ITINANGGI ni Ms. Ai Ai delas Alas na kasama siya sa cast ng international movie na dapat sana ay pagbibidahan ni Jokoy.

Pero inamin ng comedy concert queen na nakapag-audition for the said role.

“Nakaabot naman ako up to level 3 ng audition,” kwento ni Ai Ai sa intimate zoom presscon na kanyang ipinatawag noong Martes ng hapon.

Sabi pa ni Ai Ai may manager daw siya sa US na siyang nagla-lineup sa kanya in various auditions. Wala naman daw masama kung subukan niyang mag-try sa auditions.

Excited si Ai Ai sa bago niyang show sa GMA titled Raising Mamay kung saan ang papel niya ay isang ina na nagkaroon ng regression at bumalik sa pagkabata.

“Ang ganda ng kwento. Hindi ko maiwasan na maiyak at times pero siyempre kailangan ko rin mag-concentrate sa role ko. Kung minsan naman natatawa ako sa eksena dahil bata ang role ko pero I have to focus sa role ko,” wika ni Ai Ai.

Sinagot din ni Ai Ai ang issue tungkol sa sinabi sa kanya ni Audie Gemora. Ayon sa kanya, hindi raw siya dapat magpaapekto sa issue dahil very blessed siya.

Hindi siya nagkasakit nang may pandemya. Mababait ang kanyang mga anak at nakatapos ng pag-aaral. Maganda ang takbo ng career niya.

“Isang araw lang naman ang election and after that, balik na uli tayo sa dati kaya huwag na tayong magpaapekto sa politics. After the elections, kahit sino pa ang manalo, magkakaibigan pa rin tayo. Magpasalamat na lang tayo sa blessings ni Lord,” dagdag pa niya.

Sa April 25 ang initial airing ng Raising Mamay at nanawagan si Ai Ai sa mga fans niya na suportahan ang show dahil very heartwarning ito at may kurot sa puso.

***

AMINADO ang award-winning actress na si Glydel Mercado, na inaatake pa rin siya ng matinding kaba kapag katrabaho si Direk Joel Lamangan.

“Hanggang ngayon may nerbyos pa rin ako kay Direk Joel. Reunion project namin ito, kaya kinakabahan pa rin ako hanggang ngayon. Kaya relax lang direk ha, I love you,” natatawang chika ni Glydel na ang tinutukoy nga ay ang suspense-drama na Fall Guy.

Noong 1999, nakasama si Glydel sa Joel Lamangan movie na Sidhi kung saan naka-grand slam siya bilang best supporting actress.

Sabi pa niya, “Disiplina talaga ang matututunan ninyo kay Direk Joel. Yan talaga ang maipagmamalaki ko.”

Hindi malilimutan ni Glydel ang Sidhi dahil sa inani niyang parangal. Bihirang dumating ang chance na maka-score ng grandslam dahil varied ang tastes ng mga award-giving bodies.

What may be excellent for one award-giving body may not be award-worthy for another. Pero looking back sa grandslam win ni Glydel, memorable ang victory na iyon para sa premyadong aktres.

Kaya naman Glydel is looking forward for the experience na muling sumailalim sa directorial chore ni Direk Joel.

Batid niya kasi he will once again bring out the best in her sa Fall Guy kung saan gumaganap siyang nanay ni Sean De Guzman.

***

LUBOS ang pasasalamat ni Vince Rillon sa panalo niya as Best Actor sa Asian Film Awards para sa Brillante Mendoza film na Resbak.

Katabla ni Vince sa parangal si Christian Bables na winner rin ng Best Actor para naman sa Big Night, kung saan winner din siya Metro Manila Film Festival last December.

Tinanong namin si Vince kung ano ang kanyang pakiramdam sa panalo since ito ang unang major Best Actor award niya na nagmula sa isang prestigious festival.

“First of all nagpapasalamat po ako kay God sa mga blessing na natatanggap ko lalo na po ang pagka–panalo sa Rome, Italy ng best actor and sa aking direktor, manager na si Brillante Mendoza.

“Nagpapasalamat din po ako sa bumubuo ng Team Resbak,  sa producer namin Cignal at syempre sa aking pamilya, mga kapatid ko, sa magulang ko para sa kanila lahat ng ito. Gusto ko rin magpasalamat sa aking management team ang Viva Artist Agency sa patuloy na suporta at tiwala,” pahayag ni Vince.

Isa si Vince sa busiest actors sa bakuran ng Viva. Sunud-sunod ang projects niya sa Vivamax kung saan iba’t-ibang klaseng roles ang naibibigay sa kanya.

Very thankful ang binata dahil nahahasa niya ang kanyang acting skills because of the varied roles na sa kanya ay dumarating.

(RICKY CALDERON)

MAY mga bastos talagang netizens, na pati ang super cute at tisay na anak nina Pokwang at Lee O’Brien na si Malia ay pinagdiskitahan.

Sa IG post ng Kapuso comedianne na caption na, “Ayan mula kay tisay @malia_obrian
pang palakas ng loob at hahhahaha.”

Marami ang natuwang netizens sa kakyutan ni Malia habang nagsasalita sa 10-second video ng, “I’m beautiful and smart.”

Pero nilait-lait nga ito ng isang basher, ang banat nito, napapansin daw niya na habang lumalaki ang anak nina Pokwang ay “pumapangit” ito tulad daw ng kanyang nanay.

Matapang na comment ng basher na may username na @roxet08, “Habang lumalaki pumapanget gaya ng nanay… sana wag mamana ugali ng nanay na panget din.”

Bilang isang ina, hindi ito pinalampas ni Pokwang at pinagbantaan ang basher na magkita na lang sila sa korte dahil sa ginawa nitong pambu-bully sa kanilang anak.

Say ni Mamang, “OK, nurse ka pala? Noted this see you in court bullying innocent child ok.”

Sa Twitter page naman ni Pokwang, nirepost niya ito na may caption na, “Ganon talaga aatakihin tayo ng mga palamunin na trolls nayan haha.

“Ayaw nila magwagi ang katotohanan at kahit batang paslit idadamay waaaa pangit daw si Malia???? Haaa?? E, ano pa kaya itsura nila??? Bwahaha mga langib sa sugat ng bayan! O pang pelikula deba?? Magandang title.”

Reaction naman ng netizens sa basher:

“oi ang cute nga ‘no. that is the cutest girl! inggit si basher kasi never siyang magkaanak ng beautiful girl :-P”

“Yahoo. Sana nga totohanin para masampolan yang basher na yan. Nurse pa pala, di na nahiya.”

“Sana hindi na pumatol si pokie, derecho kaso na lang. May insults din sha binato, she is no different from the basher.”

“Yan, para mabawasan salbahe online.”

“Omg grabe talaga mga pinoy nowadays, keyboard warrior, mapanlait ng kapwa kala naman perfect ang pagmumukha at life. Sana nga magkita in court. Goodluck sayo teh.”

“Wag na patulan if alam mo naman na di pangit anak mo sayang oras mo, ang cute kaya ni Malia kaka good vibes.”

“Hindi pinalampas kahit bata jusko tong mga basher na ‘to.”

“No no no! Ang ganda ng anak ni Pokwang no! Even her eldest na pinay japanese so pretty.”

“Am sure yung basher ang panget, panget na ang histura, panget pa ang ugali! Go Pokie! sampulan mo ng mahimasmasan!”

“Ang cute nga ng anak nya. Nakakaloka nman yung basher.”

“Una sa anak ni melai, ngayon naman kay pokwang. No to negative campaigning daw eh ganyan sila tumira, pailalim. wow. Ngayon pag dumaan sa legal ang sumbong nila balik ang sisi sakanila? E kayo never lumaban ng patas. Kandidato nyo nga ang dami padin kaso.”

“Masampulan sana. May friend akong gyne, ayun troll ang galawan sa fb. Karesperespeto sana propesyon, pero wiiiit kahiya!”

Pero mukha namang nawala ang tapang ng basher dahil hindi na raw makita ang account na tiyak na ipahahanap ni Pokwang para masampulan.

Dahil nga sa pagiging open and vocal ni Pokwang sa pagsuporta sa kandidatura ni VP Leni Robredo bilang Pangulo, marami na nga ang nag-unfollow sa kanya at sinagot naman niya na hindi siya takot mawalan ng followers.

Sabi pa ni Pokwang na napapanood sa Mano Po Legacy: Her Big Boss, “Takot akong mawalan ng dangal at karapatan lumaban para sa bayan at para sa ‘king mga anak at magiging apo,”

“Bakit kapag kaming mga #Kakampink na artista nag post ng suporta kay #LeniKiko sa IG, FB at Twitter ang daming mga nag-mamaasim na suporter ng kabila?”

Samantala nag-post din ng pasasalamat si Pokwang kay Miss Universe 2015 Pia Wurtzbach.

Comment pa ng komedyana na may cooking show sa BuKo Channel na Kusina ni Mamang, “Queen @PiaWurtzbach is Kakampink!! thank you tunay kang maganda at may puso para sa bayan at hindi pang sarili lamang.”

Bukas naman magaganap ang CEBOOM! Cebu Grand People Rally 2.0 na kung saan isa si Pokwang sa guest artist, caption niya sa IG post, “See you my favorite CEBU!!!! #ubantanglenikiko April 21 2022 2PM.

“Open lot across Parkmall Mandaue #lenikiko2022 #lenikikoalltheway.”

Tiyak na aabangan kung gaano karami ang pupunta sa rally at sa ika-ilang puwesto papasok naman sa “OlymPinks”.

(ROHN ROMULO)