ANG Department of Transportation (DOTr) ay nagsabing ang pagbubukas ng Philippine National Railways (PNR) Lucena-San Pablo line ay tamang-tama sa pagtatapos ng pamunuan ni President Duterte.

“The PNR Lucena-San Pablo line would be reopened in the coming days. The reopening of the line will usher in economic and tourism growth in the provinces of Laguna, Quezon and nearby areas,” wika ng DOTr.

Sa pamamagitan ng Lucena-San Pablo line, ang travel time ay magiging 30 na minuto na lamang kumpara sa dating isang oras ng paglalakbay.

Nakikita rin na ang pagbubukas ng Lucena-San Pablo line ay isang importanteng pagkakataon para sa restoration ng PNR Bicol Express na siyang magdudugtong sa Metro Manila papuntang Southern Luzon provinces, kasama ang Laguna, Quezon, Camarines Sur at Sorsogon.

“Under the leadership of Secretary Art Tugade, the revival of the PNR Lucena-San Pablo line is a testament of the DOTr’s goal of providing a more comfortable and convenient life to the Filipino people through enhanced mobility and connectivity across the archipelago,” dagdag ng DOTr.

Ang PNR San Pablo-Lucena route ay may 44 na kilometrong inter-provincial commuter railway na siyang bahagi ng commuter train service sa Bicol na may mga estasyon at flag stops para sa mga araw-araw na sumasakay na pasahero at mga maigsing paglalakbay.

Maaarin rin gamitain ang PNR Lucena-San Pablo line na isang commercial o cargo freight service maliban sa pagiging passenger commuter nito. Huminto ang operasyon nito noong taong 2013 ng masira ang abutment nito.

Sa kabilang dako naman, pinagbigay-alam din ng DOTr na marami ng elevators at escalators sa Light Rail Transit Line 2 ang naayos at operasyonal na.

Mayroon ng 66 na escalators ang naayos mula sa 72 escalators na kabuohan nito at may 36 ng elevators ang umaandar na mula sa kabuohang 40 na elevators.

“Commuters can expect more convenience in their daily rides as more escalators and elevators have been restored at the LRT 2 stations,” saad ng DOTr.

Si DOTr Secretary Tugade ang nagutos upang ayusin ang lahat na sira at hindi umaandar na escalators at elevators sa LRT Line 2.

Ang Light Rail Transit Authority (LRTA) na siyang operator ng LRT Line 2 ang nagsabing ang pag-aayos ng mga elevators at escalators ay naaayon sa kanilang pagsisikap na pagandahin ang accessibility ng rail service sa mga pasahero lalo na sa mga matatanda, buntis at PWDs.

Ito ay may habang 17.69 na kilometro at may 13 na estasyon mula Recto sa Manila hanggang sa lungsod ng Antipolo. Mayron tinatayang 300,000 na pasahero kada araw ang sumasakay dito.  LASACMAR

KASABAY ng pagdiriwang ng ika-450 taon anibersaryo ng pagkakatatag sa lungsod ng Maynila ay ang pag-upo ng kauna-unahang babae at doktor na Alkalde sa kabisera ng bansa.

Si Vice Mayor at Mayor elect Dra. Maria Sheilah “Honey” Lacuna-Pangan, na kauna-unahang babae at doktor na Alkalde sa lungsod ng Maynila ay magsisimulang manungkulan sa katanghalian ng huling araw ng buwan ng Hunyo taon kasalukuyan.

Noong 2016, nahalal siya bilang kauna-unahang babaeng Vice Mayor, katambal ng nagwagi rin noong alkalde na si dating Pangulong Joseph Estrada hanggang tumakbo at muling nanalong vice mayor sa ilalim naman ng partido ni Mayor Isko Moreno Domagoso noong 2019.

Ang kanyang mga ipinamalas na kakayahan bilang pangalawa sa pinakamataas na lokal na pinuno ng Maynila ang nagbunsod kay Mayor Isko Moreno na ipagkatiwala sa kanya ang pamamahala sa kapitolyo ng bansa.

Bukod kasi sa matagal na rin sa mundo ng pulitika na nagsimula sa pagiging konsehala ng ika-apat na distrito noong taong 2004 hanggang 2013, napakarami rin niyang nai-akdang ordinansa at resolusyon na naipasa ng Sangguniang Panlungsod. Nakadagdag pa rito ang kanyang pagiging anak ng isa sa mahusay at matalinong bise alkalde ng lungsod na si Vice Mayor Danny Lacuna.

Kaugnay nito, pangu­ngunahan nina Yorme Isko at Mayor elect Honey Lacuna ang pagdiriwang sa ika-450 taon anibersaryo ng “Araw ng Maynila” sa Hunyo 24, 2022 kung saan pasisinayaan nila ang Bagong Ospital ng Maynila at pagsasagawa ng Nilad Festival 2022 Float Parade.

Ayon kay Domagoso ang konstruksyon ng makabagong ospital ay 99. 6% ng kumpleto kung saan nakalagay na din dito ang mga makabagong kagamitang medikal.

Ani Domagoso, ang sampung palapag na pampublikong ospital ay fully airconditioned at may helipad pa bilang paghahanda sa bibilhin na MedEvac.

“The people deserve better. Pera naman nila ito kaya marapat lang na ibalik ito sa kanila sa pamamagitan ng maganda at dekalidad na serbisyo. Gusto ko pong ipakita na hindi porke’t public facility, pwede na yan. Dapat kahit public facility, first-class service ang ibibigay sa tao. Kung ano ang nabibigay ng private hospital kaya rin dapat ng isang public hospital,” paliwanag ni Domagoso.

Inanyayahan na din ni Domagoso ang publiko partikular na ang mga Manilenyo na makiisa at manood sa Nilad Festival 2022 Float parade na gaganapin sa Araw ng Maynila.

Ang nasabing float parade ay magtatampok ng iba’t-ibang floats na inihanda ng mga city employes ng iba’t-ibang departamento sa Manila City Hall.

Ang nasabing kaganapan ay isa sa mga “highlights” ng selebrasyon ng ika-450 taong anibersaryo ng pagkakatatag ng Maynila.

Ayon sa Alkalde, ang nasabing festival ay inorganisa ng Department of Tourism, Culture and Arts ng Maynila.

“Sama-sama ta­yong makisayaw, maki­sigaw at ipagmalaki ang angking husay at talento nating mga Manileño sa gaganapin na Nilad Festival 2022 ngayong darating na Hunyo 24, 2022,” giit ni Domagoso.

Nabatid kay Domagoso na nagmula sa dahon ng Nilad ang pangalan ng kabisera ng bansa na Maynila. (BISHOP JESUS “JEMBA” M. BASCO)