2022 January Archive - People's Balita

Archive for January, 2022

Teaser pa lang ng first dual role, kahanga-hanga na: DINGDONG, tuloy sa lock-in taping at sa bahay pa rin si MARIAN sa pagtaas ng COVID cases

Posted on: January 4th, 2022 by @peoplesbalita No Comments

PARANG nakahihinayang na ilang Linggo lang mapapanood ang opening salvo sa primetime ng GMA-7 na I Can See You: AlterNate na pinagbibidahan ng Kapuso Primetime King na si Dingdong Dantes.

Ang galing ni Dingdong, teaser pa lang sa unang portrayal niya ng dual role bilang sina Michael at Nate. Parehong challenging ang characters na ginampanan niya sa ICSY: AlterNate na magsisimula ng mapanood sa Lunes, January 10.

Mahirap daw talaga at na-challenge ng husto si Dingdong, pero obviously, na-achieve niya ang hinihingi ng dalawang characters niya. All-praises din sa kanya ang director nila na si Dominic Zapata at ang leading lady niya na si Beauty Gonzalez at mga co-stars tulad ni Direk Ricky Davao.

Sa ngayon, lalo na rin sa pagtaas na naman ng COVID-19 cases, tuloy pa rin daw ang set-up nila ng Kapuso Primetime Queen na si Marian Rivera na siya pa rin muna ang magta-trabaho outside the house o mga lock-in taping habang ang misis niya ay sa bahay pa rin.

***

HUMIRIT pa ng baby number 4 ang host ng mga shows ng Kapuso network tulad ng Mars at Eat Well, Live Well, Stay Well at news anchor ng 24 Oras na si Iya Villania.

Kahit daw si Iya, hindi raw niya ine-expect. Ang akala rin daw niya, hanggang sa ikatlong babies na lang sila since two boys and one girl na. Pero sey nga niya, it’s something na hindi nila matatanggihan and happy sila ng mister na si Drew Arellano sa kanilang ika-apat na anak.

At inamin din ni Iya na sa lahat daw ng pregnancy niya, medyo ngayon daw siya medyo hirap sa pagbubuntis.

Pero sa kabila nito, tila ang fresh at okay na okay naman siya nang humarap sa virtual mediacon para sa ika-3rd season na ng kanilang Ajinomoto’s Eat Well, Live Well, Stay Well meadiacon.

Isa rin ito sa nagpapa-surprise at nagpapasaya kay Iya dahil nga umabot na sila ng season 3. At mas marami raw silang bagong putahe na ipakikilala ni Jose Sarrasola.

(ROSE GARCIA)

Direk ROMAN, aminadong nagulat sa pagiging palaban ng dalawa: VINCE at CHRISTINE, may kakaibang ginawa sa ‘Siklo’ na ‘di kakayanin nina AJ at SEAN

Posted on: January 4th, 2022 by @peoplesbalita No Comments

PASABOG agad ang unang Vivamax Original movie ng 2022, ang Siklo ay isang sexy-action-thriller na unang pinagbibidahan nina Vince Rillon at Christine Bermas.

Kwento ito ni Ringo (Vince), isang delivery rider na mahuhulog sa pinagbabawal na pag-ibig sa isa sa kanyang mga customer, si Samara (Christine).

Si Samara ay isa ring kabit ni Pastor Boy (Joko Diaz), na isang lider ng religious group na mandarambong at ginagamit ang mga nananampalataya nito upang lokohin at kuhanan ng pera.

Matutuklasan ni Pastor Boy ang namamagitan kay Ringo at Samara at susubukan niyang sirain ang mga buhay nito sa pagdawit ng pangalan ni Ringo sa kanyang mga iligal na transaksyon, at sa pananakit nito kay Samara.

Sasakay sina Ringo at Samara sa motor ni Ringo at tatakas upang subukang magsimula ulit ng bagong buhay, lingid sa kaalaman nila ay natangay pala nila ang mga perang ninakaw ni Pastor Boy mula sa relihiyon nito.

Tutugisin at hahanapin ang magkasintahan at mas manganganib pa ang kanilang buhay dahil kay Amang Pablo, ama ni Pastor Boy at ang pinaka lider ng kanilang pekeng relihiyon.

Ang pelikulang ito ang unang lead role ng next important stars na sina Vince at Christine para sa Vivamax, at pinatunayan nilang dalawa na may ibubuga sila pagdating sa pag-arte para sa mga intense at maaksyon na eksena.

Siguradong mas makikita pa ang husay nila sa pag-arte sa pagbida nila sa iba pang Vivamax Original Movies at mga pelikula mula sa mga award-winning directors.

Una nang nagkasama sa isang BL (Boys’ Love) movie sina Vince at Christine. Ito ay sa direction ng multi-awarded director na si Brillante Mendoza at pinagbibidahan din ni Paolo Gumabao – ang Sisid na malapit na ring ipalabas sa Vivamax. Magpapasiklab din ng kanilang kaseksihan si Ayanna Misola, fresh sa success ng Pornstar 2 at artist-vlogger na si Rob Guinto. Makakasama rin nila sina Alma Moreno, Joonee Gamboa, Andrew Muhlach, Axel Torres, Quinn Carillo, Massimo Scofield, Soc Jose, Angie Castrence, Tabs Sumulong, Ronal Moreno, at Lara Morena.

Mula sa Viva Films, ang Siklo at pelikula ni Roman Perez Jr., direktor ng ibang pang kilala at trending na mga Vivamax Original Movies na Taya at The Housemaid. Siya rin ang direktor ng 2019 erotic thriller movie na Adan.

Inamin ni Direk Roman na hangang-hanga siya sa pagiging palaban ng dalawang bida, na kahit siya ay nagulat sa mga ginawang eksena nina Vince at Christine dahil game na game sa mga sexy scenes.

Bagay na dapat daw abangan sa movie, at alamin kung ano yun na hindi kayang gawin nina AJ Raval at Sean de Guzman.

Ituloy ang pag-celebrate ng bagong at kumapit ng mahigpit at sumama na sa kakaibang byahe ng Siklo, na ayon pa sa hinahangaang direktor, na kahit fictional characters and story ay tiyak na may mga tatamaan sa mapangahas at matapang na tema na mapapanood na sa Vivamax sa January 7, 2021.

Mag-subscribe na sa Vivamax sa halagang P149 kada buwan, at P399 naman para sa tatlong buwan. Bisitahin ang web.vivamax.net o i-download ang app at mag-subscribe sa Google Play Store, Huawei App Gallery and App Store.

Mapapanood rin ang Siklo sa Vivamax Middle East! Para sa mga kababayan sa UAE, Saudi Arabia, Kuwait, Oman, Bahrain, and Qatar, mapapanood na ito sa halagang AED35 kada buwan. Mapapanood din ang Vivamax sa Europe sa halagang 8 GB kada buwan.

Ang Vivamax ay mapapanood na sa Hong Kong, Japan, Malaysia, and Singapore, Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, at pati na rin Canada at United States of America. Vivamax, atin ‘to!

(ROHN ROMULO)

85% ng COVID-19 patients sa ICU, ‘di bakunado – DOH

Posted on: January 4th, 2022 by @peoplesbalita No Comments

Mayorya o nasa 85 porsyento ng mga pasyenteng may COVID-19 na nasa intensive care units (ICU) ng mga ospital sa National Capital Region (NCR) ay hindi bakunado at nangangailangan ng mga ‘mechanical ventilators’.

“Over the week, we have noted a steady increase in hospital admissions in Metro Manila. Data from DOH hospitals in NCR [National Capital Region] shows that 85% of those in the ICU and requiring mechanical ventilators are not vaccinated at all,” ayon sa pahayag ng DOH.

Mula sa 231 noong Disyembre 24, umakyat sa 371 o 37% ang itinaas ng ‘intensive care unit (ICU) occupancy’ sa NCR.

Dahil dito, muling nanawagan ang DOH sa publiko na magpabakuna na ang mga hindi pa nababakunahan at huwag nang magpatumpik-tumpik upang hindi na lumala pa ang kalagayan lalo ngayon na banta pa rin sa bansa ang Delta at Omicron variants.

Samantala, sinabi naman ng OCTA Research Group na nagkaroon ng pagtaas sa bilang ng ‘pedriatic cases’ o mga bata na nahawaan ng virus dahil sa pagtaas ng pagkilos nitong nakaraang Kapaskuhan.

Sa ‘below 9 age group’, nakapagtala ng 224 kaso o 6.19% nitong Enero 1, habang sa ‘10-19 age group’ ay nakapagtala ng 233 kaso o 6.44%.

Pinakamataas naman na nahawaan ng virus ang ‘20-29 age group’ na may 1,123 kaso o 31.05% kasunod ang ‘30-39 age group’ na may 911 kaso o 25.19%.

Quarantine violators mahaharap sa civil, criminal charges- Malakanyang

Posted on: January 4th, 2022 by @peoplesbalita No Comments

PAPATAWAN ng pamahalaan ng kaparusahan ang mga quarantine violators at ipapataw ang “fullest extent of the law.”

Ang pahayag na ito ng Malakanyang ay matapos na laktawan ng Filipino traveler mula Estados Unidos ang sumailalim sa isolation para lamang makadalo sa isang party.

Ang biyahero ay nakilala sa pangalang Gwyneth Chua na dumating sa Pilipinas noong Disyembre 22, at napaulat na dumalo sa isang party noong Disyembre 23, ayon sa Department of the Interior and Local Government.

Isinailalim sa Covid -19 test at nagpositibo sa Covid 19 noong Disyembre 27, at inilipat sa iba’t ibang isolation facility noong Disyembre 29.

Nananatili naman itong nasa ilalim ng isolation, ayon kay acting presidential spokesperson at Cabinet Secretary Karlo Nograles.

“Because of what happened number 1 we will ensure that whatever applicable laws will be enforced and whoever can be prosecuted we will prosecute,” ayon kay Nograles.

“And it’s not just civil cases to be filed but talagang (really) criminal charges will be filed against those responsible, whether it’s the violator or the establishment. We will do what is necessary to serve as an example to all,” anito.

Nagsasagawa na ng imbestigasyon ang Philippine National Police.

“There are already admissions I think by the lady herself and even by the hotel. Evidence gathering na ‘yan and then sasampahan na ‘yan ng kaso,” aniya pa rin.

“Ayokong pangunahan so hayaan muna natin ang evidence gathering ng ating mga kapulisan at CIDG (PNP-Criminal Investigation and Detection Group),” ayon kay Nograles.

Iyon aniyang mga mapapatunayang lumabag sa COVID-19 health protocols ay maprurusahan sa ilalim ng Republic Act 11332, o “Mandatory Reporting of Notifiable Diseases and Health Events of Public Health Concern Act.”

Sa ilalim ng batas, ang mga mapatutunayang lumabag sa COVID-19 health protocols ay pagmumultahin ng P50,000, o mahaharap sa pagkakulong ng hanggang anim na buwan.

“It would be up to the judge whether the quarantine violator would face a fine or imprisonment,” ayon kay Nograles. (Daris Jose)

P293-M halaga ng financial aid naipamahagi sa mga sinalanta ng Bagyong Odette – DSWD

Posted on: January 3rd, 2022 by @peoplesbalita No Comments

Mahigit 293 million ang halaga ng financial aid na naibigay sa mga komunidad na sinalanta ng Bagyong Odette, ayon sa Department of Social Welfare and Development (DSWD).

Sa kanialng report, sinabi ng DSWD-Disaster Response Operations Monitoring and Information Caenter na P293,352,307 halaga ng assistance ang naibigay ng DSWD, local government units, at non-government organizations, at iba pa.

Kabilang sa mga pinakamatinding sinalanta ng Bagyong Odette ay ang MIMAROPA, Region 5, Region 6, Region 7, Region 8, Region 9, Region 10, Region 11, Region 12, CARAGA, at BARMM.

Base naman sa report ng NDRRMC, lumalabas na 407 ang napaulat na namatay dahil sa hagupit ng Bagyong Odette, kung saan 75 dito ang kumpirmado na at 332 naman ang binibirepika pa.

Samantala, 1,241,954 pamilya o katumbas ng 4,876,254 inidbidwal ang apektado ng bagyo.

HEART, nagbuhay-reyna habang nagbabakasyon sila sa Amerika dahil kay Gov. CHIZ

Posted on: January 3rd, 2022 by @peoplesbalita No Comments

FINALE week na simula ngayong gabi (January 3) ng GMA Primetime series na The World Between Us nina Alden Richards, Jasmine Curtis-Smith, Sid Lucero, Tom Rodriguez, Dina Bonnevie at Jaclyn Jose.

Kaya excited na ang mga televiewers na malaman kung paano magwawakas ang serye na dinirek ni Dominic Zapata.

Nagkaroon kasi muna sila ng season break at sa pagbabalik nila, ay mas matitindi na ang mga eksena, at ibang Louie Asuncion (Alden) na ang napapanood, lumalaban na siya, kasabay ang pagtuklas niya kung sino talaga ang may kasalanan ng pagkamatay ni Rachel (Dina).

Marami ring naawa naman kay Lia (Jasmine) sa pagmamalupit sa kanya ni Eric (Sid) at hindi naman nila ma-take ang mga kasamaang ginagawa nina Eric at Brian (Tom).

At si Yachie (Jaclyn), matitiis ba niyang madiin ang tunay na anak na si Brian sa kasalanang hindi naman siya ang gumawa?

Tanong din nila, kung magiging happy ending ba kina Louie at Lia ang pagtatapos ng serye sa Friday, January 7, na napapanood gabi-gabi at 8:50 PM sa GMA-7, after I Left My Heart in Sorsogon.

Meanwhile, first time ni Asia’s Multimedia Star na nag-celebrate ng kanyang birthday kahapon, January 2, na mag-isa as he turned 30, dahil nasa San Francisco, California siya at kasama lamang niya ang Kuya RD niya, his Tita Joan, sister ni Daddy Bae, and cousin April na kasama niyang nagbiyahe.

Pagbalik ni Alden sa January 9, haharapin na niya ang pagsisimula nila ni Bea Alonzo ng first movie na pagtatambalan nila, ang Special Memory.

***

NAG-WHITE Christmas din sa US ang mag-asawang si Sorsogon Governor Chiz Escudero at Kapuso actress Heart Evangelista, with the twins of Gov. Chiz.

Kuwento ni Heart, nagbuhay-reyna raw siya roon dahil ang husband niya ang gumagawa ng lahat, kaya naman nag-video si Heart at pinost niya ito sa social media niya with the text na “Best husband video.”

Ipinakita roon ni Heart habang ipinagda-drive siya ni Chiz, cooking food, going grocery shopping, even doing her hair na ikinatuwa rin ng twins with the caption na “Chizzy and I love it.”

The video has fetched more than 100 likes and adoring comments from the fans and fellow celebs ni Heart, like Carla Abellana who could only say, “oh gosh!”

Gabi-gabi ring napapanood si Heart sa I Left My Heart In Sorsogon with new Kapuso actor Richard Yap and Paolo Contis, after 24 Oras sa GMA-7.

***

LABIS ang pasasalamat ni Sunshine Cruz sa trust sa kanya ng GMA Network, dahil ang first teleserye niyang ginawa, ang Mano Po Legacy: The Family Fortune, ay siyang opening salvo ng network at Regal Entertainment sa pagpasok ng 2022.

Challenging ang role niya bilang si Christine Chan, ang intelligent and drive-driven daughter of Consuelo Chan, played by Boots Anson Roa-Rodrigo at kalaban niya si Maricel Laxa, ang manipulative daughter-in-law ni Consuelo.

Isa raw honor sa kanya na makatrabaho ang mga kasama niya sa cast at kay Barbie Forteza na first time lamang niyang nakatrabaho. Barbie will play the role of Steffy Dy, ang street-smart assistant ni Christine.

Para raw kasing kabilang na si Barbie sa three daughters niyang sina Angelina, Sam at ang bunso niyang si Cheska.

Kaya tonight naman ang world premiere ng Mano Po Legacy: The Family Fortune, 9:30PM, after The World Between Us, sa GMA-7.

(NORA V. CALDERON)

2021, ‘golden year of PH sports’ – POC

Posted on: January 3rd, 2022 by @peoplesbalita No Comments

Maituturing umano bilang “golden year” sa mundo ng sports ang 2021.

Ayon kay Philippine Olympic Committee (POC) President Rep. Abraham “Bambol” Tolentino, sa taong ito kasi nakamit ng bansa ang makasaysayang “breakthrough” partikular sa Olympic Games.

Nabatid na nasa Tokyo International Forum si Bambol nitong July 26 noong masungkit ni Hidilyn Diaz ang unang Olympic gold medal ng Pilipinas matapos manalo sa women’s 55kg division sa weightlifting.

“This is a year of congratulations for all of us, for breaking several milestones in our sports,” ani Tolentino.

Dagdag nito na maaaring maraming negatibong idinulot sa ating buhay ang Coronavirus Disease pandemic pero mas nangibabaw pa rin ang tatag ng mga Pilipino.

Sa ngayon aniya ay mayroon nang isang ginto, apat na silver at walong bronze medal ang bansa mula sa Olympics na nakamit dahil sa pagkakaisa ng mga atleta at coach sa iba’t ibang National Sports Associations.

“This year is marked by a spirit of happiness for the blessings we have received,” wika pa ng POC president.

‘1st Sunday’ ng 2022: 4,600 bagong COVID-19 cases, naitala sa PH; 25 bagong patay

Posted on: January 3rd, 2022 by @peoplesbalita No Comments

Mula sa 3,617 sa unang araw ng bagong taon kahapon, tumaas sa 4,600 na bagong COVID-19 (Coronavirus Disease 2019) cases ang naitala sa Pilipinas ngayong araw.

Base sa latest bulletin ng Department of Health (DOH), 21,418 na ang bilang ng aktibong kaso kung saan 769 ang asymptomatic o walang sintomas, 15,644 ang mild, 3,081 ang moderate, 1,589 ang severe o malubha, at 335 naman ang nasa kritikal na kondisyon.

Sa 4,600 na napaulat na bagong kaso ngayong araw, sinabi ng DOH na 4,548 o 99 percent ang naitala noong Disyembre 30, 2021 hanggang Enero 2, 2022, dahilan para umakyat na sa kabuuang bilang na 2,851,931 ang COVID cases sa bansa.

Ang mga rehiyon na mayroong pinakamaraming naitalang bagong kaso sa nakalipas na dalawang linggo ay ang National Capital Region na may 3,279 infections, Region 4-A na may 676, at Region 3 na may 252.

Sinabi rin ng DOH na ang recoveries sa ngayon ay pumalo sa 535, kaya umakyat naman ang kabuuang bilang nito sa 2,778,943.

Ang bagong fatalities naman ay 25, kaya ang death toll sa ngayon ay pumalo na sa 51,570. (Daris Jose)

MARTIN, nag-shine at hinangaan agad sa sneak-peek ng ‘Voltes V: Legacy’; goodluck na lang sa ‘Darna’ ni JANE kung itatapat

Posted on: January 3rd, 2022 by @peoplesbalita No Comments

SA Instagram post ng GMA Network sa unang araw ng Enero, inilabas na sneak-peek ng inaabangang Voltes V Legacy na paparating na ngayong 2022.

May caption ito na, “We proudly bring you an EXCLUSIVE sneak-peek of what @voltesvlegacy has been working on for the past few years!

“Join us and “V” together for one epic ride! #VoltesVLegacy, SOON on GMA!”

Puring-puri naman ng netizens ang naturang sneak-peek at marami ang nakapansin kay Martin del Rosario na gumaganap na Prince Zardoz na tiyak daw na mabibigyan niya ito hustisya dahil mahusay siyang actor:

“Ampogi ni Martin as Prince Zardoz.”

“Agree. For sure mabibigyan nya ng hustisya ang character bilang magaling syang artista.”

“Sa true! Yun lang wig sana yung mas mukhang totoo pero win na win sa face ni prince zardoz.”

“IKR? He looks so beautiful. LOL! About sa wig, kaya siguro brown na lang yung sinuot kasi lalong magmumukhang fake pag blonde tsaka hindi naman talaga type ng mga pinoy ang blonde. Magmumukha din sya lalong babae pag blonde…

Tumatak agad sa akin si Prince Zardoz, ramdam naman ang Prince Zardoz vibe.
Yung set sa kalaban ok, yung set for camp big falcon, fail. But let’s give it a chance.”

“Ampogi nman ni Martin kahit may sungay!”

“Laki din ng pinogi ni miguel tan felix.”

“OMG! LITERAL NA GOOSEBUMPS ANG NARAMDAMAN KO DITO SA TRAILER!”

“Ang dami palang team Bosinian dito. Team martin.”

“wow, mukhang maganda sya, pero sa aktingan lang sablay.”

“weh! galing nga nila. ano ba namang mala famas acting ang gusto mo?”

“I agree. Sa few scenes na pinakita, parang ang lamya ng acting :(“

“are you referring sa mga baguhan? well, sana nga ma.improve nila. infer Miguel ang the kid na gaganap na Little John are good. you can check Love of My Life si Little John na kid andun.”

“Panonoorin ko ito bilang ever supporter ng voltesV and in fairness mukha nman mganda n exciting. I wont miss the chance to experience voltes V again.”

“Yung vibes/movement niya, parang ung Ultraman/Machineman dati. 80-90s with updated special effects and CGI. Mukhang okay ah, sana okay din sa acting. Panoorin ko ito since I am a VoltesV fan.”

“That Miguel TanFelix is so good looking!”

“Great actor too, watched him in Kambal Karibal.”

“Hindi na kasi sya masyadong baby face. Napansin ko na to dun sa csid ng kah. Mas gumwapo nga sya.”

“Kung ito ang itatapat sa Darna – eh di goodluck kay Jane na lang talaga.”

“Darna fan ako pero yes somewhat agree.”

“Sablay yung indoor shots. Mukha pa rin syang movie/tv set and not an actual environment.”

“Behind the scenes pu yun. Haha. Kung makasablay ka naman. Meron and meron pa rin talaga ipupuna kahit di pa naman nakikita final output. All I know is talaga promising ang voltes v legacy.”

“Huh, there’s only so much they can do. This is free TV, mind you. And pina-approve lahat yan sa TOEI before they release it so pinaghirapan talaga. Just be glad na this is a step up na for Philippine TV.”

“Mas maganda naman CGI nito kesa sa CGI ng KaF dati sa mga shows hahahaha jusko!! Wala sa kalingkingan.”

“Very promising ito.Kaabang abang talaga. Pagdating sa mga fantaserye maasahan talaga ang GMA.”

“Grabe. Sana because of this, umangat o mabuhay man lang ang tv shows sa bansa at mawala na ang network wars. This is so promising. Pero wala yata si Little John?”

“Bawal pa kasi mga kids dahil sa pandemic pero baka makapag shoot na cya soon.”

Dahil sa IATF protocols kaya hindi nakakasama si little Jon pero this 5th lock-in taping nila this january dapat kasama na sya… Eh kaso may gwyneth na nangyari, baka maudlot na naman pagsama ng bata sa taping…”

“Albert Martinez. Number 1 reason for watching this.”

“Infernes talaga sa mga fantasy series ng GMA pinaghandaan talaga. Syempre not expecting hollywood like efx on this but its beyond expectation so will definitely support this!”

“Galing ni Martin. Kaso yung sa lima na nagsasalita sa pag volt in, si Ysabel lang ang may energy. Nalalamyaan ako sa 3 nauna hahahah di nagbreakfast yarn??”

“OH my ghad!!! Ganda, pero di pa daw yan final parang featurette pa lang daw yan (IDK kung tama spell) which means baka sa susunod na trailer o teaser eh mas maganda na since hindi pa yan final, baka improve nila ung ilang effects, lighting etc. Medj nadisappoint sa costume, pero lahat ay WOW!!!”

“isa ako sa nagwi-wish na maging matangumpay ito. hindi dahil kapuso fan ako pero kasi gusto ko ang Voltes V.”

“Magaling na bata tong Ysabel no? Pumapalag sa action scenes. Maganda din sya magsalita.”

“Ang nag-shine sa sneak peak ay si Martin talaga.”

“THIS IS THE BEST CGI EFFECTS EVER MADE IN PHILIPPINE SHOWBIZ INDUSTRY.”

“I’ll support this kasi mukhang may effort talaga ang production. Sana lahat ng shows sa Pilipinas ganito din ang effort. If people don’t support this, it would not bode well for PH TV. Stations will just think not to put any effort kasi wala naman silang return of investments.

“I hope hindi ganito ang mangyari. I want the TV networks to see what they can achieve by investing in good productions at sana magprogress na ang TV networks sa Pilipinas, and this could be the start.”

(ROHN ROMULO)

NCR ‘high risk’ na sa COVID-19 Omicron variant

Posted on: January 3rd, 2022 by @peoplesbalita No Comments

Nasa high risk classification na sa COVID-19 ang National Capital Region (NCR), kasunod na rin nang patuloy na pagtaas ng reproduction number at positivity rate sa rehiyon.

Kasabay nito, tumaas din ang hospital bed occupancy sa 41% kumpara noong nakaraang linggo.

Batay sa ulat ng OCTA Research Group, nasa 4.05 ang reproduction number sa NCR na naitalang pinakamataas simula noong Abril 1, 2020 pa.

Ang reproduction number ay ang bilang ng mga taong maaaring ihawa ng isang pasyenteng may COVID. Ang reproduction number na 4.05 ay indikasyon na bumibilis ang hawaan ng virus sa NCR.

Sa isang tweet, sinabi ni OCTA fellow Dr. Guido David na nasa 2,530 bagong kaso ng sakit ang naitala sa NCR noong New Year’s Day, na pinakamataas sa loob ng tatlong buwan o simula noong Oktubre 10, 2021.

Simula Disyembre 26, 2021 hanggang Enero 1, 2022, ang seven-day average ng mga bagong kaso ay tumaas pa ng 969% o mula 90 lamang ay naging 962 na.

Batay pa rin sa pinakahuling update ng OCTA, ang daily positivity rate sa NCR ay tumaas pa sa 28.03%, mula sa dating 21% lamang.

“With the increase in positivity rate, NCR is now classified as high risk,” ani David.

Samantala, inirekomenda ng OCTA sa pamahalaan na muling ilagay ang NCR sa ‘bubble system’ upang mapigilan ang posibleng pagkakaroon muli ng ‘COVID-19 surge’.

Nabatid naman na ang bilang ng mga okupadong hospital beds para sa mga COVID-19 patients sa NCR ay tumaas mula sa 1,381 lamang noong Disyembre 24 ay naging 1,942 na noong Disyembre 31.

Sinabi pa ni David na umaasa silang makatutulong ang pagsasailalim muli sa NCR sa Alert Level 3 mula Enero 3 hanggang 15, 2022 para mapigilan ang higit pang pagkalat ng bagong COVID-19 infections. (Daris Jose)