2022 January Archive - People's Balita

Archive for January, 2022

Australia binawi ang visa ni Djokovic

Posted on: January 7th, 2022 by @peoplesbalita No Comments

Pinawalang bisa ng gobyerno ng Australia ang visa ni Serbian tennis star Novak Djokovic.

Dahil sa pangyayari ay magiging malabo na maidepensa ng world’s number 1 tennis player ang kaniyang titulo sa Australian Open na magsisimula sa Jan. 17 hanggang Jan. 30.

Pagdating nito sa Melbourne ay ilang araw siyang inilagay sa kuwarto at doon kinuwestiyon ang kanyang medical exemptions.

Paliwanag ng Australian government na hindi nakahingi ang kampo ni Djokovic ng medical exemption dahil sa hindi pagpapabakuna laban sa COVID-19.

Una nang sinabihan ang kampo nito na maaaring palayasin siya subalit nagmatigas ang abogado ni Djokovic na kanilang kukuwestiyunin ang desisyon.

Magugunitang binigyan ng medical exemptions ng Tennis Australia si Djokovic para maidepensa nito ang titulo.

Isa kasi ang Serbian tennis player na komokontra sa pagpapaturok ng COVID-19. vaccine.

‘Pagsalubong ng New Year sa mga residente ng Xi’an, China mas masahol pa sa simula ng COVID sa Wuhan’

Posted on: January 7th, 2022 by @peoplesbalita No Comments

Mas masahol pa umano ang taong 2022 para sa mga residente ng northwestern city ng Xi’an, ang pagsalubong ng bagong taon kumpara sa taong nagsimula ang COVID-19 sa kanilang bansa.

Mula noong Disyembre, ang ancient city na kilala bilang tahanan ng Terracotta warriors ay nakikipaglaban na sa pinakamalaking community coronavirus outbreak sa China mula noong Wuhan, ang orihinal na sentro ng pandemya.

Sa ngayon, mahigit 1,600 na kaso na ang naiulat sa lungsod.

Habang ang bilang ay mahina kumpara sa mga nasa maraming iba pang mga bansa, ang pagsiklab ay nagtulak naman sa caseload ng China sa huling linggo ng 2021 sa pinakamataas na antas mula noong Marso 2020.

Sa loob ng 12 araw and counting, ang 13 milyong residente ng Xi’an ay nakakulong sa kanilang mga tahanan.

Ang lungsod, na dating isang tourist hotspot, sinalubong ang bagong taon sa mga mala-disyerto na kalye, mga saradong tindahan, selyadong mga residential compound at isang walang laman na paliparan.

Ang ipinapatupad na lockdown ang pinakamahigpit at pinakamalaki mula noong Wuhan, kung saan naka-lockdown ang 11 milyong katao noong unang bahagi ng 2020.

Ngunit ito rin ay kabilang sa mga pinaka-magulo, na nag-iiwan sa mga residente ng kakulangan ng pagkain at iba pang mahahalagang suplay at nakaapekto sa pag-access sa mga medical service.

Sa loob ng halos dalawang taon, ang mahigpit na hakbang na ito na naprotektahan ang karamihan ng bansa mula sa pinakamasamang aspeto ng pandemya, ay nakakuha naman ng napakalaking suporta mula aq publiko.

Ngunit habang patuloy ang pagsiklab alng mga lokal na epidemya, ang tanong ng mga residente ng Xi’an ay kung gaano katagal ang zero-Covid bago magsimulang bumaba ang suporta ng publiko, na may milyun-milyong residente na nakakulong sa isang tila walang katapusang cycle ng mga lockdown.

Sa ngayon, determinado pa rin ang China na makamit ang kanilang layunin na zero-Covid kahit magtulak pa ito ng pagkaubos ng pasensya ng mamamayan.

PDu30, gustong bumalik sa Odette-hit provinces sa kabila ng COVID-19 case surge

Posted on: January 7th, 2022 by @peoplesbalita No Comments

NAIS nang bumalik ni Pangulong Rodrigo Roa Duterte sa mga lalawigan na winasak ng bagyong “Odette”.

Ito’y sa kabila ng pagsirit ng bagong surge ng COVID-19 cases na dahan-dahang winawalis ang iba’t ibang bansa.

Sinabi ni Pangulong Duterte sa kanyang Talk to the People, na nais niyang muling bisitahin ang mga Odette-hit provinces “to make a review and see if my ordered were followed”.

“So gusto ko lang tingnan ‘yung what was the progress of our government intervention there. Bibisitahan ko lahat yan ulit. Maybe middle of a–second or third quarter of January,” ayon kay Pangulong Duterte.

Kabilang sa naging kautusan ng Pangulo ay ang paggamit sa BRP Ang Pangulo–presidential yacht–bilang ospital para sa mga nangangailangan na sila’y magamot matapos ang matinding hagupit ng bagyo.

“That is a presidential yacht which I never used. Kasi sa pangalan pa lang yate eh. So every–itong mga disaster, they should be there. Set sail doon sa mga areas so that they can be easily converted to mini-hospitals where the injured pwedeng magtira doon muna while being treated,” diing pahayag ng Chief Executive.

Nang kumpirmahin ni Office of Civil Defense Administrator Ricardo Jalad kay Pangulong Duterte sa public briefing na ang BRP Ang Pangulo ay ginagamit na bilang ospital sa Siargao, sinabi ng Pangulo na , “That’s good I’m very happy to hear it. It should stay there for as long as it is needed by the populace.”

“Anyway we will have a sort of an assessment after I shall have visited those places ngayong January, second or third quarter, maybe. An sha’ allah,” ayon sa Punong Ehektibo.

“As of Wednesday,” Enero 5, ang mga lugar ng Bulacan, Cavite, Rizal, at National Capital Region (NCR) ay itinaas sa alert level 3 mula sa alert level 2, na mayroong COVID-19 case surge bilang primary reason. (Daris Jose)

MGA PASAHERO sa KAHABAAN ng COMMONWEALTH AVENUE, PATULOY ANG SAKRIPISYO SA PAGSAKAY ng PUBLIC TRANSPORT

Posted on: January 7th, 2022 by @peoplesbalita No Comments

Ang Commonwealth Avenue ang sinasabing pinakamalapad na highway sa Metro Manila. Naguumpisa ito sa may Quezon Memorial Circle hanggang sa may Quirino highway.

Ang kabuuan nito ay sakop ng Quezon City at ang kabilaang banda ay ang pinakamalalaking barangay ng Quezon City – Old Capitol site, San Vicente, UP Campus, Culiat, Matandang Balara, Commonwealth, Batasan, Holy Spirit, Fairview, Lagro, at iba pa.

Ito rin ang gateway ng mga pasahero na nanggagaling sa mga karating bayan ng Caloocan, San Jose del Monte, Rodriguez, San mateo. Kaya naman tuwing rush hour ay kalbaryo sa mga pasahero ang makasakay.

Kulang na kulang ang public transport at malimit ay mga colorum na lang ang sinasakyan ng karamihan. Sa pagdinig sa Senado bilang QC Action Officer ng Transport at Traffic noon, sinabi ko na ang Commonwealth ay isang “emergency situation”, araw-araw. Sa aking pagaaral, lumabas sa mga datos na punuan na ang mga bus na nanggagaling sa may Robinson SM Fairview dahil ang mga pasahero na galing sa Caloocan at Novaliches ay sumasakay na doon alas kuatro pa lang ng madaling araw. Ang galing naman San Jose del Monte ay puno na rin ng pasahero galing Bulacan, kaya pagdating nito sa Doña Carmen, Batasan, at iba pang lugar na pinanggagalingan ng pasahero, ay punuan na talaga.

Kinausap ko ang MMDA noon at ipinaliwanag ang ganitong sitwasyon. Ang aking solusyon noon ay maglagay kaagad ng mga bus na ide-dispatch sa ilang lugar sa Commonwealth para makasakay ng maalwan ang mga pasahero sa ibat-ibang bahagi ng Commonwealth. Guminhawa man lang ng bahagya ang sitwasyon ngunit hindi ko na naituloy ang official na koordinasyon sa MMDA nang bumalik na ulit ako sa pribadong buhay.

Ngayon ay problema pa rin ang pagsakay sa Commonwealth Avenue.

Kailangan ng mas maraming point of origin ang mga buses at hindi lang sa SM Fairview.

Halimbawa sa may Doña Carmen at Batasan – dapat doon magmula ang public transport para ang mga pasahero doon ay makasakay agad at hindi laging chance passenger sila. Dalawa hanggang tatlong oras na paghihintay ang mga pasahero para lang makasakay. Marahil pag nag operate na ang MRT ay masosolusyunan na ito. Pero habang wala pa, ang panawagan ng Lawyers for Commuters Safety and Protection ay maglagay na ng dispatching ng mga bus at public transport sa ibat ibang bahagi ng Commonwealth Avenue. (Atty. Ariel Enrile-Inton)

Mahigit 100,000 katao sa US kasalukuyang na-admit sa hospital dahil sa Omicron variant

Posted on: January 7th, 2022 by @peoplesbalita No Comments

Pinalawak pa ng US Food and Drug Administration ang otorisasyon sa paggamit ng emergency para sa mga nagpapalakas ng bakuna sa COVID-19 ng Pfizer sa mga batang edad 12 hanggang 15-anyos.

Sinabi ni Dr. Peter Hotez, dean ng National School of Tropical Medicine sa Baylor College of Medicine na ang mga bata ang siyang apektado sa pagdating ng Omicron na variant ng coronavirus, ang tinawag nilang “the king of transmissible Covid viruses.”

Nag-ulat ang Washington, DC ng higit sa 9,000 bagong impeksyon sa COVID-19 at pitong pagkamatay sa nakalipas na apat na araw.

Ang mga pampublikong paaralan sa Detroit ay sarado habang ang lungsod ay nahaharap sa isang mataas na antas ng impeksyon sa virus.

Mahigit sa 100,000 katao ang kasalukuyang nasa ospital na may COVID-19 sa US sa unang pagkakataon sa halos apat na buwan, ayon sa pinakabagong data mula sa US Department of Health and Human Services (HHS).

Ang mga ospital sa COVID-19 ay umabot sa record high na higit sa 142,000 sa humigit-kumulang isang taon na ang nakakaraan, noong Enero 14, at huli silang nangunguna sa 100,000 noong Setyembre 11.

Nagkaroon lamang ng 67 araw sa buong pandemya ng higit sa 100,000 katao ang naospital na may coronavirus.

Sa kasalukuyan, halos three-quarters ng mga kama sa ospital sa buong bansa ay puno, at isa sa pito ay para sa mga pasyente na may COVID.

Ang mga hospitalization rates ay kasalukuyang pinakamataas sa New Jersey, Ohio at Delaware, kung saan mayroong higit sa 50 COVID-19 na mga ospital para sa bawat 100,000 katao.

‘Poblacion Girl,’ 8 pa kinasuhan na ng PNP

Posted on: January 7th, 2022 by @peoplesbalita No Comments

Sinampahan na ng reklamo ng PNP Criminal Investigation and Detection Group (CIDG) sa Makati Prosecutor’s Office ang tinaguriang “Poblacion Girl” na si Gwyneth Anne Chua at walong iba pa.

Kasong paglabag sa R.A. 11332 o Mandatory Reporting of Notifiable Diseases and Health Events of Public Health Concern Act ang isinampa kina Chua.

Bukod kay Chua, kinasuhan din ang ama nitong si Allan Chua; inang si Gemma Chua, at nobyong si Rico Atienza.

Damay din ang limang staff ng Berjaya Hotel Makati na sina Gladiolyn Blala, hotel resident manager; Den Sabayo, assistant resident manager; Tito Arboleda, security manager; Esteban Gatbonto, security/doorman; at Hannah Araneta, front desk/counter personnel.

Hindi naman kinasuhan ng CIDG ang mga close contact ni Chua pero inirerekomenda at hinihikayat nila ang mga ito na maghain ng reklamo laban sa dalaga.

Base sa CCTV footage, sinundo si Chua ng kanyang ama noong Disyembre 22 at bandang alas-9 ng gabi na noong Disyembre 25 bumalik ng hotel sa tulong ng kanyang ina.

Dagdag pa ni Silvio, dapat ay agad na inireport ang ginawa ni Chua upang agad na na-quarantine.

Samantala, sinuspinde na ng Department of Tourism (DOT) ang accreditation ng Berjaya at binawi rin ang permit bilang Multiple-Use Hotel dahil sa kabiguan na mapigilan si Chua.

Pinagmulta rin ang Berjaya na katumbas ng doble ng rack rate ng pinakamahal nitong kuwarto.

May 15-working days ang hotel na umapela sa isinilbing desisyon ng DOT.

Sinabi ng DOT na ang public apology ng Berjaya ay isang pag-amin sa insidente at sa kanilang pagkukulang na gawin ang responsibilidad. (Daris Jose)

“No vaccine, no ride” policy suportado ng DOTr

Posted on: January 7th, 2022 by @peoplesbalita No Comments

Binigyang suporta ng Department of Transportation (DOTr) ang polisia na pinatutupad ng Metropolitan Manila Development Authority (MMDA) na bawal ang mga unvaccinated na individuals ang lumabas ng kanilang tahanan.

Kung kaya’t bilang pagsuporta ng DOTr, hindi rin puwedeng sumakay ang mga pasaherong wala pang bakuna.

“The DOTr and its attached agencies shall closely coordinate with the MMDA on the enforcement of the said policy. We cannot let our guard down. We must remain vigilant so we can reverse the uptick of cases in the country,” wika ni DOTr Secretary Arthur Tugade.

Dagdag pa niya na ang polisiang ito ay pinatutupad hindi upang maging isang pasakit sa mga mamayan kung hindi ay upang mabigyan ng proteksyon ang sambayanan laban sa COVID-19.

Sa kabilang dako naman, sinabi rin ni Tugade na mananatiling bukas ang NLEX Bus Terminal kahit na nagbigay ng kanilang appeal ang mga pasahero na payagan ang mga provincial buses na gumamit ng kani-kanilang terminals sa EDSA.

Ang nasabing mandatory na paggamit ng Integrated Terminal Exchange sa parehas na north at south ng Metro Manila ay naaayon sa mandato ng IATF Resolution No. 101.

“The same is still existing and in effect. The same is also strongly supported by the MMDA. Until the IATF resolution is rescinded or nullified, the use of the north and south ITX terminals remains valid,” saad pa rin ni Tugade.

Bago pa man magkaron ng pandemya, mayroon 85 na operasyonal na terminals sa Metro Manila at 47 doon ang nasa EDSA.

Ayon pa rin kay Tugade na lumalabas sa isang obserbasyon na kahit wala pa ang pandemya, ang mga punong-punong mga pasilidad katulad ng mga terminals kung saan madaming tao na galing kung saan-saan ang nagtitipon-tipon ay siguradong magiging isang sanhi ng pagkalat ng mga viruses.

“Reopening private terminals along EDSA means authorizing 85 potential sites of viral transmission for the Filipino commuters,” sabi ni Tugade.

Samantala, ang DOTr naman ay magkakaron ng random antigen testing para sa mga sumasakay sa mga rail lines na gustong sumailalim sa nasabing testing.

“As part of the heightened implementation of health measures in all rail lines, the DOTr will conduct random antigen testing of consenting and volunteering passengers,” ayon kay Tugade.

Ang pasahero na nagboluntaryo na magpa testing ay maaari na rin makasakay pagkatapos ng testing at bibigyan na lamang sila ng results sa pamamagitan ng text message.

Paiigtingin rin ang paglalagay ng mga train marshalls upang masiguro na sinusunod ng mga pasahero ang mga health protocols sa loob ng mga bagon at estasyon nito. Ang mga bagon, platforms, estasyon at depots ay sumasailalim sa parating disinfection at ang mga empleyado ay kinakailangan rin na sumailalim sa antigen testing regularly. LASACMAR

Kakaibang poster ng inaabangang teleserye nina JODI, pinanggigilan ng netizens

Posted on: January 7th, 2022 by @peoplesbalita No Comments

MARAMI ang nagandahan sa pinost na poster ng Dreamscape Entertainment sa kanilang IG account bukod pa trailer na unang nilabas.

May caption ito na, “Itataas na natin ang gigil level ngayong 2022!

“#TheBrokenMarriageVow starring Zanjoe Marudo, Sue Ramirez, Zaijian Jaranilla and Jodi Sta. Maria. Directed by Connie Macatuno and Andoy Ranay. Simula ngayong JANUARY 24 na sa Kapamilya Channel, Kapamilya Online Live, Jeepney TV, A2Z Channel 11, TV5, iWantTFC at TFC!”

Meron din namang netizens na nagulat sa poster na bakit daw may vibe ng ‘Orphan’ movie kaya lumalabas na para itong horror o thriller at hindi basta-basta kabitserye lang.

Narito ang iba’t-ibang comment nila:

“Bakit parang mas mukhang horror movie poster siya?”

“Aahhmmm kasi medyo dark ung theme ng palabas? Hindi lang sya basta kabitserye.”

“Weird ng poster unlike sa Korean na sensual.”

“Mukang horror movie. Kaloka naman kasi I like Jodie pero di ko talaga bet yung role sakanya.. Plus yung eyebags.”

“Like. Pang word class!!”

“Ganda. Artsy siya.”

“Lakas maka Orphan ng poster. Maganda ang poster infairness, pero nakakasawa na talaga si Jodi! Yearly, may teleserye sya pati na rin sina Paulo Avelino at Zanjoe Marudo.”

“Reminds me of ‘Eerie’ poster.”

“Psycho/Horror dating. Tapos themesong ‘Broken Vow’ ni Lara Fabian.”

“Actually maganda for me. At least hindi lungkut lungkutang wife.”

“Gets ko na ba’t ginawa nilang ganyan ang hairdo ni Jodi. A woman’s hair is her crowning glory. Pang-justify ba’t nagloko ung asawa nya haha.”

“Maganda! Pero napakaliteral haha, rose-marriage-broken-basag. In fairness may impact.”

Ilang linggo na nga lang ang hihintayin para matunghayan na ang inaabangang unang pasabog ng Kapamilya Network ngayong 2022.

(ROHN ROMULO)

Ads January 7, 2022

Posted on: January 7th, 2022 by @peoplesbalita No Comments

May bagong bisyo na hindi maiwasan: MARK, naaadik sa pagbibisikleta at dinamay na rin si NICOLE

Posted on: January 7th, 2022 by @peoplesbalita No Comments

MAY bagong hindi maiwasan na bisyo ngayong taon si Mark Herras at dinamay pa niya ang kanyang misis na si Nicole Donesa.

Kapwa sila naaadik sa pagbibisikleta.

Pinost ni Mark at Nicole sa Instagram ang dalawang bagong bisikleta nila.

Caption ni Mark: “2022 new hobby with wifey. Let’s go!!”

Caption naman ni Nicole: “Starting the year right. To more adventures with you and our new horsies.”

Kasama na si Mark sa maraming celebrities na ang hobby ay ang magbisikleta tulad nila Zoren Legaspi, Piolo Pascual, Dennis Trillo, Kristoffer Martin, Richard Quan, Jake Cuenca, Matteo Guidicelli, at marami pang iba.

Isa raw sa goal ni Mark sa taong ito ay ang maging physically fit siya ulit. Medyo nabawasan daw kasi ang pagsayaw niya dahil sa lock-in taping ng GMA teleserye na Artikulo 247.

Matagal daw si Mark na hindi nakagawa ng teleserye at maganda ang role niya sa Artikulo 247 kaya nag-concentrate muna siya sa ginampanan niyang character.

Huling teleserye ni Mark ay ang Bihag noong 2019 pa.

Mabuti na lang daw at masipag ang co-stars niyang mag-post sa TikTok kaya nakikisali muna siya sa sayaw ng mga ito.

***

NAKAIISANG teleserye pa lang ang Kapuso actress na si Anna Vicente, pero buntis na ito ngayon at kambal ang kanyang dinadala.

Sa kanyang Instagram ay pinost ni Anna ang kanyang baby bump at nilagyan ng caption na: “From the moment I found out I was pregnant, I knew that this would be the best journey of my life. I’m so excited to share this good news with all of you!! yes I am growing two little angels and they are ready to say hello this 2022!”

Naging ka-love triangle ng tambalan nila Ken Chan at Rita Daniela si Anna sa teleserye na Ang Dalawang Ikaw. Noong magtapos na ang teleserye, biglang nawala itong si Anna at ngayon lang ulit lumitaw at buntis na.

Sa laki ng tiyan ni Anna, malamang na five to six months pregnant na ito.

Binati si Anna sa kanyang pagiging mommy ng kanyang mga naging showbiz friends na sina Rita Daniela, Ashley Ortega, at Angela Alarcon.

***

POSTPONED ang wedding ng singer-actress-VJ na si Tippy Dos Santos at ng fiance na si Miguel Porcuna dahil sa muling pagdami ng bagong COVID-19 cases.

Post ni Tippy sa Instagram: “Cor-oh no! Due to coronavirus concern, we’re postponing our wedding. We’ll be in touch really soon with updates. The comeback is always stronger than the set back, so get ready for the wedding of a lifetime.”

Na-engage si Tippy at Miguel noong Christmas Eve 2020. Apat na taong may relasyon ang dalawa bago nag-propose si Miguel kay Tippy sa harap ng pamilya nito.

Sa pinost na vlog ni Tippy, kinuwento nila ni Miguel kung paano sila nagkakilala.

“A few years back, I met Miguel through my cousin Ate Yen na classmate niya sa college sa nursing. I was 15. Hi, hello lang. Nung 2015, nagkita ulit kami pero walang anything. Nung January 2016, may concert yung Oh Wonder. Si kuya mo randomly may padalang cookie shots tapos may mixed CD, tapos may letter na he wanted to take me to the concert.”

Tinurn down daw ni Tippy ang invitation ni Miguel dahil hindi pa raw niya ito masyadong kakilala. Pero dalawang beses daw napanaginipan ni Miguelo si Tippy na isang sign na they were meant to be.

“Sabi ko, baka may sinasabi sa akin yung cosmic forces or baka si God. Tinext ko si Yen and si Chot. Tinanong ko sila ‘Should I act on this? Try ba ulit?’ Si Chot sabi niya, ‘Maybe the universe is telling you something so just patiently wait for it.’ Si Yen, ang reply lang niya, ‘Magkasama kami ni now, may party kami and we are leaving for the States tomorrow,’” sey ni Miguel.

Pero tadhana na nga ang kumilos para sa dalawa dahil nataon na same flight sina Tippy at Miguel at sa biyahe nila mas nakilala ang isa’t isa.

(RUEL J. MENDOZA)