2022 April Archive - People's Balita

Archive for April, 2022

Evacuation centers na-turn over na ng gov’t sa mga bayan malapit sa Taal Volcano

Posted on: April 6th, 2022 by @peoplesbalita No Comments

NA-TURN over na ng pamahalaan ang tatlong evacuation centers sa Batangas kasunod nang pag-aalburuto ng bulkang Taal.

Sinabi ni Department of Human Settlements and Urban Development (DHSUD) Secretary Eduardo del Rosario, magkakaroon ng inagurasyon sa mga naturang local evacuation centers sa Miyerkules.

Matatagpuan ang mga ito sa Santa Teresita, Alitagtag at Mataasnakahoy sa Batangas na nasa labas ng danger zone.

Puwede itong mag-accomodate ng 150 na pamilya na mayroong apat o limang miyembro at puwedeng malagyan ng modular tents para sa privacy ng mg evacuees.

Mayroon ding mga amenities na kasama sa evacuation centers, magkahiwalay na male at female comfort rooms, shower rooms, prayer room, kitchen, mess hall, clinic at storage room para sa mga suplay.

As of Thursday sinabi ng National Disaster Risk Reduction and Management Council (NDRRMC) na nasa 7,237 na katao ang apektado ng pag-alburuto ng Taal Volcano o katumbas ng 2,047 na pamilya.

Inaming may insecurity na pilit niyang itinatago: BEAUTY, nakararanas pa rin ng anxiety na nauuwi sa panic attacks

Posted on: April 6th, 2022 by @peoplesbalita No Comments

INAMIN ni Beauty Gonzalez sa isang vlog na meron siyang insecurity sa kanyang sarili na pilit niyang itinatago sa maraming tao.

Kung inakala raw ng marami na confident siya sa lahat ng bagay, hindi raw totoo iyon dahil madalas daw siyang makaranas ng anxiety na nauuwi sa pagkakaroon ng panic attacks.

Puwede raw ma-trigger ang panick attack niya anytime, lalo na raw kung bigla siyang ma-stress dahil sa kahit na anong negative or positive na comment sa kanya.

“Ang daming puwedeng triggers, it could be social media, minsan even our family, relatives and events. Minsan even positive comments like, when people start calling me beautiful, I actually think it’s not true and I actually feel insecure. It’s like psychological warfare, it’s really not easy, it’s an everyday thing you tackle. You are not aware that these feelings exist,” diin ni Beauty.

Ang mental sickness daw na nararamdaman ni Beauty ay tinatawag na “imposter syndrome”. Ayon sa healthline.com ang Imposter syndrome a.k.a. perceived fraudulence “involves feelings of self-doubt and personal incompetence that persist despite your education, experience, and accomplishments.”

Sey ni Beauty: “Sometimes you feel you don’t belong where you are, you just got there because of pure luck. Lahat talaga umaatake sa ‘yo. It’s not easy indeed. You have to constantly be aware of those feelings, acknowledge and accept that such feelings are happening and that we also have the power to change those feelings into happy and positive ones.”

Para malagpasan daw ni Beauty ang pakiramdam na ito, lagi niyang pinapaalala sa sarili “to love herself more.”

“What I do is spend more time with the people I love, the people that make me laugh hard. Think about the things you’re grateful for. It’s also important to celebrate your achievements. If you feel like it’s parang insignificant, you should still celebrate all of your achievements even the smallest thing lang.

“Also, smile. I know it’s hard but try to smile, try to dance, try to play your favorite song, hug people that you love, and keep busy, keep moving. For me talaga, you listen and talk to yourself like you would talk to a child. You handle yourself with care and be gentle with yourself. Slowly, you would feel na nag-disappear na ‘yung insecurities mo.

“It changed my world talaga. For me kasi, self-love is infectious. Nakakahawa talaga. People will naturally be drawn to you because they will also feel the love towards you. You also get to be more productive kasi ang gaan ng feeling mo. And when you’re happy, the whole world changes on you. Iba na talaga yung paningin mo. You become more daring kapag masaya ka. If you just really believe in yourself, it will just glow.”

Malapit nang mapanood ulit si Beauty sa upcoming series The Fake Life on GMA Afternoon Prime.

***

DAHIL tapos na ang taping ni Kris Bernal ng Artikulo 247, nasa plano na nila ng kanyang mister na si Perry Choi ang makabuo ng baby.

Sobra raw napagod si Kris sa kanyang role bilang si Claire/Carmen sa Artikulo 247 at right timing daw ang pagplano nila ng one month honeymoon ni Perry.

“Gusto muna namin mag-honeymoon talaga since hindi naman nangyari after the wedding. Magbabakasyon kami for a month in June. After that, susubukan na namin magkaroon ng baby,” sey ni Kris.

Kinasal noong September 25, 2021 sina Kris at Perry. Agad na sumalang sa lock-in taping si Kris ng dalawang buwan kaya babawi raw siya sa kanyang mister sa honeymoon nila, na hopefully, makabuo sila ng baby ngayong taon.

Bukod sa pagplano ng honeymoon, inaasikaso muna ng mag-asawa ang kanilang restaurant business.

“May restaurant kami, bago, na parang international buffet. Kabubukas lang. Nag-o-offer kami ng unlimited grill. Parang Asian grill siya, ganoon ‘yung concept,” sey ni Kris na sa ganitong negosyo niya nakilala ang mister.

(RUEL MENDOZA)

Hijab, taqiyah pinapayagan sa PhilSys Step 2 process

Posted on: April 5th, 2022 by @peoplesbalita No Comments

MAAARI nang tumuloy ang mga Muslim Filipinos sa Step 2 biometrics capturing process ng Philippine Identification System (PhilSys) kahit hindi alisin ang kanilang traditional head coverings.

Ang Hijab ay isang belo o takip ng ulo na isinusuot ng maraming babaeng Muslim sa buong mundo bilang isang gawa ng kahinhinan, at isang relihiyosong kasanayan habang taqiyah (skull cap) naman para sa mga kalalakihan.

Sa kamakailam lamang na social media advisory, nilinaw ng Philippine Statistics Authority, tumatayong PhilSys implementing agency, na hindi na nire-require ng mga registry offices ang mga Muslim registrants na alisin ang kanilang hijab at taqiyah sa photo capture o pagpapakuha ng litrato.

Bukod pa rito, pinaalalahanan ng PSA ang mga registrants sa buong bansa na ang ‘double registration’ at pagbibigay ng maling impormasyon ay maparurusahan sa ilalim ng batas.

Sa kasalukuyan, may mahigit sa 60 milyong Filipino ang nakapag-rehistro na para makakuha ng Philippine Identification (PhilID) card o national ID.

Ang Step 1 online registration ay via https://www.philsys.gov.ph habang ang final phase ay ang delivery ng PhilID cards ng Philippine Postal Corporation (PHLPost).

May kabuuang 8,176,454 physical cards ang idine-deliver sa buong bansa.

Libre naman ang buong proseso. (Daris Jose)

Mahigit $700-K halaga ng cocaine nakumpiska sa border ng US at Mexico

Posted on: April 5th, 2022 by @peoplesbalita No Comments

NAKAKUMPISKA ang US ng cocaine na nagkakahalaga ng $700,000.

Ayon sa US Customs and Border Protection, nasabat nila ang nasabing droga sa Hidalgo Bridge ng US-Mexico border na tawid lamang ng Rio Grande, Texas at Tamaulipas, Mexico.

Base sa imbestigasyon, hinarang nila ang isang kahina-hinalang van at ng siyasatin nilang mabuti ay lumantad ang 37 pakete ng cocaine na may bigat na 92.72 pounds.

Nauna rito noong nakaraang buwan din ay nakakumpiska ang mga otoridad ng nasa $310,700 halaga ng cocaine sa parehas din tulay.

Sri Lankan president nagdeklara ng state of emergency

Nagdeklara si Sri Lanka’s President Gotabaya Rajapaksa ng nationwide public emergency dahil sa mga nagaganap na karahasan sa nasabing bansa.

Dahil dito ay maaring arestuhin ng mga otoridad ang sinumang magiging banta sa gobyerno kahit na wala itong mga warrant of arrest.

Paliwanag ng nasabing pangulo na kaya nito ipinatupad ang nasabing state of emergency ay para na rin sa kapakanan at katahimikan ng mga mamamayan.

Nakaranas kasi ng economic crisis ang nasabing bansa na mayroong 22 milyong populasyon kung saan napipilitang pumila ang mga tao sa iba’t ibang pamilihan.

Dahil sa economic crisis ay nagsagawa ang ilang residente ng kilos protesta.

Ads April 5, 2022

Posted on: April 5th, 2022 by @peoplesbalita No Comments

“Appointed Son of God” na si Quiboloy, kayang ipagtanggol ang sarili sa Korte-Malakanyang

Posted on: April 5th, 2022 by @peoplesbalita No Comments

BILANG PRIBADONG indibidwal, kayang-kayang ipagtanggol ni Kingdom of Jesus Christ (KOJC) founder Pastor Apollo Quiboloy ang kanyang sarili sa korte.

Ang pahayag na ito ni Acting presidential spokesperson Martin Andanar ay matapos na ianunsyo ng United States Department of Justice (US DOJ) na pumayag na ang co-accused ni Quiboloy na makipagtulungan sa US federal authorities sa gagawing paglilitis sa kanyang kaso sa Estados Unidos.

“We reiterate that Pastor Apollo Quiboloy of the Kingdom of Jesus Christ is a private individual. As such, he can defend himself in court in light of Maria de Leon’s recent action,” ayon kay Andanar sa isang kalatas.

Makailang ulit namang dumistansiya ang Malakanyang sa kaso ni Quiboloy sa Estados Unidos.

Matatandaang, sinabi ni Pangulong Rodrigo Roa Duterte na ipatutupad nito ang batas nang naayon sa gitna ng kinasasangkutang kaso ng kanyang spiritual adviser.

Si Quiboloy, isang televangelist na tinawag ang kanyang sarili bilang “Appointed Son of God,” ay spiritual adviser ni Pangulong Duterte.

Sa isang kalatas, inamin ni Los Angeles-based paralegal Maria de Leon , 73 taong gulang na nagmamay-ari ng Liberty Legal Document Services, na walong taon din siyang katuwang sa pagproseso ng pekeng kasal at visa kasama ang mga lider ng KOJC.

Gumamit umano ng mga mapanlinlang na dokumento ang KOJC para magkaroon ng permanent residency at US citizenship ang mga miyembro ng religious group na nangangalap ng pondo para sa isang bogus charitable organization.

Ayon kay Atty. Michael Jay Green, general counsel ng KOJC, hindi sila natatakot sa pakikipagtulugan ni De Leon sa mga awtoridad sa Amerika.

“There’s a reason why the government leaks this kind of information. They want people of the United States and the Philippines to read this stuff. And frankly, it’s garbage,” saad ni Green.

Idiniin din niyang hindi bogus ang charity ng simbahan.

Dagdag pa ng kampo ni Quiboloy, nais lang ng prosekusyon na kunin ang simpatya ng publiko.

“I think this is trial by publicity. They’re trying to get the sympathy of the public regarding the case against Pastor Quiboloy by bringing this out. This is very suspect, the timing is very suspect,” ayon kay Atty. Dinah Marie Tolentino-Fuentes, isa rin sa mga abogado ng KOJC.

Dati nang sinabi ni Quiboloy, na isang malapit na kaalyado ni Pangulong Rodrigo Duterte, na siya ay “Appointed Son of God” at “Owner of the Universe.”

Akusado si Quiboloy sa pagre-recruit ng mga babaeng edad 12 to 25 bilang personal assistant o “pastoral.” Kabilang umano sa mga obligasyon ng mga pastoral ang maghanda ng pagkain para kay Quiboloy, maglinis ng bahay nito, magbigay ng masahe at makipagtalik sa kaniya na tinawag na “night duty.”

Samantala, itinanggi ng mga abogado ng religious group ni Pastor Apollo Quiboloy na Kingdom of Jesus Crist (KOJC) na kaanib ng simbahan si Maria De Leon, ang 73 anyos na defendant sa kasong labor at sex trafficking na pumasok sa plea deal sa US Department of Justice. (Daris Jose)

PNP Cavite, palaisipan sa kaso ng pari na natagpuang nakagapos sa loob ng kotse

Posted on: April 5th, 2022 by @peoplesbalita No Comments

PATULOY pang iniimbestigahan ngayon ng Cavite Police Provincial Office ang motibo kaugnay sa isang parish priest na natagpuang nakagapos sa loob ng kotse.

Una rito, natagpuan araw ng Linggo sa Silang, Cavite ang pari na naiulat na ilang araw ng nawawala o missing.

Ayon kay Silang chief of police, Lt. Col. Juan Peñafiel Oruga Jr., na bandang ala-1:30 ng hapon kahapon natagpuan sa Barangay Lumi ang pari na nakatali ang kamay nito.

Napag-alaman na ang nasabing pari ay parish priest ng isang simbahan sa Rosario, Cavite.

Sinabi ni Col. Oruga na hindi pa nila nakukuhanan ng salaysay ang pari dahil nasa “state of shock” ito at kasalukuyang ginagamot sa pagamutan.

Nakikipag-ugnayan na rin ang Silang PNP sa Rosario PNP para sa imbestigasyon sa insidente.

Samantala, ayon naman kay Lt. Col Ruther Saquilayan, hepe ng Rosario Municipal Police Station, nakitang nakagapos sa loob ng kanyang sariling sasakyan at buhay ang missing priest na si Rev Fr. Leoben Peregrino, 58. (Daris Jose)

DILG gusto mailagay buong Pilipinas sa Alert Level 1

Posted on: April 5th, 2022 by @peoplesbalita No Comments

IMINUMUNGKAHI ngayon ng Department of the Interior and Local Goverment (DILG) na ilagay sa pinakamaluwag na COVID-19 restrictions ang Pilipinas para lalong makabawi ang ekonomiya sa epekto ng lagpas dalawang taong pandemya.

Marso 2020 pa nang magsimulang magpatupad ng mga restrictions ang gobyerno sa pamamagitan ng iba’t ibang lockdowns at limitasyon sa mga establisyamento — bagay na nagbunsod ng nagtataasang unemployment at hunger rate nitong mga nagdaang taon. Hanggang ngayon, Alert Level 2 pa ang ilang lugar.

“Ang layunin talaga natin dito, buong Pilipinas mag-Alert Level 1 kasi marami pa ring naiiwan na mga probinsya at mga municipalities na under Alert Level 2, eh hindi natin ma-maximize ‘yung ating economic growth natin,” ayon kay Interior Secretary Eduardo Año, Lunes, sa panayam ng TeleRadyo.

“‘Yan ang ating adhikain, dapat buong Pilipinas under Alert Level 1 para talagang halos ang ating restriction na lang ay ang minimum public health standards, at ang mga iba’t ibang bayan ay umunlad at talagang maka-take off na.”

Kasalukuyang nakalagay sa Alert Level 1 ang Metro Manila at 200 iba pang mga lugar hanggang ika-15 ng Abril. Sa ilalim nito, 100% na ang pwedeng capacity sa mga establisyamento basta’t nakasuot ng face mask at sumusunod sa health protocols.

10 PANG GOBERNADOR SUPORTADO SI MARCOS; NANGAKONG BABANTAYAN ANG BOTO NI BBM

Posted on: April 5th, 2022 by @peoplesbalita No Comments

SAMPU pang gobernador mula sa iba’t ibang lugar sa bansa ang nagpahayag ng buong suporta kay presidential frontrunner Ferdinand ‘Bongbong’ Marcos Jr., sa isang pulong nitong Linggo ng gabi sa BBM national headquarters sa Mandaluyong.

Bukod sa kanilang mga concern at mga priority program sa kanilang probinsya, tinalakay sa pagpupulong ang mga hakbang kung paano mapo-protektahan ang boto sa darating na halalan sa Mayo 9.

“Vote protection, yun ang aming napagusapan para makatiyak tayo na maganda ang takbo ng halalan. Mabilang lahat ng boto at hindi magka-problema,” saad ni Marcos.

Pinangunahan ni Quirino Gov. Dakila Cua, presidente ng Union of Local Authorities of the Philippines (ULAP) ang mga gobernador na dumalo sa naturang okasyon.

Dumalo rin sina Govs. Imelda Dimaporo, of Lanao del Norte; Francisco Emmanuel Ortega III, of La Union; Nancy Catamco, of Cotabato; Esteban Evan Contreras, of Capiz; Damian Mercado, of Southern Leyte; Ferdinand Tubban of Kalinga; Joy Bernos of Abra; Jerry Dalipog of Ifugao; at Camiguin gubernatorial bet Rep. Xavier Jesus Romualdo.

“Makikita niyo merong mga gobernador from Luzon, meron ding Visayas at meron ding Mindanao, so maganda rin ang representation sa very small at intimate gathering,” ani Gov. Cua sa panayam pagkatapos ng pulong.

Siniguro rin ng mga chief local executives ang buo at solidong suporta sa BBM-Sara UniTeam.

“Yung suporta is given. Syempre nararamdaman ko naman sa mga probinsya na dumalo ngayong gabi ay malaki ang tsansa na maipapanalo siya (Marcos),” ani Cua.

“Yung ating mga kasamahan na dumalo tonight voluntarily supporting our friend and our presidentiable, Senator BBM. Aside from that, it’s an open dialogue para makuha naman ang concern at mga pangangailangan at mga prayoridad ng iba’t ibang gobernador all over the country,” dagdag ng gobernador.

Ipinaliwanag naman ni Cua na pinili nila ang UniTeam dahil sa malinaw nitong plataporma at ang panawagan nitong pagkakaisa na kailangang-kailangan natin lalo na ngayong panahon ng pandemya.

“Napakaliwanag ng direksyon at plano ng ating senador na dating gobernador din. His experience in the local government really coincides with a lot of experience of other local governments,” sinabi ni Cua.

Naniniwala rin ang mga local chief executives na pinuno ng bansa si Marcos dahil na rin sa malawak nitong karansan sa local government.

Cua also believed that Marcos would be an effective leader because of his experience in the local government.

“Ako kasi naniniwala upang maging effective ang serbisyo ng buong gobyerno hindi pwedeng top management lang magaling dapat pati ang mid-management ay very strong. At dito makikita na ang magandang relasyon ng national government at local government kaya maganda na ang ating kandidato ay dati ring naging gobernador ng Ilocos Norte at alam niya ang concern natin,” giit ni Cua

Pinasalamatan naman ni Marcos ang pag-endorso ng mga gobernador na sumama sa patuloy na lumalawak at lumalaking suporta sa BBM-Sara UniTeam.

“Maraming salamat po sa suporta. Pagtulungan natin na mapaunlad ang ating bansa at mga mamamayan.

Presidential bets naniniwala na ‘tao at sistema’ ang nagpapalala sa korapsyon sa PH

Posted on: April 5th, 2022 by @peoplesbalita No Comments

NANINIWALA ang mga presidential bets na ang kasalukuyang sistema at ang mga taong nasa likod nito ang nagpapalala sa korapsiyon sa bansa.

Ayon kay Vice President Leni Robredo, tao at sistema ang nag-contribute sa problema, kaya kung siya ang mahalal na pangulo ang kaniyang unang executive order ay ang full disclosure.

“Dapat ang sistema pinipilit ang mga tao na maging mabuti,” wika ni VP Leni Robredo.

Sa panig naman ni Senator Ping Lacson, sinabi nito na hindi mahina ang sistema ng bansa, bagkus maraming mga batas, institusyon na tumatakbo.

Giit ni Lacson, ang problema ay ang kahinaan umano ng tao sa gobyerno.

Ayon naman kay Senator Manny Pacquiao, nais niyang makulong ang mga corrupt.

“Magpapatayo ako ng MP o mega prison. Sa dami ng corrupt, baka hindi sila magkasya sa ordinaryong kulungan,” wika pa ni Sen. Pacquiao.

Ipinunto naman ni Ka Leody na ay ang corruption ay dahil sa political dynasties na ginagamit ang kanilang kapangyarihan para magnakaw sa kaban ng bayan.

Si Mayor Isko Moreno naman, isusulong daw niya na magbabayad ng tamang buwis ang lahat.

Gagayahin din daw niya niya ang ginawa nilang proyekto sa Maynila na naibsan na ang mga fixers dahil wala ng dadaanang tao sa pagbabayad ng buwis kundi sa modernong pamamaraan o digitalization.