NAGSISIMULA nang bumaba ang omicron wave sa United States sa New York at iba pang malalaking lungsod dito.

Ito ay kahit na umabot sa mga “new highs” ang COVID-19 hospitalizations dito batay sa lagging indicator nito.

Ang trend ng pagtaas sa mga kaso ng omicron na sinusundan ng parehong mabilis na pagbaba ay sumusunod sa mga katulad na pattern na nakita sa Britain at sa South Africa, kung saan unang naitala ang variant noong huling bahagi ng Nobyembre.

Sa lungsod ng New York, ang 7-day average ng mga bagong pang-araw-araw na kaso ay bumababa mula noong Enero 2, matapos na umakyat ito sa 40,000 sa loob lamang ng isang araw na maituturing na isang all-time record.

Base naman sa ipinakitang tracker ng isang opisyal noong Biyernes ay makikita na nasa humigit-kumulang 28,500 ang bilang ng mga bago kaso nito noong Enero 10, mas mataas pa rin kaysa sa anumang nakita sa mga nakaraang waves na dulot ng iba pang mga strain.

Ang mga katulad na pagbaba ay nakikita sa estado ng New York, New Jersey, at Chicago, ang ikatlong pinakamalaking lungsod ng bansa, gayundin sa kabisera ng Washington.

Samantala, ang average naman sa buong bansa ay patuloy pa rin na tumataas na may bilang na mahigit sa 750,000 na mga kaso ng nasabing variant bawat araw, habang ang mga impeksyon ay tumataas rin sa karamihan ng mga estado.

Nakapagtala rin ng mataas na record na nasa mahigit sa 157,000 inpatient bed na inookupahan ng mga pasyenteng may COVID-19 ang Health and Human Services Department.

MAY 30% pa rin ng mga residente sa National Capital Region (NCR) ang hanggang ngayon ay hindi pa rin nababakunahan laban sa COVID-19

“Sa Metro Manila, puwede na kaming pumalo ng 30%,” ayon kay DILG Undersecretary for Barangay Affairs Martin Diño.

“Mataas ang herd immunity natin sa Metro Manila. Siguro pumalo na tayo sa more than 70%,” dagdag na pahayag nito.

“Makikita mo yan. Ito ang dahilan na kahit maraming nagkahawa-hawa sa atin dito sa Metro Manila, ‘yung mga nagkasakit, mild lang. Imbes na nawala ang oxygen, tapos ‘di ba ICU, ospital, ang pila, nasa botika. Nawala mga paracetamol,” aniya pa rin.

Gayunpaman, hindi aniya lahat ng barangay sa NCR ay nagsumite ng listahan ng mga residenteng kanilang nasasakupan na hanggang sa kasalukuyan ay hindi pa rin bakunado laban sa COVID-19.

“May mga nakasumite na lalo na sa mga maliliit na barangay at meron din tayo na malalaki, dito sa Quezon City, mga Commonwealth… Ang deadline naman ay hanggang matapos nila, pero ‘yung malalaking barangay siguro hanggang end of this month,” ani Diño.

Nauna nang ipinag-utos ng DILG sa barangay governments na magsumite ng “list of unvaccinated residents” bilang bahagi ng ipinatutupad na paghihigpit sa galaw ng mga hindi pa rin bakunado laban sa COVID-19.

Noong nakaraang linggo, ipinag-utos ng Pangulo sa mga barangay officials na diretsahin ang mga taong hindi pa bakunado laban sa COVID-19 na manatili sa kanilang bahay sa gitna ng patuloy na pagtaas ng kaso na pinaniniwalaang dala ng Omicron variant.

Sinabi naman ni Diño na malaki ang maitutulong sa pamahalaan ng listahan ng ng mga unvaccinated individuals sa pagdetermina kung ilan pa ang mga nangangailangan ng bakuna.

“Isa sa mga dahilan kaya kinukuha natin ang datos (pangalan ng mga hindi pa bakunado) para malaman namin kung gaano pa karaming bakuna ang ilalaan ng gobyerno para may numero tayo,” ayon kay Diño.

Samantala, pinaalalahanan naman ng Commission on Human Rights ang mga barangay officials na ang pagsusumite ng listahan ng mga unvaccinated residents ay hindi dapat magresulta ng paglabag sa right to privacy ng isang residente.

Ani Diño, ang mga makakasama sa listahan ay papakiusapan na magpabakuna laban sa COVID-19.

“Ngayon nga pinakikiusapan lang natin… Tutulungan ma-schedule [ang pababakuna],” aniya pa rin.  (Daris Jose)

INIULAT ng Philippine Drug Enforcement Agency (PDEA) ang kanilang 10 biggest anti-narcotics operations nuong 2021 at kalahati ng kanilang operasyon ay kinasasangkutan ng mga Chinese nationals.

Batay sa datos na inilabas ng PDEA, sa limang buybust operations, 13 Chinese suspeks ang sangkot kung saan siyam ang napatay sa ikinasang police operations.

Ayon kay PDEA Director General Wilkins Villanueva, ang pinaka malaking drug busts na inilunsad nila na kinasangkutan ng mga Chinese nationals ay umabot sa P5.8 billion halaga ng illegal na droga ang kanilang nasabat.

Batay sa datos, umabot sa P9 billion ang kabuuang halaga ng iligal na droga ang nakumpiska ng ahensiya sa kanilang 10 operasyon nuong nakaraang taon.

Iniulat ni Interior and Local Government Sec. Eduardo Año nuong buwan ng Disyembre na nasa 74 billion halaga ng illegal drugs ang nakumpiska ng gobyerno at mahigit 319,000 drug suspects ang naaresto sa drug war campaign ng Duterte government mula July 1, 2016 hanggang November 30, 2021.

Samantala, sinalakay ng mga tauhan ng PDEA ang isang drug den sa Blk.16 lot 8 Queen’s Row East Bacoor City, Cavite bandang alas-5:30 ng hapon na nag resulta sa pagkakaaresto sa anim na drug suspeks.

Nakilala ang mga nahuling drug suspeks na sina: Christian Abad @Aba 30 anyos; Maverick Samonte 45,Jethro Trigueros 21, Vergilio Trigueros Jr. 27, Jomari Guillera 23, Sonny boy Singco 49.

Batay sa ulat ng mga operatiba kay Director General Wilkins Villanueva, nasabat sa operasyon ang walong piraso na heat-sealed tranparent plastic sachet na hinihinalang shabu at ibat ibang drug paraphernalia.

Aabot sa 15 gramo ng hinihinalang shabu ang nakumpiska, na may street value na Php 103,500.00

Nahaharap ngayon sa kasong paglabag sa RA 9165 comprehesive Dangerous Drug Act of 2002 ang mga suspeks.