2022 January Archive - People's Balita

Archive for January, 2022

Konstruksyon ng Muslim-Christianity Unity Highway, pirmado na ni PDu30

Posted on: January 15th, 2022 by @peoplesbalita No Comments

NILAGDAAN ni Pangulong Rodrigo Roa Duterte ang RA 11602 para sa konstruksyon o pagtatayo ng Muslim-Christian Unity Highway.

Ang mandato ng batas ay konstruksyon o pagtatayo ng national highway mula Lanao del Norte Interior Circumferential Road sa Munisipalidad ng Tagoloan, Province of Lanao del Norte patungong Munisipalidad ng Talakag, Province of Bukidnon, na mayroong crossroad sa Barangay Malimbato, Munisipalidad ng Tagoloan, Province of Lanao del Norte at connecting roads sa national highway sa Iligan City sa pamamagitan ng Barangay Pugaan, Iligan City at sa national highway sa Marawi City sa pamamagitan ng munisipalidad ng Kapai, Province of Lanao del Sur.

Sa ilalim ng RA 11602, “the amount necessary to defray the cost of undertaking and completing the feasibility study and detailed engineering for this project, and other activities related will be included in the annual GAA.”

Matapos ito, isasama ng Kalihim ng DPWH sa porgrama ng departmento ang konstruksyon ng Muslim-Christian Unity Highway, ang pondo ay isasama sa annual GAA.

Samantala, pinirmahan naman ni Pangulong Duterte ang RA11612 o “an act creating a new district engineering office in the Third Legislative District of the Province of Zamboanga del Norte which will be known as the Fourth District Engineering Office and will be located in the Municipality of Siocon, Province of Zamboanga del Norte.”

Sa ilalim ng RA 11612, ang bagong district engineering office ay magsisilbi rin sa Munisipalidad ng Baliguian, Siraway, Siocon, at Sibuco, lahat ay nasa loob ng third legislative district ng lalawigan ng Zamboanga del Norte.

Isasama ng Kalihim ng DPWH sa programa ng departmento ang operationalization Fourth District Engineering Office sa Province of Zamboanga del Norte, ang pondo ay isasama sa annual GAA.

Kapwa ang batas ay nilagdaan noong Disyembre 10,, 2021 at parehong ipinalabas, araw ng Huwebes.

3 TIMBOG SA P1 MILYON SHABU SA NAVOTAS

Posted on: January 15th, 2022 by @peoplesbalita No Comments

MAHIGIT P1 milyon halaga ng shabu ang nasamsam sa tatlong hinihinalang drug personalities, kabilang ang dalawang babae matapos matimbog sa isinagawang buy bust operation ng pulisya sa Navotas City, kamakalawa ng gabi.

Kinilala ni Navotas police chief Col. Dexter Ollaging ang naarestong mga suspek na sina Noraima Esmail, 32, Ma. Clarise Certeza, 23, kapwa (pusher/not listed) at Erickson Veron, 36, (user/not listed) pawang residente ng Tondo Manila.

Ayon kay Col. Ollaging, dakong alas-11:30 ng gabi nang magsagawa ang mga operatiba ng Station Drug Enforcement Unit (SDEU) sa pangunguna ni PLT Luis Rufo Jr, ng buy bust operation sa kahabaan ng R10 Road., Brgy. NBBN kung saan isang pulis na nagpanggap na buyer ang nagawang makipagtransaksyon P13,000 halaga ng shabu kay Email at Ceteza.

Nang tanggapin ng mga suspek ang marked money mula sa poser-buyer kapalit ng shabu ay agad silang inaresto ng mga operatiba kasama si Veron na nakuhanan din ng hinihinalang shabu.

Nakumpiska sa mga suspek ang tinatayang nasa 158 grams ng hinihinalang shabu na may corresponding standard drug price P1,074,400.00, buy bust money na isang tunay na P1,000 bill at 12 pirasong P1,000 boodle money, P1,500 cash, kulay grey na body bag, maliit na notebook, at cellphone.

Nahaharap ang mga naarestong suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Nakaka-relate dahil galing din sa broken family: ZAIJIAN, ramdam ang nerbyos at pressure sa bagong role

Posted on: January 15th, 2022 by @peoplesbalita No Comments

AMINADO si Zaijian Jaranilla na may naramdaman siyang nerbyos at pressure dahil sa role niya bilang Gio Ilustre, ang solong anak nina Jodi Sta. Maria at Zanjoe Marudo sa upcoming ABS-CBN drama series The Broken Marriage Vow, which premieres on January 22 on iWantTFC and January 24 on Kapamilya Channel, TV5, A2Z, Kapamilya Online Live, and TFC.

“Dahil remake ito, kailangan may maipakita kaming bago sa audience dahil marami na ang nag-remake nito,” pahayag ni Zaijian.

“Inihanda ko ang sarili ko by watching the series para magkaroon ako ng idea kung paano tatakbo ang kwento. Pero acting-wise, binigyan ko ng sarili kong interpretation ang role ni Gio.”

Nakaka-relate si Zaijian sa role ni Gio dahil galing siya sa broken family.

“Alam ko kung saan siya nanggagaling. Alam ko kung ano ang pinagdadaanan niya. Kung galing ka sa isang broken family, hindi mo deserve pagdaanan ang ganoong experience,” wika ng dating child actor.

“Pero ang mabibigay kong advice kay Gio is to be strong. Hindi siya dapat umabot sa point na kailangan niyang mamili kung kanino sa parents niya siya sasama. Pero dapat sundin niya kung ano ang dikta ng puso niya.”

Kung napupuri man ang acting niya based sa trailer ng The Broken Marriage Vow, dapat daw niyang pasalamatan ang co-stars niya na sina Jodi at Zanjoe.

“Ang husay nila pareho kaya kailangan na paghusayan ko rin. Nakaka-inspire ang husay nilang dalawa,” sabi pa niya.

“Sa umpisa pa lang, kailangan na namin na umarte na isang closely-knit family kami. Kailangan maramdaman ng audience na pamilya talaga kami. Kaya sa taping namin ay I treat Tita Jodi and Tito Zanjoe as if they are really my parents.”

***

MAY nabasa kaming column na ang sabi ay nag-break daw sina Edgar Allan Guzman at ang gf niya na si Shaira Diaz.

Pero kasagsagan ng Christmas season noon kaya we did not bother to ask EA about it kasi baka busy siya at walang time na sumagot.

Sinabi pati ng sister niya na si Michelle Guzman na nasa lockdown taping si EA para sa bagong show niya sa GMA.

Noong Wednesday (Jan 12) ay pinadalhan namin ng message si EA sa FB messenger to ask kung totoo ba ang chika na break na diumano sila ni Shaira.

“Hi Kuya Ricky, not true po hehe sobrang happy po namin sa isa’t isa,” sagot sa amin ni EA with matching smile emoji sa dulo ng mensahe.

At least, nalaman namin mismo kay EA na fake news na hiwalay na sila ni Shaira. May mga pictures nga silang magkasama sa bagong bahay na Christmas gift ni EA sa kanyang Mommy Sarrie.

***

ININDORSO ng aktor na si Jaime Fabregas ang pagtakbo bilang pangulo ng kapwa Bicolano at Bise Presidente Leni Robredo kasabay ng paghikayat sa mga kalalawigan na aktibong mag-recruit ng mas marami pang mga tagasuporta para matiyak na ang susunod na pangulo ng bansa ay mula sa Bicol Region.

“Iparamdam natin sa buong Pilipinas ang galing, lakas at pusong Bicolano. Ipakilala natin sa kapwa Pilipino ang tapat na pinuno. At ipakita natin sa buong mundo ang kakayanan at katatagan ng ating lahi,” wika ni Fabregas.

Sa katauhan ni Robredo, idineklara rin ng aktor na taglay ng Bicol ang pinakamagaling at pinakakuwalipikadong kandidato sa mga tatakbo bilang pangulo sa 2022.

“Ang pakiusap ni Lolo General sa inyong lahat, na mangumbinsi pa tayo ng hindi bababa sa lima pang botante na makiisa sa ating layunin,” wika ni Fabregas, na tinutukoy ang kanyang karakter sa sikat na TV series na Ang Probinsyano.

Nagpahayag ng pagkadismaya si Fabregas sa katotohanan na wala pang pangulo mula Bicol Region ang nahalal kahit ito na ikalimang pinakamaraming bilang ng botante at ikaapat na pinamalaking ethnic group sa bansa.

Sa kanyang parte, hinikayat ni Robredo ang mga kapwa Bicolano na huwag sayangin ang pagkakataon na makapaghalal ng pangulo mula Bicolandia sa 2022.

(RICKY CALDERON)

DOTr pinagtanggol ang “no vax, no ride” na polisia

Posted on: January 15th, 2022 by @peoplesbalita No Comments

Pinagtanggol ng Department of Transportation (DOTr) ang inilabas nilang Department Order (DO) 2022-001 tungkol sa “no vax, no ride” polisia kung saan sinabi nila na hindi ito anti-poor.

Nilinaw at diniin ng DOTr na ang polisia ay hindi naman nagbabawal sa mga tao na maglakbay.

“The policy is not anti-poor because anti-poor is prohibiting (travel). We have exceptions. If you need to go outside because you need to do something or you have an essential errand, you will be allowed. And this policy protects who are unvaccinated that’s why the argument that it is anti-poor is somewhat fallacious because it’s not absolute restriction, there are exceptions,” wika ni DOTr undersecretary Reinier Yebra.

Nilinaw pa rin ni Yebra na ang mga taong walang bakuna ay maaari pa rin maglakbay gamit ang ibang paraan ng transportasyon kung saan ito ay makikita sa exceptions na nakalagay sa nasabing DO. Ang karapatang sumakay at maglakbay ay kinakailangan maging balanse sa pagkakaron ng responsabilidad bilang isang transport regulator kung saan kinakailangan mapanatili ang ligtas na paglalakbay ng mga tao at pasahero.

Nagbibigay naman ng paumanhin ang DOTr dahil sa abala na idudulot ng polisia sa mga pasahero subalit kanilang iginiit na ang paraan ito ang pinaka praktikal na paraan upang malabanan ang pagkalat ng COVID-19.

“It will be a much heavy burden for commuters if we experience a repeat of public transport closures. If we do not act now, all industries and business sectors will be severely affected,” dagdag ni Yebra.

Sa ilalim ng nilagdaan na DO ni DOTr Secretary Arthur Tugade, ang pagsakay sa mg pampublikong transportasyon sa NCR ay nililimitahan lamang para sa mga mga may bakuna na pasahero habang nasa Alert Level 3 ang NCR.

Nakalagay sa DO na ang taong matatawag na fully vaccinated ay yoon dalawang linggo ng nakalipas ng sila ay nabakunahan matapos ang ikalawang bakuna ng kanilang two-dosed vaccination series tulad ng Pfizer o Moderna na bakuna, o di kaya ay pagkatapos ng dalawang linggo matapos silang maturukan ng single-dose ng Johnson & Johnson.

Ang mga exempted naman sa DO ay yoon mga taong may mga medical conditions na pinagbabawalan na bakunahan laban sa COVID-19 subalit kailangan magpakita sila ng duly-signed na medical certificate mula sa kanilang doctor na may nakalagay ng kanilang pangalan at contact details.

Puwede rin lumabas ng kanilang tahanan ang mga walang bakuna kung sila ay bibili ng mga essential goods at services tulad ng pagkain, tubig, gamot, medical devices, public utilities, energy, work at medical at dental na pangangailan subalit dapat may ipakitang barangay health pass o di kaya ay patunay na kailangan nilang maglakbay at umalis ng bahay.

Subalit ang mga pasahero na mahuhuli ay hindi bibigyan ng penalties. Kapag nahuli sila ay hindi papayagan na sumakay sa mga pampublikong transportasyon kung kaya’t sila ay mahihirapan.

Sinisigurado naman ng DOTr na ang Land Transportation Franchising and Regulatory Board (LTFRB) at Land Transportation Office (LTO) ay magiging mapasensiya at matigas sa kanilang implementasyon ng “no vaccine, no ride” na polisia. Maglalagay ng mga transport marshalls sa mga public utility vehicles (PUVs) na titingin kung sumusunod at tumutupad ang drivers at operators sa nasabing polisia.

Tutol naman ang mga transport groups at pasahero sa pagpapatupad ng nasabing polisia na sinimulang ngayon linggo. Ang Commuter’s Group na Pilipino Society and Development Advocates Commuter-Consumer (Pasada-CC) ay nagsabing ang polisia ay puwedeng magtulak sa mga pasahero na sumakay sa mga colorum na pampublikong transportasyon.

Ayon naman sa Commission on Human Rights (CHR), ang “no vaccine, no travel” na polisia ay “effectively restricts the exercise and enjoyment of fundamental rights” na binibigay sa mga ordinaryong Filipinos na patuloy na umaasa sa transportasyon upang makakuha ng mga pangunahing pangangailangan tulad ng trabaho, pagkain at health services. LASACMAR

Ads January 15, 2022

Posted on: January 15th, 2022 by @peoplesbalita No Comments

FINAL TRAILER OF “SCREAM” BOASTS EARLY RAVE REACTIONS

Posted on: January 15th, 2022 by @peoplesbalita No Comments

“HORROR fan or not, this movie is just awesome.” Watch the final trailer for Paramount Pictures’ all-new Scream and see what critics are screaming about!

YouTube: https://youtu.be/8Eb7FWPnvXo

About Scream

Twenty-five years after a streak of brutal murders shocked the quiet town of Woodsboro, a new killer has donned the Ghostface mask and begins targeting a group of teenagers to resurrect secrets from the town’s deadly past. Neve Campbell (“Sidney Prescott”), Courteney Cox (“Gale Weathers”) and David Arquette (“Dewey Riley”) return to their iconic roles in “Scream” alongside Melissa Barrera, Kyle Gallner, Mason Gooding, Mikey Madison, Dylan Minnette, Jenna Ortega, Jack Quaid, Marley Shelton, Jasmin Savoy Brown, and Sonia Ammar.

Scream is directed by Matt Bettinelli-Olpin & Tyler Gillett of the filmmaking group Radio Silence (Ready or Not, V/H/S), executive produced by Kevin Williamson, Chad Villella, Gary Barber, Peter Oillataguerre, Ron Lynch, Cathy Konrad, Marianne Maddalena; produced by William Sherak, James Vanderbilt, Paul Neinstein.

The film is written by James Vanderbilt & Guy Busick, based on the characters created by Kevin Williamson.

Scream is a long-running genre-busting horror franchise which generated four feature films including Scream (1996), Scream 2 (1997), Scream 3 (2000) and Scream 4 (2011). Directed by famed “maestro of horror,” the late Wes Craven, the films went on to gross more than $600 million in worldwide box office receipts. Williamson wrote the original film as well as Scream 2 and Scream 4.

In Philippine cinemas February 2, Scream is distributed by Paramount Pictures through Columbia Pictures. Follow us on Facebook at www.facebook.com/paramountpicsph/; Twitter at www.twitter.com/paramountpicsph/; Instagram at www.instagram.com/paramountpicsph/ and YouTube at https://www.youtube.com/channel/UCsZ7igjHZB-5k8DDM7ilVJw. Connect with #ScreamMovie and tag paramountpicsph

(ROHN ROMULO)

Batas na nagpangalan kay Fernando Poe Jr. sa Roosevelt Ave, pirmado na ng Pangulo

Posted on: January 15th, 2022 by @peoplesbalita No Comments

OPISYAL nang nilagdaan ni Pangulong Rodrigo Roa Duterte ang batas naglalayong ipangalan sa namayapang King of Philippine Movies na si Fernando Poe Jr. ang Roosevelt Avenue sa Quezon City.

Sa pamamagitan ng Republic Act 11608 pinalitan na bilang Fernando Poe Jr. Avenue ang Roosevelt Avenue sa Quezon City.

Ipinag-utos ng batas sa Department of Public Works and Highways na magpalabas ng kaukulang “rules, orders, at circulars” para ipatupad ang nasabing probisyon sa loob ng 60 araw mula sa effectivity date.

Labis naman ang pagpapakumbaba ng anak ni FPJ na si Sen. Grace Poe at pamilya nito sa nasabing batas.

“FPJ Avenue gives my father’s works and legacy a sense of place in our nation’s history,” ayon kay Senador Poe.

Nauna rito, nagkaisa ang mga senador sa kanilang pagboto noong Lunes, September 13, na ipangalan kay Fernando Poe Jr. ang Roosevelt Avenue, Quezon City bilang pagkilala at pagpupugay sa King of Philippine Movies.

Sa ginanap na botohan, 22 ang bumoto pabor sa pag-apruba sa panukala na layuning kilalanin ang kontribusyon sa bansa ni FPJ, na pumanaw noong 2004.

Tanging si Senador Grace Poe, anak ni FPJ, ang nag-abstain sa botohan dahil sa “conflict of interest.”

“It is so heartwarming to see your reaction to this vote. I purposely abstained that it might be a conflict of interest but in my heart, I am so happy that this passed,” ayon sa senadora.

Si Senador Lito Lapid, isa ring aktor, ang nagsulong sa Senado ng panukala, na unang inirekomenda na ang Del Monte Avenue ang ipangalan kay FPJ, kung saan nakatayo ang kumpanya nito.

Pero inirekomenda ni Senate President Tito Sotto, isa ring nangmula sa showbiz, na amyendahan ang panukala, at sa halip ay ang Roosevelt Avenue ang ipangalan kay FPJ dahil sa naturang lugar umano lumaki ang namayapang aktor.

Bukod dito, may malalim umanong bahagi ng kasaysayan ang San Francisco del Monte District na itinatag noon 1590 ni Fr. Pedro Bautista.

“Retain the name Del Monte Avenue, a landmark and witness to many historical events dating back to the 1590s, and preserve the living traditions of San Pedro Bautista, a saint who actually walked the streets of San Francisco del Monte,” ayon sa pahayag noon ng Basilica Minore de Santuario de San Pedro Bautista

Ang Roosevelt Avenue ay ipinangalan kay dating US president Franklin Delano Roosevelt.

Matatandaang, binawian ng buhay si FPJ dahil sa cerebral thrombosis at multiple organ failure noong December 14, 2004.

Mahigpit naman ang naging pagtutol ng mga pari sa San Francisco Del Monte Church.

Sinabi ng Order of Friars Minor ng Franciscan Province of San Pedro Bautista na may historical, religious, at cultural significance ang Del Monte Avenue na itinuturing nilang sagrado.

Bukod sa alay kay St. Francis, namalagi, nagdasal, nagnilay-nilay, at naglingkod ang Franciscan missionaries at si Pedro Bautista sa San Francisco Del Monte. (Daris Jose)

PBA umatras sa imbitasyon na makapaglaro sa Dubai dahil sa COVID-19 pandemic

Posted on: January 15th, 2022 by @peoplesbalita No Comments

UMATRAS na ang PBA sa paglalaro sa Dubai dahil sa COVID-19 pandemic.

Sinabi PBA Commissioner Willie Marcial na isa sanang karangalan ang maglaro sa mini-tournament kasabay ng Expo 22 sa Dubai ay nagpasya sila na umatras dahil sa patuloy na pagtaas na kaso ng COVID-19.

Magkakaroon sana ng hindi bababa sa apat na koponan ang maglalaro sa nasabing torneo.

Sinabi nito nakatanggap sila ng imbitasyon mula kay Kevin Brown ang planning and management vice president ng Expo 22 para makapaglaro ang PBA sa Expo Sports Arena mula Enero 27-30.

Muli nila itong inimbitahan ang PBA sa Marso 25-28 na torneo subalit ayon kay Marcial ay kanila din nitong hindi tinanggap.

Dagdag pa ni Marcial na ang pagbiyahe sa malayong lugar ay nangangailangan ng mas mahabang mandatory quarantine protocols.

South Korea nagsimula ng mamahagi ng mga Paxlovid

Posted on: January 15th, 2022 by @peoplesbalita No Comments

SISIMULAN na ng South Korea ang pagbibigay antiviral pill na gawa ng kumpanyang Pfizer para sa mga pasyente na dinapuan ng COVID-19.

Mayroong 630,000 pill ang ipapamahagi na sapat lamang sa 21,000 katao.

Ang nasabing mga gamot ay ibinahagi sa nasa 280 na botika at 90 na residential treatment centers.

Ayon kay Kim Ki-nam ng Korea Disease Control and Prevention (KDCA) na ang nasabing mga gamot ay may malaking parte para masolusyunan ang tumataas na kaso ng COVID-19.

Itinuturing na ang South Korea ang siyang unang bansa sa Asya na gagamit ng Paxlovid matapos na ito ay mabigyan ng emergency use authorization noong Disyembre.

HEART, pinatulan ang basher na nagsabing ‘scripted’ ang photos na kanyang pino-post at tatakbo raw na nakahubad

Posted on: January 15th, 2022 by @peoplesbalita No Comments

PINUSUAN ng followers at netizens ang pampa-good vibes na IG post ni Heart Evangelista na kung saan ibinahagi niya ang isang ng photo collage nila ni Sorsogon Gov. Chiz Escudero, na kuha habang nagbabakasyon sa Los Angeles, California.

Nilagyan ito caption ng Kapuso actress ng, “Live, laugh, love.” at naka-tag ang IG account ng kanyang asawa.

Pero sa kabila ng magagandang komento na karamihan ang kinikilig sa mag-asawa, may isang netizen na panira sa sweet bonding moments nina Heart at Chiz na nag-comment para raw scripted ang mga larawang ipino-post ng bida ng GMA primetime series na I Left My Heart In Sorsogon.

Matapang nag-comment ang basher ng, “Kung may makita akong picture ni Heart na hindi scripted, tatakbo ako ng hubad sa buong barangay.”

At sa rami nga nang magagandang comments, ito pinalampas ng aktres at fashion icon.

Reply ni Heart sa netizen na walang magawa, “Run and never come back darling.

“Life is gooooood plus the coffee I’m drinking is awesome (kasunod ang cartwheel emoji).

“Sorry you can’t accept that I have a happy life but then again not my problem (na nilagyan niya ng champagne at wine glass emojis).”

Hindi rin napigilan ng followers ni Heart na ipagtanggol at dumugin ang basher na mukhang malungkot ang buhay kay namba-bash.

Say nga isang netizen, “stupidest comment I’ve ever seen, so much bitterness. Dinamay mo pa ka-barangay mo na akala mo gusto ka nilang makita na tumakbo na nakahubad.”

Comment pa nila: “The heck are you talking about?! A picture and a script are different things. She inspires, if you don’t like it why follow her?”

“Why so much hate? Inaano ka ba ni miss heart? Dahil ba masaya siya ay mayaman kya naddiri ka sa kanya? Assess mo po self mo baka ma-realize mo something’s wrong with you. I don’t really undestand the hate you feel for her para mang-bash ka ng ganyan.”

“Umpisahan mo na ngayon. Ang pait siguro ng buhay mo.”

“Paki putol na rin paa mo pagkatapos (tumakbo) dahil malungkot ang buhay mo.”

“Waiting for the video of your fun run.”

At dahil nga ang dami nang nagko-comment, nag-post ang basher na parang pinagsisisihan na ang kanyang comment, “@imahearte kayo naman parang hindi ma-joke.” kasama ang tatlong crying face emojis.

Sagot naman ng isa pang netizen, “hindi kayo close para mag-joke ka. Lungkot ng b uhay mo noh.”

(ROHN ROMULO)