2022 April Archive - People's Balita

Archive for April, 2022

Lakers coach Frank Vogel sinibak sa puwesto – report

Posted on: April 13th, 2022 by @peoplesbalita No Comments

SINIBAK na sa puwesto ang head coach ng Los Angeles Lakers na si Frank Vogel.

Ito ay matapos ang bigong pagpasok sa NBA playoffs ng Lakers ngayong season at nagtapos ngayong season na mayroong 33 panalo at 49 na talo.

Naging coach ng Lakers si Vogel noong 2019 kapalit ng tinanggal na coach na si Tyronn Lue.

Napag-kampeon nito ang Lakers noong 2019-2020 ng talunin nila ang Miami Heat sa ika-anim na laro.

Habang nabigo ang Lakers sa Phoenix Suns sa first round ng playoffs noong 2020-2021.

Naging malaking hamon aniya kay Vogel ang season ngayon dahil sa marami sa kanilyang manlalaro ang dumanas ng injury.

Ads April 13, 2022

Posted on: April 13th, 2022 by @peoplesbalita No Comments

Pekeng sex video ng anak ni Robredo kinondena

Posted on: April 13th, 2022 by @peoplesbalita No Comments

KINASTIGO ng kampo ni 2022 presidential candidate at Bise Presidente Leni Robredo ang diumano’y kumakalat na online links patungkol sa “mahahalay” na video diumano ng anak niyang si Aika — bagay na wala raw katotohanan.

Lunes nang kumalat ang naturang mga ulat. Sa kabila nito, walang laman ang mga naturang link na lumalabas sa Google.

“Links to an alleged sex video are circulating around the twitterverse. This is a malicious fabrication and we have reported it to the platforms concerned para matake-down,” ayon kay Barry Gutierrez, tagapagsalita ng bise kanina.

“Our lawyers are studying our options for legal action.”

Wika pa ni Gutierrez, dapat tingnan ang naturang isyu bilang nasuklan-suklam at “kadiring” distraction ngayong lumalakas ang momentum ng kanilang kampo.

Kamakailan lang kasi nang tumaas si Robredo sa surveys, habang umabot naman sa 220,000 ang bilang ng mga dumalo sa campaign rally nila sa Pampanga nitong weekend.

“Ang mas malalim na goal ng ganitong tactic, ‘yung manggigil tayo at magwala sa social media. Para awayin natin ang mga tao at hindi tayo maka-convert,” banggit pa ni Gutierrez.

“Kaya nga ang tamang response dito: Hold the line tayo para sa pag-ibig. Be firm but kind sa pagtatama ng disinformation, kahit gaano ito kawalanghiya.”

Umaasa naman ang kanilang kampo na mapapanagot ang nagkakalat ng mga nasabing tsismis lalo na’t malinaw itong krimen.

Sa ilalim ng Republic Act No. 9995 o Anti-Photo and Video Voyeurism Act of 2009, maaaring makulong ng hanggang pitong taon at pagmultahin ng hanggang P500,000 ang mga nagkakalat ng nude photos at videos nang walang pahintulot.

Kasalukuyang no. 1 trending sa Philippine Twitter ang #ProtecttheRobredos habang sinusulat ang balitang ito.

Ayon naman kay Robredo, hindi sila magpapatalo sa naturang isyu at tuloy-tuloy lang na magtratrabaho sa gitna ng kontrobersiya.

“Best antidote to fake news is the TRUTH. Let us not lose focus,” ayon sa kanya ngayong hapon.

“This was how I survived the last 6 years.”

Binanatan din ng senatorial candidate na si Chel Diokno ang mga naglipanang kabastusan laban kay Aika, na siyang sinyales lang daw na “desperado” na ang kanilang mga kaaway.

Sa kabila nito, walang binanggit si Diokno kung sino ang kanilang pinaghihinalaang nagpapakalat nito.

“Alam nating desperado na sila dahil sa paglakas ni VP, but it takes a special kind of evil to resort to misogynistic attacks against the kids,” wika ng lawyer turned senatoriable.

“Ito ba ang uri ng pulitika na gusto natin para sa ating mga anak?”

Marso lang nang sabihin ni VP Leni na nakakatanggap ng pambabastos ang kanyang mga anak, na panay mga babae gaya na lang nina Aika, Tricia at Jillian.

Pebrero lang nang lumabas ang mga datos na si Robredo ang pinakamadalas targetin ng disinformation bago ang eleksyon. (Daris Jose)

Sixers Joel Embiid nagtala ng kasaysayan matapos tanghalin bilang scoring champion sa NBA

Posted on: April 13th, 2022 by @peoplesbalita No Comments

OPISYAL nang kinilala ng NBA ang Philadelphia 76ers superstar na si Joel Embiid bilang scoring champion.

Sa huling game ngayong araw bilang regular season finale nakapagtala ng average na career high sa 30.6 points per game si Embiid.

Naging dikitan ang agawan nina Embiid sa titulo kay dating NBA MVP na si Milwaukee Bucks star Giannis Antetokounmpo na may average na 29.9 points per game.

Meron din sanang tiyansa si Los Angeles Lakers star LeBron James sa titulo dahil sa kanyang average na 30.3 points per game ngayong season.

Gayunman, kulang sa 58 games ang hindi inilaro ni LeBron bunsod ng injuries.

Si Embiid na ipinanganak sa bansang Cameroon, ang siyang unang international player na nanalo sa NBA scoring title.

Siya rin ang unang center na nagbulsa ng award na huling nasungkit ng basketball legend na si Shaquille O’Neal noon pang ‎1999-2000 season.

Pumirma ng pre-nup agreement ang dalawa: Anak nina DAVID at VICTORIA BECKHAM na si BROOKLYN, ikinasal na kay NICOLA PELTZ

Posted on: April 13th, 2022 by @peoplesbalita No Comments

NAGING mas makabuluhan ang 16th birthday ng Sparkle star at bida ng Raya Sirena na si Sofia Pablo.

Imbes na magkaroon siya ng bonggang birthday celebration, simple lang daw ang naging celebration niya sa bahay at ang maraming natanggap niyang regalong pagkain mula sa kanyang mga kaibigan, kamag-anak at sponsors sa social media ay pinamigay niya sa maraming taong nangangailangan.

Kasama ang kanyang pamilya, umiikot si Sofia sa ilang lugar at namigay ng ayudang pagkain sa mga madaan nilang mga bata at nangangalakal.

Nagsimula na kasi sa kanyang hectic taping ng Raya Sirena si Sofia kaya pinagpaliban na muna niya ang pinlano niyang cruise at ATV (All Terrain Vehicle) party kasama ang mga kaibigan.

Bago siya nag-taping, nagkaroon si Sofia ng Sweet Sixteen princess-theme photo shoot para sa kanyang birthday. Inayusan siya bilang modern-day version of Ariel from the Little Mermaid and Belle from Beauty and the Beast.

Ang naging comment lang ng kanyang ka-loveteam na si Allen Ansay sa photo shoot ay “ganda mo”.

***

KINASAL na ang panganay na anak nina David at Victoria Beckham na si Brooklyn Beckham sa fiancee nitong si Nicola Peltz.

Naganap ang wedding nila sa oceanside front lawn ng Palm Beach, Florida estate na pag-aari ng magulang ni Peltz.

Kabilang sa mga guest nila ay sina Serena Williams, Gordon Ramsay, Mel C, Rachel Zoe at Eva Longoria.

Beckham had six groomsmen (including his brothers Romeo and Cruz), samantalang si Peltz ay may six maids of honor (including Beckham’s sister Harper).

Suot ng mother of the groom na si Victoria ay slate-gray satin gown, at ang father of the groom na si David naka-traditional tux.

Bago raw ang wedding, pumirma raw ng pre-nup agreement ang dalawa.

Kung ang net worth ni Beckham ay 7.6 million dahil sa kanyang mga endorsement at social media work, anak naman ng billionaire ang kanyang actress-wife na si Peltz.

Ang ama ni Nicola ay si Nelson Peltz na may net worth na $1.6 billion at gumastos ito ng $4 million a wedding nila Brooklyn at Nicola.

(RUEL J. MENDOZA)

Maging alerto vs COVID-19 ngayong Semana Santa – DOH

Posted on: April 13th, 2022 by @peoplesbalita No Comments

NANAWAGAN ang Department of Health (DOH) sa lahat ng Pilipino na panatilihin ang pagsunod sa ‘minimum public health standards’ sa paggunita sa Semana Santa at ipinaalala na nananatili pa rin ang COVID-19 sa bansa.

Kabilang sa ibinilin ni Health Undersecretary Maria Rosario Vergeire ay ang palagiang pagsusuot ng face mask, isolation kapag nakaramdam ng sama ng pakiramdam, tiyakin na maayos ang sirkulasyon ng hangin sa lugar na ginagalawan, at doblehin ang proteksyon sa pagpapabakuna.

Muli rin niyang hinikayat ang mga Katoliko na itigil na ang pagpepenitensya dahil sa banta ng sakit gaya ng tetano at bacterial infection na dulot nito at hindi rin naman ito hinihikayat ng simbahang Katolika.

Pinapayuhan din ng DOH ang publiko na iwasan ang paghalik sa mga santo at santa at iba pang imahen at poon sa ating mga simbahan dahil maaari itong maging paraan ng virus transmission.

Sa kabila na isa sa pinaka-importanteng pagdiriwang ang Mahal na Araw, dapat alalahanin din ng publiko na nandiriyan pa rin ang virus na mas nakakahawa na ngayon dahil sa naglalabasang variants nito.

Kung si Barbie ang Primetime Princess ng GMA: SHAYNE, nagulat nang ipinakilalang ‘Afternoon Prime Drama Princess’

Posted on: April 13th, 2022 by @peoplesbalita No Comments

SI Barbie Forteza ang kinikilalang Kapuso Primetime Drama Princess, ngayon, si Shayne Sava, ang StarStruck 7 Ultimate Female Survivor, ay siya namang tinaguriang GMA Afternoon Prime Drama Princess.

Ikinagulat ito ni Shayne nang i-introduce siya sa zoom mediacon ng upcoming GMA Afternoon Prime Drama Princess sa ganoong title. Hindi raw siya makapaniwala.

In fairness naman kasi kay Shayne, mukhang pagiging dramatic actress ang magiging forte niya. Second series pa lamang ito ni Shayne, after niyang gawin ang Legal Wives noon, na hinangaan na ang pag-arte niya.

Ngayon ay binigyan na si Shayne ng mas malaking role na gagampanan, at kasama pa niya ang isang mahusay na comedienne at actress na si Ms. Ai Ai delas Alas. Gananap silang mag-ina, at sabi nga sa teaser, “ang ina, naging anak, at ang anak, naging ina.”

Hindi naging madali kina Ai Ai at Shayne ang very challenging roles na ginampanan nila, physically, emotionally and mentally draining, kaya pareho silang nag-consult sa psychiatrist at neurologist at nagkaroon din sila ng immersion program para magampanan nila nang maayos ang kani-kanilang role.

Ang Raising Mamay ang siyang papalit sa Little Princess simula sa April 25 after Prima Donnas.

***

THANKFUL si Kapuso Primetime King Dingdong Dantes, dahil ilang weeks pa lamang napapanood araw-araw ang tinaguriang family game show ng bayan, ang Family Feud, ay nagri-rate na sila dahil bukod sa umaapaw na papremyo nilang ipinamimigay, umaapaw din ang saya.

Kapag pinapanood ngang mag-host si Dingdong, matatawa ka dahil siya ang unang tumatawa sa mga tanong na binabasa niya. Kaya hindi kataka-taka kung ang Family Feud YouTube channel ay magkakaroon na ng silver play button.

Ang Family Feud, ay isa sa napapanood sa YouLOL, ang official Comedy Channel ng GMA, kasama rito ang Pepito Manaloto, Bubble Gang, at The Boobay and Tekla Show. Umabot na sila sa more than one million viewers, kaya makatatanggap na sila ng Gold Play Button.

Masaya lalo si Dingdong dahil tuloy na ang pagkakaroon nila ng wifey niyang si Kapuso Primetime Queen Marian Rivera ng bagong show na matagal nang hinihintay ng kanilang mga fans and followers.

Ang sitcom nilang Jose and Maria Bonggang Villa, ay every Saturday lamang namang mapapanood, simula sa May 14, pagkatapos ng Pepito Manaloto at papalitan nila ang Agimat ng Agila ni Bong Revilla, na magtatapos na sa May 7.

Sinu-sino kaya ang bubuo sa cast ng sitcom na isa sa mga shows na mapapanood sa #LoveTogetherThisSummer sa GMA-7.

***

TULUY-TULOY ang regular taping nina Bea Alonzo at Alden Richards ng first team-up nila sa GMA Network, ang Start-Up na Philippine adaptation ng top rating Korean drama series.

Today ang last taping nila, in observance of the Holy Week, at sa Monday, April 18, na sila magri-resume ng taping.

Sa kanyang farm sa Iba, Zambales magpapalipas ng Holy Week si Bea, at si Alden naman ay itutuloy niya ang mga panata niya tuwing Semana Santa, sa kanila sa Sta. Rosa, Laguna.

Ang Start-Up ay mula sa direksyon nina Jerry Sineneng at Dominic Zapata.

(NORA V. CALDERON)

PDu30, gustong palitan ni Roque si Gordon sa Senado

Posted on: April 13th, 2022 by @peoplesbalita No Comments

NAIS ni Pangulong Rodrigo Roa Duterte na palitan ni dating presidential spokesperson at senatorial bet Harry Roque si reelectionist senator at Philippine Red Cross (PRC) chairperson Richard Gordon sa Senado.

“I think you should really be in the Senate…Dapat ‘yan kagaya nila Gordon, palitan mo na ‘yan,” ang tinuran ni Pangulong Duterte kay Roque sa second episode ng President’s Chatroom na in-ere ng state-run PTV-4, Linggo ng gabi.

Muling binanatan ni Pangulong Duterte si Gordon para sa ginagawa nitong imbestigasyon sa di umano’y irregular contracts ng gobyerno sa Pharmally Pharmaceutical Corp. para magbigay ng medical supplies sa kasagsagan ng Covid-19 pandemic noong 2020.

Aniya pa, tila “inihaw” ng ilang oras nina Gordon at ng iba pang senador ang kanyang mga Cabinet officials, sinayang ang oras na dapat sana ay nagamit sa kanilang trabaho.

“The only thing really that I was not in agreement with them was tinatawag nila, nandiyan sa umaga, in the morning, and yet the whole day nakaupo sila doon, hindi sila tinatawag at all,” ayon kay Pangulong Duterte.

Para naman kay Roque, inilarawan nito nang imbestigasyon ng Senate Blue Ribbon committee sa pangunguna ni Gordon bilang “in aid of election.”

“Wala naman silang kahit anong batas na binuo. Tapos ni hindi man lang nakakuha ng mayorya ng mga senador para pirmahan ‘yung report. So talagang wala pa pong report ‘yan ,” ayon pa rin kay Roque.

Nakahihiya rin aniya sa parte ni Gordon na gamitin ang PRC sa kanyang political advertisements.

“Nakakahiya po na tayo lang ‘yung mayroong chairman na ginagamit ‘yung Red Cross sa advertisement niya sa eleksiyon,” anito.

Sakali aniya at palarin si Roque na makaupo sa Senado ay maaari na niyang ipaalam sa International Red Cross ang tungkol sa di umano’y “misdeeds” ni Gordon.

“Kaya gusto ko nandiyan ka sa Senado. Hihingiin ko lang magsabi ka lang ng totoo. Mag-privilege speech ka lang and you just tell the truth and nothing but the truth para malaman ng tao, para malaman ng International Red Cross kung anong ginagawa nitong kumag na ‘to,” dagdag na pahayag nito.

Nauna rito, sinabi ni Pangulong Duterte na ginamit ni Gordon ang PRC bilang kanyang “milking cow” para pondohan ang kanyang election campaign. (Daris Jose)

TRAILER OF “PAWS OF FURY” SHOWS JOURNEY OF HERO UNDERDOG

Posted on: April 13th, 2022 by @peoplesbalita No Comments

WHEN a town of cats is in danger, an unlikely hero rises: a dog named Hank! Watch the official trailer for Paramount Pictures’ new comedy adventure Paws of Fury: The Legend of Hank, in Philippine cinemas August 10.

YouTube: https://youtu.be/bKANfMWuQNM

About Paws of Fury: The Legend of Hank

A hard-on-his-luck hound Hank (Michael Cera) finds himself in a town full of cats who need a hero to defend them from a ruthless villain’s (Ricky Gervais) evil plot to wipe their village off the map. With help from a reluctant teacher (Samuel L. Jackson) to train him, our underdog must assume the role of town samurai and team up with the villagers to save the day.

The only problem… cats hate dogs! Also starring Mel Brooks, George Takei, Aasif Mandvi, Gabriel Iglesias, Djimon Hounsou, Michelle Yeoh, Kylie Kuioka, and Cathy Shim, Paws of Fury: The Legend of Hank pounces into cinemas across the Philippines August 10.

Paws of Fury: The Legend of Hank is distributed in the Philippines by Paramount Pictures through Columbia Pictures. Follow us on Twitter at www.twitter.com/paramountpicsph/; Instagram at www.instagram.com/paramountpicsph/ and YouTube at https://www.youtube.com/channel/UCsZ7igjHZB-5k8DDM7ilVJw.

Connect with #PawsofFury and tag paramountpicsph

(ROHN ROMULO)

HIGH RANKING OFFICIALS, EXEMPTED SA GUN BAN

Posted on: April 13th, 2022 by @peoplesbalita No Comments

SINABI ng Commission on Elections (Comelec) nitong Lunes, na ilang mataas na opisyal ng gobyerno ay exempted sa umiiral na gun ban.

Sinabi ni Comelec Chair Saidamen Pangarungan na maging ang kanilang mga security personnel ay papayagang magdala ng baril sa panahon ng gun ban na nagsimula noong Enero 9 at magtatapos sa Hunyo 8.

“We don’t want any senior government official to get injured or lose his life from an armed assailant simply because he cannot defend himself with his own firearm due to the gun ban,” anang opisyal sa isang press briefing

Giit nito ,ang mga opisyal na ito ay kailangang maging ligtas sa pagganap ng kanilang mga tungkulin, malaya sa takot at panggigipit mula sa iba.

Maliban sa President at Vice President, exempted din sa gun ban ang Chief Justice, Senate at House of Representatives members, at lahat ng justices ng Supreme Court, Court of Appeals, Sandiganbayan, at Court of Tax Appeals.

Kasama rin sa listahan ng exemption ang lahat ng mga hukom ng rehiyonal, munisipyo, at metropolitan na mga trial court; ang Ombudsman, Deputy Ombudsman, at mga imbestigador at tagausig ng Opisina ng Ombudsman; ang prosecutor general, chief state prosecutor, state prosecutors, at prosecutors ng Department of Justice; at opisyalat ahente ng National Bureau of Investigation.

Ang mga cabinet secretary, undersecretary, at assistant Secretaries, lahat ng opisyal ng halalan, provincial election supervisor, at regional election directors ay may katulad na awtomatikong exemption.

Sinabi ni Pangarungan na ang pag-amyenda ay naglalayong mapabilis at pasimplehin ang pagbibigay ng exemptions sa pagbabawal sa pagdadala, pagtransport ng mga baril o iba pang nakamamatay na armas sa mga “karapatdapat” na aplikante.

Samantala, si Pangarungan ay pinahintulutan ng Comelec en banc na magdeklara ng mga lugar sa ilalim ng kontrol ng Komisyon

“For example, there is a gun battle in Lanao del Sur. I don’t need to wait for another week to convene the Committee on the Ban of Firearms to declare it under Comelec control,” anang opisyal. (GENE ADSUARA)