MULING magsasanib-pwersa sa pelikula sina Sean De Guzman at Direk Joel Lamangan sa social media crime drama movie na may working title na Fall Guy.

Ang Fall Guy ay istorya ay tungkol sa isang social media influencer na naging biktima ng injustice system dahil sa kanyang estado sa buhay. Ang pelikula ay isinulat ni Troy Espiritu. Siya ang writer ng Ma’ Rosa which won for Jaclyn Jose the Best Actress Award sa Cannes Film Festival.

Ang pelikula ay ipo-prodyus nina Len Carillo of 3:16 Media Network at John Bryan Diamante of Mentorque Productions.

Si Direk Joel ang director ni Sean sa launching movie niyang Anak ng Macho Dancer na ipinalabas noong January 2021. Nasundan pa ito ng mga movies na Lockdown, Bekis on the Run, Huling Baklang Birhen sa Balat Lupa (‘di pa naipapalabas) at Island of Desire. Ang Fall Guy ang 6th movie nila na magkasama sila.

Ayon kay Sean, malaking karangalan para sa isang baguhang aktor tulad niya ang muling maidirek ng isang multi-awarded na director sa isang kakaibang project.

“Iba ito sa mga usual films na ginagawa ko dati. Malayung-malayo siya. Hindi na sex ang ‘yung sentro ng pelikulang ito. Susubukan ko namang tumawid sa pagiging dramatic actor,” excited na pahayag ng binata.

Malaki naman ang tiwala ni Direk Joel na kakayanin ni Sean ang role na hinihingi sa kanya sa bagong movie.

“Noon pa naman, nu’ng nakatrabaho ko si Sean sa una niyang pelikula ay alam kong malayo talaga ang mararating niya bilang aktor. Hindi ko kailanman pinagdudahan ang kanyang kakayahan. Alam kong he will deliver,” papuri ng award-winning director sa aktor.

Hindi pa naman daw graduate si Sean sa paggawa ng sexy movie. Gusto lang daw niya na mag-explore ng iba’t-ibang roles at mag-improve as an actor. Gusto rin niya subukan na gumawa ng isang action movie.

“Ayoko lang i-limit ang sarili ko. Gusto kong masubukan lahat para mas marami pa akong matutunan,” dagdag pa niya.

Confident din ang mga producer ng pelikula na panahon para subukan naman ni Sean ang ibang genre.

Makakasama ni Sean sa Fall Guy sina Glydel Mercado, Shamaine Buencamino, Vance Larena, Cloe Barreto, Quinn Carrillo, Marco Gomez, Karl Aquino, Tina Paner, Jim Pebanco, Pancho Carrillo, Mark Cardona, Tiffany Grey, Azekah Alvarez, Nisa Ortiz, Hershie de Leon at Itan Magnaye.

Nakilala rin si Sean sa mga pelikula ng Vivamax na Nerisa, Taya, Mahjong Night, Hugas at sa Vivamax original series na Iskandalo.

***

NAGSILBING inspirasyon ng singer na si Moira dela Torre si Vice President Leni Robredo sa ginawa niyang bagong kanta na pinamagatang “Ipanalo Natin ‘To”.

Sinorpresa ni Moira ang mga dumalo sa grand rally ni VP Leni sa Dagupan, Pangasinan nang awitin niya ang nasabing kanta.

Noong nakaraang buwan, pormal na inihayag ni Moira ang suporta sa kandidatura ni VP Leni bilang pangulo.

Ayon kay Moira, nais niya sanang lumayo sa pulitika nguni’t nag-iba ang kanyang pananaw nang ipakilala siya ng singer-songwriter Lolito Go kay VP Leni.

Pagkatapos, nagsimulang magsaliksik ang singer ukol sa mga nagawang proyekto at programa ni VP Leni para sa bansa at doon na siya humanga nang husto sa Bise Presidente.

Tumibay pa ang kanyang paghanga kay Robredo nang makasama siya sa grand rally nito sa Zamboanga.

Aniya, nang matapos ang speech ni VP Leni, doon niya nasiguro na tama ang sinusuportahan niyang kandidato.

Pag-uwi niya galing Zamboanga, sinimulan niyang isulat ang “Ipanalo Natin ‘To”.

Umaasa si Moira na magsisilbi ang kanta inspirasyon at paghuhugutan ng lakas ng mga tao para ipaglaban ang kinabukasan ng bansa sa pamamagitan ng pagboto nang tama.

***

NAKABIBILIB ang mga artista, lalo na ‘yung mga bata na marunong humawak ng pera na kanilang kinikita.

At least, aware sila na a career in showbiz may not be forever kaya dapat marunong silang mag-ipon ng kanilang hard-earned money at ipasok ito sa magandang investment.

Nakatutuwa na nagbukas na si Daniel Padilla ng branch ng chicken brand na kanyang ini-endorse sa Tacloban. He is now a proud owner of a franchise ng sikat na fastfood chicken.

Probably, Daniel was advised by his mom Karla Estrada na mag-invest sa negosyo kaya naisipan ng Kapamilya star na mag-invest sa popular chicken house na “finger linkin’ good” ang slogan.

(RICKY CALDERON)

NAGTI-TRENDING ang Unkabogable Phenomenal Star na si Vice Ganda sa Twitter noong April 18, isang araw pagkatapos ng controversial press conference sa Manila Peninsula nina Isko Moreno at Ping Lacson.

Trending si Vice dahil kahit na hindi nagsasalita and unlike other celebrities na out and vocal sa kung sinong kandidato ang sinusuportahan nila sa pagka-Pangulo sa darating na election, si Vice ay tahimik lang.

Pero hindi nakalagpas sa pansin ng mga netizens ang suot ni Vice sa It’s Showtime. Trending ang Vice Ganda na hashtag dahil sa pa-shade raw nito.

Una, sa suot na prominente ang kulay na pink at sa white shoes niya na ang lace ay pink at socks sa may mga print na rosas.  Given naman na kasi kung kanino ito mga campaign symbols. Binasa namin ang mga comments at halos karamihan ay masaya na Leni Robredo supporter rin daw si Vice. ‘Yung iba naman, parang ine-expect na.

Trending din si Vice dahil iba raw ang energy sa It’s Showtime noong Lunes at tila may pa-shade pa sa isa pang presidentiable na si Bongbong Marcos dahil sa hirit nito sa isang contestant na, “Pekein na lang natin yung diploma mo. May gumagawa niyan. Kilala niyo.”

At saka humirit na lang na, “Sa Recto.”

***

KINAINGGITAN si Marlo Mortel ngayon, lalo na ang mga Army na fans ng BTS dahil sa kasuwertehan niya.

Isa lang naman si Marlo sa mga personal na nakapanood ng “BTS Permission to Dance on Stage” sa Las Vegas. Nanalo siya sa Kumu campaign ng concert ticket, plane ticket to Las Vegas at alam namin, may kasama pang pocket money.

Nang huli naming makausap si Marlo, inamin niyang talagang trinabaho raw siya ng husto ang naturang Kumu campaign para nga manalo siya at personal na mapanood ang bonggang concert na ito ng pinakasikat na Korean boy group.

Ang swerte ni Marlo dahil talagang ang lapit lang niya stage. Nagkita rin sila sa concert ng isa pang diehard Army na si Arci Muñoz.

Sabi ni Marlo sa kanyang mga IG stories, “BTS is something else! It was a beautiful experience.”

***

HULING Linggo na pala ng Little Princess ngayon na pinagbibidahan ni Jo Berry.

At hindi pa man nagtatapos, may mga request na mula sa mga Kapuso viewers ng serye na sana raw, may part 2 pa.

Ni-repost din ni Jo ang mga natatanggap na request.

Alam namin, ang serye na ito ni Jo Berry ang isa sa pinaka-special serye para sa kanya. Ginawa niya ito habang ang dami niyang pinagdadaanan personally, kabilang ang pagpanaw ng kanyang ama na palagi niyang kasa-kasama.

Anyway, iba rin talaga si Jo. Aminin na ang pagiging consistent niya bilang rater talaga. Aba, simula nang magbida siya sa mga serye ng Kapuso network, laging toprater.  At ngayon sa Little Princess, kinikilalang isa sa mga toprater ng network ang magtatapos na ngang serye niya.

(ROSE GARCIA)

MATAPOS ang halos tatlong taon, muling magsasama ang real life couple na sina McCoy de Leon at Elisse Joson sa isang pelikulang siguradong pupukaw ng damdamin, ang Habangbuhay.

Handog ito ng Vivamax at available for streaming sa April 22,2022.

Gumaganap si Elisse bilang Bea. Dahil sa sakit na Common Variable Immune Deficiency (CVID), mababa ang proteksyon ng kanyang katawan laban sa iba’t-ibang impeksyon, kaya naging taong-bahay na lamang si Bea.

Kahit maraming ipinagbabawal ang kanyang ina na si Lily (Yayo Aguila), nananatiling masayahin at may positibong pananaw si Bea. Nag-e-enjoy siya sa kanyang sariling mundo na puno ng musika, pangarap at imahinasyon.

Live streaming ang kanyang paraan para makasalamuha ang ibang tao. Sa kabila ng lahat, masasabing maayos pa rin ang lagay ni Bea.

At dahil kay JR (McCoy), mas lalo pa siyang sumasaya. Si  JR, ang houseboy ng kanilang pamilya. Noong bata pa lang ito ay kinupkop siya ng yaya ni Bea nang makitang palabuy-laboy sa lansangan na parang wala sa sarili.   Lumaking seryoso si JR. “Sad boy” ang pagsasalarawan niya sa kanyang sarili. Naging magkalapit sila ni Bea dahil sa interes nila sa musika, hanggang tuluyan na nga silang ma-in love. Mas binibigyang kulay ni JR ang mundong nakasanayan ni Bea, at para sa kanya, si JR ang kanyang “safe space”.

Pero bigla na lang tila lumalayo si JR. Paano na ang pangako nito na magtatayo sila ng sariling pamilya at magsasama habangbuhay?

Alamin kung ano kaya ang rason ng minamahal niyang lalaki para hindi ibigay sa kanya ang hiling na, “ipaglaban mo naman ako”?

Samantala, hindi nakaligtas ang McLisse sa ilang intimate scenes sa movie at aminado naman ang aktres na awkward ‘yun para sa kanya kahit na couple sila ni McCoy.

Sabi pa niya, “it really helped that we had a very comfortable set and environment, the people that we were with. Pero masaya at nag-enjoy ako.”

Tungkol naman sa pakikipag-love scene o kissing scene sa ibang partner, napag-usapan na raw nila.

Ang pagpayag daw ay depende sa lalim ng istorya at worth it ba talagang gawin.

Inamin din ni Elisse na selosa siya, kaya baka hindi niya kayanin na may kahalikang ibang aktres si McCoy.

“Pero yon nga, depende sa kung ano yung material na ibibigay kay McCoy,” pahayag ni Elisse na siya raw ang mag-a-approve ng roles na tanggapin ng partner in real life.

Ang Habangbuhay ay mula sa direksyon ng award-winning na si Real Florido. Pinarangalan siya bilang Best Director sa London Film Awards at nagwagi ng Best Feature Film sa Canada International Film Festival para sa pelikulang 1st Ko Si 3rd.

Nakatanggap rin ang pelikulang ito ng Gender Sensitivity Award sa QCinema International Film Festival.

Ito ang pagbabalik-pelikula ng McLisse love team matapos ang 2019 movie na Sakaling Maging Tayo. Simula 2021 ay napapanood na si McCoy sa Vivamax dahil bida rin ito sa comedy series na Puto at sa musical film na Yorme – The Isko Moreno Domagoso Story.

Bago matapos ang 2021, inilabas nina McCoy at Elisse sa madla ang kanilang baby daughter. Marami ang nagdiwang sa balitang ito at pina-trend ng kanilang fans ang #McLisse. Mag-subscribe na sa Vivamax na hindi hihinto para ma-entertain ang buong mundo, sa web.vivamax.net at saksihan ang kakaibang chemistry ng McLisse sa Habangbuhay.

Hindi hihinto ang Vivamax para ma-entertain ang buong mundo. Vivamax, atin ‘to!

(ROHN ROMULO)

WOW, naman!

May sarili nang personal photographer ang mag-asawang Dingdong Dantes at Marian Rivera, walang iba kundi ang panganay nilang si Zia na nagpakita ng kanyang photography skills sa kuha niya during their vacation noon Holy Week.

Nagpunta ng Pangulasian Island Resort sa El Nido, Palawan, ang Dantes family para doon i-celebrate ang 3^rd birthday ng bunso nilang si Sixto IV or si Ziggy, na nag-birthday last Saturday, April 16.

Si Zia ang kumuha ng photos nina Dingdong at Marian, being cozy by the beach, at ipinakita naman ni Marian sa kanyang Instagram si Zia while seen taking their photos ni Dingdong, with a caption na “Jose and Maria.”

Nagbigay naman ng message si Marian para kay Ziggy: “Happy, happy birthday to my sweetest boy, Sixto! I’m so happy to see you grow and learn everyday. You bring so much joy into our lives. Please don’t grow up too fast! Love you anak!”

Nagbigay din ng message si Dingdong about dreams on his Instagram: “Take it all in, my son.  These will all help you turn your wonderful dreams into reality – dreams that will be more powerful than challenges that would lie ahead.  Happy (third) Sixto!”

Very soon, mapapanood na sina Dingdong at Marian sa first sitcom nila sa GMA Network.

***

NANG mapanood ang first na pagtatambal nina Kapuso actress Andrea Torres at John Lloyd Cruz last Sunday sa Happy ToGetHer, maraming nagtanong kung tuloy na bang magiging regular na katambal ni JLC si Andrea, tulad nang matagal na hinihintay ng mga fans nila?

Pero mukhang hindi pa rin pwedeng magtuluy-tuloy si Andrea na mag-taping, dahil before Holy Week dumating na sa bansa ang Argentinian cast and crew ng movie na Pasional, headed by Andrea’s leading man na si Marcelo Melingo.

Nauna nang nag-shooting si Andrea ng movie nila sa Argentina, at ngayon para sa second leg of filming ng international film nila, dito naman kukunan ang mga eksena sa Pilipinas.

Tiyak na lock-in ang shooting nila dahil out of town ang location , at tiyak na susunod sila sa health protocols na required ng government natin, para sa safety ng lahat na involved sa shoot, dahil pa rin sa Covid-19.

Sa Pasional, gagampanan ni Andrea ang role ng isang tango dancer, si Mahalia, na magiging jury member for the international Tango Dance Festival.  Marcelo will play a biologist named Norberto.

Ang movie is a co-production among movie and television studio Malevo Films, GMA Network, producer Ferdinand Dimadura, and associate producer Agustin Margas Clerico.

***

PARA kay Kapuso actor Ken Chan, dream come true sa kanya na makatrabaho si Kapuso actress Bianca Umali sa isang serye.

Inamin ni Ken na matagal na niya itong dream, kaya nang i-offer sa kanya ang second episode ng Mano Po Legacy na ‘Her Big Boss’ tinanggap niya agad.

Kahit naman pala si Bianca, sa isang interview na tinanong siya kung sino ang actor na gusto niyang makatrabaho, si Ken din ang sagot niya.

“Alam ko po kung gaano kahusay na actress si Bianca, at nagkataon pa na lahat ng mga ginawa naming serye, may mga advocacies ang tema ng projects namin.  

“Kaya nakakatuwa po na binigyan naman kami ng ibang tema na malayo sa mga seryosong projects na nagawa na naming dalawa.  Kaya very light ng mga eksena namin sa taping, plus mga bago rin ang mga kasama namin sa cast.”

Napapanood ang Mano Po Legagy: Her Big Boss gabi-gabi after Widows’ Web sa GMA-7.

Meanwhile, naghahanda na si Ken para sa bago niyang song na ilalalabas under GMA Music.

(NORA V. CALDERON)