BINASAG na ni Tom Rodriguez ang pananahimik niya sa social media, nang mag-post siya ng isang nakaiintrigang photo sa kabila ng annulment rumors na ipa-file ng wife niyang si Carla Abellana.

At balitang nagpapatayo na ito ng bagong bahay habang naghihintay pa siya ng buyer ng kanyang posh condominium unit sa Pasig City.

Pero after two months na nanahimik si Tom tungkol sa issue, napabalita pang bumalik na siya sa kanila sa Amerika, ay nag-share ng photo of two hands being freed from a chain.

Ito na raw kaya ang sagot ni Tom, na ang annulment rumors ang magpapalaya sa kanya kay Carla na in-unfollow na rin niya?

Sa ngayon ay nagtatanong ang netizens kung nasaan ba si Tom at tuloy pa rin ba ang contract niya sa GMA Network?

***

NASA 37th week of her pregnancy na si Iya Villania-Arellano, ang Chika Minute host ng “24 Oras” pero tuluy-tuloy pa rin ang pagbibigay niya ng showbiz news.

Ang saya-saya pa niya kaya natutuwa sa kanya ang mga kasama niyang newscasters na sina Ms. Mel Tiangco, Vicky Morales at Mike Enriquez.

Ayon pa rin kay Iya, hindi pa rin siya nagpa-file ng maternity leave niya sa network para sa fourth child nila ni Drew Arellano.

“Normally, kapag 37th week ko na, nagpa-file na ako ng maternity leave, but this time, ita-try ko to work until my 38th week,” sabi ni Iya.

“Getting so anxious about how labor and delivery will unfold this time around.”

Bukod sa “24 Oras,: patuloy pa rin si Iya sa pagti-taping ng mga episodes ng daily morning show nila nina Camille Prats at Kuya Kim Atienza, ang “Mars Pa More,” sa GMA-7.

***

MUKHANG makakahinga na nang maluwag ang mga televiewers ng GMA Afternoon Prime na “Artikulo 247” sa pagtatapos ng serye nina Rhian Ramos, Benjamin Alves, Mike Tan at Kris Bernal ngayong hapon.

Pagkatapos ng maraming paghihirap kina Rhian, Benjamin, Carla Martinez at Glydel Mercado, na kagagawan nina Kris at Mike, ay makakaligtas na rin sila.

Abangan ang pag-rescue sa kanila ng mga authorities at kung ano naman ang magiging katapusan ng kasamaan nina Kris at Mike. Kasunod na nito ang “mabuhay ang bagong kasal” scene nina Jane (Rhian) at Noah (Benjamin).

Ang “Artikulo 247” ay mapapanood mamayang 4:15PM, after “Raising Mamay” sa GMA-7.

Simula naman sa Monday, June 6, world premiere ng papalit sa kanilang teleserye, ang “The Fake Life” nina Ariel Rivera, Beauty Gonzalez at Sid Lucero.

***

HAPPY ang Kapuso Royal Couple na sina Dingdong Dantes at Marian Rivera dahil every Saturday, ay nagti-trending at mataas ang rating ng kanilang sitcom na “Jose & Maria’s Bonggang Villa.”

Matagal kasing hindi napanood ang mag-asawa na magkasama sa isang teleserye, kahit sa pelikula, lalo na nang magkaroon ng pandemic, kaya ngayong maayos na ang lahat, natuloy na rin ang muling pagtatambal ng mag-asawa sa sitcom pero maingat pa rin sila sa pagtatrabaho dahil wika nga, ‘the pandemic is not totally out!’

Isang kinatutuwaan ng mga netizens sa bawa’t episode ng “Jose & Maria’s Bonggang Villa,” si Maria ay may third eye at nakakakita at nakakausap niya ang multo, samantalang ang asawang si Jose ay siya namang natatakot dahil nakikita niya ang multo.

“Maraming-maraming salamat po sa lahat ng mga sumusubaybay sa aming sitcom at sana ay magpatuloy ang pagtaas ng rating nito, para matagal tayong magkasama-sama,” wika ni Marian. “Hihintayin namin kayo tuwing Saturday, 7:15PM, after “Pepito Manaloto,” sa GMA-7.”

(NORA V. CALDERON)

NAPASABAK na naman ang versatile at award-winning actor na si Sid Lucero sa new version ng classic sex-drama Filipino film ni Peque Gallaga noong 1985, ang Virgin Forest.

Sa trailer ng newest offering ng Viva Films at Center Stage Productions na may parehong titulo, isa nga sa mga pasabog na eksena ay ang orgy scene ni Sid na kinunan sa isang waterfalls.

Kasama ng aktor ang anim na hot and sexy stars, na kung saan hubo’t-hubad sila, na tiyak na kaiinggitan siya ng mga kalalakihan.

Sa digital mediacon ng Virgin Forest na ipalalabas na sa June 24 sa VIVAMAX, inamin ni Sid na isa sa pinakamahirap na eksenang ginawa niya.

“Honestly, it hurts,” tugon ng aktor.

“That’s the first thing you will realize, it’s painful. There’s nowhere to rest any part of your body. At the same time, there is something that the director wants to capture.

“The falls is so noisy, you don’t understand what’s happening because you can’t hear the direction.

“All of us, like three people, standing on a tiny rock because if you don’t stand there…it was not easy.”

Dagdag pa ni Sid na wala talagang kiyeme sa hubaran, “As an actor naman, the only thing that was going on my head was that we’re all in this together. We’re all naked and whatever, respetuhan na lang.”

Gaganap na isang photographer-journalist si Sid, na makadidiskubre ng isang gubat na hindi lang puno ng mga mauusbong na halaman at puno, kundi pati na rin ng mga taong puno ng kasakiman at pagnanasa.

Si Francis (Sid) ang naatasang kumuha ng mga litrato ng ng isang bulaklak mula sa genus Rafflesia, may scientific name na Rafflesia Schandenbergiana. Isa itong parasitic plant na tumutubo sa Bukidnon at mas kilala sa tawag na Bo-o para sa Bogobo tribe, at tinatawag namang Kolon-Busaw ng Higaonon tribe.

Bukod dito, makadidiskubre rin ng illegal logging operation at isang prostitution den. Dito niya makikilala ang magkapatid na sina Angela (Katrina Dovey) at Karla (Angeli Khang) na parehong pinagtatrabaho bilang mga prostitute.

Isusugal ni Francis ang kanyang trabaho at maging ang kanyang buhay upang mailigtas ang dalawang babae, bago maging huli ang lahat.

Ang Virgin Forest ang bagong pelikula ng award-winning director ng “Tirador” at “Kinatay” na si Brillante Mendoza. Ito na ang pang-apat niya sa Vivamax ngayong 2022, after ng “Palitan,” “Sisid,” at “Bahay na Pula”. Siya ang nag-produce ng at noong “Kaliwaan” at “Pusoy,” bilang pagsuporta sa mga young filmmakers.

Bukod kina Sid Lucero, Angeli Khang, at Katrina Dovey kasama din sa cast ang Asian Film Festival Best Actor na si Vince Rillon.

Mabighani sa kakaibang ganda ng kalikasan at alamin ang sukdulan ng pagnanasa at kasakiman ng mga tao sa Virgin Forest simula sa June 24, sa VIVAMAX Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, Canada, the USA, the Middle East at Europe. At sa best viewing quality na ang inyong panonood, dahil ang VIVAMAX compatible na with TV casting.
Maaari ring mag-subscribe sa www.vivamax.net, pumili ng plan, at magbayad gamit ang PayMaya, Debit or Credit card, GCash, GrabPay, o sa ECPAY partner outlets na malapit sa inyo.

Mas affordable, mas madami at mas madali na ang mag-subscribe, kaya naman #SubscribeToTheMax na sa best Pinoy Movie Streaming App, VIVAMAX!

(ROHN ROMULO)