THROUGH her Facebook and IG accounts ay nagpasalamat si Megastar Sharon Cuneta sa mga nanood ng Iconic concert nila ni Asia’s Songbird Regine Velasquez.

Tama ang sinasabi ng mga nakapanood ng repeat ng Iconic na mas maganda ito compared sa napanood nila three years ago. Mas maganda ang repertoire at may mga bagong song numbers na nagpakilig sa mga tao.

First night kami nanood at nagustuhan naming ‘yung version nina Sharon at Regine ng “Narda”, ang popular na awit ng Kamikazee.

Siyempre much-awaited ‘yung app’earance ni Ms. Pilita Corrales kung nag-trio sila ng “Sa Ugoy ng Duyan. Solo number naman ni Pilita ang “A Million Thanks To You”.

Nanood noong unang gabi nanood si Robin Padilla, gayundin si Salvador Panelo. Nagyakapan pa sina Sharon at Mr. Panelo na nagkaroon ng isyu nang awitin ng senatorial aspirant ang “Sana’y Wala Nang Wakas” sa isang campaign rally.

Sa isang post ay sinabi rin ni Sharon na nagpa-plano silang gumawa ng movie ni Robin.

***

PINAG-IISAPAN na raw ng Kapamilya actor na si Gerald Anderson ang prospect ng pag-aasawa.

Kamakailan ay nag-guest si Gerald at ang gf niya na si Julia Barretto sa isang episode ng “The Boy Abunda Talk Channel” kung saan tinanong ni Boy Abunda si Julia kung ano ang isasagot niya kung sakaling mag-propose si Gerald.

“Yes” ang sagot ni Julia.

Reaction naman ni Gerald na lahat daw mga ginagawa niya ay preparasyon sa pagpapakasal in the future. Pero nang tanungin kung sakaling si Julia ang mag-propose sa kanya, mas dapat pa rin na ang lalaki pa rin ang mag-propose.

“I believe that the guy should always propose, and the wedding day is all about your bride. Kung ano ang gusto niya, kailangan niya, it’s all about her,” pahayag ni Gerald.

Kahit na mas progressive na ang current generation, sinabi ni Gerald na naniniwala pa rin siya sa “old school” way na ang lalaki ang nagpo-propose.

Si Gerald ay isa sa bida sa upcoming ABS-CBN series titled A Family Affair kung saan tampok din sina Sam Milby, Jake Ejercito, Jameson Blake at Ivana Alawi.

***

BAKIT kaya wala si Lotlot de Leon sa Malacanang noong Thursday nang igawad kay Ms. Nora Aunor ang National Artist Award?

Hindi nakadalo si Ate Guy dahil hindi pinayagan ng kanyang doctor bagamat nakahanda raw itong dumalo at nagpatahi pa ng bagong damit.

Sina Ian, Matet, Kiko at Kenneth de Leon ang tumanggap ng award ni Ate Guy mula kay Pangulong Rodrigo Duterte.

Baka naman may prior commitment si Lotlot kaya di siya nakasama sa kanyang mga kapatid.

Pero natuwa kami sa nabasa naming balita sa isang entertainment portal na nagkabati na raw sina Nora at Lotlot. Mas ginusto lang siguro nilang ilihim ang pagbabati pero ikinatuwa iyon mga fans ni Ate Guy na matagal nang naghihintay na muling magkasundo ang pamilya.

For sure, masayang-masaya si Ate Guy noong birthday niya last May dahil buo na muli ang kanyang pamilya.

***

SA isang Facebook ay ibinihagi ni Ice Seguerra ang matagal na niyang pangarap na maging film director.

Pero may mga bagay-bagay daw na dumaan sa kanyang buhay na nakapigil sa kanya para ituloy ang pangarap na ito.

Ang akala raw ni Ice ay hindi na ito matutuloy. Pero maraming sorpresa sa buhay na sa atin ay dumarating at kung may pangarap ka gustong matupad, mangyayari at mangyayari din ito.

Finally, natupad na ni Ice ang dream niya sa Dito Ka Lang, isang short documusic tungkol sa kanyang mental health journey.

Ipalalabas ito via Zoom sa June 26 at 5 p.m. to be followed by a panel discussion.

Please click the link to register: https://bit.ly/HPSFFDay2WhenMusicHealsConfrontingDepressi…

(RICKY CALDERON)

PARANG negative sa ilan base sa nababasa naming comments at naririnig ang pag-attend ng Kapuso star na si Sanya Lopez sa ginawang oathtaking ng bagong Vice President ng bansa simula sa July 1 na si Sara Duterte.

Sa Davao pa ang oathtaking at kasama ng ilang big bosses ng GMA-7 ay tila very proud nga si Sanya na nasa naturang event.

Ang medyo nakaka-off, during the campaign, quiet lang ito tungkol sa pulitika. At higit sa lahat, ang tema ng kanyang malapit na rin magtapos na primetime series, ang First Lady ay tungkol sa pulitika.

Kung napapanood ito, tila kabaligtaran kasi sa takbo ng kuwento ng First Lady ang imahe ng mga mauupong mga lider ngayon sa bagong administrasyon. At dahil present si Sanya sa ginanap na oathtaking, kasama ang mga known Duterte at BBM supporters, tila nabahiran tuloy ng political affiliation ang actress.

Anyway, wagi naman siya sa mga comments sa social media dahil una, natuwa ang mga BBM at Duterte supporters na kaisa rin pala siya. At in all fairness, ang ganda ng ani Sanya in her green terno.

At kahit kumakalat na ang balitang ang girlfriend pala ni Sandro Marcos ay ang sexy star na si Alexa Miro, may mga nagsisipag-ship na sa kanilang dalawa ng presidentiable son.

***

TALAGA nga palang bongga ang surprise ng Kapamilya actress na si Dimples Romana kaya naman pigil na pigil ito noong una na mai-reveal.

Malaking opportunity para kay Dimples ang pasabog niya. Through her social media accounts, ni-reveal ni Dimples na isa siya sa napiling maging juror para prestihiyosong International Emmy Awards.

Malapit na rin namang ipanganak ni Dimples ang ikatlong anak nila ng asawa na si Bohyet Ahmee at sa November of this year pa naman para siya kakailangang pumunta sa New York. So by that time, naka-recover na siya sa panganganak.

Narito ang official statement ni Dimples.

“Magandang umaga,

“Starting this amazing week with a heart full of gratitude as I share with you one of the many surprise blessings I received these past months!

And now finally I can officially share my joy with you.

“So honored and grateful to have been able to participate as a juror for this year’s prestigious International Emmy Awards International Emmy Awards Competition ☺️ I’m super kilig!!! 😁. I thank the International Academy of Television Arts & Sciences for letting me have this once in a lifetime experience that has truly inspired my thespian heart.

“Contributing in selecting the BEST TELEVISION programming from around the WORLD was both my honor and pleasure.

“Maraming Maraming Salamat po muli! And I can’t wait to join in on the festivities in New York City come November.

“Blessings upon blessings.”

(ROSE GARCIA)

SA pagse-celebrate ng Father’s Day noong Linggo, June 19, nag-post ng mapusong mensahe si Kapuso Primetime King Dingdong Dantes para sa kanyang tatay na si Jose Sixto Dantes, Jr.

Ibinahagi nga ng award-winning actor at host ng top-rating shows na Amazing Earth at Family Feud sa kanyang Instagram account ang larawan ng kanyang Daddy Jigg, habang nakaupo at nagyoyosi sa metal-framed lounge chair. Three generations na pala na naturang upuan na nagmula pa noong 1940 at naging first instant crib pa ni Dingdong.

Sa simula ng caption ng IG post niya, “The Jigg Master sits on a 1940’s chair that was commissioned to my late grandfather BGeneral Sixto Dantes (WW2 officer).

“Later on, the chair was passed on to Daddy Jigg, and even became my first infant crib when I was born at Camp Crame in August 1980.”

Dagdag pa ni Dong, “Some things never get old. The success of their evolution lies in the caretakers, who really appreciate their value and significance to make them count in history.

“I am always grateful to have been under the command of this fine gentleman.

“Happy Father’s Day, sa mga erpats diyan.”

May kasama rin itong short video na kung saan ipinapaliwanag ni Daddy Jigg kung paano naging first crib ni Dingdong ang naturang upuan na 80 years old na, pero napapakinabangan pa.

Samantala, ilang araw bago ang Father’s Day may pinost si Dingdong na video shoot nila ni Zia Dantes para sa ini-endorse na Contis Bakeshop, na gawa ng production team nila na Agosto Dos Media, na kung saan may ‘Project D’ si Zia sa para sa ama to celebrate Father’s Day.

Nakaka-touch ang rendition ni Zia ng “Kahit Maputi Na Ang Buhok Ko” (na pinasikat ni Megastar Sharon Cuneta noong siya’y bata pa at nagsisimula pa lang makilala bilang mang-aawit) na bagay na bagay nga sa kanilang mag-ama.

Kaya nag-post ng pasasalamat si Daddy Dong kay Zia, “Thank you for making me the happiest Dad, Z. I’ll always be by your side… and I will always look forward to our sweet songs and kulit kwentuhan over our favorite cake, kahit pa malaki ka na… at kahit maputi na ang buhok ko.”

Infairness, ang sarap balik-balikan ng higit 4-minute video nina Dingdong at Zia, at kung mababaw ang luha mo, for sure mapapaiyak ka, dahil may kurot sa puso at tiyak marami ang naka-relate.

(ROHN ROMULO)