TUNGKOL sa pag-e-exercise ang recent Instagram post ni Jessy Mendiola.  

At sa kabila ng ang daming kapwa celebrities niya ang pumupuri sa katawan ng misis ni Luis Manzano, tulad na lang ni Pia Wurtzbach na ang comment, “Slaaay Jessy!!,” meron pa rin nag-nega rito.

Para na rin palang si Heart Evangelista si Jessy ngayon.  Inaabangan na rin kung kailan mabubuntis at mabibigyan ng anak si Luis.

Comment kasi ng isang netizen na kinuwestiyon na kaya raw siguro ito nagpapaganda ng abs, dahil ayaw mabuntis.

Hindi ito pinalampas ni Jessy at sinagot na, “porket may abs bawal mabuntis?”

Sabi pa ng isang comment din, “Paano ka magkaka-baby niyan if you always exercise.”  Sinagot pa rin ito ni Jessy na, “iba-iba lahat tayo. Hindi ibig sabihin na it works for you eh ganoon na din sa iba.”

Sa isang banda, bakit nga ba ang ilang netizens ang may isyu na mabuntis o magka-anak na sina Jessy at Luis kung yung dalawa e, mukhang relax at nag-e-enjoy naman sa pagiging mag-asawa nila.

***

MABILIS daw na nawala ang pagka-ilang ni Rhen Escaño at Rita Martinez sa isa’t-isa kahit nga first time lang nagkasama at isang “GL” Girl Love story na ang ginawa nila.

Ayon kay Rhen, sa workshop pa lang daw ay nawala na agad ang anumang pagka-ilang nila. Actually, ang difference ng Lulu ang GL series na mapapanood sa Vivamax simula sa January 23, written and directed by Sigrid Andrea P. Bernardo, kumpara sa ibang mga actors na gumaganap bilang bading o lesbian, mga straight talaga.

This time, very open naman si Rita since The Voice pa na miyembro siya ng LGBTQ.

At ‘eto na, mukhang sa totoong buhay, si Angel Aquino ang makakapag-test ng friendship ng dalawa na.

Aba, parehong si Angel ang itinuturing nilang girl crush.  Si Rhen na nagsabing wala siyang any experience pa sa same sex o nanligaw man lang sa kanyang tibo, pero sa crush na babae, Ang Probinsyano pa lang daw ay sinabi na niya kay Angel na crush niya ito at dream din na maka-trabaho.

“Ako rin, ako rin,” ang hirit ni Rita na gandang-ganda rin kay Angel at tulad ni Rhen, crush niya raw talaga.

Grabe rin ‘tong appeal ni Angel e, walang kupas, lalo na sa mga babae at lesbian.

Anyway, light daw ang kuwento at approach ng Lulu as opposed sa mga karaniwang LGBTQ na napapanood natin na madalas, seryoso ang paglalahad ng kuwento.

***

NATUWA raw ang Asia’s Multimedia Star na si Alden Richards dahil sa naging bakasyon niya sa America after two years na hindi siya nakalabas ng bansa, pakiramdam daw niya ay bumalik siya sa normal.

Turista lang daw ang peg niya at talagang nagawa rin niya na mas makapag-spend ng time kasama ang kapatid niya na naka-base ro’n at ibang relatives.

Pero obviously, mas masaya ito dahil ang tila passion project niya, ang Alden ForwARd online concert na magaganap sa January 30 ay sold-out na ang tickets.

Kaya siyempre, masaya si Alden dahil marami siyang matutulungan, ang mga beneficiary ng kanyang Alden Foundation.

(ROSE GARCIA)

TILA wala pang balak na bumalik ng Pilipinas ang pamilya ni Anne Curtis dahil mula sa France ay nasa Finland na sila ngayon.

At parang hindi apektado si Anne, ang mister niyang si Erwan Heussaff at anak na si Dahlia sa freezing temperature sa Lappi, Finland dahil feeling Christmas vacation pa rin sila.

Nag-enjoy kasi si Dahlia sa kanyang Winter Wonderland vacation habang namamasayal ito sakay ng sleigh na hinahatak ng reindeers.

Postcard perfect nga ang mga pinost na photos ni Anne sa kanyang Instagram ng mga scenic views ng Finland, kasama pa rito ang pagbabad ng aktres sa isang warm pool na naka-bikini kesehodang puti ang paligid niya dahil sa snow.

Caption pa ni Anne: “The cold never bothered me anyway.”

      Wala namang balita na nagkasakit ang Heussaff family dahil sa Omicron variant.

***

NAGULAT si Geneva Cruz nang bigla siyang sitahin ng kanyang anak na si London sa isang eksena niya sa Little Princess.

Bukod sa kanyang pagiging kontrabida, sinita si Geneva dahil sa paninigarilyo nito sa eksena.

Pinaliwag ni Geneva na acting lang daw lahat nang ginagawa niya sa teleserye.

Pero dahil bata ang kausaup, ang tanong ni London sa kanyang mommy a, “Why do you have to be mean?” at sinabi pa nito na, “Smoking is bad.”

Sagot ni Geneva, “Mommy’s work is to pretend on TV. Mommy doesn’t smoke, okay? I wasn’t really smoking.”

Natutuwa naman daw si Geneva sa pagiging observant ng kanyang anak. Iniisip din niya kung ang magiging reaction ng mommy niya kung sakaling buhay pa ito. Pumanaw last year ang ina ni Geneva dahil sa COVID-19.

“My mom was such a big teleserye fan. I can just imagine yung magiging reaction niya kung mapapanood niya ako sa first teleserye ko. I know na magugustuhan niya itong Little Princess if she was still here with us.”

***

KINABOG pa rin ni Taylor Swift ang lahat ng female musicians last year dahil siya lang ang kaisa-isang babae na pasok sa listahan ng Top 10 Highest Paid Musicians of 2021 ng Rolling Stone’s magazine.

Ayon sa music publication, kumita ng $80 million last year si Taylor. Dahil ito sa pag-top sa album charts ng kanyang re-recorded albums na Red (Taylor’s Version) at Fearless (Taylor’s Version) na naging number 2 at number 4 respectively in total sales noong 2021.

Magkasunod lang sila ng The Voice coach and country singer na si Blake Shelton na may kita na $83 million.

Ang nasa number one spot ay si Bruce Springsteen with $590 million earnings last year. Kasama rin sa Top 10 ay sina Jay-Z ($470 million), Paul Simon ($260 million), Kanye West ($250 million), Ryan Tedder ($200 million), Red Hot Chili Peppers ($145 million), Lindsey Buckingham ($100 million), at Mötley Crüe ($95 million).

(RUEL J. MENDOZA)

FASTEN your seat belt at I-ready na ang GPS dahil parating na ang Reroute sa Vivamax ngayong January 21, 2022.

Isa na namang sexy-suspense thriller ang masasaksihan sa iba’t-ibang panig ng mundo na pinagbibidahan ng ilan sa mga pinakamahuhusay na mga aktor sa Pilipinas, sa pangunguna ng Venice Film Festival Best Actor na si John Arcilla.

Ang Reroute ay kwento ng mag-asawang si Trina (Cindy Miranda) at Dan (Sid Lucero) na nagkakaroon ng problema dahil pinaghihinalaan ni Dan na may iba si Trina.

Sa gitna ng problemang ito, napagpasyahan ng mag-asawa na bumisita sa nag-aagaw buhay ng tatay ni Dan sa probinsya Sa kanilang pagbyahe, mahaharang sila ng isang roadblock at aabisuhan na sumubok ng ibang daan at mag-reroute.

Sa pagod sa pagmamaneho, maiinis na si Dan dahil aabutin pa ulit ng isang oras kapag nagbago sila ng ruta, dito niya mapapagpasyahan na dumaan sa isang shortcut, sa isang masukal at malubak na daan.

Sa pinagkamalas-malasan ay masisiraan pa ang kanilang sasakyan sa gitna ng daan, dito nila makikilala ang isang misteryosong lalaki na aalukin silang tulungan, si Gemo (John Arcilla). Iimbitahan ni Gemo ang mag-asawa na magpalipas ng gabi sa kanyang bahay at kinabukasa’y tutulungang ipaayos ang nasirang sasakyan.

Sa pagod ay papayag ang dalawa kahit na pinaghihinalaan na ni Trina ang mga galaw at mga pagtatanong ni Gemo tungkol sa buhay nila ng kanyang asawa. Sa pagdating nila sa bahay ni Gemo, makikilala rin nila ang asawa nito, si Lala (Nathalie Hart), na misteryosa rin at bihira lang kung magsalita.

Sa pagtuloy ni Trina at Dan sa bahay ni Gemo ay siya ring patuloy nitong pagtatanong ng mga personal na bagay tungkol sa buhay nilang mag-asawa, at lalo nang maghihinala ang dalawa.

Ang kakaiba at misteryosong kwento ng Reroute ay nangangailangan ng mahusay na pagganap. Kasama ni John sa pelikula ay si Sid na may makailang ulit nang nanalo ng best actor awards at mayroon ding nominasyon sa International Emmy Awards.

Parte rin ng Reroute ang mga prime actresses ng Viva na sina Cindy Miranda at Nathalie Hart, na gumagawa na rin ng kanilang sariling pangalan sa larangan ng pag-arte at patuloy na pinapatunayan na karapat-dapat sila sa mga role na ginagampanan nila.

Kasama ng mga batikang aktor ay isa ring award-winning director, ang pelikulang ito ay sa direksyon ni Lawrence Fajardo na nagdala sa atin ng internationally-acclaimed movie na Amok.

Si Fajardo rin ay nanalo na ng iba’t ibang awards para sa pagiging direktor at editor, dalawa rito ay mula sa Gawad Urian. Noong nakaraang taon ay binahagi rin ni Fajardo ang mga pelikula niyang Nerisa na pinagbidahan din ni Cindy, Mahjong Nights, at ang MMFF entry na A Hard Day.

Natanong naman si Cindy sa virtual mediacon ng movie nila, kung ano ang reaction niya na tina-tag na nga siya bilang isa sa prime actresses ng Viva Films at pawang award-winning pa ang nakasama niya sa Reroute.

“Sobrang nakakakilig ‘yun kasi dream ko lang dati,” pahayag ni Cindy.

“Naaalala ko pa kung paano ko pinangarap na matawag nga lang na isang aktres at nagpapasalamat talaga ako na ang dami ng blessings na dumarating.

“I’m willing to work harder para mapabilang dahil of course gusto maging level nina Sid, Sir John at Nathalie.  You know, I can’t wait to be like them. Sobrang iniidolo ko talaga sila.

“At siyempre, nandun ang pressure talaga kapag nakaka-work ka nang ang gagaling na actors, but I’ve learned a lot from them.

“Sobrang suwerte ko lang, nabigyan ako ng pagkakataon na matuto, ‘yun talaga ‘yun eh.  Ang importante talaga ‘yun naka-work mo sila.  Imagine that, napapanood mo sila before, pero ngayon nakaka-eksena at nakaka-usap mo na sila.

“So, it’s dream come true. Sana lang, mas gumaling pa ako and thank you sa Viva for giving me this kind of project at makasama ang magagaling na artista.”

At mula nga sa kaabang-abang na mga aktor at kahanga-hangang direktor, walang duda na isa na naman ang Reroute sa magiging trending at pag-uusapang pelikula sa pagpasok ng 2022.

Mula sa Viva Films, markahan na sa kalendaryo ang pagdating ng Reroute sa Vivamax ngayong January 21, 2022.   Mag-subscribe na sa Vivamax sa halagang P149 kada buwan, at P399 naman para sa tatlong buwan. Bisitahin ang web.vivamax.net o i-download ang app at mag-subscribe sa Google Play Store, Huawei App Gallery and App Store.

Mapapanood din ang Vivamax sa Europe sa halagang 8 GB kada buwan. Ang Vivamax ay mapapanood na sa Hong Kong, Japan, Malaysia, and Singapore, Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, at pati na rin Canada at United States of America.   Vivamax, atin ‘to!

(ROHN ROMULO)