***

KITANG-KITA namin sa FDCP Chairman na si Liza Diño ang fulfilment sa nakaraang anim na taon ng Film Development of the Philippines kunsaan, siya ang tumayong Chairperson.

In fairness naman kasi, isa talaga si Liza sa napakaraming nagawa sa FDCP. Nandiyan ang 100 years ng Philippine Cinema, bukod pa sa 20th year ng FDCP. Nag-celebrate rin ng Philippine Film Industry Month.

“Parang every year, may something to celebrate. But I see it as an opportunity para ma-push ang mga program na magawa,” sey niya.

Bukod dito, na-hit din ng pandemic ng mahigit dalawang taon na ang industriya at nagpatuloy lang si Liza at ang FDCP na mapagpatuloy pa rin ang film industry.

At ngayong iba na ang administrasyon, si Liza ang isa sa mga sangay ng gobyerno na nabigyan ng panibagong reappointment

Kaya sabi nga niya, “So far, may trabaho pa naman ako. I am officially reappointed. Pero siyempre, at the end of the day, as a Presidential appointee, the new President really has the prerogative kung gusto nilang i-replace.”

Pero tapos na raw silang mag-submit kay BBM ng mga manifestation nila para makapagpatuloy pa rin sila.

Tuloy-tuloy lang nga si Liza at ang buong FDCP na ngayong buwan ng June ay busy naman para sa June’s pride month sa pamamagitan ng PeliKULAYa: International LGBTQIA+ Film Festival sa pamamagitan ng hybrid format mula June 10 hanggang June 26.

***

EMOSYONAL pa rin ang buong cast ng Pepito Manaloto na ngayon ay magbabalik na muli sa ere.

Ang Pepito Manaloto: Tuloy ang Kuwento, ang isa sa paboritong sitcom sa Kapuso network ay mapapanood na nga muli simula sa Sabado.

Pero hindi pa rin mapigilan ng cast na kinabibilangan nina Michael V, Manilyn Reynes, Chariz Solomon, Mosang, Arthur Solinap, Jake Vargas ang maging emosyonal na maalala ang namayapang director ng show na si Direk Bert de Leon.

Aminado ang lahat na iba raw talaga, lalo na sa unang araw na nag-taping sila na wala na ito.

Pero siyempre, tulad ng title ng show, “tuloy ang kuwento,” ano man ang nangyari, tuloy-tuloy pa rin silang magpapatawa.

Naging open din ang cast na nang magkaroon ng pandemic at hindi sila nakapag-taping, pinalitan muna sila ng Pepito Manaloto: Ang Unang Kuwento. Pinuri nila ang mahusay na pagkakagawa nito, pero inaming kinabahan din kung makakabalik pa ba sila na mga original cast.

(ROSE GARCIA)

SABI ni Chair Liza Dino, kailangan ng support film industry ng support ng gobyerno, lalo na sa financial needs.

Para raw makatiyak na magiging competitive ang mga pelikula natin ay dapat may funding ito mula sa gobyerno. Let’s face the sad reality na hindi masyadong pinapansin ng gobyerno ang entertainment industry.

Karaniwan na yung mga artista ay naaalala lang pagdating ng campaign period. Pero pag nanalo na ay kalilimutan na ang ipangakong suporta.

Sabi pa ni Chair Liza, kung gusto natin na ang ating movies ay maging parte ng Netflix, dapat de-kalidad ang quality ng finished product.

Hindi pwede ang bara-bara na produkto. Kaya ang kailangan ng film industry ng funding to keep it going.

Ipinagdiriwang ng Film Development Council of the Philipppines (FDCP) ang Pride Month by holding PeliKULAYa: International LGBQTIA+ in hybrid format mula June 10 to 26 sa iba’t-ibang Cinematheque venues sa buong bansa.

***

AYON kay Direk GB Sampedro, ibang klaseng movie naman itong High (School) on Sex.

“Kahit sabihin na parang pare-pareho ang ginagawa kong tipo ng pelikula, kung panonoorin mo naman ay hindi naman pare-pareho ang style ko sa pagdidirek. Iba’t-iba rin naman ang kwento at iba’t-iba rin ang characters,” sagot ni Direk GB.

“Kahit na sexy movies ang ginagawa ko, I make sure ‘yung sexy scenes ay naiba naman sa nagawa ko. Hindi lang tayo basta gumagawa ng sexy scene. Ang sa akin, dapat ‘yung sexy scene na gagawin ay kailangan sa istorya at hindi basta inilagay lang.”

Pero obvious na nagugustuhan ng Vivamax ang trabaho ni Direk GB dahil marami siyang projects sa Vivamax.

***

ANO kaya ang damdamin ng mga sexy stars ng Viva (marami sila) na lumalabas sa mga movies ng Vivamax sa observation ng ibang na they are exploited because they are being asked to strip naked sa camera?

Pero alam naman siguro ng mga sexy stars na ito what they are getting into bago pa man sila pumayag na tumanggap ng sunud-sunod na movies na may kasamang hubaran.

Well, ‘yung iba sexy star sinasabing stepping stone lang nila ang pagpapasexy. Gusto nilang matupad ang dream nila na maging artista, something they have nurtured bata pa sila.

Yun iba siguro, iniisip na isang oportunidad ang nagbukas via Vivamax para sila ay makilala bilang mga artista kaya go for gold kahit na may offer na movies pero kailangan ng nudity.

Soft porn nga ang tawag ni Baron Geisler sa tipo ng movies na ginagawa ng Vivamax. Pero maging siya ay di nakaligtas dahil nagpasexy rin siya sa Pusoy.

Sabi ng isang friend namin, bakit daw ang mga babae lang ang hinuhubaran sa Vivamax?

Ibig niyang sabihin, mas daring ang sexy scenes ng mga babae kaysa mga lalaki. May double standard daw, hahaha.

(RICKY CALDERON)