KAARAWAN ni Kim Chiu kahapon, April 19.

At nag-advance celebration na nga sila ng boyfriend na si Xiam Lim nang sa unang pagkakataon ngayong pandemic ay nakalabas sila ng bansa at nagbakasyon sa Thailand.

At panalo ang birthday message ni Xian sa kanyang Instagram account para kay Kim.  Talagang ipinagsigawan nito sa lahat kung gaano siya ka-in-love at kabaliw kay Kim.

Sabi ni Xian, “To my person that makes my heart beat faster and slower at the same time.  To my person that genuinely thinks of others before herself.

“To my person that loves unconditionally and is naturally born with a kind heart.  To my person, to my always, happiest birthday! “Millions of people love you. I love you and I’m crazy about you. Enjoy your day love. Breathe, slow down, cherish the moment.”

***

KAHIT kasal na, wala muna raw sa plano ng Kapuso actress na si Glaiza de Castro na mag-baby na sila ng mister, ang Irish na si David Rainey.

Sey niya, “Ano pa, medyo matagal-tagal pa kasi nga, parang gusto ko munang i-enjoy ‘yung time namin together ni David. Gusto pa naming mag-travel and feeling ko nga, parang kailangan mentally, emotionally, physically and spiritually prepared ako.

“Kasi, may mga nagsasabi sa akin na ang pagbubuntis, para kang nagre-ready sa marathon. Like the other day, nasabi sa akin ng nanay ko na ‘yung kapatid ko, na-labor niya ng 2 days. Two days!  

“Eh, kapag may period ako, parang hindi ko na alam ang gagawin sa buhay ko, mabuntis pa kaya?

      “So siguro, hindi pa ako nagmamadali na ma-positive.”

Pauunahin na muna raw niya ang bestfriend na si Angelica Panganiban na kasalukuyan ngang buntis. Katwiran ni Glaiza, para mas marami raw siyang makuhang “nanay tips.”

     “Ngayon pa lang, ang dami ko nang nakukuhang tips sa kanya. Ang sarap lang sa pakiramdam na ‘yung journey namin together bilang magkaibigan, nakarating na sa ganito. Parang hindi pa rin ako makapaniwala na baby na ang pinag-uusapan namin.

“Masaya ako para sa kanya and of course, hiniling niya ‘to ng matagal na and excited kami para sa kanya.”

Napag-usapan ang pagbubuntis dahil sa tema ng bagong primetime series ni Glaiza sa GMA-7 kunsaan, makakatambal niya sa unang serye nito bilang Kapuso si Xian Lim, ang False Positive na dinirek ni Irene Villamor.

Romcom ang genre ng False Positive na may halong fantasy dahil nag-switch sila ni Xian at ang character ng aktor ang nag-positive at nabuntis.

Mapapanood na nga ito simula sa May 2 sa GMA Telebabad.

(ROSE GARCIA)

TIYAK na mami-miss na naman ng kanyang mga fans ang mahusay na Kapuso actress na si Jo Berry dahil sa Friday, April 22, ay magtatapos na ang Little Princess.  

Kaya wish nga ng mga followers ng afternoon prime drama na masundan daw agad ito ng bagong serye, na magtatampok muli kay Jo.

Sa isang interview bago nagtapos ang taping ng serye, nabanggit pala ni Jo, na muntik na  siyang mag-apply muli bilang isang call center agent.

Hindi naman kasi problema iyon kay Jo dahil bago siya napasok mag-artista, sa first serye niyang Onanay, ay iyon ang work niya, kaya nang magkaroon ng pandemic, nagplano nga siyang balikan iyon.

   “Nang magka-pandemic po tayo, hindi ko na sure kung may babalikan pa akong career, dahil nahinto nga lahat ng mga tapings at live shows, dahil sa lockdown,” kuwento ni Jo.

“One year din iyon, kaya labis ang pasasalamat ko nang i-offer sa akin ang ‘Little Princess.’”

Maraming mahihirap na eksenang ginawa si Jo sa serte kaya naman bilib na bilib ang mga netizens sa kanya, na kahit saang time slot daw ilagay ay lagi itong nagri-rate.

Thankful din si Jo dahil after nila ng lock-in taping ng serye, patuloy din siyang binibigyan ng guest appearances sa iba pang shows ng GMA, kaya labis-labis ang pasasalamat niya.

Marami pang aasahan na magagandang eksena sa Little Princess hanggang sa finale episode nila sa Friday, after ng Prima Donnas.

***

BALIK-TAPING na ang Philippine adaptation ng GMA ng Korean drama series na Start-Up na pinagtatambal nina Alden Richards at Bea Alonzo, after nilang mag-submit muli sa swab-test last Monday, April 18.

Tuluy-tuloy na raw ang taping nila at magbi-break lamang sila sa election day sa May 9, para sa kanilang taping in Metro Manila.  Ang second leg ng taping ay out-of-town na sila.

Anyway, natuloy pala si Bea na mag-stay sa kanyang Beati Farms sa Iba, Zambales with her family during the Holy Week.

Kaya nakagawa siya ng bagong vlog tungkol sa ipinatayo nilang Beati Farm Chapel, sitted sa 40 sq.m. lot inside the farm.

Tapos na ang pagkagawa, sa pamamahala ni Mommy Mary Ann niya na siya ring nag-design ng chapel at tinulungan daw sila ng Catholic Trade Manila, dahil may mga rules palang dapat sundin sa pagtatayo ng isang chapel.

Ngayon daw ay pwede na silang mag-invite ng mga karatig farms nila para mag-celebrate sila roon ng Holy Mass every Sunday or kung may occasion na dapat i-celebrate.

Kasama rin sa bagong vlog ni Bea ang bagong tayo niyang gym at ang lumalaki niyang piggery sa farm, bukod pa sa mga fruit-bearing trees doon.

***

MAGDIDIREK na rin muli ang multi-awarded director at actor na si Carlos Siguion-Reyna, para sa GMA Network, ang Apoy Sa Langit, sa Afternoon Prime drama series, na sabi’y siyang magpapainit ng ating mga hapon.

Kaya excited na ang mga netizens kung ano ba ang Apoy Sa Langit, na magtatampok kina Zoren Legaspi at Maricel Laxa-Pangilinan.  

Makakasama nila sa cast sina Mikee Quintos at Lianne Valentin.  Muling aarte sina Ramon Christopher at Mariz Ricketts na matagal-tagal na ring nagpahinga sa pag-arte.  Ilan pa sa bubuo ng cast sina Dave Bornea, Coleen Paz, Patricia Ismael at Mio Maranan.

Masaya ang perpektong pamilya nina Cesar (Zoren), Gemma (Maricel) at Ning (Mikee), nang dumating sa buhay nila si Stella (Lianne) na magpapabago sa kanilang buhay.

Mapapanood ang Apoy sa Langit, simula sa May 2, kapalit ng Prima Donnas.

(NORA V. CALDERON)