May bagong number coding scheme ang pinag-aaralan ng Metropolitan Manila Development Authority (MMDA) na ipapatupad kung saan dalawang (2) araw sa isang (1) linggo na bawal ang pribadong sasakyan na lumabas sa mga lansangan.

Inihayag ito ni MMDA chairman Romando Aries sa isang panayam na ginawa noong nagkaron ng President Duterte’s Talk to the People na pinalabas noong nakaraang linggo.

Ayon kay Aries ay may tatlo (3) silang pinag-aaralan na mungkahi para sa number coding scheme na ipapatupad. “This will reduce the number of cars on the road by 40 percent,” wika ni Artes.

Ayon sa number coding scheme na ipapatupad ng MMDA, ang mga sasakyan na may plate numbers na nagtatapos sa 1 at 2 ay hindi papayagan na lumabas sa lansangan ng Lunes at Miyerkules; 3 at 4 ng Lunes at Huwebes; 5 at 6 ng Martes at Huwebes; 7 at 8 ng Martes at Biyernes; habang ang 9 at 0 ay bawal ng Miyerkules at Biyernes. Ang number coding scheme ay epektibo mula 5:00 ng hapon hanggang 7:00 ng gabi.

Habang ang mga pampublikong sasakyan kasama ang technology at app-based transportation network vehicle services ay exempted naman sa number coding scheme na gagawin.

“The target date is on May 1, but it may be adjusted to May 16 because this is in preparation for the upcoming return of classes in June. From the moderate to heavy, we are expecting the traffic flow on roads to be light to moderate, and that the traffic would be smoother,” dagdag ni Artes.

Tinitingan din ng MMDA ang mungkahi ng odd-even scheme kung saan ang mga sasakyan na may license plates na nagtatapos sa odd numbers ay hindi papayagan na lumabas at tumakbo ng Lunes at Huwebes habang ang may license plates na nagtatapos sa even numbers ay bawal naman na lumabas kada Martes at Biyernes.

Sa scheme na ito, ang odd-even rule ay hindi ipapatupad tuwing Miyerkules. Ayon sa paraang ito, ang presence ng mga sasakyan sa Metro Manila ay inaasahang mababawasan ng 50 percent.

Sa ngayon, ang number coding scheme ay bawal ang mga pribadong sasakyan na may plate numbers na nagtatapos sa 1 at 2 ay bawal tuwing Lunes, 3 at 4 tuwing Martes, 5 at 6 tuwing Miyerkules, 7 at 8 tuwing Huwebes habang ang 9 at 0 ay bawal tuwing Biyernes. Sa ngayon na number coding scheme, ang dami ng sasakyan sa lansangan ng Metro Manila ay nababawasan lamang ng 20 percent. LASACMAR

SIMULA na ng nominasyon para sa mga natatanging barangay at lingkod barangay sa Bulacan para sa nalalapit na pagsasagawa ng ika-21 Gawad Galing Barangay (GGB) sa Disyembre 2022.

Ang Gawad Galing Barangay (GGB) ay isang proyekto sa ilalim ng programang Bulacan Awards Program for Barangay Innovation and Excellence (BAPBIE) na inilunsad ng Pamahalaang Panlalawigan ng Bulacan sa bisa ng Panlalawigang Kautusan Blg. 03-T’06 bilang pagkilala sa kontribusyon ng mga barangay sa kaunlaran ng lalawigan.

Nakapaloob sa taunang implementasyon ng proyektong ito ang pagpili at pagpaparangal sa kagalingan at kahusayan ng mga barangay mula sa tatlong kategorya: mga Natatanging Gawaing Pambarangay; Natatanging Lingkod Barangay kabilang ang mga Punong Barangay, Kagawad ng Barangay, Kalihim ng Barangay, at Ingat-Yaman ng Barangay; at Natatanging Volunteer Workers kabilang ang mga Barangay Tanod, Mother Leader, Lingkod Lingap sa Nayon, Barangay Health Worker, Barangay Training and Employment Coordinator at Volunteer Group  na maaaring Non-Government Organization, People’s Organization, Civic Organization at iba pa.

Hinihikayat ni Gob. Daniel R. Fernando na makilahok ang may 569 na barangay sa lalawigan maging ang mga nagwagi sa nakaraang parangal ng GGB.

“Bagaman pinakamaliit na yunit ng pamayanan ang mga barangay, hindi po natin matatawaran ang malaking kontribusyon ng mga makabuluhang program na isinasakatuparan sa lalong ikauunlad ng lalawigan. Bunsod nito, umaasa po ako na lahat ng ating mga barangay ay makikiisa sa gawaing ito,” ani Fernando.

Pagkakalooban ang mga magwawagi ng plake ng pagkilala at perang insentibo na P200,000 bawat isa sa limang Natatanging Gawaing Pambarangay; P50,000 sa Natatanging Punong Barangay at tig-P20,000 para sa Natatanging Kagawad ng Barangay, Natatanging Kalihim at Ingat-Yaman ng Barangay at sa mga Natatanging Volunteer Workers at Group.

Maaaring magsumite ng lahok hanggang sa Mayo 23, 2022. Para sa karagdagang impormasyon at pagsagot ng nomination form sa bawat kategorya, tumawag lamang sa Provincial Planning Development Office (PPDO) sa telepono bilang (044) 791 8176 o bumisita sa www.bulacan.gov.ph at www.facebook.com/gawadgalingbarangaybulacan. (BISHOP JESUS “JEMBA” M. BASCO)

HINILING ng Department of Energy (DOE) ang rekonsiderasyon sa sinuspindeng oil exploration activities sa West Philippine Sea (WPS).

Ang pahayag na ito ay matapos na ang oil at gas firm PXP Energy Corp. ay inatasan na itigil ang kanilang exploration activities sa kanilang service contracts sa WPS hanggang sa makakuha ito ng clearance mula sa Security, Justice, and Peace Coordinating Council (SJPCC), isang government cluster na nangangasiwa sa political, diplomatic, at national security concerns.

“The DOE is still waiting for the decision on its requests for reconsideration,” ayon kay acting presidential spokesperson at Communications Secretary Martin Andanar.

Ipinag-utos kasi sa DOE, noong Abril 6, ang suspensyon ng PXP Energy’s exploration activities para sa Service Contracts 72 at 75, dalawang sites off Palawan province, nakabinbin naman ang SJPCC’s approval.

Ang clearance mula sa SJPCC ay isang pre-condition sa kahit na anumang oil exploration sa WPS, “given the political, diplomatic and national security implications of any activity in the strategic waters.”

Ang paliwanag pa ni Andanar, ang oil search ay ipinagpaliban bilang pagtalima sa desisyon ng SJPCC.

“The survey was held in abeyance because of the decision of the Security, Justice, and Peace [Coordinating] Cluster or SJPC[C] in the Cabinet,” ayon kay Andanar.

Gayunman, sinabi ni Andanar, na hiniling na ng DOE ang agarang pagpapatuloy ng mga aktibidad para i-explore at exploit ang resources sa WPS.

Tinukoy din nito na iginiit ng DOE na ang geographical survey sa WPS ay “perfectly legitimate activity.”

“The DOE already asked the SJPC to reconsider the decision and to immediately allow the survey. The DOE sought reconsideration on the ground that under international law, a geophysical survey is a perfectly legitimate activity in any disputed area,” ayon kay Andanar. (BISHOP JESUS “JEMBA” M. BASCO)