2022 January Archive - People's Balita

Archive for January, 2022

NCAA desididong magbukas sa Marso 5

Posted on: January 18th, 2022 by @peoplesbalita No Comments

DESIDIDO ang NCAA Management Committee na masimulan ang Season 97 ng liga sa Marso 5.

Nasa Alert Level 3 ang buong National Capital Region (NCR) hanggang sa pagtatapos ng Enero kaya’t natigil ang lahat ng training ng contact sports kabilang na ang basketball at volleyball.

Kaya naman sumulat ang pamunuan ng liga sa Commission on Higher Education (CHED) at Inter-Agency Task Force (IATF) para mabigyan ng exemption ang varsity teams na makapagsanay.

Hinihintay pa ng NCAA ang magiging sagot ng CHED na siyang mag-eendorso ng kanilang kahilingan sa IATF.

Sa oras na makakuha ng go signal, agad na tutulak sa ensayo ang mga teams para paghandaan ang pagbubukas ng liga sa Marso.

Nabigyan ng clearance ang mga student-athletes na makapagsanay sa isang bubble setup noon pang Disyembre habang nasa ilalim pa ng mas maluwag na Alert Level 2 ang Metro Manila.

Subalit naging malaking pasakit ang paglobo ng bilang ng mga tinatamaan ng coronavirus disease (COVID-19) sa bansa sa pagpasok ng Enero kung saan umabot na sa record-breaking 34,000 ang mga nagkakasakit kada-araw.

Kaya naman umaasa ang buong sports community na muling bumaba ang kaso ng COVID-19 upang makabalik sa mas mababang alert level ang NCR.

Ito lang ang tanging paraan para maging maluwag sa restriksiyon ang CHED at IATF.

Maging ang professional leagues gaya ng PBA ay puwersadong ihinto ang liga at training para masiguro ang kaligtasan ng mga players, coaches at officials.

IATF, aprubado ang retroactive application ng testing, quarantine protocols para sa int’l arrivals

Posted on: January 18th, 2022 by @peoplesbalita No Comments

INAPRUBAHAN ng Inter-Agency Task Force for the Management of Emerging Infectious Diseases (IATF) ang retroactive application ng testing at quarantine protocols para sa mga international travelers.

Sa isang kalatas, sinabi ni Acting Presidential Spokesperson Karlo Nograles na inaprubahan ng IATF ang retroactive application ng Resolution 157, na ipinasa , araw ng Huwebes.

Sa ilalim ng IATF Resolution 157-E, ang testing at quarantine protocols para sa Green and Yellow List countries ay dapat nang i-apply sa mga paparating sa Pilipinas, “on or before January 13, 2022.”

“Also, the IATF clarified that foreign nationals coming from Red List countries and allowed admission in the country under existing IATF rules may enter the Philippines provided they have valid or existing visas,” ayon kay Nograles.

Aniya, ang pagpasok ng mga ito sa bansa ay “subject” sa immigration laws, rules, and regulations ng Pilipinas.

Nauna nang inanunsyo ni Nograles ang pagbawi ng bansa sa pagbabawal na makapasok sa Pilipinas ang qualified travelers mula Red List countries, o mga lugar na may high risk ng COVID-19 infection.

“Currently, only Filipinos, balikbayan, and those with long term visas are allowed to enter the country,” ayon kay Immigration Commissioner Jaime Morente sabay sabing “Those holding tourist visas are still not permitted to enter.”

Samantala, tinukoy naman ng Malakanyang na simula sa Pebrero 16, ang lahat ng foreign nationals na pinayagang makapasok ng Pilipinas ay required na magpakita ng pruweba ng full vaccination. (Daris Jose)

Robert Pattinson Teases a Brand New Version of the Caped Crusader in Matt Reeves’ ‘The Batman’

Posted on: January 18th, 2022 by @peoplesbalita No Comments

WARNER Bros. is set to introduce a brand new version of the iconic DC hero in the upcoming film The Batman directed by Matt Reeves.

So, the DC fans shouldn’t expect Robert Pattinson’s version of the Caped Crusader to be a straight-up hero.

Pattinson’s Bruce Wayne/Batman will be joined by Zoë Kravitz‘s Selina Kyle/Catwoman, Paul Dano as Riddler, Colin Farrell as Penguin, Jeffrey Wright as Commissioner Gordon, and Andy Serkis as Alfred.

The Batman is set for a March 4, 2022 release following a series of delays and there’s still a chance that it is pushed back even further, given the new wave of the coronavirus pandemic because of the Omicron variant.

But the marketing for the blockbuster is already ramping up with a string of teasers and tie-in The Batman merchandise. These have given fans an indication of what can be expected from Reeves’ dark take on Batman’s early years.

It has also been reported that The Batman has been rated PG-13 for violence and disturbing content, further driving up the hype for the blockbuster.

To make things even more interesting, Pattinson recently opened up about taking on the role of Bruce Wayne’s alter ego in The Batman.

In his interview with The Daily Record, the actor discusses his preparation for tackling one of the most famous superheroes of all time, and teased what his interpretation will look like.

Pattinson explained that, “I needed to know about as much of the history of the character as possible to see what hadn’t really been done … People see Batman as this straight-up heroic character but in our story it really questions what the nature of a hero is and it gives a lot of different angles to it.”

In The Batman, Pattinson’s Bruce Wayne has only been the Bat of Gotham for two years. Being fairly new in the role, he easily gets frustrated not seeing the progress he envisioned for the city since taking on his vigilante persona.

Add to that the terror from The Riddler’s antics, and it’s safe to say that things aren’t exactly going well for the burgeoning hero. Based on the teases from those who are involved in the movie, The Batman could also see Bruce learning that his family has ties with the rampant corruption in Gotham City, resulting in the metropolis’ run-down state hinted at in previous trailers.

Given Pattinson’s comments, it will be interesting to see if this also means that this Batman is opening to killing. Batman’s murderous side became a massive conversation topic when Ben Affleck‘s version of the character was seen explicitly killing bad guys in Batman V Superman: Dawn of Justice.

With The Batman expected to release in just a few weeks, audiences are about to find out whether Pattinson’s Batman is more deadly that expected. (source: screenrant.com)

(ROHN ROMULO)

Suspek sa 10-hour hostage taking sa Texas, napatay ng mga otoridad, mga biktima ligtas

Posted on: January 18th, 2022 by @peoplesbalita No Comments

UMABOT sa mahigit 10 oras bago tuluyang natapos ang hostage-taking incident sa isang synagogue sa Dallas, texas.

Ligtas na nakalabas ang apat na katao kabilang na ang rabbi sa Congregation Beth Israel synagogue sa Colleyville.

Napatay naman ng mga otoridad ang suspek na si Muhammad Siddiqui matapos na makipaglaban sa mga FBI at mga kapulisan na rumesponde.

Hiling kasi ng suspek na palayain ang kapatid nitong si Aafia Siddiqui, isang Pakistani neuroscentist na kasalukuyang nakakulong matapos hatulan na makulong ng 86-taon dahil sa pagpatay sa isang US military officer sa Afghanistan noong 2010.

Base sa imbestigasyon ng mga otoridad na isang British national umano ang nasabing suspek.

Paghaharap nina Covington at Masvidal itinakda na sa Marso 6

Posted on: January 18th, 2022 by @peoplesbalita No Comments

INANUNSIYO ng Ultimate Fighting Champion (UFC) ang nalalapit na paghaharap ng dalawang kilalang pangalan sa mixed martial arts.

Ayon sa UFC na kanilang inaayos na ang laban ni UFC interim welterweight champion Colby Covington laban kay fan-favorite Jorge Masvidal.

Gaganapin ang UFC 272 sa T-Mobile Arena sa Las Vegas, USA sa Marso 6.

Dating malapit na magkaibigan ang dalawa hanggang nagsimulang magbato ng mga masasakit na salita si Masvidal kay Covington.

Si Covington na mayroong record na 16 na panalo at tatlong talo ay kagagaling sa panalo laban kay UFC welterweight world champion Kamaru Usman noong Nobyembre sa pamamagitan ng unamimous decision.

Habang si Masvidal ay dumanas ng makasunod na pagkatalo laban kay Usman na ang huli ay ang reel-knockout main event sa UFC 261 noong Abril 2021 sa Vystar Veterans Memorial Arena sa Florida, USA.

Mga Serbians inalmahan ang pagpapauwi ng Australia kay Djokovic

Posted on: January 18th, 2022 by @peoplesbalita No Comments

INALMAHAN ng mga mamamayan ng Serbia ang ginawang pagpapatalsik ng Australian Government kay tennis star Novak Djokovic.

Sinabi ni Serbian President Aleksandar Vucic na tila pinahiya ng Australia ang kanilang sarili.

Habang tinawag ng Serbian Olympic Committee na ang hakbang bilang ‘scandalous’ decision.

Dagdag pa ng Serbian president na uuwing taas noo pa rin si Djokovic matapos ang 10 -araw na ipinaglaban nito ang kaniyang visa.

Mula pa kasi sa simula at ipinakita ni Vucic ang suporta kay Djokovic kung saan itinuturing na “political witch hunt” ang ginawang pagkulong ng Australia sa hindi bakunadong tennis star.

Nagsagawa rin ng kilos protesta ang mga supporters ni Djokovic sa Serbia kung saan nagbigay sila ng suporta sa tennis superstar.

Manila Zoo gagamiting bakunahan sa mga bata, seniors

Posted on: January 18th, 2022 by @peoplesbalita No Comments

HABANG hindi pa ganap na binubuksan para sa publiko, gagamitin muna bilang ‘vaccination site’ para sa mga senior citizen at batang may edad 5-11 taong gulang sa pag-uumpisa ng bakunahan sa naturang age group sa unang linggo ng Pebrero.

Sinabi ni Manila City Mayor Isko Moreno na pinaka-ideal na lugar ang Manila Zoo na vaccination site dahil sa marami itong ‘open spaces’. Matapos na mabakunahan, maaaring mamasyal ang mga lolo at lola at kanilang apo sa zoo.

“So we thought, dahil sa nagre-request na mga tao sa Manila Zoo, at least magkaroon sila ng sneak peek. At marami naman na ang mapapasyalan dito – open air, maaliwalas. Double purpose pa, maipapasyal nila ang kanilang apo o ‘yung mga lolo at lola,” saad ni Moreno.

Samantala, maaari ring magpabakuna ang mga kabataang nasa edad 12-17 taong gulang sa Manila Zoo at makapamasyal na rin pagkatapos. Bubuksan ito ni Moreno sa mga residente at maging sa hindi residente ng Maynila.

Para matiyak na matutupad ang ‘physical distancing’ at iba pang ‘health protocols’, lilimitahan lamang sa 500 hanggang 1,000 indibidwal ang babakunahan sa Manila Zoo kada araw. (Gene Adsuara)

17-ANYOS NA DALAGITA NIREYP NG KAINUMAN

Posted on: January 18th, 2022 by @peoplesbalita No Comments

MAAGANG nasira ang kinabukasan ng 17-anyos na dalagitang estudyante matapos samantalahin ang pagkalasing nito at halayin ng 29-anyos na may-ari ng isang computer shop sa bahay ng suspek sa Navotas City.

Nadakip naman kaagad nina P/SSgt. Reyjie Gruta at P/Cpl Clifford Lumelay, nakatalaga sa Sub-Station 4 ng Navotas Police ang suspek na si Edmar Santilices sa kanyang tirahan sa 417 Medina St Brgy. NBBN makaraang magreklamo ang 62-anyos na lola ng Grade 12 na biktima na itinago sa pangalang “Alyana”.

Sa ulat na nakarating sa tanggapan ni Navotas police chief P/Col. Dexter Ollaging, nagpaunlak ang biktima sa imbitasyon ng suspek na itinuturing niyang ka-tropa noong Biyernes ng gabi, kasama ang iba pa niyang mga kabarkada.

Gayunman, nang makaubos ng tatlong bote ng alak, nakaramdam ng pagkahilo bunga ng kalasingan ang biktima kaya’t hinayaan muna siyang makapagpahinga sa isang silid ng bahay habang nagpatuloy sa pag-iinuman ang magbabarkada.

Dakong alas-6 ng umaga ng Sabado nang maramdaman na lamang ng biktima ang ginagawang panghahalay sa kanya ng suspek at kahit gusto niyang manlaban, wala siyang sapat na lakas na pigilan ang kapangahasan ng lalaki hanggang sa matagumpay na nailugso ng suspek ang pagkababae ng dalagita.

Matapos nito, isinumbong ng dalagita sa kanyang lola ang pangyayari na naging dahilan ng pagkakadakip sa suspek na ngayon ay nahaharap sa kasong panggagahasa na may kaugnayan sa paglabag sa R.A. 7610 o ang Special Protection against Chile Abuse, Exploitation and Discrimination. (Richard Mesa)

Ads January 18, 2022

Posted on: January 18th, 2022 by @peoplesbalita No Comments

MMDA naniniwalang hindi kailangang ipatupad ang curfew sa NCR

Posted on: January 17th, 2022 by @peoplesbalita No Comments

NANINIWALA si Metropolitan Manila Development Authority (MMDA) chairman Benhur Abalos na hindi na kailangang ipatupad ang curfew sa National Capital Region (NCR).

Sinabi ni Abalos na ito ay dahil sa ang mga residente naman ng Metro Manila ay “self-regulating” sa gitna ng surge ng Coronavirus disease 2019 (COVID-19).

Paliwanag niya, dahil sa pagpapatupad noon ng curfew sa kasagsagan ng hard lockdwon sa NCR ay natuto na raw ang mga taong hindi na lumabas dahil ang naturang virus ay nakakahawa.

Dagdag ng MMDA chair, pagdating naman daw ng alas-5:00 ng hapon ay halos sarado na rin ang mga malls at pangunahing kalsada sa Metro Manila kaya hindi na kailangan ang curfew.

Pero una nang nagpatupad ang mga local government units (LGUs) sa Metro Manila ng curfew sa mga menor de edad na 17-anyos pababa sa NCR at mananatili ito hanggang sa ngayon.

Samantala, naniniwala si Abalos na hindi na kailangang itaas sa Metro Manila ang Alert Level 4 dahil na rin sa nakikitang galaw ngayon ng mga taga-NCR.

Kung maalala hanggang sa katapusan ng buwan ng Enero ay mananatili sa Alert Level 3 ang NCR.

Sa ilalim ng Alert Level 3, ilang establishments ay papayang mag-operate ng hanggang 30 percent indoor venue capacity pero ito ay para lamang sa mga fully vaccinated at 50% outdoor venue capacity kapag lahat ng mga empleyado ay fully vaccinated.

Ang in-person classes, contact sports, funfairs/peryaa at casinos ay ang mga aktibidad at establisimiyento namang hindi papayagan sa kasalukuyang alert level.

Sa sandali naman umanong ibaba sa Alert Level 2 o 1 ang NCR ay otomatiko na ring tatanggalin ang pagbabawal sa paglabas ng mga unvaccinated.