SINABI ng Metropolitan Manila Development Authority (MMDA) na maaaring ipatupad ang bagong number coding schemes matapos ang May 9 elections.
Sa Laging Handa public briefing, sinabi ni MMDA general manager Frisco San Juan nagpapatuloy na sa ngayon ang konsultasyon sa ibang ahensiya ng pamahalaan ukol sa panukalang number coding schemes.
“Nakikipag-usap pa rin po tayo sa other government agencies upang maibigay din nila ang kanilang mga suhestyon kung ano sa dalawa ang ating ipapatupad at maari po siguro after elections na po natin ito ipaiiral,” ayon kay San Juan.
Nauna rito, ipinanukala ng MMDA ang dalawang bagong number coding schemes na magbabawal sa mga sasakyan sa pampublikong daanan sa kalagitnaan ng rush hours upang mabawasan ang matinding trapiko sa Metro Manila.
Prinisenta ni MMDA Chair Romando Artes ang panukala na layong makabawas ng bigat ng trapiko ng hanggang 5%.
Una, pagbabawalan ang mga sasakyan na may registration plates na may odd last numbers na 1,3,5,6 at 9 sa mga pampublikong daanan sa Lunes at Huwebes mula alas syete hanggang alas diyes ng umaga at mula alas singko ng hapon hanggang alas otso ng gabi.
Pangalawa, ang mga sasakyan na may registration plates na even numbers na 2,4,6,8, at 0 ay pagbabawalan mula sa mga pampublikong daanan kada Martes at Biyernes sa kalagitnaan ng kaparehong oras.
Ibig sabihin, ang lahat ng sasakyan ay maaari lamang gumamit ng pampublikong daanan kada Miyerkules.
“Ang una pong isasagawa kung maramdaman natin ang pagdagsa ng marami pang pribadong sasakyan ay ang pagbabago nga ng ating vehicle reduction program sa halip na ‘yung sa kasalukuyan ay 20% lang ang ating naibabawas kada araw ay maaring 40% sa isang panukala or sa pangalawang option ay 50% reduction,” ayon kay San Juan.
“’Yan po ang mga pinag-aaralan ngayon at ‘yan po ay idadaan sa masusing pag-aaral para sa mas detalyado pa pong mga gagawing protocols,” dagdag na pahayag nito.
Pinag-aaralan naman ng MMDA ayon kay San Juan ang posibilidad na palawakin ang afternoon number coding scheme, na nakatakda mula alas-5 ng hapon hanggang alas-8 ng gabi.
Tiniyak naman ni San Juan sa publiko na handa ang MMDA sa inaasahang mabigat na daloy ng trapiko ngayong Semana Santa.
“Meron na pong mga paghahanda tayo at ‘yan naman po ay mula’t mula pa noong nakaraang taon pare-pareho ang ginagawa ng ating ahensya kaya kung may pagbabago ay madali naman po kaming mag-adjust para mabigyan ng solusyon,” anito.
“Nakahanda po ang ating mga additional traffic enforcers, mga mobile units, at mga motorcycle units para po mabilis ang pagresponde sa mga sitwasyon ng trapiko,” aniya pa rin.
Samantala, hanggang sa kasalukuyan ay wala pa ring natatanggap na kahit na anumang reklamo ang MMDA hinggil sa two-week dry run para sa pagbabalik ng provincial buses sa EDSA, nananatili aniyang may konsultasyon sa mga bus operators.
“Sa Lunes po ay muli tayong makikipag-usap sa provincial bus operators para malaman natin kung ano ang kanilang assessment at kung meron silang hihilingin para i-adjust po ang kasakuluyang programa,” ayon kay San Juan. (Daris Jose)
ISINIWALAT ni Pangulong Rodrigo Roa Duterte na may lima hanggang anim na miyembro ng kanyang gabinete ang sinibak nito dahil sa korapsyon.
MAYROON nang sapat na eksperyensa ang national beach volleyball teams para lumaban sa gold medal sa 31st Southeast Asian Games sa Hanoi, Vietnam sa Mayo 12-23.
THE cast and filmmakers came together March 30 (Manila Time) for the world premiere of 
HINDI mapigilan ni Herlene “Hipon Girl” Budol na maiyak dahil natupad na ang matagal na niyang hiling na makabili ng sariling sasakyan.
MAAARING maharap ang bansa sa panibagong surge ng COVID-19 cases matapos ang May 9 polls o sa mga susunod na ilang buwan.
NAKATAKDANG kausapin ni Pangulong Rodrigo Roa Duterte si Chinese President Xi Jinping sa Abril 8 para muling ipabatid dito ang kanyang alalahanin na ang armed conflict sa Eastern Europe ay maaaring mag- spill over sa Asya at madamay ang Pilipinas sa “vortex of a war” sa rehiyon.
LABIS-LABIS ang pasasalamat ni Kapuso Primetime King Dingdong Dantes, dahil after two weeks pa lamang siyang nagho-host ng Family Feud ay grabe na ang suportang nakuha nila sa mga televiewers. 
KUMPIYANSA si Pangulong Rodrigo Roa Duterte na ang susunod na Pangulo ng bansa ay masigasig din na itigil ang malaganap na ilegal na droga sa bansa.