KABILANG na si Herlene  “Hipon Girl” Budol, sa official list ng 40 candidates para sa Binibining Pilipinas 2022.

Teary-eyed si Herlene nang tawagin ang number 67 na number niya sa final screening ng beauty pageant.

Ang layo na nga ng narating ng comedianne at former Wowowin host, matapos ang maraming intrigang kanyang pinagdaanan, kaya speechless siya at napaiyak nang marinig na tinawag ang name niya, habang nagdarasal siya, kaya nagpasalamat siya na sinagot ang dasal niya.

   “Sana mahalin nyo ako bilang Hipon Girl, na doon ninyo ako nakilala, ipinapangako ko na hindi ako magbabago at hindi lalaki ang ulo ko.  Maraming-maraming salamat sa inyo, sa aking family, at lahat ng mga taong nagtiwala, nag-guide at sumuporta sa akin.”

Herlene will advocate autism awareness and detection for her Binibining Pilipinas stint.  Pinauna na rin ni Herlene na hindi niya ipu-push ang sarili na magsalita ng English during the question and answer portion of the pageant, sa halip gagamitin niya ang Filipino language.

Bago ang beauty pageant, mapapanood muna si Herlene, with Buboy Villar sa GMA Telebabad, na False Positive, starring Glaiza de Castro and Xian Lim, simula sa May 2 after First Lady sa GMA-7.

***

THANKFUL si Comedy Queen Ai Ai delas Alas sa GMA Network, sa patuloy na pagtitiwala nila sa kanyang kakayahan at hindi siya pinababayaang mawalan ng trabaho.

Kaya naman she cut short her US vacation at iniwan doon ang husband niyang si Gerald Sibayan, nang dumating ang offer sa kanya ang Raising Mamay, na very challenging role para sa kanya.

      “Isang mahirap na role ito, but fulfilling para sa akin,” sabi ni Ai Ai.

“Mag-ina kami ni Shayne Sava (StarStruck 7 Ultimate Female Winner), magkakaroon ako ng aksidente, na nag-result sa regression ng pag-iisip ko.  Naging batang-ina ako, at parang naging nanay ko si Shayne na siyang nag-alaga sa akin.”

For Shayne naman, marami raw siyang natutunan simula pa lamang nung first day ng lock-in taping nila.

“Thankful po ako kay Mamay (Ai Ai), dahil araw-araw ang dami kong natutunan sa kanya dahil most of the scenes, magkasama kami. Pero ang lesson sa story, don’t be judgmental sa kapansanan ng isang tao.”

Balik-tambalan sina Shayne at Abdul Raman, na unang napanood sa Legal Wives.  Ayon kay Abdul, ang dami niyang natutunan nang makasama ang mga veteran actors sa serye, na hindi raw siya umaalis kahit tapos na ang eksena niya, dahil nanonood pa siya ng mga susunod na eksena ng mga kasama niya.

Today, April 25, ang world premiere ng Raising Mamay, 3:25PM, after ng Prima Donnas, sa GMA-7.

***

NAIINTRIGA agad sina Kylie Padilla at Julie Anne San Jose, dahil kay Rayver Cruz.

Nagagalit ang mga fans ni Julie Anne kay Rayver dahil bakit daw girlfriend na nito ang idol nila, nakikipagmabutihan pa rin siya kay Kylie?

Sana’y maging open-minded ang mga fans ng JulieVer, na trabaho lamang iyon kay Rayver, dahil sila ni Kylie ang lead stars, with Jak Roberto, sa coming GMA teleserye na Bolera, na malapit nang mapanood.

May mga netizens namang nagsasabi na may chemistry sina Rayver at Kylie, kaya excited na silang mapanood ang dalawa sa first serye tungkol sa paglalaro ng billiard, na isang babae ang magiging billiard champion.

(NORA V. CALDERON)

BINALANDRA na ni Angelica Panganiban ang kanyang baby bump sa latest post niya sa social media.

Nasa beach si Angelica kasama ang kanyang baby daddy na si Gregg Homan sa naturang photo na may caption na “Baby Moon”.

Pinusuan ng maraming netizen ang pinost na ito ng aktres kabilang na ang mga kaibigan sa showbiz.

Blooming nga raw si Angelica at bagay dito ang pagbubuntis niya.

Comment ni Janine Gutierrez: “Ang ganda ganda mo.”

“Pretty momma” naman ang comment ni Bela Padilla. 

Napatili naman si KC Concepcion ng: “Ayyyyy!!!!! Ano ba yan kakakilig naman yan! So happy for you!”

Enjoy nga raw si Angelica sa kanyang pagbubuntis dahil bagong journey daw ito sa kanyang buhay.

“Napakatagal kong hinintay ito at wala naman akong pinaganarap kung hindi maging isang ina. So ngayong dumating na siya, ito na ang role na gusto kong gampanan. ‘Yun naman muna siguro ang gagawin ko. I’m sure naiintindihan ako ng mga boss, sobrang supportive nila sa akin.

“Napaka-suwerte ko na dumating siya sa tamang tao, sa tamang timing, tamang mga tao ang mga nasa paligid ko para intindihin at suportahan ako sa maganda, bagong journey at bagong chapter ng buhay ko.”

***

TINAPOS na ng beauty queen na si Roxie Smith ang kanyang pageant journey at ang pag-aartista na gusto niyang pasukin.

Kasama si Roxie sa 17 new faces na ni-launch kamakailan ng Sparkle GMA Artist Center.

Si Roxie Smith ay si Roxanne Allison Agnaonao Baeyens, Filipino-Belgian na nanalo bilang Miss Philippine Earth 2020 sa pamamagitan ng virtual pageant. Noong 2019 ay nakoronahan siya bilang Face of Tourism Philippines.

“‘Yun ‘yung saya na nabibigay ng isang artista. ‘Yun ‘yung nakikita kong para siyang service and that’s how I want to live my life. Live my life of service. Gusto kong magpasaya ng tao sa pag-aarte.”

Inamin ni Roxie na kahit na bihasa na siya sa pageant at paggawa ng TV commercials, kinabahan pa rin daw siya sa pag-audition sa Sparkle.

“Bago po ako mag-audition sa Sparkle, I was actually discovered through pageantry. I was also into commercial, doon po ako na-develop. And nag-teatro rin po ako. Pero noong humarap na po ako kina Mr. M, kinabahan pa rin ako. Sabi nila, okey daw yung may kaba ka pa dahil hindi ka-overconfident.”

Looking forward si Roxie na makagawa ng mga malalaking teleserye kunsaan makakasama niya ang mga big Kapuso stars.

“Aside from acting, gusto ko rin po ‘yung hosting. Gusto ko pong mag-host ng talk show, game show at kahit musical variety show. Open po ako sa lahat ng puwede kong gawin ngayon as a Sparkle artist.”

***

NAGWAGI bilang best actor sa 19th Asian Film Awards in Rome, Italy ang aktor na si Vince Rillon para sa 2021 crime drama film ni Brillante Mendoza na Resbak.

Hindi makapaniwala si Vince na siya ang tinanghal na best actor dahil hindi niya ito inaasahan na mangyari.

“Nu’ng nasa Rome ako, hindi ko ma-feel noong nanalo ako. Speechless ako noong nanalo ako. Noong umuwi ako dito sa Pilipinas, doon ko lang naramdaman. Hindi ako makapaniwala. Hindi ko ma-explain ‘yung nararamdaman ko sa saya. Ang alam ko lang, sobrang saya ako.

“Nung tinawag akong best actor, hindi ko alam ang sasabihin ko. Nagpasalamat ako sa team ng ‘Resbak’ at kay direk Brillante, na manager ko din. Hindi ko alam kung ano ang sasabihin ko. Para akong nabigla. Na-shock talaga ako. Na-realize ko, napaka-blessed ko nu’ng araw na ‘yun.”

Ka-tie naman ni Vince for best actor ay si Christian Bables para sa pelikulang Big Night ni Jun Lana.

Isa sa unang ginawa ni Vince noong makarating ang team nila sa Rome ay ang magpunta sa Vatican City para magdasal.

“Nakapunta ako sa Rome, nakapagdasal ako sa Vatican, so doon pa lang thankful na ako kay Lord. Blessed na talaga ako. Nagpasalamat ako kay Lord dahil pangarap ko rin talagang makapasok sa simbahang ‘yun.”

Marami pa raw gustong gawing roles si Vince tulad ang mag-action. Ngayon kasi ay nalilinya siya sa mga sexy movies sa Vivamax.

“Gusto kong mag-action soon, hindi pagpapa-sexy lang. Although nag-enjoy pa ako sa pagpapa-sexy. Hindi ko iniisip ang future sa lahat ng gusto kong gawin.

“Kung ano ang binibigay sa aking projects, umooo lang ako agad. Pero gusto ko talagang gumawa ng action.”

Napanood si Vince sa sexy film na Sisid kunsaan kasama niya sina Paolo Gumabao, Kylie Verzosa and Christine Bermas. At ang latest niya ang Kaliwaan kasama si AJ Raval.

(RUEL MENDOZA)

TINAPOS na nga ni Jake Cuenca ang pinag-uusapan na break-up nila ng beauty queen turned actress si Kylie Versoza.

Sa kanyang Instagram post, inamin na nga ni Jake na totoong hiwalay na sila ni Kylie.

Kasama ang dalawang photos, una rito ang  miniature nila ni Kylie kasama ang two pet dogs nila at ang pangalawa at magka-holding hands pa sila.

Nilagyan ng caption ng aktor, “This was us.

“I’ll hold on to all our precious memories together with so much value. These past 3 years of my life have certainly been the best. I say this with such a heavy heart but me and Kylie have decided to go our separate ways.

“I’m still so proud of us because we didn’t want to break up in anger we both wanted to be able to look back on our relationship with no bitterness no anger and no regrets only the good memories. certainly that’s what I will be holding on to.

“I will still be here to support you because in so many ways I feel a part of your journey and I will always pray for your success. I’m happy we were able to finish this chapter of our lives the same way we started it, as friends.

“Wherever you are or what ever you’re doing I will always be sending you love and positivity. Know that you will always have a person in me who will always be proud of you. I’ll see you around Kylie.”

Nagsimulang maghinala ang netizens na hiwalay na ang showbiz couple nang mag-tweet si Kylie ng salitang “Broken” noong April 17.

Napaiyak naman ang beauty queen sa segment ng It’s Showtime na “Sexy Babe” nang pag-usapan ang tungkol sa hiwalayan.

Tila sumagot naman si Jake sa kanyang sunud-sunod na IG Story na caption na, “I wish I could wipe away your tears…”

Huling post niya ang photo ng isang bandage na may caption na “i will try to fix you..” Na obviously, hindi na niya nagawang I-save pa ang kanilang relasyon.

Nang tingnan namin ang IG ni Kylie, mukhang tuloy lang ang buhay kahit may pinagdaraanan, kaya todo-promote na lang siya ng latest Vivamax Original na Ikaw lang Ang Mahal na kung saan makakatambal niya si Zanjoe Marudo, streaming na ito sa May 20.

Say ng netizens na maraming talagang nalungkot at nanghinayang dahil bagay na bagay daw ang dalawa, mukhang si Jake daw ang nag-fall out of love.

May nag-comment din na hindi kaya isa sa dahilan ng paghihiwalay ay ang ginagawang pagpapa-sexy ni Kylie sa Vivamax movies?

***

KASAMANG tumindig ng ‘Makatizens for Leni-Kiko’ ang dating Makati District 1 Congresman at ngayon ay tumatakbong senador na si Monsour Del Rosario.

Sa Makatindig Grand Assembly Walk nitong umaga ng Sabado, Abril 23, nakiisa si Del Rosario sa mga supporters nina VP Leni Robredo at Sen. Kiko Pangilinan sa kanilang paglalakad mula Ayala Triangle Gardens hanggang Osmena Highway, bago tumulak sa caravan papuntang Macapagal Boulevard, Pasay City, kung saan ginanap ang NCR Grand Rally ng Leni-Kiko team.

“Nakakataba ng puso na makitang nagkakaisa ng mga tao para sa isang layunin na mapabuti at mapaganda ang ating bansa. Tingin ko hindi lang basta pagkakataon itong pagkakasama ko sa 1Sambayan na sumusuporta sa Leni-Kiko tandem.    “Nakatadhana ito dahil ang layunin ko sa aking pagtakbo bilang senador at ang layunin ng mga taong sumusuporta sa 1Sambayan at sa Leni-Kiko tandem ay iisa. Pare-pareho ang hangarin namin na maiangat ang buhay ng bawat Pilipino sa pamamagitan ng isang gobyernong tapat sa paninilbilhan sa tao,” wika ni Del Rosario.

Si Del Rosario ay bahagi ng Partido Reporma, ngunit kamakailan ay napabilang na rin siya 1Sambayan senatorial slate na kadikit ng Leni-Kiko tandem. Bagamat hindi bahagi ng opisyal na “Tropang Angat” senatorial slate nina Leni-Kiko, nananatiling buo ang pagsuporta ni Del Rosario sa tandem at sa mga adhikain nito para sa bansa.

“Kami sa 1Sambayan, ang ino-offer namin sa publiko ay isang alternative na listahan ng mga senador. Kahit na yung iba sa amin ay hindi bahagi ng official na endorsed senatorial slate, kami ay sure na sure na 100% ang suporta namin kina VP Leni Robredo at Sen Kiko Pangilinan.

“Gusto kong ipaalala sa ating mga kakabayan kung gaano kahalaga ang pagboto sa mga senador na buo ang suporta sa pinipili nilang presidente at bise presidente. Pagdating ng panahon, kaming mga senador ang magiging kaagapay ng presidente sa pagpatupad ng mga batas na kakailanganin natin para mapaunlad ang bansa at maiangat ang buhay ng lahat ng Pilipino.

“Kaya hinihikayat ko ang ating mga kababayan na pumili ng mga senador na tunay na kaalyado ng presidente,” dagdag ni Del Rosario.

(ROHN ROMULO)