NAGBABALA ang Philippine Red Cross (PRC) sa publiko sa mga panganib ng dengue fever ngayong tag-ulan at pinayuhan ang mga Pilipino na mag-ingat, gayundin na makipagtulungan sa mga interbensyon sa kalusugan upang maiwasan ang mga hotspot.

Paalala ng  PRC sa publiko na sundin ang “4S” protocol laban sa dengue: search and destroy, self-protection measures, humingi ng maagang konsultasyon at magsabi ng ‘yes’ sa fogging operations.

“(For) search and destroy: cover water drums and pails; replace water in flower vases once a week; clean gutters of leaves and debris; collect and dispose of all unusable tin cans, jars, bottles and other items that can collect and hold water,” ayon sa PRC.

Ipinaalala rin ng PRC ang mga self-protective measures tulad ng pagsusuot ng long pants at long-sleeved shirts gayundin ang araw-araw na paggamit ng mosquito repellents.

Hinimok din ng PRC ang mga Pilipino na payagan ang fogging sa mga lugar kung saan may paparating na outbreak o hotspot para sa dengue.

Binigyang-diin nito ang kahalagahan ng paghingi ng maagang konsultasyon sa mga doktor kapag nagpapatuloy ang lagnat pagkatapos ng dalawang araw at nagsimulang lumitaw ang mga pantal.

“If medicine for fever will be given, do not give aspirin. Ensure a person suspected of having dengue is well hydrated. If fever or symptoms persist for two or more days, bring the patient to the nearest hospital,” sabi pa ng PRC .

Ayon sa Department of Health, ang dengue ang pinakamabilis na kumakalat na vector-borne disease sa mundo na endemic sa 100 bansa – kabilang ang Pilipinas.

Ang panganib ng transmission ay pinakamataas sa panahon at pagkatapos ng tag-ulan, na karaniwang nangyayari mula Mayo hanggang Nobyembre, dagdag nito.

Ipinaliwanag ng PRC Health Services na ang dengue fever ay isang nakakahawang sakit na dala ng lamok na nagdudulot ng matinding sakit na parang trangkaso.

Ang mga sintomas ay biglaang pagsisimula ng mataas na lagnat, na maaaring tumagal mula dalawa hanggang pitong araw; sakit ng kasu-kasuan at kalamnan at pananakit sa likod ng mga mata; kahinaan; mga pantal sa balat; pagdurugo ng ilong kapag nagsimulang humupa ang lagnat; sakit sa tiyan; pagsusuka ng kulay-kape na bagay; madilim na kulay ng dumi, at hirap sa paghinga.

Ang National Dengue Awareness Month ay ginugunita tuwing Hunyo sa bisa ng Proclamation 1204 na inilabas noong Abril 21, 1998 ni dating pangulong Fidel Ramos. (GENE ADSUARA)

IPINANAWAGAN ni Assistant Minority Leader at ACT Teachers Rep. France Castro ang apela ng mga guro na suspindihin ang PhilHealth premium hike na lubos na nakaapekto sa sahod ng mga teachers.

“We strongly urge the suspension of the PhilHealth premium hike amid the soaring prices of basic goods, commodities and services. The hike has already caused the failure of payment of teachers’ loans with their measly salaries barely sufficient for their daily needs following the implementation of the premium hike last June 15,” ani Castro.

Matatandaang inihain ng mambabatas kasama ang Makabayan bloc ang House Joint Resolution 34 noong Enero 2021 para sa agarang suspensiyon sa pagtaas ng premium sa PhilHealth kasabay na rin ng COVID-19 pandemic.

Nanatili itong naka-pending sa Committee on Health ngayong Kongreso pero umaasa ang mambabatas na agad na ipapasa ng papasok na 19th Congress ang panukala para sa agarang suspension ng PhilHealth premium rate hike.

Sinabi pa ni Castro na maraming mga guro ang nasa P5,000 na lang ang net take home pay. Ikakaltas pa ang dagdag na premium sa Philhealth na makakaapekto sa kanilng loan monthly payments.

Bukod aniya sa dagdag na bayarin para sa naghihirap na mga kababayan, nagdudulot pa ito ng mas malaking problema na may domino effect sa mga bayarin ng mga guro.

Mababaon na naman sa lumolobong utang ang mga guro na siyang nagtataguyod ng edukasyon sa bansa sa limitado umanong tulong at suporta mula sa gobyerno.

“Hindi rin naman nasasagot sa pangangailangan ng medical ng mga guro at pamilya ang mga benepisyo ng PhilHealth at kahit ang annual at medical check-up ng mga teachers na sa PhilHealth budget nilalagay ay hindi buong napapakinabangan kung hindi pahirapan pa ang pag-avail,” Castro stated.

“Government must prioritize wage hikes for our workers instead of imposing increases in contributions, especially in agencies with massive corruption issues. We urge Congress to urgently hear House Joint Resolution 34 filed by the Makabayan bloc, seeking to defer the looming PhilHealth premium hike amid massive price hikes and glaring unresolved issues in the PhilHealth,” pagtatapos ni Castro. (Ara Romero)

SINABI ni Pangulong Rodrigo Roa Duterte na nakagawa siya ng magandang impresyon sa Diyos  kaya’t hinayaan siyang matapos ang anim na taon ng kanyang pagkapangulo.

“I walk with a limp, due to small fractures from riding motorcycle. Marunong ang Diyos, binigay sa akin ang presidency, katandaan ko [na]…last year, naglabasan na lahat ng sakit. Ang term ko matatapos na rin kaya timing lang, binigay ng Panginoong Diyos,” ayon kay Pangulong Duterte sa groundbreaking ceremony ng Philippine Sports Training Center (PSTC) sa Bagac, Bataan.

Mahigit isang linggo na lang kasi ay matatapos na ang termino ni Pangulong Duterte.

“Ewan ko kung anong nagawa ko sa buhay na ito. Maybe I have done something good, na impress ko si Jesus,” dagdag na pahayag ni Pangulong Duterte.

Matatandaang, sa isa sa naging talumpati ng Pangulo, tinawag na ‘stupid’ ni Pangulong Duterte ang Diyos.

Bilang Pangulo ng bansa, naging tapat siya sa kanyang tungkulin at ang sweldo niya ay sapat na para sa kanyang pamilya.

“Sweldo ko, P196,000. Hatiin ko pa iyan sa dalawang pamilya. Wala na akong bisyo, di na ako umiinom. Sa kama na lang ako,” ang pahayag ng Punong Ehekutibo.

Muling inulit ni Pangulong Duterte ang kanyang mga naunang pahayag na nakipag-kaibigan siya sa mga komunista para makakuha ng boto, subalit tinugis niya ang mga ito bilang kanyang tungkulin para protektahan ang bansa.

“Pulitiko ka eh, boto lang ‘yan eh. The police and military should give a bigger window to politicians…aakyat ng bundok, magbabayad…boto eh. But when I became President, sinabi ko, tapos na ang pagkakaibigan natin,” ayon sa Chief Executive.

“Ako, naging Presidente, I swore to defend the territory of the Republic of the Philippines. Trabaho sagrado ‘yan. Kaaway na tayo. There is a time to be a friend, time to be enemies, time for killing, time to be at peace, time to be a shining star in the sky,” dagdag na pahayag nito.

Sinabi pa ng Pangulo na sa pagdating ng Hunyo 30 ay tapos na ang kanyang  pagiging “star of the show.”

“After June 30, I will not be a shining star anymore. I will be an ordinary citizen…ganoon na lang kaliit,” dagdag na pahayag nito. (Daris Jose)

SUPORTADO ng Estados Unidos ang  serye ng protesta ng Pilipinas laban sa nakagagalit na aksyon ng China sa  West Philippine Sea partikular na ang ginawang panghaharang ng China sa mga Filipino sa  resupply missions nito at pagpapadala ng  200  militia vessels sa reef na sakop ng Pilipinas.

“We share the Philippines’ concerns regarding the (People’s Republic of China) PRC’s provocative actions interfering with Philippine sovereign rights within the Philippine exclusive economic zone near Second Thomas Shoal and massing vessels near Whitsun Reef,” ayon kay US State Department spokesperson Ned Price sa isang kalatas na may petsang Hunyo 17.

“The United States supports the Philippines in calling on the PRC to end its provocative actions and to respect international law in the South China Sea,” dagdag na pahayag nito.

Noong nakaraang linggo, inakusahan ng  Department of Foreign Affairs ang China  ng illegal fishing at pagpigil sa Philippine vessels sa  resupply mission sa Ayungin Shoal (Second Thomas Shoal) sa pamamagitan ng paggamit ng fishing nets at buoys.

“A Philippine Naval vessel – the BRP Sierra Madre – has been grounded at Ayungin Shoal since 1999. The ship manned by more than a dozen Marines and sailors has become a symbol of Philippine sovereignty in the offshore territory. It is 105.77 nautical miles from the nearest Philippine province of Palawan and constitutes part of the country’s 200-nautical mile continental shelf as provided under the United Nations Convention on the Law of the Sea,” ayon sa ulat.

Sa isa pang reef, may 200 Chinese militia vessels ang namataan sa  paligid ng Julian Felipe, mas kilala bilang  Whitsun Reef, na nasa loob ng exclusive econonic zone (EEC) ng Pilipinas.

Sinabi ni Price na ang kamakailan lamang na naging aksyon ng China ay  “are part of a broader trend of PRC provocations against South China Sea claimants and other states lawfully operating in the region.”

Sa ulat, tinatayang umabot na sa 90% ng  South China Sea ang kinokonsidera ng China na pag-aari nito kabilang na ang mga lugar na nasa loob ng  West Philippine Sea (WPS),  bilang bahagi ng teritoryo nito, subalit itinanggi ng China na may mali itong nagawa.

Bagama’t ang Washington ay hindi partido na kasama sa nagtatalo sa WPS, idineklara naman nito na  bahagi ng kanilang  national interest ay tiyakin  ang freedom of navigation at overflight  ng pinagtatalunang katubigan ng  Vietnam, Malaysia, Brunei at Taiwan na mayroon ding  overlapping claims sa WPS.

Ang Pilipinas ay mayroong Mutual Defense Treaty sa United States,  na nagbibigkis sa dalawang alyansa na magtulungan kontra agresyon at tulungan na ipagtanggol ang ibang partido.

“The United States stands with our ally, the Philippines, in upholding the rules-based international order and freedom of navigation in the South China Sea, as guaranteed under international law,” ayon kay Price. (Daris Jose)