2022 April Archive - People's Balita

Archive for April, 2022

CBCP nanawagan sa publiko na manatiling sumunod sa mga protocols ngayong panahon ng Semana Santa

Posted on: April 11th, 2022 by @peoplesbalita No Comments

NANAWAGAN ang Catholic Bishops’ Conference of the Philippines (CBCP) sa publiko na panatilihin ang pagsunod sa mga ipinatutupad na health and safety protocols lalo na ngayong maraming mga aktibidad ang nakatakdang ganap sa panahon ng Semana Santa.

Sa isang statement ay muling nagpaalala si CBCP President at Caloocan Bishop Pablo Virgilio David sa lahat na huwag pa rin na makakapante kahit na tuluy-tuloy na ang pagbaba ng mga kaso ng COVID-19 sa bansa.

Binigyang-diin niya ang kahalagahan ng patuloy na pagsunod sa mga ipinatutupad na protocols ng pamahalaan bilang proteksyon at upang tuluyan nang matapos ang pandemyang kinakaharap ng ating bayan.

Inilabas ng bishop ang kanyang pahayag kasunod ng naging babala ng Department of Health (DOH) na posibleng pagmulan muli ng surge ang ilan sa mga religious practices , tulad ng pahalik.

Samantala, nilinaw ni Bishop David na hanggang ngayon ay hindi pa rin hinihimok ang mga tao na gawin ang mga naturang religious practices kasabay ng pagsasabing marami pang ibang paraan upang magsakripisyo o magpepenitensya, tulad na lamang ng pagtulong sa mga mahihirap at nangangailangan.

Nakatakda ang pagsisimula ng Lenten Season, Palm Sunday, April 10 at magtatapos naman sa Easter Sunday, na gaganapin naman sa April 17.

Sinumpong ng ‘arthritis’, 44-anyos na snatcher huli sa Malabon

Posted on: April 11th, 2022 by @peoplesbalita No Comments

ARESTADO ang 44-anyos na snatcher matapos makorner nang humahabol na mga bystander nang sumpungin umano ng ‘arthritis’ makaraang biktimahin ang isang call center agent sa Malabon City, kamakalawa ng hapon.

Kinilala ni Malabon police chief Col. Albert Barot ang naarestong suspek na si Alfredo Medina, 44, walang trabaho ng Gonzales St., Brgy., 69, Caloocan City na nahaharap sa kasong Robbery Snatching at paglabag sa BP6 in relation to Omnibus Election Code.

Lumabas sa imbestigasyon nina Michael Oben at PSSg Jeric Tindugan, habang pauwi na ang biktimang si Julienne Padilla, 18 ng Bagumbayan South, Navotas City sakay ng pampasaherong jeep sa kahabaan ng C4 Road dakong alas-2:30 ng hapon.

Pagsapit sa kanto ng Dagat-dagatan Avenue, Brgy., Longos nang bigla na lamang sumulpot ang suspek at hinablot ang gintong kuwentas ng biktima bago kumaripas ng takbo para tumakas.

Bumaba ang biktima at nagsisigaw na humingi ng tulong na nakatawag ng pansin sa mga bystander sa lugar at tumulong para habulin ang snatcher hanggang sa makorner ito makaraang manakit umano ang kanyang tuhod.

Tinurnover ang suspek sa mga tauhan ng Malabon Police Sub-Station 5 na nagpapatrolya sa lugar at narekober sa kanya ni PCpl Mark Edwin Estillore ang 18k gold necklace ng biktima at isang patalim (balisong). (Richard Mesa)

Malakanyang, pinuri ang mga COVID heroes

Posted on: April 11th, 2022 by @peoplesbalita No Comments

PATULOY na kinikilala ng Malakanyang ang “selflessness and hard work” ng COVID-19 frontliners kasabay ng pagdiriwang 3rd Araw ng Kagitingan (Day of Valor) sa panahon ng pandemya.

Tinawagan ng Malakanyang ang publiko na tingnan ang present-day heroes habang patuloy na nakikipaglaban sa COVID-19.

“As we adapt to the new normal brought about by the COVID-19 pandemic, we continue to praise the selflessness, hard work, and commitment of our present-day heroes. Our medical and health care professionals, farmers, government workers and officials, law enforcement personnel, firefighters, and frontliners from the food service, transportation, and other essential sectors, have all continuously provided needed services and assistance to their fellow Filipinos despite the great personal risk to them because of the virus,” anito.

Umaasa ang Malakanyang na ang mga beterano at modern-day heroes ay makapagbibigay inspirasyon sa lahat.

“May the sacrifices of our patriotic veterans and our modern-day heroes continue to ignite within us the desire to contribute towards nation-building for our continuous recovery from the impacts generated by the COVID-19 pandemic,” dagdag na pahayag nito..

Ang Day of Valor ay paggunita sa mga Filipino at American soldiers na tumayo laban sa Japanese forces noong panahon ng World War 2.

Samantala, nakiisa naman si Pangulong Duterte sa Bataan ceremony noong 2017, mahigit isang taon ng kanyang pagka-pangulo.

Ang pagdiriwang Araw ng Kagitingan ay kinansela noong 2020 dahil sa pandemya dahilan upang ipakita na lamang ang taped video message ng nasabing event noong 2021.(Daris Jose)

Bilib kay VP LENI at sa ‘Angat Buhay Lahat’ movement: MONSOUR, nanghihikayat na piliin ang tamang lider na para sa gobyernong tapat

Posted on: April 11th, 2022 by @peoplesbalita No Comments

ISANG buwan bago ang Pambansang Halalan sa Mayo 9, karamihan sa mga bontanteng Pilipino ay nakapili na ng kanilang ibobotong pangulo at pangalawang pangulo.

Batay naman sa huling survey ng Pulse Asia mula Marso 17 – 21, sina VP Leni Robredo at dating Senador Kiko Pangilinan ay umabante na sa 24% at 15%.

Nagpapatunay lang ito na bagamat nasa 3% pa rin ng mga botante ay nananatiling “undecided” o hindi pa nakapagpasya, ay mas dumarami naman ang mga pumipili sa kandidatong may mahusay na track record at mahusay na plataporma sa pamamahala.

Sa laban naman ng mga Senador, garantisado ang 1Sambayan senatorial block na susuportahan, palalakasin, at ipatutupad nila ang mga layunin ng Leni-Kiko tandem para i-angat ang buhay ng mga Pilipino.

Inihahain ng 1Sambayan ang kanilang alternatibong listahan kumpara sa mga tradisyunal na pulitiko. Pinagsama ng 1Samabayan ang 11 senatorial aspirants na bagamat nagmula sa iba’t ibang pinagmulan at katayuan sa buhay ay may iisang hangarin na pagkaisahin ang bansa.

Kasama sa senatorial slate ang kanilang pang-11 senatorial candidate na si Monsour Del Rosario.

Isang magiting na kakampi at tagapagtanggol ng ordinaryong Pilipino, si Monsour na kilala rin sa showbiz bilang aktor ay nagsilbin sa publiko sa loob ng 6 na taon bilang isang natatanging konsehal, at 3 taon bilang isang masipag na kongresista ng 1st District ng Makati City.

Kilala bilang “Ama ng Work From Home Law” at may-akda/sponsor ng mahigit 292 panukalang batas sa kongreso, layunin ni Del Rosario na ipagpatuloy ang kanyang mabuting gawain sa senado upang matulungan ang mga health frontliners ng bansa, mga atleta, mga batang may iba’t ibang kakayahan sa pag-aaral, magsasaka at mangingisda, at iba pang marginalized na sektor ng lipunan.

Noong Biyernes, Abril 8, pormal na inendorso ng 1Sambayan si Monsour bilang kaalyado ng Gobyernong Tapat.

“Dapat tayo ay magsama-sama at magkaisa para sa ating kinabukasan. Sa darating na eleskyon, wag po natin kalilimutan na meron din po tayong 12 na senador. We have to choose wisely sa mga senador na bibigyan natin ng six years para tulungan si VP Leni.

“We have to be discerning. Binibigyan po kayo ng 1Sambayan ng magandang alternatibo at kasama po rito pang-11 sa aming listahan, isang taong tunay na nagtatrabaho at nagse-serbisyo sa tao, si Monsour Del Rosario,” sabi ni 1Sambayan convenor Atty. Howard Calleja.

Para naman kay Monsour, ang kanyang napipintong pag-upo sa senado ay hindi lamang tagumpay para sa sarili at sa hangarin ng 1Sambayan na maghatid ng gobyernong tapat, kundi tagumpay para sa kinabukasan ng maraming Pilipino.

“When I was competing in taekwondo years ago, I was very proud to bear the flag of our country. That still means the same to me today,” sabi ni Monsour.

“Just as I fought for the country in sports, I will be as fervent and dedicated in this fight for a seat in the senate not for myself, but for the future of our countrymen.”

Diin pa nang tumatakbong Senador, “I reiterate my support for our future president Leni Robredo and the ‘Angat Buhay Lahat’ movement because the Philippines needs a leader that cares for the youth, cares for this country, and cares for the future of our people. “We have to choose the right leader. If we don’t choose the right leader, our problems will never be solved and will only worsen.

“If we don’t choose the right leader, our people will only continue to suffer. Kaya piliin natin ang gobyernong tapat dahil dito aangat ang buhay ng lahat,”

(ROHN ROMULO)

Ads April 11, 2022

Posted on: April 11th, 2022 by @peoplesbalita No Comments

Hindi babawiin ang Best Actor award para sa ‘King Richard’: WILL SMITH, tinanggap ang desisyon ng Academy na i-ban sa lahat ng events for ten years

Posted on: April 11th, 2022 by @peoplesbalita No Comments

TIYAK na maraming beki netizens ang aabangan sa underwear model-turned-actor na si Juan Carlos Galano sa Kapuso mini-series na Raya Sirena.

Gaganap si Juan Carlos bilang si Bulan o Sun God na siyang may hawak ng katotohanan kung ano ba ang tunay na pagkatao ni Raya, played by teen actress Sofia Pablo.

Originally, si Juan Carlos ang dapat na ka-love triangle ng AlFia loveteam sa Raya Sirena. Kaso noong mag-look test daw ang dalawa ay nagmukhang tito ni Sofia si Juan Carlos.

“Hindi nag-compliment ang looks namin ni Sofia. Kasi batang-bata talaga siya at mukha akong tito niya. Kaya binigay sa akin yung role na Bulan at yung original role ko ay binigay kay Saviour Ramos, na mas bagay silang tingnan ni Sofia,” sey ni Juan Carlos.

Pinagkakaguluhan sa social media si Juan Carlos dahil sa pag-display ng abs nito sa ini-endorse na underwear brand. Inamin niya na may mga natatanggap siyang indecent proposals na kanyang tinatanggihan.

“Maraming mga ganun. Usually I don’t really mind it kasi message request ang mga yun, Parang ang diskarte nila, they would offer you work. Tapos, yun pala, ang kasunod, ‘How much?’ Sinasagot ko na lang ng ‘Sorry, I’m not open for business.’ Ganun. I don’t do that,” diin pa niya.

Nirerespeto raw ni Juan Carlos ang LGBT community dahil marami siyang mga kaibigan na beki. Pero hindi raw siya para sa isang same-sex relationship.

“Hindi sa conservative. LGBT community can consider me an ally. Kasi, sobrang dami kong kaibigan na nasa spectrum ng LGBT. And what I would say, as long as masaya sila, lalo na sa same-sex union or relationship. Kasi ako, nakikita ko, masaya yung mga kaibigan ko lalo na kapag nakita na nila yung partner nila for life.

“Kung tatanungin, kung adventurous ba ako and gender fluid ba ako? Ahh, I would digress. Kumbaga, it’s just not for me. I love the gay community. Pero hindi talaga ako open to being in such relationship.”

***

PINAKILALA na ni Donita Rose ang lalakeng nagpapatibok ng kanyang puso na si Felson Palad.

Noong nuna ay tiinago pa ni Donita ang identity ng kanyang karelasyon ngayon. Ngayon sa latest post niya sa Instagram, kitang-kita na ang buong mukha nito.

“The grass seems greener these days, or is it just me? After my last post yesterday, this guy called to say he posted these photos. When I saw them, I laughed so hard and asked, ‘Why this as an introduction photo’?

“His response: ‘Para habang tumatagal pumopogi ako.’ (So as time goes by, I’ll become more handsome.’ I almost died laughing. That’s @felsonpalad for you peeps,” caption pa ni Donita.

Pinost din ni Felson sa kanyang IG account ang mga photos with Donita at nilagyan niya ng caption na: “Life is short, we need to believe and know Jesus and fall in love with a person who loves more the Lord than you.”

Isang music artist si Felson at pareho sila ni Donita na madalas um-attend ng church services.

Sa IG account ni Felson, makikitang madalas siyang mag-show sa iba’t ibang venues at nakasama niya ang ilang Filipino performers. Makikita rin na mahilig mag-perform si Felson sa mga nursing home para aliwin ang mga elderly patients doon.

***

MABILIS na tinanggap ni Will Smith ang desisyon ng AMPAS or Academy of Motion Picture Arts and Science na i-ban siya sa lahat ng events ng Academy for ten years.

Ibig sabihin ay hindi siya puwedeng dumalo sa anumang malaki o maliit na okasyon ng Academy.

“I accept and respect the Academy’s decision,” mabilis na tugon ng aktor pagkatapos nitong matanggap ang hatol ng Academy sa naging reckless behavior niya sa comedian na si Chris Rock sa live ceremony ng Oscar Awards noong nakaraang March 27.

Ayon sa Academy: “The Board of Governors has decided, for a period of 10 years, from April 8, 2022, Mr. Smith shall not be permitted to attend any Academy events or programs in person or virtually, including but not limited to the Academy Awards.

“We want to express our deep gratitude to Mr. Rock for maintaining his composure under extraordinary circumstances. We also want to thank our hosts, nominees, presenters and winners for their poise and grace during our telecast.”

Hindi raw babawiin ng Academy ang napanalunan niyang best actor award para sa pelikulang King Richard. Paliwanag ng Academy, binigay daw ng co-actors niya ang parangal na iyon at hindi raw nila iyon puwedeng bawiin.

Ginawa pang example ang mga nanalo ng Oscars na may pending cases na hindi naman binawi tulad ng film director na si Roman Polanski na nanalo bilang best director for The Pianist in 2003 kahit na may kaso itong sexual abuse at unlawful sexual intercourse with a minor sa Amerika.

At ang Miramax producer na si Harvey Weinstein na nanalong best pictures ang mga pelikula niyang Shakespeare In Love (1999) at Chicago (2003) kahit nahatulan ito ng 23 years in prison sa kasong rape in the third degree.

(RUEL J. MENDOZA)

Seguridad sa May 9 polls, ikinakasa na

Posted on: April 11th, 2022 by @peoplesbalita No Comments

IKINAKASA na ng Armed Forces of the Philippines (AFP), Philippine National Police (PNP) at Philippine Coast Guard (PCG) ang seguridad sa gaganaping halalan sa Mayo 9 sa bansa.

Nitong Biyernes ay nagsagawa ng Joint Command Conference sa AFP Commissioned Officers Club sa Camp Aguinaldo sina AFP Chief Gen. Andres Centino, PNP Chief Gen. Dionardo Carlos, PCG Commandant Admiral Artemio Abu at COMELEC Chairman Saidamen Balt Pangarungan.

Ayon kay Col. Jory Baclor, Chief ng AFP-Public Information Office, pinag-usapan sa nasabing joint command conference ang deployment ng vote counting machines, official ballots, mga kagamitan sa eleksiyon, supplies at iba pang paraphernalias ng Comelec.

Nagbigay din ng updates ang AFP, PNP sa mga lugar na mahigpit na babantayan laban sa mga armadong grupo na posibleng manabotahe sa eleksiyon.

Kabilang dito ang nga rebeldeng New People’s Army (NPA), Bangsamoro Islamic Freedom Fighters (BIFF), Abu Sayyaf Group (ASG) at maging ang mga Private Armed Groups (PAGs).

Pinaghahandaan din ng energy sector, electoral boards ang posibleng brownout at tinalakay rin ng Inter-Agency Task Forces for the Management of Emerging and Infectious Disease ang mga pag-iingat sanhi ng nagpapatuloy na banta ng COVID-19.

Ang PNP, AFP ay pawang mga deputado ng Comelec para tiyakin ang seguridad sa halalan. (Daris Jose)

Francis Ford Coppola Approaches Christian Bale To Star In His Upcoming Movie ‘Megalopolis’

Posted on: April 11th, 2022 by @peoplesbalita No Comments

ACCORDING to Robert Duvall, Francis Ford Coppola has approached Christian Bale to star in his upcoming movie, Megalopolis.

Coppola, director of The Godfather movies, Apocalypse Now, and Bram Stoker’s Dracula, is one of the most awarded and iconic filmmakers of all time. Bale is an Academy Award-winning actor known for his work in The Dark Knight, American Psycho, Ford v Ferrari, and many other films. Duvall’s acting career spans 70 years and he knows Coppola well, acting in three of his movies.

Coppola is working on a new film titled Megalopolis, which he describes as a Roman epic set in a fictional utopian New York City. Despite being such a well-known director, Coppola has reported having difficulty finding outside funding sources for his latest projects, so he is planning on financing the $120 million movie mostly by himself.

Since the film was announced, rumors have been circulating about who Coppola is going to cast in Megalopolis. While no cast has been confirmed, Cate Blanchett, Oscar Isaac, Forest Whitaker, Jessica Lange, Zendaya (star of Euphoria), Michelle Pfeiffer, and Jon Voight have all been discussed as possibilities.

In an interview with The Gate, Duvall states that Coppola is interested in casting Bale as the lead in Megalopolis. Bale and Duvall worked together in The Pale Blue Eye, Netflix’s upcoming Gothic horror film. Coppola himself has not confirmed this information.

Here is what Duvall had to say about Bale’s potential casting: “Wonderful young actor. And in fact, I think Coppola approached him to play the lead in his new big movie…”

Duvall’s statement could possibly indicate that some of the actors previously rumored to be affiliated with the project are no longer able to be involved. For example, it’s possible Isaac is too busy filming Dune: Part 2 to take on a new role – although his character died in the first film, there may be flashback sequences. In general, many of these actors already have a lot on their plates, so depending on when they start filming Megalopolis, a lot could shift in terms of casting.

If Bale does end up being cast in Megalopolis, it could certainly bode well for Coppola’s new film. Since Bale is known for fully transforming himself to embody whatever role he’s playing, it seems his acting style would lend itself well to Coppola’s vision for Megalopolis.

While Coppola has not released an official production start date, he’s stated in past interviews that he hopes to start filming in fall 2022, so hopefully, more information regarding Bale’s potential involvement with Megalopolis will be released soon. (source: screenrant.com)

(ROHN ROMULO)

Libreng sakay sa PUVs, aarangkada na

Posted on: April 11th, 2022 by @peoplesbalita No Comments

AARANGKADA na ngayong Lunes (Abril 11) ang libreng sakay sa pampasaherong sasakyan sa pagpapatupad ng service contracting program ng Land Transportation Franchising and Regulatory Board (LTFRB).

Gayunman, ayon kay LTFRB executive director Maria Kristina Cassion na bagama’t sisimulan na bukas ang naturang programa ito ay magiging gradual pa lamang at hindi pa sakop ang ibang ruta. Partikular itong sisimulan sa Metro Manila.

Niliwanag pa ni Cassion na ito ay dahil sa may iba pang passenger vehicle operators ang hindi pa nakakakumpleto sa requirements na itinakda para dito ng ahensiya.

Sa ilalim ng naturang program magkakaloob ng libreng sakay sa mga commuters sa loob ng nasa 45 hanggang 60 araw depende sa rehiyon.

Nakapaloob din dito na ang mga operator sa mga pampasaherong sasakyan, gayundin ang mga drivers na makikiisa dito ay tatanggap ng one-time payout at weekly payments depende sa bilang ng kilometro na natakda ng pampasaherong sasakyan kapalit naman ng libreng sakay na ibibigay nila sa mga pasahero.

Ang EDSA bus carousel route ang isa sa unang magbibigay ng libreng sakay.

Nasa P7 bilyon ang itinakdang budget para sa programa para sa 13,000 hanggang sa 15,000 PUVs sa may 1,000 ruta sa buong bansa.

Ilang LGU na rin ang nagpatupad ng service contracting program o libreng sakay sa mga commuters upang mapagaan ang pagparoon at parito ng mga pasahero sa kanilang destinasyon nang walang gastos.

Trike drivers mabibigyan din ng fuel subsidy

Posted on: April 9th, 2022 by @peoplesbalita No Comments

MAY HIGIT kumulang na 1.2 million na mga drivers ng tricycle ang maaaring mabigyan ng fuel subsidy mula sa pamahalaan.

Ito ang sinabi ni Department of Interior and Local Government (DILG) secretary Eduardo Ano sa isang panayam.

Inutusan ni Ano ang mga local government units (LGUs) na magbigay ng listahan ng mga pangalan ng mga tricycle drivers at operators na magiging eligible sa nasabing programa ng fuel subsidy.

“More or less the estimate is about 1.2 million tricycle drivers. Some LGUs have already submitted their list of beneficiaries,” wika ni Ano.

Ang nasabing listahan ay ibibigay sa Land Transportation Franchising and Regulatory Board (LTFRB) na silang naatasan na mamahagi ng fuel subsidy sa mga beneficiaries na naaapektuhan ng patuloy na pagtaas ng krudo at iba pang produktong petrolyo. Bawat isang beneficiary ay makakatangap ng one-time payment na P6,500.

Nabigyan na ng exemption ang petisyon na inihain ng LTFRB para sa pagbibigay ng fuel subsidy sa mga drivers at operators ng Commission on Elections (Comelec) subalit hindi pa rin maipagpatuloy ang programa sapagkat hinihintay pa ng LTFRB ang resolusyon na mangagaling sa Comelec.

Sa ilalim ng Comelec Resolution 10747, ang mga ahensiya ng pamahalaan ay pinagbabawalan na mamigay ng mga cash assistance mula March 25 hanggang May 8 kung kayat naghain ng petisyon ang LTFRB para sa exemption.

Ayon sa Comelec, ang petisyon ay pinahintulutan subalit kailangan na sumailalim ang programa sa mahigpit na implementasyon.

“The LTFRB’s petition was granted but subject to strict implementation of the program as we would require the board to submit information on how the project will be implemented,” wika ni Comelec Commisisoner George Garcia.

Idiniin din ni Garcia na kailangan din malaman ng Comelec ang mga parameters ng implementasyon lalo na ang specific target beneficiaries at kung paano sila makakuha ng nasabing benipisyo.

“We also want to know the parameters of the implementation, specifically on the specific target beneficiaries and on how they intend to apply to avail themselves of the grants, among other conditions,” dagdag ni Garcia.

Ang mga nasabing kondisyon ay ilalagay sa ibibigay na resolusyon ng Comelec na inaasahang lalabas sa lalong madaling panahon.

Sinabi pa rin ni Garcia na madali ng mapapatupad ang implementasyon ng programa sa fuel subsidy basta nabigay na ang resolusyon mula sa Comelec na nagsasaad ng mga kondisyon sa implementasyon ng program.

Hinihintay na lamang ng LTFRB ang resolusyon na magmumula sa Comelec upang masimulang muli ang pamamahagi ng fuel subsidy sa mga PUV drivers at operators.

Habang hinihintay pa ang resolusyon, ang LTFRB naman sa ngayon ay nakikipagugnayan sa Land Bank of the Philippines (LBP) na siyang namamahagi ng cash subsidy upang tanggapin nila ang kanilang authority para madebit ito sa mga beneciaries.

“What we forwarded are news links of the Comelec’s announcement so that when the resolution finally gets released, the cash subsidy would only need to be credited immediately,” saad ni LTFRB executive director Cassion.

Samantala, pinuri naman nila Senators Grace Poe at Panfilo Lacson ang Comelec dahil sa desisyon nito at sa madaling aksyon na binigay ng Comelec. Hinimok naman ni Poe ang LTFRB na dapat siguraduhin na ang fuel subsidy ay talagang makakarating at maibibigay sa mga PUV drivers at operators. LASACMAR