MAY special bond na nabuo between Megastar Sharon Cuneta at kay Julia Montes.

Mahigit 12k na ang nag-like sa IG post ni Sharon (@reallysharoncuneta) last Sunday which reads, “This girl. My “Juya.” @montesjulia08 My baby girl. I feel closer to her, sharing secrets, laughing with her, being loved by and loving her. I’ve worked with other younger stars and loved them all, but Julia is the one who is most liked me.

“She has a beautiful heart, a beautiful soul. Sweet, bungisngis, funny, just fun to be with. Always there for me as I am for her. She feels up some of the empty spaces in my heart. I have a feeling I will love this beautiful girl forever and that our friendship will go beyond work and will last a lifetime.

“I love you, baby ko. I will always take care of you and protect you. Akin ka na lang! Para apat na ang baby girls ko. I really always miss you kahit magkapitbahay tayo sa Ilocos. Take care and see you soon.

“I love you. Mommy.”

Common knowledge sa showbiz na kapag may nakakatrabaho si Sharon na girls whether younger or older than her ay nagiging close. Think of Judy Ann Santos, Lorna Tolentino, Rossana Roces just to name a few.

Kapag naging close mo si Sharon ay para kang tumama sa lotto kasi Sharon chooses her friends wisely. May special reason why she likes a person and only Sharon knows that reason.

‘Pag natapos na ang participation ni Sharon sa FPJ’s Ang Probinsyano, she will surely miss Julia, Coco Martin and her other co-stars.

***

AMINADO si Zanjoe Marudo na he felt awkward the first time he reported on the set of 366, ang debut directorial assignment ni Bela Padilla.

Ang ‘thought balloon’ ni Zanjoe, sana raw hindi raw istrikto si Bela sa set at kung paano ba niya ito biruin while working.

Ngayon lang uli makakatrabaho Zanjoe si Bela since may ginawa silang teleserye sa ABS-CBN some years ago.

Pero kwento ni Zanjoe, marami siyang natutan kay Bela as an actor. Kailangan lang sumunod siya sa vision ni Bela as a director.

“Sabi sa akin ni Bela, ito lang ang gusto na gawin mo to interpret your role. Hindi kailangang sobra. Dapat sakto lang,” kwento pa ni Zanjoe.

May hirit pa nga si Zanjoe na sana raw yung role na napunta kay JC Santos ang ibinigay ni Bela sa kanya.

Pero Bela said napanood naman niya ang movies ng aktor and she’s been a fan kaya naniniwala siya na kaya ni Zanjoe ang role na napunta sa kanya.

(RICKY CALDERON)

WALANG binanggit na actual amount ng pera, pero isiniwalat ni Diego Loyzaga sa naging online mediacon ng Vivamax’s Greed na na-scam siya.

Hindi rin actually malinaw kung tumama ba sa lotto si Diego katulad sa kuwento ng Greed na mai-stream na sa Vivamax simula sa April 8 kunsaan, nanalo ang mga characters nila ni Nadine Lustre sa lotto at do’n na nagsimula ang “greediness” o pagiging ganid sa kuwento.

Sa personal na karanasan ni Diego, ang ikinuwento niya lang, nanalo raw siya ng malaking amount.  Pero para sa kanya, pagiging greed yun instead na makuntento siya, in-invest pa raw niya at nag-hope na mas lalaki pa ang malaking pera naman na napanalunan niya.

Ang siste, may dapat daw sana siyang pagbigyan ng pera, pero dahil nga in-invest niya, hindi niya ito naibigay at ang masaklap, naloko pa siya o na-scam nga.

Lahad ni Diego, “Honestly, to be honest, of course, I wanted to keep some amount for me. But the most of it talaga, I was supposed to give it to somebody else.

“What happened was, I invested the money thinking that it would be smarter, after a long period of time, lalaki siya. More for me and more also for that person I want to be given. Eh, ang nangyari, na-scam ako. I guess, do’n siguro talaga umiral si greed and in that scenario, I lost. I lost bigtime.” 

Kung matatandaan, nanalo rin kasi sina Diego at Cristine Reyes habang ginagawa nila ang seryeng Encounter sa TV5’s The Wall Philippines noong isang taon ng kulang 3 million din.

Kaya palaisipan kung ‘yung panalo ba niya rito ang na-scam sa kanya o kung tumama nga ba siya sa lotto.

Sey rin kasi ni Diego, if ever man daw tumama siyang muli, sisiguraduhin daw niyang magtitira na ng certain amount for himself at sa totong bibigyan niya.

Sayang at hindi rin pala nalinaw kay Diego kung sino ang taong tinutukoy na pagbibigyan niya sana.

***

MARAMI ang nag-send ng messages kay Kylie Padilla na “stay strong,” “marami ang nagmamahal sa ‘yo,” “stay strong for your two kids.”

Nag-post kasi si Kylie na kasalukuyang nasa lock in taping ng bago niyang teleserye sa GMA-7, ang Bolera na siya ay nagkakaroon ng anxiety attack.

Hindi sinabi ni Kylie kung ano ang dahilan o nagti-trigger sa anxiety niya, pero nagpapasalamat daw ito sa mga kasama niya sa taping sa pag-aalaga sa kanya.

       “I had another anxiety attack on set the other day, so grateful that everyone on set takes good care of me.  Thank you guys. You know who you are. ”

        Pero mas na-highlight sa post ni Kylie ang aso na parang alam daw ang napi-feel niya at siyang nag-cuddle at tinabihan na rin niya. In short, di rin humugot ng lakas si Kylie.

        “Little Nami came up to me and gave me a cuddle, I think naramdaman nya di ako ok. We cuddled for a bit. Humiga na ako sa tabi niya. I needed this moment, In love na talaga sa aso na to. Canine therapy is real.”

(ROSE GARCIA)

MAGKATUWANG sina Angel Locsin at Marjorie Barretto na nagbahay-bahay para personal na ikampanya si Vice President Leni Robredo bilang Pangulo ng Pilipinas.

Nagbahay-bahay ang mga artistang sumusuporta sa kanyang kandidatura, sa pangunguna ng mga aktres noong Sabado sa iba’t ibang bahagi ng bansa.

Mula sa pagbisita sa Marawi City ay pinangunahan ni Angel ang pagbabahay-bahay sa Cagayan de Oro City at Misamis Oriental kung saan hinikayat niya ang mga kapwa tagasuporta na kumausap ng 10 tao bawat araw at kumbinsihin silang iboto si Leni sa halalan sa Mayo.

Sinamahan naman ni Marjorie si Aika Robredo, anak ng Bise Presidente, sa kanilang pagbisita sa ilang barangays sa Quezon City. Maagang sinimulan ng aktres ang pagbabahay-bahay nang bisitahin niya ang ilang lugar sa Pasig kung saan kinumbinsi niya ang mga botante na si VP Leni ang pinakuwalipikadong pamunuan ang bansa.

        “This was the reason why I decided to do house-to-house yesterday with other volunteers because we want to convince more of our fellow Filipinos that VP Leni is the most qualified to lead our country,” wika ni Marjorie sa Instagram.

Nag-ikot naman ang “PieDu” loveteam naman ng aktor na sina Edu Manzano at aktres na si Cherry Pie Picache sa isang palengke sa Quezon City at ipinabatid ang mga plano ni Robredo para sa bansa.

Nagpamigay rin sila ng pamphlets at ibang babasahin na naglalaman ng track record at mga nagawa ni VP Leni.

Sumama naman ang aktres at singer na si Agot Isidro sa pagbabahay-bahay sa Tagbilaran, Bohol at bumisita sa isang palengke kasama ang campaign manager ni VP Leni na si dating Senador Bam Aquino.

Tinalakay naman ng aktres na si Pinky Amador at hipag ni VP Leni na si Dr. Josephine Robredo-Bundoc ang plataporma ni Robredo na “Oplan Angat Agad” na nakatuon sa trabaho, kalusugan at edukasyon, sa mga residente nang mag-ikot sila sa Dumaguete City.

Nais matiyak ni VP Leni na hindi bababa sa isang miyembro ng pamilya ang tumatanggap ng buwanang suweldo habang ang mga nawalan ng trabaho ay bibigyan ng tatlong buwang pinansiyal na ayuda habang naghahanap ng hanapbuhay.

Pagdating sa kalusugan, magbibigay din si VP Leni ng access sa libreng doktor sa bawat pamilya at gagawing abot-kaya ang pagpapagamot para sa lahat ng Pilipino. Nais din niya na bigyan ng kalidad na edukasyon ang mga estudyante upang maabot nila ang pangarap na trabaho sa hinaharap.

***

TEARY-EYED si Maris Racal nang purihin siya nang husto ng co-actor niya sa YouTube series na How to Move On in 30 Days na si John ‘Sweet’ Lapus dahil siya na ang next rom-com queen.

In fairness naman ay nakakakilig talaga si Maris sa mga nagawa niyang rom-com movies at series.

Nabanggit ni Sweet na si Maris ang susunod na sa yapak nina Regine Velasquez, Toni Gonzaga at Angelica Panganiban.

Say ng TV host/director/actor/vlogger, “Mahusay si Maris Racal dito. She really is the romcom princess now. And now that Angelica Panganiban is a mother and Toni Gonzaga is technically retired, I’m pretty sure that Maris Racal will be the next romcom queen.

        “Siya talaga ‘yung romcom (actress). Siya ‘yung Regine Velasquez noong araw, na naging Toni Gonzaga, na naging Angelica Panganiban. It’s Maris Racal’s time to shine.”

Kaya panay ang pasalamat ni Maris kay John at sa ABS-CBN at YouTube Philippines dahil isinama siya sa first collaboration na How to Move On in 30 Days.

At pinost ni Maris ang video clip kung paano ito sinabi ni John, “Grabe yung puso ko kanina. Salamat po.”

        Ang romantic-comedy series na ito ay tungkol kay Jen (Maris), isang vlogger na iniwan at niloko ng boyfriend niya ng pitong taon na si Jake (Albie Casino) kasama si Anastacia (Sachzna Laparan), isang sikat na model at social media influencer. Makikilala si Jen bilang “The Winarak Girl” matapos mag-viral sa social media ang kanyang pagwawala dahil sa pagiging sawi.

Para tulungan si Jen na malagpasan ang pagiging broken-hearted, kukumbinsihin siya ng kanyang mga kaibigan na sina Anton (Kyo Quijano) at Sara (Jai Agpangan) na i-download ang “the break app.”

Sagot ng app na ito ang lahat ng solusyon at payo para tulungan si Jen na maka-move on mula kay Jake sa loob lamang ng 30 araw.

Ngunit hindi ito magiging madali para kay Jen dahil makakasama niya sa trabaho si Jake at ang bagong kasintahan nito. Dahil desperado na si Jen na maka-move on, mapipilitan siyang lapitan si Franco (Carlo Aquino), isang gwapong surfer at “professional boyfriend-for-hire.”

Magkukunwari sina Jen at Franco bilang magkasintahan at unti-unti rin silang magiging malapit sa isa’t isa dahil dito. Makaka-move on nga ba si Jen sa tulong ni Franco at ng “break app”? Mauuwi kaya sa tunay na pagmamahalan ang pekeng relasyon nina Jen at Franco?

Napapanood na sa ABS-CBN YouTube channel ang How to Move On in 30 Days, mula ito sa direksyon nina Benedict Mique at Roderick Lindayag at kasama rin dito sina John Arcilla, Sherry Lara, Phoemela Baranda, Poppert Bernadas, Hanie Jarrar, Elyson De Dios, Rans Rifol, at James Bello.

(REGGEE BONOAN)