TILA binigyan ng tribute ng aktres na si Bela Padilla ang controversial pero Nobel Peace Prize awardee na si Maria Ressa.

Nasa Norway si Bela ngayon kunsaan, mag-iisang taon na siyang naninirahan sa Europe. Pero nitong Philippine Independence Day, isa si Bela sa nag-perform para sa mga Pinoy sa Norway.

Nagpa-picture si Bela sa photo ni Maria Ressa at ipinost niya sa kanyang Instagram stories with caption na, “Philippine Independence Day in Oslo. Proud to see @maria_ressa’s photo outside the Nobel Peace Center everytime I passed by the building.

“I’d take photos with her… but this is my favorite! I just emerged from the sea and I felt hopeful and positive. Maria Ressa represents us globally and tells the world we should be free to think, speak, ask and demand for all that is right.”

Sa isang banda, kilala si Bela among the local celebrities who really speaks her mind at may stand sa mga isyu ng bansa, even sa pulitika.

***

IPINAPAKITA pa rin ni AiAi delas Alas na unbothered siya sa pagiging persona non-grata sa Quezon City.

Pero ang balita namin, naka-plano na itong umuwi ng bansa dahil aattend daw ng proclamation ng sinuportahang President at Bise Presidente na sina Bongbong Marcos at Sara Duterte.

Hindi pa rin masagot ng source namin kung tutuloy pa rin si AiAi sa original plan na pag-uwi sa bansa for that. So, abangan na lang daw.

May payo naman ang manager na si ‘Nay Lolit Solis kay AiAi na ayon sa post nito sa Instagram, parang self-destructing daw ang ginawa ni AiAi dahil lang daw sa binayad dito.

Aniya, “Kahit binayaran ka para ikampanya ang isang kandidato, dapat maingat ka at tingnan mo ang magiging resulta nito ng pang mahabang panahon. Like in the case ni AiAi delas Alas, puwede niya ikampanya ang kandidato niya ng hindi magiging very personal ang atake sa kalaban.

“Parang self destructing na dahil lang sa binayad sa iyo, forever ng tatak ang kabastusan na ginawa mo. Naging persona non grata pa siya ng QC dahil pati ang seal ng lungsod hindi niya iginalang.

“Dapat isipin mo na meron after effect ang ginagawa mo na baka maging dahilan ng mas malaking damage para sa iyo. Magkano ba ang ibinayad, masyado bang malaki para talikuran mo na ang lahart lahat pati pakikisama? Sayang, lalo pa nga at sa ganitong panahon, mas marami kang friends, the better. Hay naku, isip isip kasi, gamitin ang utak.”

***

BUNTIS ang isang female actress.

Ang nakabuntis daw rito ay non-showbiz guy. May kilalang ka-loveteam ang female actress, pero mukha naman talagang walang namamagitan na ano mang romantic relationship sa kanila.

Hindi pa ito niri-reveal at iilan pa lang daw ang nakakaalam, pero sa ilang malalapit niyang kaibigan, si female actress daw mismo ang nagkukuwento ng kondisyon niya.

Timing din na ipinapareha na ang ka-loveteam niya sa ibang actress. Kaya naman pala, sa kondisyon na ito ni female actress, malabo na ngang ma-push pa loveteam nila.

(ROSE GARCIA)

IN-ANNOUNCE na ni Direk Darryl Yap sa kanyang social media account na si Cristine Reyes ang napiling gumanap bilang Imee Marcos at si Ella Cruz naman ang gaganap na Irene Marcos sa upcoming Viva Films na “Maid in Malacañang”.

Nauna nang ipinaalam na si Ruffa Gutierrez ang gaganap bilang si Imelda Marcos habang ang mag-ama na sina Cesar Montano at Diego Loyzaga ang gaganap na Ferdinand Marcos Sr. at Bongbong Marcos.

Bukod dito, isiniwalat na rin ni Direk Darryl ang mga gaganap na ‘maids’ na sina Karla Estrada bilang Yaya Santa, Beverly Salviejo bilang Biday at Ms. Elizabeth Oropesa bilang Manang Lucy.

Iikot ang istorya ng naturang pelikula sa last 72 hours ng pamilya Marcos at mga nagaganap sa palasyo bago ang EDSA People Power Revolution noong 1986.

Paglilinaw pa ng direktor, ang Maid in Malacañang ay pagkukuwento lamang “other side of the story”.

Samantala, super react naman ang netizens kung bakit si Cristine ang napiling gumanap na Imee sa movie ni Direk Darryl:

“Bakit naman si cristine si imee. Sobrang laki ng gap sa kapatid na si irene na si ella ang gaganap.”

“Dapat si toni si imee. Magkamukha sila. Or alex haha.”

“Bat di na lang si Ai ai total gusto humakot ng award.”

“Pero si irene pretty talaga at tahimik lang sya ha.”

“Maganda c madam Imee noong kabataan nya.”

“Pwede pa si Ella as Irene but Cristine as Imee? LOL!’

“Parang miscast sila, masyadong maganda si Christine para maging Imee, si Toni nalang sana pero baka masyadong mataas TF nya.”

“Miscast si ella for irene. Ang layo sa itsura. Diyan pa lang sa photo, di hamak na mas maganda si irene.”

“Si Ella yung nag-t-twerk di ba? Di bagay sa image at personality ni Irene.’

“Mas bagay si Aiai hindi si Cristine Reyes.”

“Viva talaga medyo questionable. Una iyong musical biopic ni Isko tapos madalas na content nila gawa ni Daryl Yap tapos ngayon naman mga Marcos. Isama na natin soft porn movies sa Vivamax streaming site nila.”

“Mas bagay ka kay ai ai… for sure.. maganda kaya c Imee nong kabataan nya…’

“Boss vic is close sa mga marcos, viva is known too sa mga sexy movies di sila pabebe like star cinema, kung alam mo history ng viva they cater different movie genre.”

“Masyadong maganda si Cristine para maging Imee.”

“Kaya pala nagwawala dati si Ella na ma-associate sa pinks lelz siya yun dibaaa?’

“Bakit yung ella? sophisticated yung mukha nung irene tapos jejemon yung gaganap? lol.”

“Sanya would be the perfect Imee.”

“Baka si Ella lang ang tumanggap. Maraming tumanggi na A list or mej kilala na actress na gumanap.”

“Dapat si Ai ai Delas Alas o kaya Gladys Guevarra ang gumanap na Imee Marcos.”

“Bakit pa need isa pelikula ang buhay ng marcos? E alam naman lahat ang storya nila. At anong mahalaga don? Kung ordinaryong Pilipino nalang gawan mas mabuti pa…”

(ROHN ROMULO)