BUKOD-TANGING ang actress na si Gladys Reyes lang talaga ang makakapag-pull-off ng party na tulad ng ginawa niya for her 45th birthday.

Talagang na-entertain ang mga bisita niya dahil nagmistulang concert ang party niya. Mahigit 15 songs yata ang sunod-sunod na pinerform niya, aside pa sa mga kantang kasama niya ang bestfriend na si Carmi Martin, anak na si Christophe at siyempre, ang singlahoop na kasama naman niya ang Mama Zeny niya at kapatid na si Janice.

Sey nga ni Gladys sa mga bisita, “Naisip ko, since mga bisita ko naman kayo, wala kayong magagawa kung hindi makinig ng mga kanta ko. Ha ha ha!”

Pero in fairness talaga, hindi man siya singer, pero kalkulado at na-pull-off niya ang mga songs. At nagbunga pa ang pag-videoke niya during pandemic sa Facebook, siya ang kinuhang endorser ng Wow Fiesta Melody.

Ayon kay Gladys, alam ng lahat na mahilig niyang bigyan ng mga bonggang party ang apat na anak, pero siya sa sarili, hindi. Pero nitong pandemic, na-realize raw niya na life is short talaga, kaya dapat lang na i-celebrate.

Nagpapasalamat din siya dahil kahit pandemic, maraming blessing na dumating sa kanila. Yung mga food business nilang mag-asawa na si Christopher Roxas na bukod sa Sommereux Catering, meron na rin silang Meat Entertainment at Sonyer Restaurant.

Though, hindi napigilan ni Gladys na maging emosyonal at maluha nang kausap namin kahit pinipigilan niya nang mabanggit ang ama na namatay last year.

Sa isang banda, bongga si Gladys dahil ngayong birthday niya, niregaluhan siya ng bagong van ni Chistopher. At after na hindi tumanggap ng kahit anong teleserye dahil sa lock-in, balik taping na rin siya sa GMA-7’s “Underage.”

***

SA July 4 na ang pilot sa GMA Primetime ng 3 years in the making na fantasy series na “Lolong” na pinagbibidahan ng Kapuso actor na si Ruru Madrid.

Si Lolong ay ang kuwento ng buwaya kunsaan, sa ginanap na online mediacon, binigyang diin na niya na hindi magta-transform sa pagiging buwaya ang character niya.

Pero tinanong namin siya kung may naging “buwaya” na ba sa buhay niya. At sey niya, “Yung Lolong sa buhay ko, siguro po, ito yung mga pagsubok na pinagdadaanan ko. ‘Yan kasi ang mga tipong kailangan kong pagdaanan para magtagumpay ako.

“Sabi nga nila, it’s not the destination, it’s the journey. Kumbaga, kahit na napakahirap ng pinagdaanan mo, kung hindi mo nanamnamin ‘yon, parang wala rin kahit makarating ka sa dulo.

“For me, dapat na pahalagahan lang natin kung ano ang meron tayo.”

Emotional si Ruru sa “Lolong” dahil sa matitinding pinagdaanan niya sa pagkakagawa nito, mula ito sa GMA News and Public Affairs.

(ROSE GARCIA)

HINDI man nagwagi bilang pangulo si Vice President Leni Robredo na sinuportahan niya nang todo, wala naman regrets si Agot Isidro sa kanyang naging desisyon.

Alam niya na pumanig siya sa tamang choice at kung hindi siya nagwagi, alam niya na nasa matuwid ang kanyang ipinaglabang kandidato.

Move on na raw tayo at ang dapat na raw pagtuunan nang pansin ay kung ano ang gagawin ng bagong halal na Pangulo na si Bongbong Marcos sa susunod na anim na taon.

Basta ang objective ni Agot sa ngayon ay magtrabaho at ipagpatuloy ang kanyang acting career.

Very thankful si Agot sa ABS-CBN dahil isinama siya sa cast ng Flower of Evil, ang unang pagsasanib-pwerse ng Viu Entertainment at Kapamilya Network.

Maganda ang role niya sa serye bilang nanay ni Piolo Pascual who knows his dark secrets.

Ayon pa kay Agot, kakaiba ang role niya bilang nanay ni Papa P sa seryeng tinatampukan din ni Lovi Poe.

***

BIDA si Edgar Allan Guzman sa bagong movie ni Direk Joel Lamangan para sa AQ Prime.

Titled ‘Peyri Teyl,’ isa itong comedy film mula sa panulat ni Eric Ramos.

Ginagampanan ni EA ang role ng isang probinsyanong bading na nagkaroon ng chance na ma-grant ang 3 wishes niya ng isang fairy godmother

The last time na gumanap na gay si EA ay sa Huling Beki sa Balatlupa na si Joel Lamangan din ang director.

Sabi ni Dennis Evangelista, maraming nakatutuwang eksena sa movie na tiyak na magpapasabok ng katatawan sa pelikula.

Maganda siguro ang role kaya pumayag si EA na gawin ang pelikula. Sinabi noon EA na hindi na siya gagawa gay role pero siguro nagandahan siya sa script kaya pumayag ang actor.

The role was first offered to EA although may isa pa sanang choice si Direk Joel kaya lang nag-worry ito na baka magkaproblema sila sa management nung aktor kung ito ang pipiliin nila.

Good choice naman si EA dahil mahusay itong actor.

***

AKSIDENTENG sumilip ang private part ni Sid Lucero sa dalawang eksena sa “Virgin Forest” pero hindi naman ito ginawang big deal ng actor.

Kapareho rin naman daw niyang nakahubad ang mga female co-stars niya at mas naisip niya na ang ito ang dapat proteksiyunan para ‘di ma-expose ang hindi dapat makita.

Delikado raw ang shoot nila sa falls dahil madulas daw ang batuhan at any moment ay pwedeng may mahulog sa kanila habang kinukunan ang eksena if they won’t be careful.

Happily, no such thing happened. Naging smooth sailing ang shoot ng movie kahit pa sila ay nasa kagubatan.

Sid shared na malaki na raw ang kanyang ipinagbago niya in terms of work attitude. Aminado siya na naging sakit ng ulo siya ng production before pero not any more.

Naging lesson sa kanya ang pinagdaanan niya during the pandemic na anything can be gone in an instant.

Ngayon mas tini-treasure na niya at ini-enjoy what he has. Mas masaya rin siya and at peace with himself.

(RICKY CALDERON)

SA Instagram post ni Joseph Marco, wala nga siyang mapaglagyan ng kaligayahan sa pambihirang pagkakataon na maka-eksena niya si Megastar Sharon Cuneta sa FPJ’s Ang Probinsyano.

Kasama ang larawan nilang dalawa na kuha sa madramang eksena, nilagyan niya ito ng caption na na, “A chance of a lifetime. I’m MEGA grateful for this opportunity. ☺️ #FPJsAngProbinsyano.”

Ni-repost naman ito ni Sharon at nilagyan ng komento na, “You were so good, Joseph! Proud of you!”👏🏻👏🏻👏🏻🙏🏻❤️🤗

Kasunod nito ang mahabang post ni Joseph kasama na ang nakaka-iyak na eksena nila ni Mega sa serye na kung saan malalaman ni Aurora (character ni Sharon) na si Isabel (Julia Montes) ang anak niya. Pinuri rin ang aktor ng netizens at celebrity friends na hindi nagpahuli kay Sharon sa pag-arte.

Caption ni Joseph, “Ang eksenang ito ay isa sa mga bagay na mahirap paniwalaan na maging totoo. Naalala ko, noong araw na nagdesisyon ako na showbiz ang gusto kong tahakin – hindi ito naging madali. madaming pagsubok, pagdududa sa sarili, rejections at kung ano ano pa. Mabuti nalang ay hindi ako sumuko sa mga pangarap ko. Sa kabila pala ng lahat ng pagsubok at paghihirap ay may kapalit na pagtupad ng mga pangarap.

“I am very humbled to have shared the spotlight with the one and only #Megastar. Hanggang ngayon, hindi pa din ako makapaniwala na nangyari itong eksenang ito.

“To the #Megastar, maraming salamat. I am beyond grateful for this experience. Thank you for being so generous and supportive. I will carry this beautiful experience for the rest of my life. Surreal!”

Dagdag pa ng aktor, “At para sa lahat na patuloy na lumalaban para sa pangarap, kapit lang. Ipaglaban mo ang pangarap mo! Tulad ng sipiin na tumulong sa akin magpatuloy sa buhay, “Success happens when preparation meets opportunity.”

“Maraming Salamat sa #FPJsAngProbinsyano, @abscbn, @dreamscapeph , at higit sa lahat kay @cocomartin_ph!”

Samantala, nagpaka-fan girl naman kay Sharon ang mahusay na aktres na si Angel Aquino, na matatandang nagkasama na sila sa pelikulang Crying Ladies.

Hindi na nga napigilan ni Angel na panoorin sa monitor ang matinding eksena nina Sharon at Joseph.

Say ng aktres, “I am on fan mode again. Couldn’t resist watching her from the monitor because i read this on the script. The scene was painfully quiet and long and she had to sustain her tears but i know how tired and probably emotionally drained she already was at that point. It was a heavy day for Mega.

“Yet magic still unfolded before my eyes; it was captivating. Her emotions were so real I could taste her tears and hold her pain.
“Lucas was amazing too. He made good use of what Mega gave him and in the end they created an excellent, heart wrenching scene.

“Ang husay ni Mega.. ang husay ng lahat.. dito sa Probinsyano, lagi akong starstruck.”

(ROHN ROMULO)