2022 June Archive - People's Balita

Archive for June, 2022

Ex-PAL president tinalaga sa DOTr bilang bagong kalihim

Posted on: June 29th, 2022 by @peoplesbalita No Comments

TINALAGA ni incoming president-elect Ferdinand “Bongbong” Marcos, Jr. si dating Philippine Airlines president Jaime Bautista bilang kalihim ng Department of Transportation (DOTr).

Sa isang isang press statement na binigay ni press secretary-designate Trixie Cruz-Angeles, si Bautista ay isang beteranong airlines executive na may 25 na taon experience sa ating flag carrier na PAL kung saan siya ay naging president nito ng 13 taon.

Isa siyang certified public accountant na tumaas ang posisyon mula sa baba ng Lucio Tan-owned PAL. Siya ay naging vice-president sa finance mula 1993 hanggang 1994, chief finance officer mula 1994 hanggang 1999, executive vice-president mula 1999 hanggang 2004 at president mula 2004 hanggang 2012 at 2014 hanggang siya ay mag retiro noong 2019. Nagtapos siya sa San Juan de Letran na isang Magna Cum Laude noong 1977.

“I want to transform the Philippine transport industry to global standards. It will take steps. How do we get there? That is what we will talk about in the coming days,” wika ni Bautista.

Mainit naman tinanggap ng Air Carriers Association of the Philippines (ACAP) ang pagtalaga kay Bautista sa DOTr.

Ayon sa ACAP ay ang magiging pamumuno ni Bautista sa DOTr ay makakatulong sa industriya ng aviation na sa ngayon ay nagsisikap upang bumangon para maging isang successful na sektor pagkatapos na dumaan sa pandemya.

Sinabi rin ng grupo na si Bautista ay madaming management experiences, may leadership at kaalaman sa industriya ng aviation. Alam niya ang pasikot-sikot sa operasyon ng sektor ng aviation kasama na ang technical, human resource at infrastructure requirements ng nito.

Kasama rin naitalaga si Cheloy Garafil sa Land Transportation Franchising and Regulatory Board (LTFRB) bilang isang chairman. Isang abogado at dating journalist si Garafil na siya ngayon service director ng House of Representatives’ committee on rules. Nagtrabaho din siya bilang isang prosecutor sa Department of Justice (DOJ) at isang state solicitor sa Office of the Solicitor General.

Dati rin siya connected sa mga media organizations tulad ng Philippine Daily Globe, Central News Agency, Associated Press at Malaya.

Mayron din siyang Master’s Degree sa National Security Administration ng National Defense College at isang Philippine Air Force reservist na may rank na lieutenant-colonel.

Samantala, si dating Light Rail Transit Authority deputy administrator Cesar Chavez naman ang tinalaga bilang isang undersecretary sa rail sektor.

“He was appointed by President Duterte to the same post in 2017, during which the DOTr was able to secure the National Economic and Development Authority board’s approval for the Metro Manila subway, PNR Manila to Calamba, PNR Manila to Bicol, and the Tagum-Davao-Digos Mindanao rail projects,” wika ni Angeles.

Sinabi naman ni president-elect Ferdinand Marcos na siya rin ang nakatulong para sa “overseeing the interconnection of the LRT Line 1 in Monumento to MRT 3 in North Edsa, ensuring seamless travel for passengers.”

Sa Philippine Ports Authority (PPA) naman ay naitalaga si Christopher Pastrana bilang general manager. Si Pastrana ay isang businessman na may experience sa iba’t-ibang aspeto ng aviation, logistics, at public maritime transport.

Nagtapos si Pastrana ng Bachelor of Science in Agricultural Business mula sa University of the Philippines sa Los Banos, Laguna. Sa ngayon, si Pastrana ay president at chief executive office ng CAPP Industries Inc., na isang supply at logistics conglomerate. LASACMAR

“Palitan natin ng serbisyo publiko ang kapangyarihan na ipinagkatiwala sa atin” -Fernando

Posted on: June 29th, 2022 by @peoplesbalita No Comments

LUNGSOD NG MALOLOS- “Wala tayong kapangyarihan sa ating mga sarili, maliban sa tiwala na ipinagkaloob sa atin ng ating mga kababayan. Palitan natin ng serbisyo publiko ang kapangyarihan na ipinagkatiwala sa atin.”

Ito ang mensahe ni Gobernador Daniel R. Fernando sa kanyang sarili at sa kanyang mga kapwa lingkod bayan sa panunumpa niya para sa kanyang ikalawang termino bilang ika-35 Gobernador ng Lalawigan ng Bulacan sa ginanap na “Pasinaya at Pagtatalaga sa Tungkulin ng Lahat ng Bagong Halal na Opisyal sa Lalawigan ng Bulacan” sa Bulacan Capitol Gymnasium sa lungsod na ito kahapon.

Sinabi ni Fernando na hindi niya pinangarap o pinlano na maging dakilang anak ng lalawigan ngunit tinatanggap niya ito ng buong pagpapakumbaba.

“Sadyang mahiwaga ang kalooban ng Dakilang Lumikha. Tayo ay patuloy na namamangha sa gawa ng kanyang mga kamay. Paano nga bang ang isang ordinaryong tao na artista lamang kung turingan ay nabigyan ng karangalang manungkulan bilang ika-35 Gobernador sa mahigit na 400 taong kasaysayan ng dakilang Lalawigan ng Bulacan,” aniya.

Binalikan rin niya ang mga pangyayari sa nakalipas na tatlong taon at inalala ang mga pagsubok na kinailangan niyang malagpasan ilang buwan matapos niyang simulan ang kanyang unang termino.

“Ang nagdaang tatlong taon ay puno ng pagsubok at pighati. Hindi lamang para sa inyong lingkod kundi sa buong daigdig. Hindi madaling magsimula ang isang lider lalo na sa gitna ng pandemya, ang pinakamatinding krisis ng ating panahon,” anang gobernador.

Para sa hinaharap, sinabi niya na akma ang kanyang mga balakin para sa kinabukasan sa mga plano ni halal na Pangulo Ferdinand “Bongbong” Marcos, Jr. lalo na ang patungkol sa agrikultura, imprastraktura, at hanapbuhay.

Sa huli, nanawagan si Fernando sa kanyang mga kapwa opisyal ng gobyerno na magkaisa para sa lalong ikauunlad ng lalawigan at ng bansa.

“Mga kapwa lingkod bayan, gamitin natin ng mahusay ang pagkakataong ito. Ituon nawa natin ang lahat ng pagsisikap upang maitawid ang sambayanang minamahal mula sa kawalan patungo sa daloy ng oportunidad sa kabuhayan,” anang gobernador na nasa kanyang ikalawang termino.

Sa kabilang banda, pinuri ni dating Gobernador Roberto Pagdanganan ang mabilis na pagresponde ni Fernando laban sa pandemyang COVID-19.

“Tunay na inilapit ni Governor Daniel ang pamahalaan sa ating mga kababayan. Iyan ang maririnig mo kahit saan ka magpunta. Madaling lapitan at tunay na inilapit ang pamahalaan sa bayan. ‘Yan si Governor Daniel,” anang dating gobernador.

Samantala, kabilang sa iba pang lingkod bayan na nanumpa kahapon sina Bise Gobernador Alexis C. Castro, mga Bokal, mga Kinatawan, mga Punong Bayan at Lungsod, mga Pangalawang Punong Bayan at Lungsod, at mga Konsehal. (BISHOP JESUS “JEMBA” M. BASCO)

Outgoing NEDA chief, inulit ang pangangailangan para sa “full resumption” ng face-to-face classes

Posted on: June 29th, 2022 by @peoplesbalita No Comments

MULING inulit ni Outgoing Socioeconomic Planning Secretary Karl Kendrick Chua ang panawagan na “fully resume” ang face-to-face classes.

Nagpahayag ng kumpiyansa si Chua na maipatutupad ito ng incoming administration.

Sa virtual briefing, sinabi ni Chua na ang education sector ay “significantly lagged behind”, pagdating sa full resumption ng face-to-face classes na hindi pa naipatutupad.

“As you know, the NEDA mandate covers development and for us, education is a foundation of development, so I hope this will be taken very seriously,” ayon kay Chua sa kanyang last briefing bilang hepe ng National Economic and Development Authority (NEDA).

“The repercussions on children’s present and future development are very much affected by the ability to learn better,” pagpapatuloy nito.

Nitong Marso, sinabi ni Chua na ang nationwide face-to-face learning ay makadaragdag ng P12 bilyong piso kada linggo sa ekonomiya, ang ekonomiya kasi ay nawalan ng P22 trilyong piso sa nakalipas na dalawang taon matapos na ihinto ang face-to-face learning sa bansa.

Samantala, nakatakda namang i- turn over ni Chua ang kanyang tungkulin bilang NEDA chief sa kasalukuyang Philippine Competition Commission na si Chairperson Arsenio Balisacan — na namumuno sa ahensiya sa ilalim ng administrasyon ng namayapa at dating Pangulong Benigno “Noynoy” Aquino III — araw ng Biyernes, Hulyo 1.

Sinabi ni Chua na tinalakay na niya ang kanyang panawagan para sa full resumption sa face-to-face classes kay outgoing Education Secretary Leonor Briones at outgoing Health Secretary Francisco Duque III.

“I have personally wrote Secretary Briones and Secretary Duque twice — in March and in May, and we have had many discussions in the IATF and through messages,” anito.

“These have been communicated and I hope it will be part of the transition message or notes of Secretary Briones to incoming Vice President and (Education) Secretary (Sara) Duterte,” dagdag na pahayag ni Chua.

Nakatakda namang mag-take over si VP Sara Department of Education, kasabay ng kanyang tungkulin bilang bise-presidente, at nag-commit na tingnan ang posibilidad na “fully resume” ang face-to-face classes.

Matapos ang i-turn over ang kanyang tungkulin, nakatakdang mag-aral ng isang taon si Chua. Hindi naman dinetalye ni Chua ang kanyang “future plans”.

“No offer (from the incoming administration), but I have already enrolled to study in a week’s time, full-time study to be relevant,” aniya pa rin.

Ukrainian tennis player Elina Svitolina tigil muna sa paglalaro para tulungan ang mga mamamayan

Posted on: June 29th, 2022 by @peoplesbalita No Comments

TUMIGIL muna sa paglalaro si Ukrainian tennis player Elina Svitolina para tutukan ang pagtulong sa mga mamamayan na naiipit sa pananakop ng Russia.

Patuloy ang ginagawa nitong pangangalap ng pondo at pagbibigay ng impormasyon sa kinakaharap ng kaniyang bansa.

Mabigat aniya sa loob nito dahil sa kabilang ang pamilya nito na apektado ng nasabing kaguluhan.

Isinilang ang 27-anyos na tennis player sa Odessa ang pangunahing pantalan na hinarangan ng Russia.

Noong 12-anyos ito ay lumipat siya sa Kharkiv kung saan wala itong magawa dahil sa nasabing kaguluhan.

Ads June 29, 2022

Posted on: June 29th, 2022 by @peoplesbalita No Comments

Road closure sa Maynila, nagsimula na

Posted on: June 29th, 2022 by @peoplesbalita No Comments

NAGPATUPAD na nang pagsasara ng mga kalsada ang mga awtoridad sa bisinidad ng National Museum sa Maynila kaugnay ng inagurasyon ni President-elect Ferdinand Marcos Jr. sa Hunyo 30.

Alas-11 ng Linggo ng gabi nang umpisahang isara ang Padre Burgos Avenue, Finance Road, Maria Orosa Street mula Kalaw hanggang Padre Burogs, at General Luna St. mula Padre Burgos-Muralla Streets. Hindi muna padaraanan ang nabanggit na mga kalsada hanggang alas-11 ng gabi sa Hunyo 30.

Isasara rin sa trapiko sa Hunyo 30 mula alas-4 ng madaling araw hanggang alas-11 ng gabi ang Ayala Boulevard at Victoria Street mula Taft Avenue hanggang Muralla Street.

Inabisuhan din ang mga motorista na iwasan ang mga naturang kalsada o kung hindi maiiwasan ay sumunod sa itinakdang traffic re-routing ng Metropolitan Manila Development Authority (MMDA).

Ang nasa Roxas Blvd. northbound, maaring kumanan sa UN Avenue o TM Kalaw Avenue at kumaliwa sa Taft Avenue.

Ang mga nasa Roxas Blvd. eastbound ay maaaring kumaliwa sa TM Kalaw o UN Avenue at kumanan sa Taft Avenue.

Samantala, isasara rin ang iba pang mga kalsada kabilang ang: Mendiola Street mula Hunyo 29, alas-12:01 ng hatinggabi hanggang Hunyo 30, alas-11 ng gabi; Jalandoni St., PICC, Pasay City mula Hunyo 30 alas-4 ng madaling araw hanggang alas-11 ng gabi; at Legarda Street mula San Rafael hanggang Figueras St., mula Hunyo 30 ala-1 ng hapon hanggang alas-11 ng hapon.

Samantala, “Solemn and simple,” ganito ilarawan ng Marcos camp ang magaganap na inagurasyon ni BBM bilang ika-17 Pangulo ng Pilipinas sa Hunyo 30 sa National Museum sa Maynila.

Ayon kay Franz Imperial, isa sa mga namumuno sa preparation committee ng nasabing event, ang programa ay “all set” na maliban sa ilang minor details na hanggang sa ngayon ay isinasapinal pa.

“The program we have prepared is very solemn and simple. It would be very traditional dahil sabi nga ni BBM sa vlog niya, ‘hindi kami lilihis pa sa tradisyon,’” ayon kay Imperial.

Ang Television host na si Toni Gonzaga ang kakanta ng Philippine National Anthem habang ang inauguration song na “Pilipinas Kong Mahal,” ay aawitin naman ng singer na si Cris Villonco at Young Voices of the Philippines Choir.

Manunumpa si Marcos sa harap ni Supreme Court (SC) Chief Justice Alexander Gesmundo.

Tinanggap ni Gesmundo ang kahilingan na siya ang mag-administer ng oath taking ni Marcos.

Wala namang ibinigay na karagdagang detalye hinggil sa inaugural speech ni Marcos subait sinabi ni Imperial na ang incoming president ay hindi na mangangailangan pa ng teleprompter.

Samantala, isinasapinal pa ang detalye ng ecumenical invocation.

Sa kabilang dako, sa isinagawang press conference ng subcommittee on security, traffic, and communications na idinaos sa Camp Crame, sinabi ni Interior Secretary Eduardo Año na tatagal ang nasabing event ng mahigit-kumulang dalawang oras.

“More or less siguro, baka two hours lang itong event na ‘to. At ito ay magsisimula around 10:50 in the morning and we expect na ang kanyang oath-taking exactly 12 noon. And then, after the speech ay tapos na ang ating event o ceremony,” anito.

Isang 30-minute military-civil parade naman ang gagawin sa naturang event, ayon kay Imperial.

Tinatayang may 2,213 security personnel ang sasama sa military parade mula sa Armed Forces of the Philippines, Philippine Coast Guard, at Philippine National Police (PNP).

“We have a total of 2,213 troops na mag-participate sa military parade,” ang pahayag ni Joint Task Force National Capital Region commander Brigadier General Marceliano Teofilo.

Idinagdag pa nito na magpapartisipa rin ang kadete mula sa Philippine Military Academy at Philippine National Police Academy at maging ang mga regular at special troops.

Makikita rin sa military parade ang armored vehicles at artillery equipment.

Kabilang din sa military parade ang flyby ng military air assets gaya ng “planes and choppers.”

Para naman sa civic composition ng military parade, sinabi ni Metropolitan Manila Development Authority Chairperson Romando Artes na ang mga kinatawan ng sektor ng medical frontliners, overseas Filipino workers, athletes, labor force, agriculture, transportation, metro aides, at iba pa ay makikiisa rin.

Sinabi naman ni NCRPO chief Police Major General Felipe Natividad na may 1,250 “VIPs at VVIPs” ang inaasahan na dadalo sa oath-taking event.

“We are expecting 1,250 — those are VIPs and VVIPs. That is aside from the ‘yung mga pupunta nating mga kababayan doon,” anito.

Ang incoming Office of the President at PNP Police Security and Protection Group naman ang bahala sa mga heads of states.

Ani Año, ang mga VIPs ay pupunta muna sa Philippine International Convention Center para sa screening. TInatayang 60 buses ang magsasakay sa mga ito para dalhin sila sa venue, sa National Museum.

Sinabi pa ni Artes na pinag-uusapan na ng mga Alkalde ng Kalakhang Maynila ang posibleng deklarasyon na “holiday” sa kani-kanilang lugar para sa inagurasyon ni Marcos.

Samantala, nagdeklara na si Outgoing Manila Mayor Isko Moreno ng special non-working holiday sa Lungsod ng Maynila sa Hunyo 30 para sa inagurasyon ni Marcos.

“More than 18,000 public safety and security forces would be deployed to secure Marcos’ inauguration, according to the National Capital Region Police Office. No security threat has been monitored so far,” ayon sa Philippine National Police. (Daris Jose)

Oil price hike sa gasoline nasa ika-4th week na, habang nasa ika-5th week naman sa diesel at kerosene

Posted on: June 29th, 2022 by @peoplesbalita No Comments

NASA ikaapat na linggo na ang pagtataas ng presyo ng gasolina habang ito naman ang ikalimang linggo ng price adjustment ng sunud-sunod sa presyo ng diesel at kerosene.

Muling magpapatupad ng panibagong umento sa presyo ng mga produktong petrolyo ang mga kumpanya ng langis sa bansa kung saan umaabot na sa halos P100 ang kada litro.

Sa advisory na inilabas ng Pilipinas Shell Petroleum Corp., magtataas ng P0.50 kada litro ang presyo ng gasolina habang P1.65 kada litro sa diesel at P0.10 kada litro ng kerosene.

Magpapatupad rin ang Cleanfuel ng parehong umento sa presyo ng gasolina at diesel maliban sa kerosene na wala sa naturang oil firm.

Magiging epektibo ang panibagong oil price hike sa lahat ng kumpanya ng langis bukas, araw ng Martes, June 28 dakong alas-6:00 ng umaga maliban sa Cleanfuel na magpapatupad ng bagong oil price bandang alas-8:01 ng umaga sa parehong araw.

Pinakamaagang magsasagawa ng implementasyon ng oil price hike ang Caltex dakong alas-12:01 mamaya ng madaling araw. (Daris Jose)

HERE’S KRYPTO, THE SUPER-DOG IN “DC LEAGUE OF SUPER-PETS”

Posted on: June 29th, 2022 by @peoplesbalita No Comments

MEET Krypto, the Super-Dog and Superman’s best friend in Warner Bros. Pictures’ animated action adventure feature film “DC League of Super-Pets.” Here to sit, stay and save the world.

Check out the featurette “Meet the Pets – Krypto the Super-Dog” below and watch the film in cinemas across the Philippines July 27.

YouTube: https://youtu.be/az3EbbUd2XM

Metropolis Super-Dog Krypto prides himself on being Superman’s superpowered best friend—he can fly and has X-Ray vision, heat vision, “freeze” breath and super hearing, just like his two-legged Kryptonian counterpart. But the mutts down at the dog park aren’t feeling his whole vibe. The dude has tons of powers and zero chill. When his bestie and the rest of the Justice League need his help, Krypto mysteriously finds himself stripped of his otherworldly abilities. To save Supes, Krypto will have to learn to be a normal dog, with some help from a motley crew of shelter pets newly infused with powers of their own. To save the world, he’ll have to get his nose dirty. Literally.

About “DC League of Super-Pets”

Dwayne Johnson stars as the voice of Krypto the Super-Dog in Warner Bros. Pictures’ animated action adventure feature film “DC League of Super-Pets,” from director Jared Stern.

The film also stars the voices of Kevin Hart (the “Jumanji” and “Secret Life of Pets” films), Kate McKinnon (“Saturday Night Live,” “Ferdinand”), John Krasinski (the “Quiet Place” films), Vanessa Bayer (“Saturday Night Live”), Natasha Lyonne (“Show Dogs”), Diego Luna (“Rogue One: A Star Wars Story”), Marc Maron (“Joker”), Thomas Middleditch (“Godzilla: King of the Monsters”), Ben Schwartz (“Sonic the Hedgehog”), and Keanu Reeves (the “Matrix” and “John Wick” films).

In “DC League of Super-Pets,” Krypto the Super-Dog and Superman are inseparable best friends, sharing the same superpowers and fighting crime in Metropolis side by side. When Superman and the rest of the Justice League are kidnapped, Krypto must convince a rag-tag shelter pack—Ace the hound, PB the potbellied pig, Merton the turtle and Chip the squirrel—to master their own newfound powers and help him rescue the Super Heroes.

Stern, a veteran writer/consultant on the “LEGO®” movies, makes his animated feature film directorial debut, directing from a screenplay he wrote with frequent collaborator John Whittington, based on characters from DC, Superman created by Jerry Siegel and Joe Shuster. The film is produced by Patricia Hicks, Dwayne Johnson, Dany Garcia, Hiram Garcia and Jared Stern. The executive producers are John Requa, Glenn Ficarra, Nicholas Stoller, Allison Abbate, Chris Leahy, Sharon Taylor and Courtenay Valenti.

Warner Bros. Pictures Presents A Seven Bucks Production, “DC League of Super-Pets.” The film will be released by Warner Bros. Pictures in Philippine theaters July 27.

Join the conversation online and use the hashtag #DCSuperPets

(ROHN ROMULO)

Nets pumayag ng pakawalan si Irving

Posted on: June 29th, 2022 by @peoplesbalita No Comments

PUMAYAG na ang Brooklyn Nets sa hiling ni Kyrie Irving na siya ay payagan na malipat sa ibang koponan.

Ayon sa kampo ng 30-anyos na si Irving na mayroong ng go-signal ang Nets para sa trade.

Mayroong hanggang June 29 ito para sa kaniyang $36.9 milyon player option.

Sa tatlong taon nito kasi sa Nets ay naglaro lamang siya ng 103 regular season kung saan 123 games ito hindi nakapaglaro dahil sa injury, personal reasons at sa pagtanggi na mabakunahan laban sa COVID-19.

Nauna rito ilang koponan sa NBA ang nagpahayag ng interest na makuha si Irving gaya ng Los Angeles Lakers, Clippers, Dallas Mavericks, New York Knicks, Miami Heat at Philadelphia 76ers.

PDU30, inaming talagang tinira ang ABS-CBN

Posted on: June 29th, 2022 by @peoplesbalita No Comments

INAMIN ni outgoing President Rodrigo Roa Duterte na talagang tinira nito ang ABS-CBN at sinabihan ang mga miyembro ng Kongreso na nakikipag-deal sila sa isang “mandaraya.”

“Tinira ko talaga sila,” ayon kay Pangulong Duterte.

“I used the presidential powers to tell Congress that you are dealing with scoundrels and if you continue to kowtow with them, kawawa ang Pilipino” dagdag na pahayag nito sa kanyang naging talumpati sa oath-taking ng mga lokal na opisyal sa kanyang hometown sa Davao City.

Sa talumpati pa rin ng Pangulo, mayroon ding itong mga pahayag sa ibang negosyo na nagsasamantala sa mga Filipino.

Matatandaang, Mayo ng taong 2020 nang magpalabas ng cease and desist order ang National Telecommunications Commission (NTC) laban sa ABS-CBN na iniuutos ang pagtigil ng operasyon ng kompanya matapos mapaso ang prangkisa nito.

Sa direktiba, inutusan ng NTC ang network na itigil ang kanilang mga TV at radio operation habang wala pa itong karampatang prangkisa.

Hulyo ng taong 2020 pa rin nang ibasura ng Kamara ang aplikasyon ng ABS-CBN para sa bagong prangkisa nito.

Nasa 70 mambabatas ang bumoto pabor sa resolusyon ng binuong technical working group na nirekomendang huwag bigyan ng prangkisa ang ABS-CBN, kumpara sa 11 na tumutol dito.

Samantala, dalawa ang nag-inhibit at isa ang nag-abstain.

Nagmula ang mga mambabatas sa House committee on legislative franchises at mga lider ng Kamara na ex-officio members.

Labing-dalawang beses humarap sa Kamara ang mga opisyal ng ABS-CBN para manawagan ng bagong prangkisa na makapag-operate alang-alang sa 11,000 manggagawang nakadepende sa network. (Daris Jose)