TUMANGGAP ng Multi-Level Beauty Award si Michelle Dee sa naganap na Miss Universe Philippines Top 32 Official Press Presentation noong nakaraang April 9.

Kinabog ni Michelle ang 31 other finalist ng MUP 2022 sa naturang award. 

“Thank you so much to everyone that constantly supports me and my journey to the Universe. All love,” caption pa ni Michelle sa kanyang Instagram post.

Nagpakitang-gilas ang 32 official candidates ng MUP na napanood ding live sa YouTube channel ng Emipre PH at sa kanilang official na Kumu account.

Ang original na 50 candidates ay na-trim down to 30 pagkatapos ng anim na online challenges: the headshot challenge, introduction challenge, swimsuit challenge, fashion and runway challenge, casting video challenge, and interview challenge

Dalawa sa finalists ang napili via streaming platform Kumu. Ito ay sina Shawntel Cruz of Benguet was named Kumunity’s Choice while Davao del Norte’s Jeanne Nicci Orcena had the most number of streaming hours. Silang dalawang ang nagbuo ng Top 32 finalists.

Present sa gabing iyon si MUP 2021 Beatrice Luigi Gomez, pero missing in action naman si MUP 2020 Rabiya Mateo. May nagbiro na baka raw nagbabantay ito sa lock-in taping ng boyfriend na Jeric Gonzales. Pero may prior commitment daw si Rabiya at hahabol na lang daw ito sa event.

Sa latest post ni Rabiya ay pinagupitan na niya ang mahaba niyang buhok dahil tapos na ang taping niya ng Agimat Ng Agila.

May caption pa ito na: “He told me he doesn’t want my hair short so I cut it right away.” 

Obviously, ang binaggit niyang “he” ay walang iba kung ang boylet niyang si Jeric.

Anyway, sa Mall of Asia Arena magaganap ang coronation night ng Miss Universe Philippines 2022 on April 30.

***

PINAKILALA na ni Donita Rose ang lalakeng nagpapatibok ng kanyang puso na si Felson Palad.

Noong nuna ay tinatago pa ni Donita ang identity ng kanyang karelasyon ngayon. Ngayon sa latest post niya sa Instagram, kitang-kita na ang buong mukha nito.

“The grass seems greener these days, or is it just me? After my last post yesterday, this guy called to say he posted these photos. When I saw them, I laughed so hard and asked, ‘Why this as an introduction photo’? His response: ‘Para habang tumatagal pumopogi ako.’ (So as time goes by, I’ll become more handsome.’ I almost died laughing. That’s @felsonpalad for you peeps,” caption pa ni Donita.

Pinost din ni Felson sa kanyang IG account ang mga photos with Donita at nilagyan niya ng caption na: “Life is short, we need to believe and know Jesus and fall in love with a person who loves more the Lord than you.”

Isang music artist si Felson at pareho sila ni Donita na madalas um-attend ng church services.

Sa IG account ni Felson, makikitang madalas siyang mag-show sa iba’t ibang venues at nakasama niya ang ilang Filipino performers. Makikita rin na mahilig mag-perform si Felson sa mga nursing home para aliwin ang mga elderly patients doon.

(RUEL MENDOZA)

MASAYANG-MALUNGKOT ang pagbabalik ni comedienne-actress Rufa Mae Quinto sa bansa kamakailan lamang.  

After three years na nanirahan sa Amerika, sa piling ni Alexandria, ang anak na babae nila ni Trevor Magallanes, parang natapat naman ang pagbalik niya sa pagyao ng brother niyang si Vincent Sy.

Sadya palang umuwi sa bansa si Rufa Mae, dahil nami-miss na niya ang showbiz.  Pinayagan naman siya ng husband niya, kaya kasama ang baby girl nila, ay bumalik nga sila sa bansa.

Sa palagay naman namin, hindi mahirap para kay Rufa Mae ang makakuha ng kahit mga guest roles sa mga shows ng GMA Network na dating contract artist, bago siya bumalik muli sa America.

Our condolences, Rufa Mae and your family.

***

THANKFUL ang buong cast ng GMA Network’s first suspense-serye na Widow’s Web dahil lagi silang nagri-tate sa mga kasabayan nilang shows at 8:40PM gabi-gabi.

Isa nga sa naging usap-usapan ng mga netizens ay ang daring role na ginawa ng bida-kontrabidang si Barbara Dee, played by Carmina Villarroel.

Tanong nila, hindi raw ba nagkaroon ng second thought si Carmina, na may love scene kay Mike Agassi na sports coach ng anak niya sa story?  Mike was in his briefs while si Barbara ay naka-night gown.

Hindi raw tumanggi si Carmina, nang mabasaa niya ang script, kailangan talaga iyon sa story, kaya hindi siya tumanggi.

Si Direk Jerry Sineneng ang nagsabi na si Mike ang naging reluctant dahil nahihiya raw siya kay Carmina.  Kaya naman ang actress ang kumausap mismo kay Mike para maging comfortable sa kanya doing the scene, kaya maayos nilang na-execute ang said love scene.

“Masaya kami sa taas ng rating ng serye gabi-gabi,” wika pa ni Carmina.

“Siguro gigil na ang mga viewers malaman  kung sino ba talaga ang pumatay sa kapatid kong si AS3 (Ryan Eigenmann).  

“Lahat kasi, parang isa sa amin ang killer, ako, ang wife niyang si Ashley Ortega, ang half-brother naming si Adrian Alandy, si Vaness del Moral, pero ang nakakulong ay si EA Guzman as Frank, ang driver ni AS3 at boyfriend ni Pauline Mendoza na lihim na nag-iimbestiga sa kaso.”

Pero ngayon nasa last three weeks na lamang ang serye, happy ang cast dahil hindi na sila naka-lock-in taping.

Si Carmina ay masaya dahil nakakasama na niya araw-araw ang kambal nila ni Zoren Legaspi, sina Mavy at Cassy. Si Zoren ang naka-lock-in taping ngayon dahil out-of-town ang location nila ng bagong serye sa GMA, ang Apoy sa Langit, katambal si Maricel Laxa.

***

NAGKAROON ng ambush interview si Kapuso actor Buboy Villar sa isang political vlogger, habang nagpapakain siya nang libre sa harapan ng bahay nila.

Mahusay magluto si Buboy, kaya may small karinderia siya. Iyon ang isa pa niyang pinagkakaabalahan, ang pagluluto ng mga ulam, sa tulong ng kanyang pamilya, kapag wala siyang shooting or taping sa GMA Network.

Hindi ikinaila ni Buboy na supporter siya ng BBM-SARA tandem sa coming 2022 national elections.

Kaya tanong sa kanya, hindi ba siya bina-bash ng mga supporters ng ibang kandidato?

   “Wala po naman akong pakialam sa kanila, basta supporter po lamang ako, alam ko ang mga pananaw nila, pero nagisnan ko na po ang family ko na Marcos loyalists sila, kaya tuluy–tuloy lang ang suporta namin sa BBM-SARA,” sagot ni Buboy.

“Kaya ito pong ginagawa ko ngayon, para rin sa mga supporters nila. Support ko po para sa future ng ating bansa. Bahala po ang iba kung ano ang gusto nilang gawin, basta ako, suporta po lamang.”

May coming new teleserye si Buboy sa GMA-7, ang False Positive, na kasama niya sina Glaiza de Castro, Xian Lim at Herlene  Budol.  Papalitan nila ang Widows’ Web, simula sa Monday, May 2.

(NORA V. CALDERON)