2022 January Archive - People's Balita

Archive for January, 2022

Pasig City ‘di makapagbukas ng dagdag na vaccination sites

Posted on: January 10th, 2022 by @peoplesbalita No Comments

DAHIL sa kakulangan sa health workers na karamihan ay naka-quarantine kung kaya hindi makapagbukas ng dagdag na vaccination sites ang lokal na pamahalaan ng Pasig City upang sana’y mabakunahan ang mas marami nitong mamamayan.

Ayon kay Pasig City Mayor Vico Sotto, kulang sila sa mga tauhan na mangangasiwa sa vaccination sites dahil karaminan sa mga health personnels ay naka-quarantine.

Gayunman, patuloy naman anya ang pagsasagawa ng lokal na pamahalaan ng booster shots sa mga fully vaccinated sa lungsod. (Bishop Jesus “Jemba” M. Basco)

BBM LULUSOT VS DQ PETITIONS – FORMER ATENEO SCHOOL OF GOV’T DEAN TONY LA VIÑA

Posted on: January 10th, 2022 by @peoplesbalita No Comments

MANANALO si presidential aspirant Ferdinand ‘Bongbong’ Marcos Jr. sa lahat ng petisyon na isinampa para kanselahin ang kanyang Certificate of Candidacy dahil sa ‘political doctrine’ na dapat ang taong bayan ang mag-desisyon at hindi ang mga korte.

Ito ang pahayag ni Atty. Tony La Viña, dating dean ng Ateneo School of Government, sa panayam ng ANC, at sinabing hindi pwedeng i-disqualify ng korte ang nangungunang kandidato na nakatatanggap ng malaking suporta sa mga botante.

“There is also a strong argument why they should be dismissed. The ultimate one is a political question. Especially a leading candidate, you should not disqualify a leading candidate that seems to have the support of many people, because you are depriving the people of their choice. That is political law 101. That certain thing will be decided by the people and not by the courts,” ani La Viña.

Idinagdag pa ng abogado na itinuturo ito sa mga law school partikular sa disqualification cases sa eleksyon.

“I teach Constitutional law, political law, and election law. When I teach this, I always tell my students, when you look at the disqualification cases, you look at the law of course, and the jurisprudence,” ayon kay La Viña.

Paniwala pa ni La Viña na malamang ay hayaan ng Comelec, maging ng Korte Suprema na ang tao ang mag-desisyon sa kahihinatnan ni Marcos Jr. sa darating na halalan at hindi sa korte.

“I’m inclined to think that most likely Bongbong Marcos will prevail in the disqualification cases, because more than anything, the political question doctrine. The court cannot decide this, it should be the people that should decide this,” La Vina added.

Isa pang legal na argumento na madalas din umanong ginagamit sa mga korte ay ang qualification ng isang pangulo na malinaw na nakalagay sa ating Konstitusyon.

“The qualifications for president are laid down in the Constitution and it’s very simple. A voter, a citizen, a natural born citizen, 40 years, can read and write. That’s just very very basic. Now that goes down to the question: is he a voter? Can he be considered a qualified voter, because that’s where the disqualifications can come in,” paliwanag ni La Viña.

Matatandaan na patuloy na dumarami ang mga eksperto sa batas na nagsasabi na kwalipikadong tumakbo si Marcos Jr., kasabay ng pananaw na kung hindi mahina ay walang legal na basehan ang mga ito.

Kamakailan ay ibinasura ni Atty. Emmanuel Samonte Tipon, abogado na naka-base sa Estados Unidos at dating dean ng Northwestern University College of Law, ang mga petisyon na isinampa laban kay Marcos Jr., dahil umano sa kawalan ng basehan at ebidensya.

Maging si Ateneo Law professor at dating DOJ Sec. Alberto Agra ay nagpahayag na malabong umusad ang mga petisyon laban sa dating senador dahil sa mahinang kaso.

Ganun din ang opinyon ni UST College of Law Dean Nilo Divina nang sabihin nito na hindi uubra ang kaso dahil din walang legal na basehan.

Ads January 10, 2022

Posted on: January 10th, 2022 by @peoplesbalita No Comments

Pag-akyat sa Alert Level 4, posible-Nograles

Posted on: January 10th, 2022 by @peoplesbalita No Comments

SINABI ni acting Presidential Spokesperson at Cabinet Secretary Karlo Nograles na posibleng itaas ng Inter-Agency Task Force for the Management of Emerging Infectious Diseases (IATF) ang alert level sa mga lalawigan at lungsod dahil patuloy na pagtaas ng kaso ng coronavirus disease (COVID-19) cases.

Ito’y kapag dumating na sa puntong tumama na ang pigura sa parametro.

Ang pahayag na ito ni Nograles ay tugon sa tanong kung may tsansa na ipatupad ng pandemic task force aang alert level 4.

“Yes. Kagaya ng sinabi ko, kapag kinakailangan itaas ang alert level ng isang lugar saan man dito sa ating bansa, kapag tumama sa parameters ng ating Alert Level System ay ginagawa naman po agad natin,” anito.

Ang Pilipinas ay kasalukuyang nakikipagpambuno sa napakabangis na surge sa COVID-19 cases na sinasabing nagatungan ng Omicron variant.

“Basta tumama sa mga parameters at kailangang i-escalate dahil tumama na nga po sa mga parameters, based on our decision metrics ay i-escalate,” ayon kay Nograles, nagsisilbi ring tagapagsalita ng IATF.

Nauna rito, kinukunsidera naman na ang Pilipinas na nasa “high-risk” para sa COVID-19 dahil sa “exponential increase” sa bagong infections simula nooong huling linggo ng Disyembre.

Nagbibigay ang IATF ng general alert level classifications kada matatapos ang dalawang linggo; ang kasalukuyang general classification para sa bansa ay Alert Level 2.

Subalit, sa paggamit ng proseso na binanggit ni Nograles, ang itinuturing na “more stringent status” na Alert Level 3 ay nakataas na sa National Capital Region (NCR)-plus (NCR, Bulacan, Cavite, Laguna, at Rizal) at 14 na iba pang lokasyon sa bansa.

Ang Alert Level System (ALS) para sa COVID-19 response ay five-tier risk classification system, ang itinuturing na “most stringent being Alert Level 5.” Papalitan nito ang region-wide quarantine classification system.

“Ginagawa natin iyan to restrict the movements, para po ma-restrict ang transmission at pigilan ang pagkalat ng COVID sa mga lugar na may nakikita po tayong mataas na bilang and that includes iyong two-week growth rate, that includes iyong average daily attack rate and that includes iyong hospital care utilization rate po natin,” ang pahayag ni Nograles. (Daris Jose)

34 border checkpoints inilatag sa Metro Manila

Posted on: January 10th, 2022 by @peoplesbalita No Comments

TATLUMPU’T apat na border checkpoint ang inilatag ng National Capital Region Police Office (NCRPO) sa iba’t-ibang lugar sa Metro Manila sa gitna na rin nang pagsipa ng kaso ng COVID-19.

Layon nito na imonitor at tiyakin ang pagsunod ng publiko sa minimum health protocols.

Ayon kay NCRPO Chief P/Major Gen. Vicente Danao, ang nasabing mga checkpoints ay magsasagawa ng visibility patrols at random checking para matiyak na sumusunod ang mga public transport vehicles sa 70 % capacity ng mga pasahero.

Ang hakbang ay kasunod naman ng pagsasailalim sa National Capital Region (NCR) sa Alert Level 3 gayundin ang Bulacan, Cavite at Rizal. Nitong Biyernes ay isinailalim na rin sa Alert Level 3 ang Laguna.

Tututukan din ang mga nagtutungo sa mga establisimento at iba pang mga commercial services na dapat ay mga ‘fully vaccinated’ lamang. Kailangan umanong laging dala ng mga ito ang kanilang ID at vaccination cards.

Kabilang rin sa mahigpit na iniinspeksyon ay ang mga gumagamit ng motorsiklo sa pagbiyahe kung saan ang mga walang dalang COVID-19 vaccine cards ay binabalaan at pinababalik lalo na ang mga nahaharang sa mga border checkpoints.

“Tayo po ay nagdedepende naman dun sa mga alituntunin din ng mga siyudad natin at yun ay inaassist natin sila, tinutulugan po natin para maimplement ng maayos dahil ang ating mandato ay matugunan or maprevent yung pagtaas o paglobo ng ating kaso dito sa Covid-19 at yung kanyang variant na Omicron,” ayon kay NCRPO spokesperson Lt. Col. Jenny Tecson.

Nabatid na ang mga checkpoints na inilatag ng NCRPO ay katuwang rin ang mga pulis na iba pang mga security forces na nagbabantay dito.

Idinagdag pa ng opisyal na ang isinasagawa nilang checkpoints sa pagpapatupad ng minimum health protocols ay alinsunod naman sa lokal na ordinansa na ipinasa ng mga Local Government Units (LGUs ) sa Metro Manila.

Nabatid na mananatili ang mga border checkpoint hanggang nasa Alert Level 3 ang NCR at mga karatig nitong lugar. Ang NCR, Bulacan, Cavite, Laguna at Rizal ay nasa Alert Level 3 hanggang Enero 15.

BBM bigong humarap sa disqualification hearing

Posted on: January 10th, 2022 by @peoplesbalita No Comments

BIGONG makaharap sa pagdinig ng Commission on Elections First Division si Ferdinand “Bongbong” Marcos Jr. para sa tatlong ‘disqualification case’ na inihain laban sa kaniya upang mapigilang tumakbo sa 2022 Elections.

Kabilang sa mga dininig kahapon ay ang petisyon nina Bonifacio Ilagan, Campaign Against the Return of the Marcoses and Martial Law (CARMMA), at ilang religious at youth rights advocates; petisyon ng Akbayan Citizens’ Action Party; at petisyon ng isang Abubakar Mangelen, nagpakilalang halal na chairman ng Partido Federal ng Pilipinas.

Unang sinabi ni Atty. Hanna Barcena, abogado ni Marcos, na hindi makadadalo sa Zoom hearing ang kaniyang kliyente dahil masama ang pakiramdam. Binigyan umano siya ng buong awtoridad para irepresenta si Marcos sa pagdinig.

Hindi naman ito kinagat ni Commissioner Rowena Guanzon na iginiit na kailangang magpakita mismo si Marcos sa Zoom video kahit na naka-quarantine siya. Nagbabala ang komisyuner na agad na isusumite na ang kaso para sa resolusyon ng walang panig ni Marcos kung hindi dadalo sa hearing ng walang iprinipresenta na medical certificate.

Dito umabot ng higit isang oras na paghihintay dahil sa kinailangan pang maghintay para sa medical certificate. Nang ipresenta ng doktor ni Marcos, nakasaad dito na binisita siya ng manggagamot nitong Huwebes at may pamamaga sa kaniyang lalamunan, at nasa 37.8 degrees Celsius ang temperatura.

Ikinatwiran ng kampo ni Marcos na nalantad siya sa dalawang tao na nagpositibo sa COVID-19 kaya kinailangan niya na mag-isolate.

Nang tanungin kung bakit hindi makaharap sa video kahit hindi magsalita, ikinatwiran ni Barcena na natatakot umano sila na maaaring maging dahilan si Marcos para makapagpakalat ng virus.

Dahil dito, inatasan ni Guanzon ang kampo ni Marcos na magsumite sa loob ng 24 na oras ng manipestasyon kasama ang kaniyang medical certificate habang ang kampo nina Ilagan at Akbayan ay inatasan na magsumite naman ng memoranda. Tuluyan namang gagawaran ng resolusyon ang petisyon ni Mangalen na hindi nakadalo sa pagdinig.

Ikinatwiran ng kampo ni Marcos na nalantad siya sa dalawang tao na nagpositibo sa COVID-19 kaya kinailangan niya na mag-isolate.

Nang tanungin kung bakit hindi makaharap sa video kahit hindi magsalita, ikinatwiran ni Barcena na natatakot umano sila na maaaring maging dahilan si Marcos para makapagpakalat ng virus.

BONGBONG ‘LUCKY 8’ SA LISTAHAN NG MGA KANDIDATO NG COMELEC

Posted on: January 8th, 2022 by @peoplesbalita No Comments

NAG-IISA na lamang ngayon si Partido Federal ng Pilipinas standard-bearer Ferdinand ‘Bongbong’ Marcos, Jr. na may apelyidong Marcos base sa inilabas na candidates’ list ng Commission on Election (Comelec).

Sa pinakahuling listahan ng Comelec na isinapubliko nitong Enero 4, 2022, lumalabas na si Marcos Jr., ang presidential candidate number eight.

Ang numerong walo ay itinuturing na lucky number sa mga Chinese.

Matatandaan na nagsimula ang listahan sa 97 na pawang mga gustong tumakbong pagka-pangulo pero bumaba ang bilang nito sa 15 bago mag-Pasko matapos ideklarang nuisance candidate ng Comelec ang ibang mga personalidad.

Nitong Enero 4, bumaba na lamang ang bilang sa 11.

Kabilang sa mga natanggal ang kaapelyido ni Marcos Jr., na si Maria Aurora Marcos, isang negosyante sa Tarlac. Bago mag-Pasko isa pang kaapelyido ni Marcos Jr., na si Tiburcio ang nauna nang tinanggal sa listahan ng Comelec.

Matatandaan din na ilang grupo ang nagsampa ng aabot sa pitong petisyon sa tanggapan ng Comelec para pigilan ang pagtakbo ni Marcos Jr., sa 2022 elections.

Nito ring Enero 4 ay ibinasura ng Comelec ang isinampang petisyon nang nuisance candidate na si Tiburcio na nanawagan na ikansela ang Certificate of Candidacy (COC) ni Marcos Jr., dahil isa umano itong impostor.

Isa pang petisyon na isinampa naman ni Danilo Lihaylihay na humihiling na gawing nuisance candidate si Marcos Jr., ang ibinasura rin ng Comelec nitong Disyembre 16, 2021.

Kaugnay nito, patuloy namang namamayagpag sa mga serye ng survey ang BBM-Sara UniTeam at nananatiling pinaka-pinagkakatiwalaan at pinakamaraming taga-suporta sa lahat ng mga nangangarap na tumakbong pangulo at bise-presidente.

Ayon sa pinakahuling survey ng OCTA Research, si Marcos Jr., ay nakapagtala ng 54 percent sa presidential survey habang ang kanyang running mate na si Davao Mayor Sara Duterte ay nakakuha rin ng 50 percent sa vice presidential race.

Abala ngayon ang BBM-Sara UniTeam sa pamamahagi ng tulong sa mga nasalanta ng super typhoon Odette.

Pinakilos ng tandem ang kanilang mga taga-suporta para mamigay ng relief goods, tulong pinansyal, mga water filtration units, at mga satellite broadband communication equipment sa mga biktima ng bagyo.

Ipinagpaliban din muna ng BBM-Sara UniTeam ang kanilang mga caravan at iba pang aktibidad sa pulitika para masiguro ang kaligtasan ng lahat matapos ang panibagong banta sa Covid19.

Kasabay nito ang panawagan ng BBM-Sara UniTeam na magpabakuna na ang lahat dahil ito ang pinakamabisang sandata laban sa virus.

HINDI pa pala masisimulan ang movie na pagtatambalan nina Alden Richards at Bea Alonzo.

Posted on: January 8th, 2022 by @peoplesbalita No Comments

Inaayos pa raw ang final schedule. At dahil galing abroad si Alden, he needs to stay in quarantine for 14 days to be sure dahil may bagong Covid-19 variant na naman.

Pero nag-uusap na raw ang Viva at ang GMA para sa gagawin teleserye ni Bea. Kailangan daw mag-coordinate sa schedule para sa gagawin na teleserye.

Sabi ng mga detractors ni Bea, lumamlam daw ang career nito since lumipat sa GMA. Wala pa kasi nasimulan na project ang aktres eh noong July 2021 pa siya pumirma sa Kapuso network.

Gusto lang siguro makatiyak ng management team ni Bea na maging maayos lahat ng requirements sa movie with Alden at TV series para pag nagsimula ang trabaho ay wala nang aberya.

***

DAHIL election, nariyan na naman ang mga politiko, datihan man o baguhan ang lumalapit sa entertainment press para humingi ng suporta. Pero ilang beses na namin naranasan na kilala lang ng mga politiko ang entertainment press sa panahon ng kampanya.

Iilan lang sa mga politiko na humingi ng suporta sa entertainment media ang nakaalaalang bumalik at magpasalamat sa tulong. Noong panahon ng pandemya, iilan sa mga politician ang dumamay sa mga members ng entertainment media who were also affected by the pandemic.

We are hoping na Kapamilya sectoral party-list, na ang isa sa nominees ay ang dating ABS-CBN writer na si Jerry Gracio, ay magiging kakampi ng media workers if ever palarin silang manalo sa election.

Ang KAPAMILYA ay sectoral party-list ng formal at informal labor, kasama ang mga manggagawa sa media.

Itinatag ito ng labor union leaders, marginalized sector representatives, creatives, at media workers.

Lumalahok ang KAPAMILYA Party-list sa eleksyon para magkaroon ng dagdag na representasyon ang mga manggagawa para mabalik ang—sa aming paniniwala—ay orihinal na intensiyon sa 1987 Constitution: Ang representasyon ng sektor na underrepresented at marginalized sa Kongreso.

Kabilang sa core legislative agenda ng Kapamilya ay job and income security – sapat na trabaho at sahod na nakabubuhay; food security – pagkain sa bawat mesa; worker’s health o kalusugan ng manggagawa; social and economic protection for media and entertainment workers, creatives and content creators – para matiyak ang ganap na kalayaan sa pamamahayag.

Itataguyod ng Kapamilya ang malayang pamamahayag. Isusulong ng Kapamilya hindi lang ang prangkisa ng ABS-CBN, kundi ang pagbibigay ng prangkisa sa iba pang estasyon o network, lalo na ‘yung nasa rehiyon, sa interes ng malayang pamamahayag, at sa patuloy na pagbibigay ng impormasyon at aliwan.

Media Workers’ Safety Standards. Gamit ang best practices ng mga kompanya ng broadcast media at entertainment sa kasalukuyan, isusulong ng KAPAMILYA ang kagalingan at kaligtasan ng media workers, kasama ang oras sa trabaho, suweldo, benepisyo, at job security, gaya ng iba pang manggagawa sa ibang industriya. Isusulong din ng Kapamilya ang social at economic protection para sa independent media workers, creatives, at content creators.

Dalawa lang ito sa adhikain na nais isulong ng Kapamilya Partylist. We are hoping na sila ay manalo para magkaroon ng boses sa Kongreso ang mga grupong totoong marginalized at hindi extension ng kilalang political parties.

(Ricky Calderon)

DILG may sapat na contact tracers dahil sa patuloy na pagtaas ng kaso ng COVID-19

Posted on: January 8th, 2022 by @peoplesbalita No Comments

Tiniyak ng Department of Interior and Local Government (DILG) na mayroon silang sapat na contact tracers lalo na ngayong patuloy muli ang pagtaas ng kaso ng COVID-19.

Sinabi ni DILG Secretary Eduardo Ano, na naging agresibo ang mga local government units sa paglaban ng banta ng Omicron coronavirus variant.

Ipinatupad aniya nila ang Preventioin and Detection, Isolation and Treatment at Rehabilitaion plus vaccination.

Aabot sa mahigit 80,000 na contact tracers ang ipinakalat nila habang mayroong mahigit 284,000 na mga medical personnel at mahigit 68-K na mga support staff.

Mayroon aniyang sapat pa rin na isolation at quarantine facilities ang bansa.

Mahigpit din na sinusunod ng PNP ang kautusan ng Pangulo na magbantay sa mga quarantine hotel para walang makatakas sa mga nakatakdang magpa-quarantine. (Daris Jose)

100 mga stranded na OFWs sa Bahrain, nakauwi na sa Pilipinas – DFA

Posted on: January 8th, 2022 by @peoplesbalita No Comments

Nakauwi na mula sa bansang Bahrain ang nasa 100 na mga stranded na overseas Filipino workers (OFWs).

Ayon sa Department of Foreign Affairs (DFA), dumating sa bansa ang mga nasabing mga OFW noong Enero 1, 2022 sa isang special repatriation flight.

Sasailalim naman sa isang facility-based quarantine ang mga bagong dating OFWs, alinsunod sa ipinatutupad na health protocols ng bansa kabilang na ang COVID-19 RT-PCR test.

Nagpaabot naman ng pasasalamat si Foreign Affairs Undersecretary for Migrant Workers Affairs Sarah Lou Arriola sa mga partners ng gobyerno, mga ahensya ng pamahalaan,at mga private sectors na nagtulong-tulong upang maisakatuparan ang isinagawang repatriation flights para sa mga kababayan nating OFW.

Ipinangako naman ng opisyal na magpapatuloy ang DFA sa kanilang sinumpaang tungkulin na pangalagaan at protektahan ang karapatan ng mga OFW.