2022 June Archive - People's Balita

Archive for June, 2022

Jason Tatum sinisi ang sarili sa pagkatalo ng team, babawi na lang daw sa Game 5

Posted on: June 13th, 2022 by @peoplesbalita No Comments

SINISI ni NBA All-Star Jayson Tatum ang kanyang sarili sa pagkatalo ng Boston Celtics kanina sa kamay ng Golden State Wariors sa Game 4 ng NBA Finals.

Ayon kay Tatum, responsibilidad niya kung bakit kinapos ang Boston.

Aniya, kailangan na mas episyente ang kanyang diskarte, maayos na tira para mas umepekto sa kanyang mga teammates.

Sa kabila nito, nagbigay pugay pa rin si Tatum sa Warriors dahil sa matinding game na ipinakita.

Sa naging panalo ng Warriors, para sa ibang mga nagmamasid ipinakita raw ni Stephen Curry ang kanyang legendary game na nagbuhos ng 43 points kung saan dinomina ang laro tuwing nasa loob siya ng court.

Kung mapanatili ng Warriors ang ipinakita kanina hanggang sa Game 5 ay isang panalo na lamang ang kanilang kailangan.

Gayunman para kay Tatum kumpiyansa pa rin siya na makakabawi sila sa next game at kailangan lang daw ay mabawasan ang kanilang mga turnovers at pag-ibayuhin ang kanilang offensive movement upang hindi madiskaril ang hinahangad nila na ika-18 kampeonato sa prangkisa ng Boston Celtics.

Mas maraming envoys, nag-courtesy visits kay Marcos

Posted on: June 13th, 2022 by @peoplesbalita No Comments

PATULOY ang pagdating ng mga diplomats para magbigay ng courtesy visits kay President-elect Ferdinand “Bongbong” Marcos Jr.

Kabilang na rito sina United Nations Resident Coordinator in the Philippines Gustavo Gonzalez, Sweden Ambassador Annika Thunborg, Ambassador Charles Brown of the Holy See, at Irish Ambassador William Carlos.

Sinabi ni Thunborg na ang kampanya laban sa ilegal na droga ay pinag-usapan sa miting nito kay Marcos.

“Yes, it was specifically discussed with the president and as mentioned, the very strong commitment to continue the war on drugs within the framework of the law and with respect for human rights and focus on rehabilitation and socio-economic development was expressed,” ayon kay Thunborg.

Nauna rito, sinabi ni Marcos na hiniling sa kanya ni outgoing President Rodrigo Roa Duterte na ituloy nito ang kanyang giyera laban sa ipinagbabawal na gamot subalit sa sarili nitong paraan.

Noong panahon ng kampanya, sinabi ni Marcos na hahabulin ng susunod na administrasyon ang mga ‘big targets.’

Sinabi pa niya na makikipagtulungan ang gobyerno ng Pilipinas sa foreign counterparts sa pagpuksa sa ilegal na droga.

Maliban sa problema sa ilegal na droga, sinabi ni Thunborg na ang economic at financial policies, at maging ang transnational crimes, ay napag-usapan din sa courtesy call. (Daris Jose)

Marcos, ipagpapatuloy ang giyera laban sa illegal na droga ‘with respect for rights, focus on rehabilitation’- diplomat

Posted on: June 13th, 2022 by @peoplesbalita No Comments

NANGAKO si President-elect Ferdinand Marcos Jr. na ipagpapatuloy niya ang sinimulang giyera ni outgoing President Rodrigo Roa Duterte laban sa illegal na droga na may paggalang sa karapatang-pantao at nakatuon ang pansin sa rehabilitasyon.

Sinabi ni Ambassador Annika Thunborg of Sweden, ipinahayag ni Marcos ang usaping ito sa kanilang meeting kung saan tinalakay ang “the rule of law, human rights, and the war on drugs,” at iba pang paksa.

“We also touched upon political affairs and importance and the strong commitment that has been expressed by the President-elect to conduct the war on drugs within the framework of the law and with respect for human rights and focus on rehabilitation and socio-economic development,” ayon kay Thunborg.

“It is]something that is very much appreciated on my government’s side,” dagdag na pahayag ni Thunborg.

Tinalakay din sa miting ang “importance of collaborating among nations based on international law” at “transnational collaboration to handle challenges… such as the global drug trade, transnational crime and the pandemic”, ayon kay Thunborg.

Nauna rito, sinabi ni Marcos na pagtutuunan ng pansin ng kanyang administrasyon ang pagtugis sa mga drug lords, sa halip na mga small players.

Sinabi pa niya na itutulak niya ang pagpapabuti sa rehabilitation centers para sa mga durugista o drug users at gamutin ang mga ito bilang pasyente sa halip na isang kriminal. (Daris Jose)

Ads June 13, 2022

Posted on: June 13th, 2022 by @peoplesbalita No Comments

Netizens, tuwang-tuwa sa ginawang pagpapakumbaba: SHARON, nakipag-ayos at reunited na kina TITO SEN, HELEN at mga pinsan

Posted on: June 13th, 2022 by @peoplesbalita No Comments

NAGANAP na rin ang reconciliation sa pagitan nina Megastar Sharon Cuneta at ng mag-asawa na si Senator Tito Sotto at veteran actress na si Helen Gamboa pagkatapos na lumamlam na ang ‘election fever’.

Last June 11, nag-post si Sharon ng series of photos kasama ang kanyang Tito Sen at Tita Helen, at mga cousins sina Apples, Lala, at Ciara Sotto.

Simple lang ang naging captions ni Mega sa kanyang IG posts na, “Mama”, “Daddy”, “My sisters and me. Tonight.” Pero damang-dama ang masayang reunion niya with Sotto family, na kitang-kita rin sa yakap at mga ngiti nila, na kung saan pinusuan ng netizens at followers ni Sharon, na karamihan ay positibo naman ang naging reaction.

Matatandaan na nagsimula ang isyu kina Sharon at pamilya Sotto na nang mag-file din ng COC (certificate of candidacy) ang asawa niyang si Senator Kiko Pangilinan, kaya naging magkalaban ang mag-tito bilang vice president. But sadly, pareho nga silang ‘di pinalad at si Mayor Sara Duterte ang binoto nang nakararaming Pilipino.

Samantala, nag-post na rin si Ciara ng kaparehong series of photos plus additional photos na kung saan kasama naman ni Sharon ang kanyang mga pamangkin sa pinsan.

Isang Bible verse nga ang pinost ni Ciara, “Blessed are the peacemakers, for they will be called children of God (Matthew‬ ‭5:9‬ ). Kasunod ang salitang, “Ate” na may kasamang heart emoji.

Agad naman nag-comment ang panganay ni Sharon na si KC Concepcion sa post ni Ciara ng, “MY FAMILY!!!”, na isa rin sa labis na natuwa sa kaganapang ito.

Say naman ng mga ‘marites’ na tuwang-tuwa rin sa gestures na pinakita ni Sharon:

“this is so nice to see! for sure, Sharon is happy and so are her second parents and sisters. ang ganda pa rin ni miss Helen.”

“All is well that ends well.”

“Nice to see them together!”

“Dapat naman na priority ang family.”

“Kung dikit lang ang naging laban sa VP race sa nanalo, baka hindi magkapatawaran ang pamilya sotto at pangilinan. Pero dahil hindi naman ganun ang nangyari na kahit ipagsama ang ang boto ni Kiko at Tito wala pa rin magbabago sa result. Kaya dapat lang na magkabati na. At happy ako na si Sharon unang lumapit.”

“Kahit isa sa kanila ay nanalo, para sa akin, iba ang personal.”

“Win win kasi ang nangyari. Kung sino nanalo sa dalawa dadalhin na lang yung isa.”

“Dapat lang silang mag move on na kasi politics is just 1 day family is forever. Love, love, love.”

“Buti naman ok na sila. Mahal talaga nila si Sharon. Sharon last na yan ha bka sa susunod hindi ka na nila patawarin…”

“Who are you to say that? Helen always referred to Sharon as her panganay! So she loves Sharon unconditionally.”

“Sharon last na yan??? Pinagsasabi mo! Walang narinig na masama from sharon the whole time. She expressed how bad she felt when Kiko run pero syempre dun siya susuporta.”

“Walang masamang tinapay si helen, if she forgive they will all follow.

“She is really Helen’s panganay.”

“Sweet naman si Sharon kahit mejo oa sya.”

“Anong gusto mo tikisin ni Sharon yung Tita niya na parang 2nd mom na niya? Para talaga sa inyo eh wala nang gagawing mabuti si Sharon. Nagpakumbaba nga eh, masama pa rin?”

“Wala naman silang magagawa dahil desisyon ng asawa nya yon at as a wife you always support your husband.”

“Si Kiko lang naman ang walang kama-kamag anak kahit pa makasagasa ng kamag anak, wala lang sa kanya. Kawawa naman tuloy itong si Sharon naipit sa dalawang bato na nag umpugan but I’m glad they’re ok na, family is family they should patch things up.

“Eto dapat dinidikitan ni shawie. her one and only fam na alam mo mahal siya. kung kani kanino sya dumidikit for validation and love.”

(ROHN ROMULO)

Tiger Woods pangatlong atleta ng US na nasa billionaires list ng Forbes

Posted on: June 13th, 2022 by @peoplesbalita No Comments

KASAMA na si golf star Tiger Woods sa listahan ng bilyonaryo na manlalaro sa buong mundo.

Inilabas ng Forbes magazine ang nasabing pagsali ni Woods sa billionaires list isang linggo ng masali si NBA star LeBron James.

Base sa Forbes na aabot sa mahigit $1.7 bilyon ang yaman nito na karamihan ay galing sa mga larong sinalihan at ang iba ay mula sa mga endorsement nito ng iba’t-ibang brand.

Magugunitang noong nakaraang taon ay naaksidente ang 46-anyos na US golf star habang ito ay patungo sa isang golf tournament sa California.

Dahil dito ay pangatlo na si Woods sa atleta ng US na nasa billionaires list na una ay si NBA legend Michael Jordan.

Ads June 11, 2022

Posted on: June 12th, 2022 by @peoplesbalita No Comments

DOLOMITE BEACH, MULING MAGBUBUKAS

Posted on: June 11th, 2022 by @peoplesbalita No Comments

INAASAHAN ang muling pagbubukas ng Manila Bay Dolomite Beach sa mismong Araw ng Kalayaan sa June 12,2022.

Kaugnay nito, puspusan na rin ang paghahanda para sa muling pagbubukas kung saan tuluy-tuloy ang ginagawang paglilinis sa Dolomite beach.

Mapapansin din ang ilang mga tumpok ng white sand na inaasahang ilalatag dito

At bukod sa kontrobersyal na Dolomite Beach, may bagong atraksyon dito sa Roxas Boulevard.

Ito ay ang World War II Heritage Cannon sa bahagi ng Remedios Street, o tapat ng Rajah Sulayman Park. (Galing sa Fort Drum Island ang kanyon).

Pormal namang inilunsad ang kanyon sa Independence Day.

Ayon sa Department of Environment and Natural Resources o DENR, sa pagbubukas muli ng Dolomite Beach ay mahigpit pa ring paiiralin ng health protocols kontra COVID-19.

Paalala sa publiko na magsuot pa rin ng face mask, at hangga’t maaari ay fully vaccinated na.

Aabot lamang sa 1,500 hanggang 3,500 na katao ang maaaring makapasok sa Dolomite beach sa tukoy na mga oras. (GENE ADSUARA)

LTFRB: Petisyon sa pagtataas ng TNVS fare sasailalim sa hearing

Posted on: June 11th, 2022 by @peoplesbalita No Comments

MATAPOS ang P1 provisional increase ng pamasahe ng mga jeepney sa Metro Manila, Central Luzon, Calabarzon at Mimaropa, ang Land Transportation Franchising and Regulatory Board (LTFRB) ay magsasagawa naman ng hearing sa petisyon ng Transport Network Companies (TNC) sa pagtataas ng pamasahe sa mga ride-hailing apps.

Sa darating na June 29 na gagawin ang hearing sa nasabing petisyon ng TNVS ayon kay LTFRB executive director Kristina Cassion.

“For TNVS like Grab, Joyride, there’s a standard fare rate for that such as the flag-down rate, per kilometer rate and a P2 per minute and a surge rate. So, they also filed a petition for a fare hike,” wika ni Cassion.

Dagdag pa ni Cassion na kanilang masusing pag-aaralan ang petisyon sapagkat kailangan itong dumaan sa consultation at deliberations.

“It would really depend on the discussion. But we also don’t know because the provisional fare increase for jeepneys was also unexpected. But we see the difficulty that drivers and operators face, that’s why the board approved it. So let us just cross our fingers. Whatever the board discusses about this matter, we consult it with other sectors and the economic managers and what its effect will be, like inflation,” saad ni Cassion.

Kung papayagan ang pagtataas sa TNVS inaasahan na ng LTFRB na tiyak na susunod na ang mga petisyon ng mga public utility bus, taxis at UV Express sa pagtataas ng pamasahe na ayon sa LTFRB ay kanilang pinaghahandaan na ngayon.

Kamakailan lamang ay inaprobahan ng Land Transportation Franchising and Regulatory Board (LTFRB) ang petisyon ng mga transport groups na magkaron ng P10 provisional minimum fare sa mga public utility jeepney (PUJs).

Noong nakaraang March, ang grupo ng Pasang Masda, 1-UTAK, Altodap LTOP at ACTO ay naghain ng petisyon sa LTFRB upang humingi ng provisional na pagtataas ng P1. At noong March din ay nagdesisyon ang LTFRB na hindi payagan ang kanilang petisyon na itaas ang minimum fare ng P10.

Sa ilalim ng bagong order at desisyon, sinabi ng LTFRB na ang mga PUJ services ay maaari ng mag impose ng P10 minimum fare para sa unang apat (4) na kilometro subalit walang increase ang mangyayari para sa susunod na kilometro.

Ang desisyon ay ginawa ng LTFRB sa gitna ng threat ng mga drivers at operators ng PUJs na sila ay hihinto sa kanilang operasyon at hahanap na lang ng ibang paraan ng kanilang kabuhayan.\

Binigay din ang go-signal sa pagtataas ng minimum fare upang bigyan ng reprieve ang mga drivers at operators kung saan sila ay humihingi sa nakalipas na apat na buwan na dahil sa tumataas na presyo ng krudo.

Noong nakaraang Wednesay ay tumataas na naman ang presyo ng produktong petrolyo – P2.70 kada litro ng gasoline,P6.55 sa diesel at P5.45 sa kerosene. Habang ang net increase ay naitalaga sa P23.85 kada litro sa gasoline, P30.30 sa diesel at P27.65 sa kerosene simula pa nitong taon.

Sinabi naman ni Fejodap president Ricardo Rebano na ang tanging solusyon sa tumataas ng presyo ng petrolyo ay ang magkaron ng pansamantalang suspension ng excise tax sa fuel.

Subalit hindi naman sangayon si incoming DOF secretary Benjamin Diokno kung saan niya sinabi na mas maganda pa rin ang pagbibigay ng cash assistance sa sektor ng transportasyon.

Si Senator Aquino Pimentel naman ay nagsabi na maaari naman suspendihin ang pagpapataw ng excise tax at value-added tax (VAT) sa mga produktong petrolyo upang mabawasan ang epekto ng mataas na presyo ng krudo at gasoline. LASACMAR

Celtics inangkin ang 2-1 bentahe

Posted on: June 11th, 2022 by @peoplesbalita No Comments

NAGPASABOG sina Jayson Tatum at Jaylen Brown ng pinagsamang 53 points para banderahan ang Celtics sa 116-100 paggiba sa Golden State Warriors sa Game Three ng NBA Finals sa TD Garden.

Bumalikwas ang Boston mula sa kabiguan sa Game Two sa San Francisco para kunin ang 2-1 lead sa kanilang best-of-seven series ng Golden State.

Umiskor si Brown ng 27 points, habang may 26 markers si Tatum para sa Celtics na nakahugot rin kay Marcus Smart ng 24 points.

Dalawang panalo pa ang kailangan nila para makamit ang NBA record na ika-18 korona.

Tinukoy ni coach Ime Udoka ang matigas na depensa nina big men Robert Williams III at Al Horford sa isa sa mga naging dahilan ng kanilang panalo.

“We want to try to impose our will and size in this series,” wika ni Udoka. “It’s going to be a back-and-forth battle as far as that, but when we get nights like this from (Williams and Horford), obviously it pays dividends for us.”

Nagtala si Williams, nagmula sa isang knee injury, ng 10 rebounds, 4 blocks at 3 steals.

Pinamunuan ni Stephen Curry ang Warriors sa kanyang 31 points tampok ang anim na triples kasunod ang 25 markers ni Klay Thompson.

Sinabi ni Golden State coach Steve Kerr na maganda ang naging estratehiya ng Boston.

“They did a good job. They earned the win. They put a lot of pressure on us and felt like we were kind of swimming upstream most of the night,” ani Kerr.

Nagtayo ang Celtics ng 15-point lead sa first half bago ibigay ni Curry sa Warriors ang 83-82 abante sa third period mula sa kanyang triple.

Nakabawi naman ang Boston at tinangay ang four-point lead papasok ng fourth quarter.

Ang flagrant foul ni Horford kay Curry ang nagresulta sa four-point play ng NBA three-point king na sinundan ng tres ni forward Otto Porter Jr. para sa two-point deficit ng Golden State.

Kumonekta si Grant Williams ng tres para ilayong muli ang Celtics sa 93-86.