NAGSALITA na si Andrea Brillantes sa pamamagitan ng kanyang Instagram Live sa mga isyu sa kanilang tatlo nina Seth Fedelin at Francine Diaz.

Nagpauna naman ito na binabasa niyang talaga ang statement niya para raw wala siyang makakalimutan.

Sinimulan ni Andrea sa pasasalamat kay Seth dahil sa ginawang pagdepensa sa kanya, after na tanggapin niya ang proposal ng ngayo’y boyfriend na basketball player/actor na si Ricci Rivero.

Sabi ni Andrea, “I would like to say thank you to Seth Fedelin for speaking up. Thank you, Ali kasi kahit hanggang ngayon, hindi mo pa rin ako pinabayaan.

      “Alam ko na this past few months, napakahirap para sa atin, para sa ating dalawa at para sa ating lahat. And I have mad respect for you dahil kinaya mo pa rin akong ipagtanggol, kahit alam ko na gustong-gusto mo na rin magsalita.”

      Inamin na rin ni Andrea na nagkaroon talaga sila ng relasyon ng ka-loveteam sa loob ng two years and three months.

Sey pa niya, “We broke-up last year, early October ‘yon. It was a painful break-up but it was a mutual decision, ‘yung paghihiwalay namin.  We both loved each other truly and deeply. We learned so much from each other but in the end we realized na we weren’t growing as individual na.”

Inisa-isa rin ni Andrea ang mga naging isyu at inamin nito na ang pagkakamali niya, dahil mas pinairal daw niya ang emotion niya. Sobra raw siyang in pain noong makita niya ang larawan nina Seth at Francine na magkasama (pero hindi niya binabanggit ang pangalan ng huli) kaya nag-post siya. Huli na raw nang malaman niya ang totoo.

Kaya sana raw, maging lesson sa lahat na think before you post.

Pero pinakadiin-diin ni Andrea na hindi raw totoo na sumugod siya sa dressing room. Sabi pa niya, May CCTV raw sa buong ABS-CBN at nanghingi raw siya ng kopya para maipakita ang ebidensiya kung nasaan siya.

Sa ngayon, masaya raw siya at gusto na niyang mag-move-on.

***

SAKSI kami sa naganap na Pampanga rally ng tandem nina VP Leni Robredo at Senator Kiko Pangilinan sa San Fernando, Pampanga and so far, pinakamarami ang attendees with 220,000 kakampinks.

Isa si Nadine Lustre sa inaabangan din na mag-perform among the artists present. Pero ang witty ng isa sa mga Kakampink na habang nasa stage at kumakanta. Tuwang-tuwa naman si Nadine sa nangyari.

Nag-trending din ang pangyayaring ‘yon kaya ang daming nagsa-suggest na dapat, kuhanin na ng Mang Tomas si Nadine bilang celebrity endorser nila.

Aba, kung hindi man, dapat siguro ay magpahatid sila ng pasasalamat kay Nadine na nabibigyan talaga sila ng bonggang publicity at marketing.

Nagsimula ang pagkaka-link ng naturang brand kay Nadine noong nasa Siargao ito at ang daming naaliw sa kasimplehan ng actress habang nakuhanan na bumibili ng bote ng Mang Tomas sa isang sari-sari store.

***

INIHALINTULAD ni Anne Curtis sa isang mother’s love ang isa sa mga kandidato sa pagka-Presidente na si VP Leni Robredo.

Kasunod ni Piolo Pascual, tumindig na rin nang todo si Anne kay VP Leni at larawan ng isang pink rose ang pinost nito sa kanyang Instagram kasunod ang caption na, “A mother’s love.

      “Yan ang tawag sa rosas na ito. My mum planted this rose in her garden and how apt it is for this time… dahil ang pangarap ko sa ating bansa ay magkaroon ng ilaw sa ating tahanan na tinatawag nating Pilipinas na gagabay, ipaglalaban, proprotektahan at mamahalin ito… mamahalin tayo…

      “Kaya para sa akin, #KulayRosasAngBukas. #LetLeniLead at saka siya gumawa ng sariling hashtag na Luv Anne Leni.”

      Ang dami namang kapwa niya artista ang natuwa sa pagtindig na ito ni Anne kabilang na sina Pokwang, Angel Locsin, Bianca Gonzales, Jolina Magdangal na nag-comment pa na, “Mabuhay ang mga nanay na may paninindigan!”

(ROSE GARCIA)