2022 June Archive - People's Balita

Archive for June, 2022

Kinapos ng budget ang movie na sinu-shoot sa New York: KC, nangangalampag sa followers na tulungan silang matapos ang ‘Asian Persuasion’

Posted on: June 15th, 2022 by @peoplesbalita No Comments

NANGANGALAMPAG si KC Concepcion sa kanyang followers sa social media na tulungan sila na matapos ang pelikulang kinabibilangan niya na Asian Persuasion sa Amerika.

Sa kanyang post sa Instagram, pinaalam niya na kinapos ng budget ang production ng pelikula na sinu-shoot sa New York ng direktor na so Jhett Tolentino.

“The filming is done, now the hard work begins. And YOU can help bring our movie to the FINISH LINE.

“I said YES to this movie “Asian Persuasion” because I grew up not seeing a Filipino who looked like me, or other girls like me, on American TV or in Hollywood films.

“Having the chance to be part of this Asian-American romantic comedy as a FILIPINA means MORE to me than just getting an acting job in America. I think I speak for so many ASIAN actors who grew up wishing and waiting for this time to come for us to be SEEN, HEARD, and REPRESENTED, in all our different skin tones, body shapes, and backgrounds.

“This movie is about family, relationships, love, failures, resilience, success, and fighting for what you love. That’s why this story is YOURS, as much as it is mine.

“This is US. Made by us. Made for us. And made to represent us.

“Click the link in my bio to support our film and bring it to the finish line!!! 🎞 We can’t do this without you. ANY amount would help— but most importantly, as we aspire to see our stories, our faces, our languages, our music, our talent, our skill, and our cultures, we can come together right now… one Asian project at a time.

“LET’S MAKE THIS MOVIE HAPPEN!!! Salamat… thank you… and all my love from New York City. Click https://seedandspark.com/fund/asian-persuasion#story.”

Kasama rin sa movie sina Dante Basco, Apl.de.Ap, Yam Concepcion, Rachel Alejandro, Rex Navarrete, at Tony Labrusca.

***

KINUWENTO ng Kapuso hunk na si Jon Lucas na minsan nang nagselos ang kanyang misis sa nakahalikan niyang babae sa isang music video.

Simula raw noong mag-asawa si Jon, hindi raw siya tumatanggap ng project na kailangan niyang magkaroon ng bedscene o anumang intimate scene with the opposite sex.

Yung ginawang MTV ni Jon ay kailangan daw na may light kiss sa babae kaya ginawa niya ito. Di niya akalain na makakarating ito sa kanyang misis.

“Medyo nanibago lang naman si misis. Kumbaga nagulat, siyempre hindi naman siya sanay na ganun. Sabi niya, ”Hala ba’t ka pumayag sa ganun,?’ Sabi ko kailangan talaga sa music video. Ito talaga yung hinihingi ng director, ng producer,” paliwanag ni Jon na tinanggap naman ng kanyang misis.

Bago umano opisyal na ipalabas sa TV o Youtube ang MTV, humingi umano si Jon ng raw video ng MTV at ipinapanood niya sa asawa.

“Sa kanya ko muna pinanood. Doon ko na rin in-explain, doon na rin niya naintindhan. Lumabas yung music video na okey naman lahat,” diin pa ni Jon.

Nagpapasalamat ang aktor sa mga patuloy na sumusubaybay sa First Lady. Namatay na kasi ang character niyang si Titus, ang inuutusan ni Senator Alegre (Isabel Rivas) para i-assasinate sina President Glen Acosta (Gabby Concepcion) at Ingrid (Alice Dixson).

***

MAGBABALIK for season two ang paboritong Netflix series ng mga Pinoy na Squid Game. In-announce na ito ng director na si Hwang Dong-hyuk.

“As the writer, director and producer of ‘Squid Game,’ a huge shout out to fans around the world. Thank you for watching and loving our show.

“And now, Gi-hun returns. The Front Man returns. Season 2 is coming. The man in the suit with ddakji might be back. You’ll also be introduced to Young-hee’s boyfriend, Cheol-su.”

“It took 12 years to bring the first season of ‘Squid Game’ to life last year. But it took 12 days for ‘Squid Game’ to become the most popular Netflix series ever.”

Naging phenomenal hit sa streaming platform na Netflix ang 9-episode series na Squid Game na pinagbidahan nina Lee Jung-Jae at Park Hae-Soo.

May 456 participants ito from all walks of life para maglaro ng games in order to win 45.6 billion won. Higit na 142 million subscribers ang nag-stream ng series kaya may pangako sila na season 2.

Naging hit sa Pilipinas ang Squid Game dahil ang isang contestant sa series ay ang Pinoy na si Christian Lagahit na contestant #276.

Nagwagi naman ang Squid Game ng 22 awards mula sa iba’t ibang award-giving bodies tulad ng Screen Actor’s Guild, Critics Choice Awards, Golden Globe Awards, American Cinema Editors, Art Directors Guild, Cinema Audio Society, Costume Designers Guild, Motion Picture Sound Editors, and Producers Guild of America.

(RUEL J. MENDOZA)

Phivolcs, hindi pa nakikitang may pangangailangan na ilagay sa “higher alert level” ang Bulusan

Posted on: June 15th, 2022 by @peoplesbalita No Comments

HINDI pa nakikita ng Philippine Institute of Volcanology and Seismology (Philvolcs) ang pangangailangan na itaas ang Bulusan Volcano sa Sorsogon sa Alert Level 2 sa kabila ng panibagong pagputok, araw ng Linggo.

Sinabi ni Phivolcs Director Renato Solidum, malaki ang posibilidad ng muling pagputok ng bulkan matapos na pumutok ito ng madaling araw ng Linggo, na ayon sa mga awtoridad ay mas malakas kumpara sa pagputok nito kamakailan.

Ayon sa Philippine Institute of Volcanology and Seismology (Phivolcs), alas-3:37 ng madaling araw nang muling magkaroon ng phreatic eruption ang bulkan, na tumagal nang 18 minuto.

“It’s the same mechanism pero in terms of the volume na inilabas , the steam might be greater because of the six vents where it came out,” ayon kay Solidum sabay sabing “The record of the earthquakes showed that the activity we had yesterday was more energetic than last June 5.”

Sinabi ni Solidum na kailangan nilang ikunsidera ang ilang parametro sa pagtataas sa alert level sa Bulusan, kasalukuyang nasa Level 1 o pinakamababang level of volcanic unrest ang Bulkang Bulusan.

“We are looking at magma involvement in the latest activity of the volcano. We are still looking at the type of earthquakes that we are recording. The record does not seem to show there is magma movement,” aniya pa rin.

“We also need to look at ash that were thrown out, kung luma o bago na , we’re looking at different parameters to tell us whether there is magma involvement,” dagdag na pahayag ni Solidum sabay sabing “If there is, we’ll raise to 2. And in raising to Alert Level 2, in many of the volcanoes that we monitor, hindi pa naman kami nagpapaevacuate .”

Bagaman wala pang dahilan para itaas ang alert level ng bulkan, na nasa Level 1 pa rin, nagbabala si Solidum na posible pa ang mga susunod na pagputok.

“Ang character naman ng Bulusan Volcano ay ‘yong ganyan. May mga pasulpot-sulpot na eruption na hindi lang isang beses and then titigil na. Kaya marami siya na multiple phreatic events magmula pa noong many years ago,” paliwanag ni Solidum.

Dahil sa pagputok, nabagsakan ng abo ang 35 barangay sa mga bayan sa paligid ng bulkan, mas marami kompara sa 2 barangay lang noong nakaraang linggo.

Kasama rito ang mga barangay sa Juban, Casiguran, at Magallanes. Nakaabot din umano ang abo sa Irosin at Sorsogon City.

Nagsagawa rin ng flushing ng mga abo sa kalsada ang Bureau of Fire Protection, habang umalalay sa trapiko ang pulisya.

Agad ding naglinis ang mga residente pagsapit ng umaga.

Hindi rin muna nagpatupad ng paglikas ang local disaster office sa bayan ng Juban.

“Ang order is to stay indoor and then madaling araw kaya nasa loob naman ng mga bahay. So ngayon, medyo ano naman, base dito sa panahon natin, medyo humupa naman na,” sabi ni Arian Aguallo, spokesperson ng Juban disaster office. (Daris Jose)

Ads June 15, 2022

Posted on: June 15th, 2022 by @peoplesbalita No Comments

45 BI personnel, sinibak sa serbisyo

Posted on: June 15th, 2022 by @peoplesbalita No Comments

IKINATUWA ng Malakanyang ang naging desisyon ng Office of the Ombudsman na tuluyan nang sinibak sa serbisyo ang lahat ng tauhan ng Bureau of Immigration (BI) na nasangkot sa kontrobersyal na “Pastillas Scheme” na siyang sinasabing dahilan sa pagdami ng mga ilegal na Chinese na nakapasok sa Pilipinas.

Sa isang kalatas, sinabi ni acting presidential spokesperson at Communications Secretary Martin Andanar na welcome sa Malakanyang ang desisyon ng Tanggapan ng Ombudsman dahil ipinapakita lamang nito ang “zero-tolerance policy against corruption in the bureaucracy” ng pamahalaan.

“The recent decision of the Office of the Ombudsman dismissing immigration employees in connection with the pastillas scam underscores that there are no sacred cows in the Duterte Administration,” ayon kay Andanar.

Gayunman, batid naman ni Andanar, na nananatiling isang malaking hamon ang korapsyon sa gobyerno.

Aniya, “the government is mandating automation and digitalization in government processes and transactions in the collection of fees to combat widespread corruption.”

“We are, therefore, pushing for automation of government systems to avoid face-to-face contact and at the same eliminate redundant processes, for effective and efficient delivery of government services,” dagdag na pahayag nito.

Sa ulat, sinabi ni DOJ Assistant Secretary Neal Bainto na lahat ng immigration personnel na nahaharap sa kasong graft sa Sandigan ay hindi na pumapasok sa kanilang trabaho.

Idinagdag pa nito na tuluy-tuloy pa rin ang paglilinis nila sa nabanggit na ahensya sa pagpapatibay sa pagdisiplina sa mga tauhan nito.

Kasabay naman nito ay nanawagan muli siya sa mga tauhan ng BI na posibleng gumagawa pa rin ng naturang iligal na gawain, na mag-isip-isip na at tigilan na ang ganito.

Matatandaan na 18 tauhan ng BI ang ipinag-utos ng Office of the Ombudsman na matanggal na sa serbisyo sa gobyerno habang nitong Hunyo 6 naglabas muli ng kautusan na tanggalin na sa puwesto ang 45 na immigration personnel na nasangkot dito. (Daris Jose)

Provincial bus operators maghahain ng petisyon para sa fare increase

Posted on: June 15th, 2022 by @peoplesbalita No Comments

MAGHAHAIN ng petisyon ang Provincial Bus Operators Association of the Philippines (PBOAP) para sa pagtataas ng pamasahe ngayon linggo sa Land Transportation Franchising and Regulatory Board (LTFRB).

Ayon kay PBOAP executive director Alex Yague na ang mga operators ay hindi na nakakayanan ang mga tumataas ng presyo ng produktong petrolyo na kanilang ginagamit sa kanilang operasyon.

“Operators could no longer cope with the rising cost of fuel. Hopefully by Tuesday or Wednesday we will file our petition,” wika ni Yague.

Ang PBOAP ay nagplaplanong humingi ng P2.50 kada kilometro mula sa dating P2.20 o P.30 centavos kada kilometro. Ibig sabihin, ang isang pasahero na sasakay ng bus ay kinakailangan magbayad ng karagdagang P30 para sa 100 na kilometro na trip.

Sinabi rin ni Yague na hindi na sila makapaghihintay sa bagong administrasyon na umaksyon sa kanilang petisyon kung kaya’t kahit malapit ng matapos ang termino ni LTFRB chairman Delgra sa ilalim ng pamumuno ni President Duterte ay itutuloy pa rin nila ang kanilang hinihiling na pagtataas ng pamasahe.

“I am seeing this as a perfect storm. All indirect costs went up so we need to have fare adjustment and aside from dealing with the increases in the fuel we are also facing increases in the minimum wage of our workers including road tolls,” dagdag ni Yague.

Kamakailang lamang ay inaprobahan ng Land Transportation Franchising and Regulatory Board (LTFRB) ang petisyon ng mga transport groups na magkaron ng P10 provisional minimum fare sa mga public utility jeepney (PUJs).

Ang minimum na P10 fare ay ipapatupad sa Metro Manila, Central Luzon, Calabarzon at Mimaropa. Samantalang, ang ibang rehiyon sa bansa ay mananatiling P9 pa rin.

Noong nakaraang March, ang grupo ng Pasang Masda, 1-UTAK, Altodap LTOP at ACTO ay naghain ng petisyon sa LTFRB upang humingi ng provisional na pagtataas ng P1. At noong March din ay nagdesisyon ang LTFRB na hindi pinayagan ang kanilang petisyon na itaas ang minimum fare ng P10.

Sa ilalim ng bagong order at desisyon, sinabi ng LTFRB na ang mga PUJ services ay maaari ng mag impose ng P10 minimum fare para sa unang apat (4) na kilometro subalit walang increase ang mangyayari para sa susunod na kilometro.

Samantala, matapos ang P1 provisional increase ng pamasahe ng mga jeepney sa Metro Manila, Central Luzon, Calabarzon at Mimaropa, ang Land Transportation Franchising and Regulatory Board (LTFRB) ay magsasagawa naman ng hearing sa petisyon ng Transport Network Companies (TNC) sa pagtataas ng pamasahe sa mga ride-hailing apps.

Sa darating na June 29 na gagawin ang hearing sa nasabing petisyon ng TNVS ayon kay LTFRB executive director Kristina Cassion. LASACMAR

Golden State Warriors isang panalo na lang para maibulsa ang korona sa NBA Finals

Posted on: June 15th, 2022 by @peoplesbalita No Comments

TATANGKAING tapusin na ng Golden State Warriors ang serye sa Game 6 sa darating na Biyernes, makaraang mamayani kanina laban sa Boston Celtics sa Game 5 sa score na 104-94 para umabanse pa sa serye sa 3-2 sa NBA Finals.

Ang Game 6 ay doon naman gaganapin sa homecourt ng Boston na magsisimula ng alas-9:00 ng umaga.

Una rito nameligro pa sa laro ang Warriors matapos na mahabol ng Boston pagsapit ng third quarter.

Mula sa first quarter at second quarter ay hawak ng Warriors ang kalamangan hanggang sa pero nagdoble kayod ang Celtics para makuha ang third quarter.

Ngunit pagsapit ng fourth quarter hindi na hinayaan pa ng Warriors na makuha ang renda para mapreserba ang panalo sa harap ng mahigit 18,000 fans na pumuno sa Chase Center Arena sa San Francisco, California.

Ang panalo ng Warriors ay sa kabila na inalat sa three points shot ang NBA superstar na si Stephen Curry na meron lamang 16 points.

Ang all-time three point king na si Curry sa pagkakataong ito ay nabokya sa siyam na pagtatangka sa three point area.

Naputol tuloy ang 132 straight postseason games ni Curry na may kahit isang three point shot, kasama na ang kanyang NBA-best run na 233 consecutive games na may three sa pagitan ng regular season at playoffs na combine.

Sa kabila nito, kumayod ng husto ang mga teammates na sina Andrew Wiggins na may 26 points at si Klay Thompson na nagtala naman ng 21 points kabilang na ang limang three point shots.

Sa panig ng Boston nasayang ang ginawa ni Jason Tatum na kumamada ng 27 points, 10 rebounds at four assists. Nagposte rin siya ng limang 5-of-9 sa three point area.

Si Marcus Smart ay nag-ambag naman ng 20 points at si Jalen Brown ay nagtapos sa 18 puntos.

Batay sa NBA history sinuman ang team na nanalo sa Game 5, kadalasan daw ang siyang nagkakampeon o nasa 73% ang record chances.

Kung sakali namang manalo ang Celtics sa kanilang homecourt, babalik na naman sila sa Bay Area para sa winner-take-all sa Game 7 o araw ng Lunes (PH time).

BBM, MAKIKIPAGTULUNGAN SA SIMBAHAN

Posted on: June 15th, 2022 by @peoplesbalita No Comments

HANDANG makipagtulungan si President-elect Ferdinand Marcos Jr. sa simbahan.

Sa panayam ng Radio Veritas kay Papal Nuncio to the Philippines Archbishop Charles John Brown, sinabi nitong positibo ang kanilang pag-uusap para sa mas matibay na relasyon ng pamahalaan at simbahan.

“We had a very productive, encouraging and positive discussion and the president-elect assured me of his desire to collaborate, cooperate closely with the church and Holy See,” pahayag ni Archbishop Brown sa Radio Veritas.

Ayon sa arsobispo, bilang kinatawan ng Santo Papa sa bansa ay kasama ito sa mga nag-courtesy call sa bagong halal na pangulo ng bansa.

Bumisita ang Papal Nuncio kay President-elect Marcos Jr. nitong June 10 kasama ang lima pang kinatawan mula sa iba pang mga bansa.

Una nang tiniyak ng simbahang katolika ang patuloy na pakikipag-ugnayan sa pamahalaan para sa ikabubuti ng bawat mamamayan.

Ayon kay Caritas Philippines National director, Kidapawan Bishop Jose Colin Bagaforo makipagtulungan ito sa bagong administrasyon para sa programang tutugon sa karapatan at dignidad ng mamamayan, pagsusulong ng katotohanan at matapat na pamamahala.

Dalangin ng simbahan sa administrasyon ni President-elect Marcos Jr. ang tunay na paglilingkod batay sa katarungan, at pagtataguyod sa dignidad ng mamamayan. (GENE ADSUARA)

BARANGAY ELECTION, PINAGHAHANDAAN PA RIN NG COMELEC

Posted on: June 15th, 2022 by @peoplesbalita No Comments

TINITINGNAN ng Commission on Elections (Comelec) na ipagpatuloy ang voters registration sa susunod buwan bilang preparasyon para sa Barangay at Sangguniang Kabataan Elections (BSKE) sa Dec. 5, 2022.

Sa kanyang pahayag, sinabi ni acting Comelec spokesperson John Rex Laudiangco na ang panukala ay para magsagawa ng voters registration mula July 4 hanggang 30.

Aniya, ang pagpapatuloy ng voters registration ay “subject to the approval of the Commission en banc.”

Sinabi ni Laudiangco na nagsimula na ang lahat ng administratibo at operational na paghahanda para sa Disyembre BSKE, sa direksyon ng Commission en banc, kasama si Commissioner Rey Bulay bilang Commissioner-in-Charge

Kasama sa iba pang aktibidad ang pagbalangkas ng mga implementing resolution, pagkuha ng ballot paper at iba pang supply ng halalan, pagkuha ng mga serbisyo sa pag-imprenta para sa mga opisyal na balota, accountable at non-accountable forms at muling pagbisita/pag-aaral muli ng mga protocol sa kalusugan, kabilang ang pagpapatuloy ng probisyon ng mga hiwalay na lugar ng botohan sa pakikipag-ugnayan sa Inter-Agency Task Force for the Management of Emerging Infectious Diseases (IATF-EID).

Ayon sa Comelec ang projected total number ng registered voters para sa barangays elections ay 66,053,357 habang inaasahang ang rehistradong botante para sa SK polls ay 23,059,227.

“Please note that these are mere projections based on historical data for purposes of planning and procurement for the BSK,” ani Laudiangco . (GENE ADSUARA)

CHR iimbestigahan ‘physical, mental abuse’ ng PNP vs Tinang 93

Posted on: June 15th, 2022 by @peoplesbalita No Comments

SINIMULAN na ng Commission on Human Rights ang pag-imbestiga sa diumano’y arbitrary arrest ng pulisiya sa mahigit 90 magsasaka, aktibista, estudyante at media matapos ang “bungkalan” sa Concepcion, Tarlac — bagay na nauwi raw sa pang-aabuso at ‘di makataong pagtrato.

Huwebes nang hulihin ang ang nabanggit para sa “malicious mischief” at “obstruction of justice” sa isang sakahang sinubukan nilang hawiin para mataniman. Pero depensa ng mga magsasaka, benepisyaryo sila ng Certificate of Land Ownership Award (CLOA) tile na inilabas noong 1995 para sa 200-ektaryang lupa. Pansamantalang nakalaya ang ilan sa kanila sa pamamagitan ng piyansa.

“Since their detention, there were also allegations of physical and mental abuse, inhumane conditions at the detention facility, and red tagging experienced by the group,” ani CHR executive director Jacqueline Ann de Guia, Martes.

“CHR Region III has started gathering information from the arrested farmers and their supporters; the farmers who filed a complaint; and the local Philippine National Police since Friday, 10 June 2022.”

Ang CLOA na binabanggit ng mga magsasaka ay ebidensya na sila ang nagmamay-ari ng isang lupain sa bisa ng Comprehensive Agrarian Reform Law of Republic Act 6657.

Sasama rin daw sa independent investigation efforts ang Investigation Office ng CHR Central Office dahil sa pagka-“complex” ng isyu.

Una nang sinabi ng local police na sinira ng mga magsasaka ang tubuhan, na pinatatakbo ng Agriculture Cooperative, gamit ang isang rotovator. Nang subukin daw ng Police Regional Office III na i-“pacify” ang mga nabanggit ay nagkagulo na at “pinigilan” ang mga opisyal na gampan ang kanilang trabaho kahit nagkahulihan.

Pero bilang holders ng CLOA, sinabi ng mga magsasaka na sila talaga ang may kapagyarihan sa naturang lupain at naghihintay na lang ng “official installation” dahil hindi pa rin maipatupad-tupad ang desisyon.

Hunyo 2022 lang nang sabihin ni John Laña, assistant secretary ng Department of Agrarian Reform, sa isang dayalogo na ii-install na ang mga magsasaka ng Tinang.

“With the disputed nature of the said land, we urge the Department of Agrarian Reform (DAR) to look into the matter to finally ascertain how to move forward given the pending land conflict. CHR will also be reaching out to DAR,” patuloy ni De Guia.

“CHR commits to look into every aspect of the allegations of human rights violations linked to the said incident.”

Matatandaang nagkaroon ng delay sa pagpapalaya sa ilang na-detain habang ang ilan ay pinalabas nang walang charges. Maliban sa ilang kawani ng media na magco-cover lang sana, ilan sa mga naaresto ay ang kilalang makata’t aktibistang si Angelo Suarez at anak ng sikat na wedding filmaker na si Jason Magbanua.

Kinundena na ng mga peasant, human rights advocates atbp. ang nangyari sa Tarlac, dahilan na sinundan din ng paglalabas ng statement ni Bise Presidente Leni Robredo. (Daris Jose)

DOH, nilinaw ang posibilidad na muling ibalik sa Alert Level 2 ang NCR

Posted on: June 15th, 2022 by @peoplesbalita No Comments

NILINAW ng Department of Health ang posibilidad na muling ibalik ang Alert level 2 sa mga lugar na nasa pinakamaluwag na Alert level 1.

Ayon sa DOH, nakadepende pa rin ito sa matrix ng Alert level system sa ilalim ng guidelines ng Inter-Agency Task Force (IATF).

Ang paglilinaw na ito ng kagawaran ay kasunod ng naging pahayag ni DOH spokesperson Usec. Maria Rosario S. Vergeire na mayroong posibilidad na ibalik muli sa alert level 2 ang National Capital Region kapag magppatuloy ang pagtaas ng COVID-19 cases.

Subalit sinabi ng DOH sa isang statement hangga’t hindi nakakaapekto s healthcare utilization rate ang admissions at severity ng mga kaso ng COVID-19 sa mga ospital , mananatili ang Alert level 1 sa rehiyon.

Maipagpapatuloy ayon sa DOH ang Alert level 1 kung patuloy din ang pagsunod sa tinataag na BIDA o ang pagsusuot ng Best fitted mask, Isolate kapag may sakit, Double up protection sa pamamagitan ng vaccination at boosters at tiyaking may magadang Airflow.

Muling hinihikayat din ang publiko na magpabakuna ng booster kontra sa COVID-19 dahil ang immunity na nakukuha mula sa mga bakuna ay humihina sa paglipas ng panahon.

Sa kasalukuyan ayon kay Vergeire nasa 13 mula sa 17 lugar sa NCR ang naobserbahan na may pagtaas ng kaso ng COVID-19. (Daris Jose)