2022 June 18 Archive - People's Balita

Archive for June 18th, 2022

Planong pahiyain si BBM, totoo

Posted on: June 18th, 2022 by @peoplesbalita No Comments

MAYROON diumanong sabwatan para kutyain at ipahiya si President-elect Ferdinand “Bongbong” Marcos Jr. upang dungisan ang reputasyon nito.

Tinukoy ni dating Senate President Juan Ponce Enrile ang isang mapagkakatiwalaang source, nagbabala ang dating mambabatas na may ilang grupo mula sa Estados Unidos at Pilipinas ang sinasabing magkasabwat upang gawan ng gulo si Marcos.

“I just picked up what I consider to be a credible information that there are groups in America and in the Philippines planning and preparing to cause serious embarrassment and trouble for our newly-elected President,” ang pahayag nito sa kanyang Facebook post.

Hindi naman dinetalye ni Enrile ang sinasbaing sabwatan para dungisan ang imahe ni Marcos.

Gayunman, sinabi nito na magbibigay siya ng karagdagang detalye sa “proper official” ng incoming Marcos administration “in due time.”

“Caution is the name of the game. You are just starting you[r] travel in troubled waters. Your adversaries have not stopped. To borrow a phrase from someone, right now ‘they are hiding their brightness and biding their time,’” ayon kay Enrile.

Pinayuhan naman ni Enrile ang incoming security officials ng administrasyong Marcos na paigtingin ang kanilang intelligence gathering.

Sinabi nito na ang “soft and pacific” na paninindigan para payapain ang mga kritko ay hindi magandang ideya.

“I have a humble unsolicited advice for the national security officials of the new regime. Instead of making soft and pacific statements seemingly intended to quiet and to gain the cooperation, trust, and confidence of the habitual trouble makers in this country, I suggest that they should sharpen their intelligence information,”ayon kay Enrile.

Ang babala ni Enrile ay inihayag nito dalawang linggo bago pa ang oath-taking ni Marcos bilang pang-17 Pangulo ng bansa.

Idaraos ang inagurasyon ni Marcos sa National Museum of the Philippines sa Maynila sa Hunyo 30. (Daris Jose)

Nag-react agad nang mabasa ang tweets: OGIE, itinanggi na may ‘marital problems’ sila ni REGINE

Posted on: June 18th, 2022 by @peoplesbalita No Comments

AGAD na nag-react ang singer-songwriter-tv host na si Ogie Alcasid nang mabasa ang tweets na may problema raw sila ng asawang si Asia’s Songbird Regine Velasquez.

Kaya tweet ni Ogie, “I have read some tweets about my wifey and I having marital problems. For the record, wifey and I are so much in love and there has not been any day where that love for each has ever diminished.”

Pagko-correct pa niya, “I meant were that love for each other has diminished. Arrgh i have to practice proofreading hehe… sorry po… “Guys, i wish you would really experience great love. It truly is a blessing.”

Marami naman ang nag-agree na netizens at naniniwala na very strong ang buhay mag-asawa nina Ogie at Regine. Na kahit na ano pang problema ang dumating at hindi sila mauuwi at magagaya sa nauusong hiwalayan ng celebrity couple.

***

LUMIPAT na ang Asia’s Phoenix na si Morissette sa bagong talent management na NYMA o “Now, You Must Aspire” ng Kroma Entertainment para sa lalo pang pamamayagpag ng kanyang singing career.

“At NYMA, we’re extremely excited to witness Asia’s Phoenix take to the skies and beyond for the next chapter of her career. We’re honored that Morissette has chosen to bring her immense talents to NYMA, who joined us last May 1. We can’t wait to share with the world the relaunch of Morissette,” sabi ni Kat Bautista, Head ng NYMA.

Unang ipinamalas ni Morissette ang galing niya sa pagbirit sa Star Factor ng TV5 at unang season ng The Voice Philippines ng ABS-CBN. Binansagan siyang Asia’s Phoenix matapos ang kanyang makapigil hiningang performance sa Asia Song Festival 2017 sa Busan, South Korea.

Matatandaan ding bumida si Morissette sa “Disney in Concert: A Tale as Old as Time” noong 2019 kung saan inawit niya ang iba’t ibang Disney Songs. Kalaunan, napili siya ng Disney para kantahin ang theme song na “A Whole New World” ng pelikulang Aladdin. Dito nakilala niya ang batikang Hollywood actor na si Will Smith at nakasamang magtanghal si Alan Menken para sa isang special clip ng pelikula.

Nakatrabaho din niya ang sikat na Grammy awardee na si Michael Bolton sa dalawang international talent competitions, ang “Bolt of Talent” ng Star World Asia at Fox TV at “Asian Dream” ng AXN Asia.

Noong 2021, inilabas ni Morissette ang kanyang debut album na “Signature” na nagtataglay ng mga orihinal na kantang siya mismo ang nagsulat. Tampok dito ang hit single na “Love You Still” kasama ang kanyang asawang si Dave Lamar. Pumasok ito sa music charts ng mahigit na 12 na bansa kabilang ang US at UK, ang unang pagkakataong may babaeng OPM artist na umabot sa Pandora Predictions Chart at nag-number 7 sa Billboard Next Big Sound chart.

Para sa kanyang 10th anniversary sa industriya noong Enero, isang virtual concert na pinamagatang “Phoenix” ang inialay ng singer para sa kanyang mga fans.

Kamakailan lamang, nag-viral na naman ang high notes ni Morissette mula sa kanyang swabeng performance ng kanyang orihinal na kantang “Power” sa Miss Universe Philippines 2022 coronation night.

“I aspire to fly on to the world stage, and together with NYMA, soar to new heights,” pahayag pa ni Morissette na excited sa bagong yugto ng kanyang karera.

Para sa karagdagang kaalaman tungkol sa KROMA at NYMA, bisitahin ang https://www.kroma.ph/.

(ROHN ROMULO)

DILG binalaan si Gov. Garcia, mahaharap sa legal action kapag itinuloy ang optional mask EO

Posted on: June 18th, 2022 by @peoplesbalita No Comments

SINABI ng Department of the Interior and Local Government (DILG) na gagawa sila ng legal action laban kay Cebu Governor Gwendolyn Garcia kapag itinuloy nito ang pagsuway sa mask mandate ng gobyerno sa gitna ng coronavirus pandemic.

“Ganun ang mangyayari diyan. Kapag patuloy nila yan gagawin at nagkakaroon na talaga tayo ng injury, damage and confusion eh talagang hindi naman pupuwede ang ating national government ay pababayaan lang mangyari ang ganyan,” ayon kay Interior Secretary Eduardo Año.

Tinintahan kasi ni Cebu Province Governor Gwen Garcia ang Executive Order 16 na naglalayong gawing opsyonal ng publiko ang pagsusuot ng face mask sa labas kung walang sintomas ng COVID-19 ang mga ito.

Giit ni Año, walang legal na basehan ang hakbang na ito ng Cebu government, sabay sabing ang polisiya ng local government units ay dapat na naka-angkla sa polisiya ng national government at mga pahayag ng Pangulo at nakasaad sa Saligang Batas.

“We have ongoing talks in Cebu. The provincial director of the DILG continues to talk to them. In fact, I told them to fix the EO and the ordinance and align it with the IATF (Inter-Agency Task Force for the Management of Emerging Infectious Diseases) rules. It cannot be optional. You can add some exemptions based on the advice of health and science experts but you cannot make the mask rule optional,” ayon sa Kalihim.

Nobyembre ng nakaraang taon, nilagdaan ni Pangulong Rodrigo Roa Duterte ang EO 151 kung saan inaprubahan ang nationwide implementation ng Alert Level System for Covid-19 response na nirekomenda ng IATF.

Binigyang diin sa IATF resolution ang “maintenance of minimum public health standards consistent with the Department of Health (DOH) Administrative Order No. 2021-0043 which includes the mandatory wearing of face masks, especially in public areas in places under Alert Levels one to five.”

Ang EO 168, sa kabilang banda, nilagdaan ng namayapa at dating Pangulong Benigno Aquino III noong 2014 ay naglalayong “to institutionalize the creation of an IATF in anticipation of any epidemics and pandemics in the country.”

“So let’s put order into things. You cannot just do that because you know that you have a mandate to ensure order. You cannot just ignore EOs and national policies especially when the health of the people is at stake. Why did we make wearing masks mandatory? It’s because we are still in a pandemic and it is not yet over,” ayon kay Año.

Kasunod ng pagpapalabas ng EO 16 ni Garcia, kaagad namang ipinag-utos ni Año sa kapulisan na patuloy na arestuhin, kung kinakailangan, ang mga hindi magsusuot ng face mask sa mga pampublikong lugar sa nasabing lalawigan.

Samantala, sinabi naman ni Department of Health (DOH) Undersecretary Maria Rosario Vergeire na hindi kinonsulta ng Cebu provincial government ang DOH bago ito nagpasya na maglabas ng direktiba.

Ang lahat ng lokal na pamahalaan, iginiit din niya, ay dapat sumunod sa mga patakaran ng IATF.

Sinabi pa ng DoH na hindi pa ito ang tamang oras at panahon para bawiin ang sapilitang pagsusuot ng face mask lalo pa’t may ilang kaso na ang naitala kaugnay sa nakahahawang Omicron subvariant na natuklasan sa bansa. (Daris Jose)

World champ Caloy Yulo nangunguna sa all-around events sa nagpapatuloy na Asian championships sa Qatar

Posted on: June 18th, 2022 by @peoplesbalita No Comments

ABANSE na sa score ang Pinoy world champion sa gymnastics na si Carlos “Caloy” Yulo sa nagpapatuloy na 9th Senior Artistic Gymnastics Asian Championships sa Aspire Dome sa Doha, Qatar.

Nangunguna si Yulo sa individual all-around makalipas ang Day One sa tatlong mga apparatus ng gymnastics kasama na ang pommel horse at sa rings.

Umangat nang husto ang score ni Yulo sa floor exercises kung saan siya ang world champion noong taong 2019.

Sa second day ngayon ng all-around, muling sasabak si Yulo sa kompetisyon sa vault, parallel bars, at horizontal bar upang madetermina ang gold medalist sa all-around events.

Kung maalala kamakailan lamang sa Southeast Asian Games sa Vietnam ay humakot ng limang medalyang ginto si Yulo upang kilalaning most bemedalled Pinoy athlete.

Sotto No. 79 na sa mock draft

Posted on: June 18th, 2022 by @peoplesbalita No Comments

NASA No. 79 spot na si Kai Sotto sa inilabas na mock draft ng isang basketball website para sa 2022 edisyon ng NBA Rookie Draft na gaganapin sa Hunyo 23 sa Brooklyn, New York.

Ayon sa NBA Draft Room, malaki ang improvement ng 7-foot-3 Pinoy cager sapul nang maglaro ito sa iba’t ibang torneo.

Kabilang na rito ang pagsabak ni Sotto sa isang season ng Australia National Basketball League (NBL) kasama ang Adelaide.

Mas malakas at mabilis na ito kumpara sa mga nakalipas na laro nito kaya’t maituturing na itong handang-handa na sakaling makapasok ito sa NBA.

“Tall and smooth with an emerging game, Sotto has filled out his frame well over the past few years. He’s looking stronger and quicker and more like an NBA player,” ayon sa website ng NBA Draft Room.

Nangunguna sa listahan ng mock draft si Jabari Smith Jr. ng Auburn kasunod sina Chet Holmgren ng Gonzaga, Jaden Ivey ng Purdue, Paolo Banchero ng Duke at Keegan Murray ng Iowa.

Nauna nang nakapasok sa Top 50 si Sotto sa mga nakalipas na edisyon ng mock draft.

Target ni Sotto na maging kauna-unahang pure Pinoy na makakapasok sa NBA.

Golden State Warriors tinanghal na kampeon muli sa NBA matapos makuha ang Game 6 vs Boston Celtics

Posted on: June 18th, 2022 by @peoplesbalita No Comments

MULING kinilalang world champions ang Golden State Warriors matapos na tapusin ang best-of-seven series ng NBA Finals sa 4-2 record.

Makasaysayan ang ginawa ng Warriors nang makuha ang panalo sa Game 6 doon mismo sa homecourt ng Boston sa score na 103-90 sa harap ng mahigit sa 19,000 fans.

Ito na ang ikaapat na korona ng Warriors sa nakalipas na walong NBA seasons na huling nangyari sa panahon pa ni Michael Jordan ng Chicago Bulls noon pang dekada nubenta.

Sa laro, agad na umabanse ang Warriors sa first at second quarters.

Pagsapit ng 3rd quarter tinangkang bumawi ng Boston at pinilit na dumikit sa score hanggang sa unang bahagi ng 4th quarter.

Pero hindi na hinayaan ng Warriors sa pangunguna ni NBA superstar Stephen Curry na ma-extend pa ang serye nang magtala ng 32 points.

Minalas naman ang Celtics na inalat ang kanilang All-Star na si Jason Tatum na meron lamang kakarampot na 13 points.

Ang highest scorer sa Boston ay si Jalen Brown na may 34 points.

Nagpadagdag pa sa pagkadismaya ng Boston ay ang maagang malagay sila sa foul trouble at maraming nasayang na bola bunsod ng turnovers.

Samantala, napili naman bilang 2022 NBA Finals Bill Russell MVP si Steph Curry. Bago ito dati na ring two time NBA MVP si Curry.

Gun ban ipapatupad sa inagurasyon nina Marcos, Duterte

Posted on: June 18th, 2022 by @peoplesbalita No Comments

MAGPAPATUPAD ng gun ban ang Philippine National Police (PNP) para sa inagurasyon nina President-elect Ferdinand “Bongbong” Marcos, Jr. sa Maynila at Vice President-elect Sara Duterte sa Davao City.

Ayon kay Police Major General Valeriano De Leon, PNP Director for Operations, simula ngayon, Hunyo 16-21 ipatutupad ang gun ban sa Davao Region para sa inagurasyon ni Duterte sa San Pedro Square sa Hunyo 19, habang Hunyo 27 hanggang Hulyo 2 naman ang gun ban sa Metro Manila para sa inaugural ceremony ni Marcos sa Hunyo 30 na idaraos sa National Museum.

“That [gun ban] is three days before [the event] and two days [after the event] because we have clearing areas…if ever there is an incident that warrants investigation,” ani De Leon.

Suspendido rin ang mga Permit to Carry Firearms outside Residence (PTCFOR) sa Davao City at Metro Manila alinsunod sa inaprubahan ni PNP Officer in Charge Police Lt. General Vicente Danao Jr. bilang bahagi ng security preparations ng inagurasyon.

Bukod sa pagkumpiska ng mga baril at pag-revoke sa PTCFOR ng mga lehitimong gun-owners na mahuhuling lumabag sa suspensiyon, sasampahan din ang mga ito ng kasong kriminal.

Samantala, patuloy ang paglalatag ng seguridad ng PNP para sa nalalapit na inagurasyon ng mga susunod na lider ng bansa.

Aminado si De Leon na kanilang minomonitor ngayon ang mga grupo na posibleng manggulo sa inagurasyon. Aniya, lahat ng magsasagawa ng pagkilos ay kanilang bineberipika.

Ito umano ang dahilan kung bakit magpapatupad sila ng gun ban sa Davao at Metro Manila para matiyak na hindi sila malulusutan.

Sa kabilang dako, sinabi ni De Leon na pinag-aaralan nila ang paglalagay ng screen sa labas ng venue ng inagurasyon nina Marcos at Duterte nang sa gayon ay mapanood ito ng publiko.

Aabot sa 3,700 pulis ang nakakalat sa inagurasyon ni Duterte habang 6,000 pulis naman ang nakadeploy kay Marcos. (Daris Jose)

Taxi group humihingi ng P20 hike sa flagdown rate

Posted on: June 18th, 2022 by @peoplesbalita No Comments

SA GITNA ng patuloy na pagtaas ng presyo ng produktong gasolina, ang mga taxi drivers at operators ay humihingi ng P20 hike sa flagdown rate.

Ayon kay president ng Philippine National Taxi Operators Association Bong Suntay sila ay umaapela sa Land Transportation Franchising and Regulatory Board (LTFRB) na payagan na magtaas ang minimum na pamasahe sa taxi na sa ngayon ang flagdown rate ay P40.

“There’s an appeal coming from the taxi operators’ group for the flagdown rate to increase by P20. Sadly, there has been no response from the LTFRB. Various transport groups, from provincial bus operators to TNVs, have filed for fare increases. Up to this day, nothing has been resolved by the LTFRB,” wika ni Suntay.

Ang flagdown rate ngayon ay based pa rin sa dating presyo ng gasoline na P40-P45 kada litro samantalang ngayon ay tumaas na ito ng P82 hanggang P85 kada litro.

Ayon sa kanya ay masama ang epekto ng pagtaas ng presyo ng gasolina sa drivers at operators dahil halos ay wala na silang kinikita. Sa ngayon ang ibang drivers ay hind na pumapasada at halos lahat ay nagrereklamo na.

Wala naman magawa ng mga drivers at operators dahil hindi naman nila maitaas ang flagdown rate habang wala pa ang order ng LTFRB at hindi pa sila pinapayagan. Kung kaya’t naghihintay na lamang sila sa desisyon nito.

Pinaliwanag naman ni Suntay na hindi kailangan magkaron ng recalibration sa kanilang mga taxi meters dahil mas praktikal ng manatili ito sa dati dahil kapag magkaron ng pagbaba ng presyo ng gasoline ay hindi na ito kailangan dumaan sa muling recalibraton.

“We wanted a change in the flagdown rate so if the prices of fuel go down, it would be easier to give it back without the need of calibrating the meters of the taxis,” dagdag ni Suntay.

Samantala, inutusan naman ng Department of Transportation (DOTr) ang LTFRB na madalin nila ang pag evaluate sa mga pending fare hike petitions. Sinabi ni DOTr undersecretary Mark Pastor na mayron naman na existing mechanism at formula upang mas epektibong ma assess ang merit ng mga petitions. Sinigurado naman ni Pastor na madadaliin ng LTFRB ang evaluation ng kanilang mga petisyon.

Samantala, matapos ang P1 provisional increase ng pamasahe ng mga jeepney sa Metro Manila, Central Luzon, Calabarzon at Mimaropa, ang Land Transportation Franchising and Regulatory Board (LTFRB) ay magsasagawa naman ng hearing sa petisyon ng Transport Network Companies (TNC) sa pagtataas ng pamasahe sa mga ride-hailing apps.

Sa darating na June 29 na gagawin ang hearing sa nasabing petisyon ng TNVS ayon kay LTFRB executive director Kristina Cassion.

Dagdag pa ni Cassion na kanilang masusing pag-aaralan ang petisyon sapagkat kailangan itong dumaan sa consultation at deliberations.

Naghain din ng petisyon ang Provincial Bus Operators Association of the Philippines (PBOAP) para sa pagtataas ng pamasahe sa Land Transportation Franchising and Regulatory Board (LTFRB).

Ayon kay PBOAP executive director Alex Yague na ang mga operators ay hindi na nakakayanan ang mga tumataas ng presyo ng produktong petrolyo na kanilang ginagamit sa kanilang operasyon.

Ang PBOAP ay humingi ng P2.50 kada kilometro mula sa dating P2.20 o P.30 centavos kada kilometro. Ibig sabihin, ang isang pasahero na sasakay ng bus ay kinakailangan magbayad ng karagdagang P30 para sa 100 na kilometro na trip.

Kamakailang lamang ay inaprobahan ng Land Transportation Franchising and Regulatory Board (LTFRB) ang petisyon ng mga transport groups na magkaron ng P10 provisional minimum fare sa mga public utility jeepney (PUJs).

Ang minimum na P10 fare ay ipapatupad sa Metro Manila, Central Luzon, Calabarzon at Mimaropa. Samantalang, ang ibang rehiyon sa bansa ay mananatiling P9 pa rin. LASACMAR