2022 January Archive - People's Balita

Archive for January, 2022

TATLONG DAYUHANG PUGANTE, INARESTO NG BI

Posted on: January 21st, 2022 by @peoplesbalita No Comments

INARESTO ng Bureau of Immigration (BI) ang tatlong dayuhang pugante na wanted sa kanilang mga bansa.

Ayon kay Immigration Commissioner Jaime Morente na ang tatlong dayuhan, isang Amerikano, Taiwanese at isang South Korean ay inaresto sa magkakahiwalay na opeasyon ng mga operatiba ng BI’s fugitive search unit (FSU) sa Metro Manila at Pangasinan.

“They will all be deported for being undesirable aliens and for posing risk to public safety and security. Afterwards, they will be placed in our blacklist and banned from re-entering the Philippines,” ayon kay Morente.

Dagdag pa ni Morente na ang tatlong dayuhan ay mananatili sa BI warden facility sa Camp Bagong Diwa, Taguig City habang ang kanilang summary deportation ng bureau’s board of commissioners ay nakabinbin.

Kinilala ang Taiwanese national na si Sie Mu Shi, 32 na inaresto sa Quezon City at wanted ng criminal investigation bureau ng Taiwan dahil sa illegal possession of firearms.

Naaresto rin ang South Korean national na si Lee Chungho, 37, sa bisinidad ng BI building na bukod sa pagiging overstayiong ay wanted din ng awtoridad ng Seoul dahil sa panloloko ng halos 15.2 million o US$13,000 sa kanyang mga kababayan.

Samantala, sa Dagupan City, Pangasinan naman naaresto ang American national na si Rexfordgay Sanculi Velasco, 43, dahil sa pagiging overstaying at dating sundalo ng US marine na wanted sa US Department of the Navy dahil sa pagiging military desertion. (GENE ADSUARA )

‘The Batman’ New Poster Shows Catwoman’s Super Sharp Claws

Posted on: January 21st, 2022 by @peoplesbalita No Comments

A new The Batman poster shows Catwoman’s super sharp claws as she and Robert Pattinson’s titular Dark Knight overlook Gotham City.

Pattinson becomes the latest star to don the cape and cowl for the big screen, taking over the role from Ben Affleck following his stepping down from the DC Extended Universe and co-writing/directing/producing the solo film due to personal health issues. Affleck will, however, return as the Dark Knight one final time for The Flash alongside Michael Keaton in his return from the Tim Burton films.

The Batman will act as a reboot for the film franchise and center on Bruce Wayne in his second year of fighting crime in Gotham City and uncovering a deep web of corruption with potential ties to his family.

In an effort to get to the heart of the corruption and put a stop to the cryptic serial killer known as The Riddler, Batman must make new allies, including Catwoman, in an effort to bring them all to justice. Alongside Pattinson, the ensemble roster for The Batman includes Zoë Kravitz as Selina Kyle/Catwoman, Paul Dano as The Riddler, Jeffrey Wright as Gotham Police Lieutenant Jim Gordon, Andy Serkis as Alfred Pennyworth and Colin Farrell as Oswald Cobblepot, also known as The Penguin.

Twitter has unveiled a new The Batman poster. The latest key art for the film sees Pattinson’s titular character watching over a sunset-drenched Gotham with Kravitz’s Catwoman, who is revealed to have super sharp claws.

Much of the marketing for The Batman has highlighted the unique relationship between the Dark Knight and Catwoman in the upcoming film, itself being one of the most iconic dynamics in either’s comic book history.

It is interesting that the new poster shows off Catwoman’s super sharp claws, namely in their seemingly natural appearance on the character. Most screen iterations of the cat burglar have depicted her sharp claws as extensions of the gloves for her iconic black costume, though the new poster seems to indicate they may either be additions to her natural nails or the natural nails themselves grown out to be their own weapons, which Kravitz stated was the case in a previous interview for the film.

Catwoman’s claws aren’t the only original design element fans can look forward to seeing from the character in The Batman. Previous trailers and merchandise for the film have confirmed that Catwoman will get to use her iconic whip at some point in the story and use it against foes.

The wait for Kravitz’s Catwoman to debut is nearly over as The Batman is set to hit theaters on March 4. (source: screenrant.com)

(ROHN ROMULO)

Pope Francis nangako ng halos P6-M na tulong sa mga biktima ng Odette

Posted on: January 21st, 2022 by @peoplesbalita No Comments

NANGAKO si Pope Francis na mamimigay ng $114,000 o halos P6-M para sa mga biktima ng bagyong Odette.

Ayon sa Vatican na labis na nalungkot ang Santo Papa sa nangyaring pananalasa ng bagyo.

Noong Disyembre ay isinama na rin ng Santo Papa sa kaniyang misa ang mga kalagayan ng mga biktima ng nasabing bagyo.

Magugunitang aabot na sa mahigit 400 katao ang nasawi sa nasabing bagyong Odette na tumama sa Surigao del Norte, Dinagat Island, Cebu at Palawan.

Mahigit dalawang milyong pamilya ang apektado sa 11 rehiyon at 38 probinsiya sa malaking bahagi ng Visaya at Mindanao.

DOTr lumagda sa P142-B kontrata ng PNR Bicol project

Posted on: January 21st, 2022 by @peoplesbalita No Comments

Ang pamahalaan ng Pilipinas ay lumagda sa isang kontrata para sa pagtatayo ng unang bahagi ng Philippine National Railways (PNR) Bicol project.

Nilagdaan ng Department of Transportation (DOTr) ang P142 billion na kontrata na isang joint venture ng China Railway Group Ltd, China Railway No. 3 Engineering Group Co. Ltd at China Railway Engineering Consulting Group Co. Ltd na siyang mamahala sa design, construction at electromechanical works ng PNR Bicol project.

“For Chinese official development assistance projects, the contract comes first before a loan, unlike with the Asian Development Bank and Japan International Cooperation Agency where a loan comes first before a contract,” ayon sa DOTr.

Ang unang 380 kilometers ng PNR Bicol project ay magsisimula sa Banlic, Calamba sa Laguna at matatapos sa Daraga, Albay kung saan may 39 na lungsod at bayan, apat (4) na probinsiya at dalawang (2) rehiyon ang masasakupan at dadaanan.

Magkakaron ito ng 23 na estasyon, 230 na tulay, 10 passenger tunnels, at 70-hectare na depot na ilalagay sa San Pablo, Laguna.

“For our kababayans in the south who have dreamt of this project for so long, we are finally seeing the light of day. This milestone is a huge leap toward realizing this long awaited project – the PNR Bicol or the South Long Haul Project. We are grateful to our development partners from China for supporting us in this endeavor and believing that the Filipino people deserve an improved quality of life,” saad ni DOTr Secretary Arthur Tugade.

Dahil sa paglagda ng kontrata, ang DOTr ay maaari ng mag request sa Department of Finance (DOF) upang mag apply para sa loan mula sa China para mabigyan ng pondo ang nasabing proyekto. Ang DOF ang siyang maghahanda ng mga kailangan at sila rin ang magsusumite ng loan application sa China. Kapag naging matagumpay ang negotiation para sa loan, ang DOF ang siyang lalagda sa isang kasunduan kasama ang China.

“Generally, China may finance up to 85 percent of the contract amount, with the balance to be funded by local counterpart budget. The final terms of the loan, including the percentage that will be financed by China, will be subject to loan negotiations by the DOF,” dagdag ni DOTr undersecretary TJ Batan.

Ayon kay Batan, ang PNR Bicol ay magkakaron ng kabuohang 565 na kilometer railways na siyang magdudugtong sa Metro Manila at sa mga probinsiya sa katimugan ng Luzon hanggang Sorsogon at Batangas.

Mababawasan ang travel time sa pagitan ng Metro Manila at Bicol mula sa dating 12 oras sa paglalakbay sa lupa at magiging apat (4) na oras lamang.

“Passenger trains will run at a speed of up to 160 kilometers per hour, while freight trains will run at up to 100 kph. The project is expected to generate more than 5,000 direct jobs per year during the construction,” sabi ni Batan. LASACMAR

PDu30, oks na ipalabas ang P1.185 bilyong piso para sa special risk pay ng mga health workers

Posted on: January 21st, 2022 by @peoplesbalita No Comments

INAPRUBAHAN ni Pangulong Rodrigo Roa Duterte ang pagpapalabas sa P1.185 bilyong piso mula sa contingent fund ng gobyerno noong nakaraang taon para sa special risk allowance (SRA) ng mga health workers na hindi pa nakatatanggap nito.

Sinabi ni Senador Bong Go na ang P1.185 bilyong piso ay huhugutin mula sa 2021 Contingent Fund at gagamitin para bayaran ang SRA ng eligible health workers na direktang nag-aasikaso o may contact sa COVID-19 patients.

“Ang ating mga medical frontliners ay ang mga sundalo sa gyerang ito. Sila ang tinuturing nating bayani sa laban kontra COVID-19,” ayon kay Go, long-time aid ni Pangulong Duterte at chairman ng Senate health committee.

Sa ngayon, mahigit sa 496,000 health workers ang nabigyan ng kanilang SRA, ang iniulat ng Department of Health (DOH) sa pagdinig ng Mababang Kapulungan ng KOngreso, araw ng Martes, Enero 18.

“The SRA provided has amounted to a total of nearly P8 billion,” ayon kay DOH Assistant Secretary Maylene Beltran. (Daris Jose)

Ads January 21, 2022

Posted on: January 21st, 2022 by @peoplesbalita No Comments

Robredo, nangunguna sa mga Presidentiables na may magandang pro-poor program

Posted on: January 21st, 2022 by @peoplesbalita No Comments

NANGUNGUNA si Presidential aspirant Vice President Leni Robredo sa mga kandidatong may pinakamagandang plataporma para sa mga mahihirap sa bansa

Sa isinagawang Veritas Truth Survey sa tanong na kung sino sa mga presidentiables ang may ‘best pro-poor track record and platform of government’ 42-porsyento sa 2, 400 respondents ang sang-ayon sa mga programang ipinakikita ni Robredo.

Sinundan naman ito ni Ferdinand Marcos Jr. sa 25-percent, Sen. Panfilo Lacson 15-percent, Mayor Isko Moreno 12-percent habang kapwa nakakuha ng tig-isang porsyento sina Ka Leody De Guzman at dating Defense Secretary Norberto Gonzales habang apat na porsyento naman ang walang pinili sa mga kandidato.

Ayon kay Radio Veritas President Father Anton CT Pascual layunin ng survey na sukatin ang pagiging ‘servant leadership persona’ ng mga kandidato na may tunay na hangaring maglingkod sa bayan ng tapat at may pagmamalasakit sa nasasakupang mamamayan.

“This is at the core of our Catholic Values and Beliefs. Thus, we hope that this survey will help our presidential aspirants to look inwards in appreciation of genuine servant leadership to which our Catholic electorate looks forward to in these upcoming polls,” pahayag ni Fr.Pascual.

Nilinaw naman ni VTS Head Bro. Clifford Sorita na ang nasabing survey ay hindi voting preference kundi makita kung ano ang mas pipiliin ng mga Catholic Respondents batay sa mga mahahalagang usapin lipunan lalo na sa kahirapan.

“Like in previous surveys, this is not a voting preference survey. The goal of this survey is to create an ‘issue-based’ assessment of the presidential aspirants for the 2022 polls based on the perception of the Catholic Respondents of this survey. And, if this pro-poor agenda becomes a primary voting motivator for this upcoming poll then results of which can be duly correlated in due time. For now, our Veritas Truth Survey is being conducted vis-à-vis crucial social issues to which the Church has various advocacies and apostolate,” ani Sorita sa Radio Veritas.

Ginanap ang VTS nationwide survey noong December 1, 2021 hanggang January 15, 2022 sa pamamagitan ng text-based at online data gathering.

Patuloy namang pinaiigting ng Radio Veritas ang One Godly Vote campaign na layong matulungan ang 63-milyong botante na kilalanin ang bawat kandidato sa nalalapit na halalan sa Mayo 2022. (Bishop Jesus “Jemba” M. Basco)

Hard to tell yet- Herbosa

Posted on: January 21st, 2022 by @peoplesbalita No Comments

SINABI ni National Task Force (NTF) Against COVID-19 medical adviser Dr. Ted Herbosa na mahirap pang sabihin kung ang bagong pagbaba sa kaso sa National Capital Region ay simula na ng downward trajectory ng infections.

Tinanong kasi si Herbosa kung ang pagbaba ng kaso sa NCR ay nangangahulugan na ang surge dahil sa Omicron variant ay umabot na sa peak nito at ngayon ay nasa downward trend.

“Mahirap magsabi na ito na nga yung pababa. Although negative nga at bumababa because of the past two days mabilis pa nga yung pagbaba, hindi pa rin tayo nagre-relax. We are still cautious,” ang sagot ni Herbosa.

Aniya, tinitingnan nila ang one-week average daily attack rate at growth rate para i- assess ang trend ng COVID-19 cases.

Sa kabila ng pagbaba ng infections, nagbabala si Herbosa sa posibilidad na ang napaulat na COVID-19 cases noong nakaraang linggo ay magsisimulang maranasan ang problema at komplikasyon at dalhin sa mga ospital.

Dahil dito, ang mga ospital ay naghahanda na para sa ganitong sitwasyon.

Araw ng Miyerkules, sinabi ni OCTA Research fellow Dr. Guido David na ang weekly growth rate ng COVID-19 cases sa Kalakhang Maynila ay pumalo na sa -10%, nagpapakita ng downward trajectory.

Idinagdag pa nito na ang reproduction number sa Kalakhang Maynila ay bumaba na sa 1.79 mula sa 2.07.

“The pattern is very similar to the South Africa experience of a rapid surge followed by a dramatic decrease in infections,” ayon kay David.

Hiniling nito sa publiko na huwag maging kampante at ipagpatuloy lamang na gawin ang basic health protocols. (Daris Jose)

Gobyerno, target na gawing fully vaccinated ang 77 milyong Pinoy bago sumapit ang eleksyon sa Mayo

Posted on: January 21st, 2022 by @peoplesbalita No Comments

PIPILITIN ng gobyerno na mapagtagumpayan ang target nitong mabakunahan laban sa covid 19 ang 77 milyong adults bago pa sumapit ang pinaka-aabangan na May 9, 2022 elections.

Ang anunsyo na ito ni Acting Presidential Spokesperson at Cabinet Secretary Karlo Nograles ay matapos na isiwalat ng pamahalaan ang bago nitong target para protektahan ang mga botante na magpapartisipa sa halalan mula sa COVID-19.

Ani Nograles, gagawin lahat ng pamahalaan para makamit ang target nitong bilang ng pagbabakuna.

“Ito po ‘yung aming isusulong talaga na marating natin iyon,” ani Nograles.

“If not by the end of the first quarter [of] 2022, at least before the May elections na 77 million na target natin, kasama at kabilang na po doon ang adult population,” dagdag na pahayag nito.

Nauna nang nagtakda ang gobyerno na gawing fully vaccinated ang 54 milyong adult population bago matapos ang taong 2021. ang target ay nakamit lamang noong nakaraang linggo.

“As of January 18,” nakapagturok na ang pamahalaan ng 120,645,514 doses ng COVID-19 vaccines.

“So far, a total of 56,027,759 Filipinos have been fully vaccinated while 5,362,518 have received their booster shots,” ayon kay Nograles.

Sa kasalukuyan, patuloy na nakiikipagpambuno ang Pilipinas sa surge ng COVID-19 cases, posibleng nagatungan ng mas nakahahawang Omicron variant. Sa mga nakalipas na araw, ang bansa ay nakapagtala ng 30,000 cases daily.

Samantala, pinaalalahanan naman ng Malakanyang ang publiko na manatiling sundin ang minimum public health standards gaya ng tamang pagsusuot ng face mask, paghuhugas ng kamay at physical distancing.

Pinas, pinag-aaralang mabuti ang “best booster shot” para sa Sinopharm vaccinees

Posted on: January 21st, 2022 by @peoplesbalita No Comments

HINIHINTAY pa rin ng gobyerno ng Pilipinas ang data na gagamitin para sa rekomendasyon ng “best booster shots” para sa mga indibidwal na nakatanggap ng Sinopharm coronavirus vaccines bilang initial doses.

Sinabi ni Acting Presidential Spokesperson at Cabinet Secretary Karlo Nograles na wala pang sapat na impormasyon mula sa mga manufacturers ng bakuna sa kung ano ang brands ang maaaring gamitin bilang booster doses para sa mga nakakuha ng Chinese-made vaccine bilang kanilang primary dose series.

Maging ang Department of Health ay umamin na walang available na data maging sa “abroad and in the country and even from Sinopharm” ukol sa usaping ito.

Sa kabila nito, nagpapatuloy naman ang pag-uusap sa pagitan ng National Vaccination Operations Center (NVOC) at manufacturers ng Sinopharm.

“Tuloy-tuloy ang pakikipag-ugnayan at pakikipag-usap at paghingi natin ng additional data and information from the manufacturers ng Sinopharm para sa lalong madaling panahon ay makakapagbigay na ng abiso ang ating NVOC kung ano ung pinaka-mainam na booster shots para sa mga nakapag-kumpleto na ng two doses ng Sinopharm,” ayon kay Nograles.

Sa kabilang dako, nakatanggap na si Pangulong Rodrigo Roa Duterte ng Sinopharm bilang kanyang booster dose, kaparehong brand ng bakuna na itinurok sa kanya bilang kanyang primary series.

Wala naman itong naranasan na anumang masamang epekto.

“Wala naman pong masamang epektong naidulot sapagkat alam namin, again, itong mga bakuna ni Pangulong Duterte ay something between him and his personal physician,” aniya pa rin.