SALUNGAT ang naging pananaw ng mga pinuno ng European Union at China hinggil sa nangyayaring kaguluhan ngayon sa pagitan ng Russia at Ukraine.

Ipinahayag ito ni European Commission President Ursula von del Leyen matapos na idaos ang kauna-unahang EU-China summit sa loob ng halos dalawang taon na ginanap naman sa Brussels.

Aniya, sa ginanap na pagpupulong ay hindi daw nakakuha ng anumang pangako ang European Union mula sa China na gamitin ang impluwensya nito upang pigilan ang pag-atake ng Russia sa Ukraine, na isa sa mga pangunahing layunin ng nasabing aktibidad.

Ayon kay von der Leyen, na dito ay malinaw nilang sinabi sa China na kung hindi nito susuportahan ang naturang hakbang ng EU na pigilan ang Russia, ay huwag na lamang itong makialam sa mga sanctions na kanilang ipapataw dito.

Sa panig naman ng China ay sinabi ni Chinese President Xi Jinping na sinusuportahan nito ang pagsisikap ng EU na tuldukan at i-resolba na ang nangyayaring digmaan ngayon sa pagitan ng Russia at Ukraine, maging ang pag-uusap na dapat gawin sa pagitan ng Europe, Russia, United States, at NATO.

Aniya, naipong regional security conflicts sa Europe sa loob ng mahabang panahon ang ugat ng nagaganap na krisis ngayon sa Ukraine na kinakailangan agad na masolusyonan sa pamamagitan ng pagpapaunlak sa legitimate security concerns ng lahat ng mga kinauukulang partido.

Ngunit hindi naman ito nagpahayag ng kahit na anong indikasyon na mayroong itong papanigan dahil hindi rin nito gustong masira ang kanilang strategic relationship sa Russia.

Ito ang dahilan kung bakit hindi ito nangako na tutulong ito sa pagdiin sa Russia at sa halip ay pipilitin daw nito na makapagsagawa ng peace talks sa pagitan ng Russia at Ukraine sa kanilang sa kanilang sariling pamamaraan.

Samantala, sa bandang huli naman ay nagkasundo ang dalawang panig na magtulungan sa pagresolba sa kaguluhan sa pagitan ng Russia at Ukriane sa iba pang mga pamamaraan.

HINDI  rin aniya sinasabi kay Putin ang full impact ng sanctions sa ekonomiya ng Russia.

Habang ayon naman sa British intelligence ang Russian troops sa Ukraine ay na-demoralise na, kapos sa mga kagamitang pandigma at tumangging sumunod sa order ni Putin.

Wala pa namang inilalabas na komento sa ngayon ang Kremlin hinggil sa assessment ng Amerika.

Samantala, sinimulan na rin ng Ukrainian forces na bawiin ang mga lugar sa kanilang teritoryo na nasa kontrol ng Russia kasabay ng pangakong pagbabawas ng Moscow sa military operations nito sa malalaking kabisera ng Kyiv at Chernihiv.

INIHAYAG ni Justice Secretary Menardo Guevarra na ang Department of Justice (DOJ) at iba pang kaugnay na ahensya ay magbibigay ng “preferential attention” sa mga reklamong may kinalaman sa vote-buying upang ang mga kaso ay mabigyan ng mabilis na resolusyon.

Aniya, ito ay sa loob lamang ng limitadong panahon kung saan “panahon lamang ng halalan”.

Sinabi ni Guevarra na inatasan niya ang National Prosecution Service na bigyan ng preference ang mga reklamo na may kaugnayan sa vote-buying at ang Public Attorney’s Office para tulungan ang mga indibidwal na maaaring gustong magsampa ng mga reklamo.

Bumuo ang gobyerno, partikular na ang Commission on Elections (Comelec), ng inter-agency task force na tinatawag na “Kontra Bigay” para harapin ang mga isyu sa pagbili ng boto noong Mayo 9 na botohan.

Sa task force, sinabi ni Guevarra na umaasa siyang mas maraming tao ang lalakas loob na mag-ulat ng mga insidente ng pagbili ng boto, dahil “napakalimitado” lamang ang bilang ng mga indibidwal na nagsampa ng mga kaso.

MULA NANG  lusubin ng Russian forces ang Ukraine, naapektuhan ang global energy market dahil sa isa ang Russia sa largest oil producer.

Lumitaw din ang de facto embargo sa Russian oil dahilan kung saan ilang mga oil companies, trading houses , shippers at banks ang umatras na.

Subalit mayroong ilang sinyales na ilang mga potential buyers ang interesado sa Russian energy ng palihim.

Habang nagpapatuloy ang giyera sa Ukraine, ang russian tankers na naglalaman ng crude oil at mga produktong petrolyo ay mabilis umanong naglalaho mula sa tracking systems.

Sa tinatawag na dark activity kung saan ang ships transponders ay nakaturned off ng ilang oras pinaniniwalaan ng US officials na isang deceptive shipping practice na karaniwang ginagamit para matakasan ang ipinapataw na sanctions.