AFTER umugong ang tsismis na buntis ang Kapuso actress na si Winwyn Marquez, ang kanyang pag-amin ang inaabangan ng press.

Nangyari ang pag-amin sa presscon ng kanyang launching film.

“I am pregnant… Ang hirap din namang itago. I am actually in my second trimester. Medyo kabado kasi medyo hindi ako lumalabas masyado,” sabi ng 29-year-old actress sa grand presscon Nelia na official entry sa 2021 Metro Manila Film Festival.

Tungkol naman sa kanyang non-showbiz boyfriend, “He’s just a private person. May part naman na amin lang. Pero happy kami na we’re blessed for something we’re grateful for.

“Happy ako na finally nasabi ko na sa inyo… Ang hirap mag-lie.”

Masaya si Winwyn na positive ang reaction ng mga tao sa kanyang pregnancy at marami ang excited that she will be a mother soon.

Kwento pa ni Winwyn, naiyak ang parents niya na sina Alma Moreno at Joey Marquez. Sabi pa niya, matagal na raw siyang sinabihan ng kanyang daddy na gusto na nitong magkaroon ng apo.

Tinatanong pa nga ni Winwyn kung totoo ba ang kasabihan na may hatid na suwerte ang pagbubuntis. Siyempre gusto niya na maging successful ang Nelia.

Inamin nga niya na nape-pressure siya dahil alam niyang nakasalalay sa kanyang mga balikat ang success ng movie at mataas ang expectations ng mga tao sa kanya because she is the lead actress ng Nelia.

Pero gusto rin bigyan ng credit ni Winwyn ang kanyang co-stars na sina Raymond Bagatsing, Ali Forbes, Shido Roxas, Janah Javier, Juan Carlos Galano at Lloyd Samartino dahil sa ibinigay nilang suporta sa kanya.

Nelia is directed by Lester Dimaranan and produced by A & Q Film Productions nina Atty. Aldwin Alegre at Melanie Honey Quino.

***

TAMA ang sinabi ni Direk Jun Robles Lana na may ‘K’ or karapatan na manalo ng Best Actor si Christian Bables for his performance sa Big Night.

Umaapaw sa galing si Christian. After watching Big Night sa press preview, wala kaming maisip na ibang actor na kayang gumanap sa papel ni Dharna kundi si Christian. He was consistently good from start to finish.

At mahirap ang role niya as the gay beautician na napasama ang pangalan sa watch list and he needs 24 hours para malinis ang kanyang pangalan.

Matapang ang pelikula dahil it mirrors the events  sa ating society ngayon kung saan parang naging indifferent na tayo sa mga nagaganap sa ating paligid.

Bawat karakter sa movie as portrayed by Eugene Domingo, John Arcilla, Janice de Belen, Gina Alajar, Soliman Cruz, Nico Antonio, at si Christian represents someone in society na naging apathetic na sa nangyayari sa ating surroundings.

Mahusay ang ensemble acting at topnotch ang production values. Congratulations sa buong cast at sa mahusay na director.

***

MATAGAL nang gustong makatrabaho ni Janice de Belen si Direk Jun Lana.

Finally, natupad na rin ito sa Big Night, na entry sa 2021 Metro Manila Film Festival.

Kwela ang role ni Janice bilang komadrona na nagpapaanak kahit wala siyang lisensiya. Nakakatawa ang eksena na nagpapaanak siya ng dalawang buntis habang nilalandi naman ni Christian Bables ang asawa ng isang misis.

Hindi raw akalain ni Janice na ganoon ang kalalabasan ng eksena pero tawang-tawa siya when she read the script.

At dahil sinabi ni Direk Jun Lana na may sequel ang Big Night, agad tinanong ni Janice kung kasali siya rito. Sumagot naman ng yes si Direk Jun.

Tiyak na mapapansin si Janice ng MMFF jurors, pati na rin ang ibang co-stars niya sa film, dahil sa husay nilang lahat.

(RICKY CALDERON)

NOONG December 20, ang flight ni Asia’s Multimedia Star Alden Richards for the US para sa Christmas vacation na dalawang taon ding hindi niya nagawa. 

Sayang lamang at hindi na nakakuha ng visa ang ibang members ng family niyang lagi niyang kasama sa mga previous trip nila abroad.  Makakasama niya ang pinsang si April at mabibisita nila ang Kuya RD niya at ang sister ni Daddy Bae sa San Francisco.

Bago umalis si Alden ay nakapag-guest siya nang live sa Eat Bulaga last Saturday at nakapag-taping pa sila ni Maine Mendoza para sa kumu special edition ng segment nilang Bida First.

Last Sunday, December 19 nag-taping naman si Alden ng GMA New Year’s Countdown for December 31.

Lumabas na rin ang TV commercial nila ni Andrea Brillantes para sa Sting Energy Drink last Saturday na nagpapakita silang dancing a couple of viral dance trends sa TikTok account ng young actress, she shared a video of herself with Kuya Alden habang sumasayaw sa tune ng Earth, Wind & Fire’s classic na “Let’s Groove.”     May message pa si Andrea na, “Kuya Alden, wait mo ko for three years, hindi pala, five years, gagawa tayo ng isang project na magkatambal tayo.”

Mapapanood si Alden sa serye nilang The World Between Us na nasa three last weeks na, every night sa GMA-7.

***

NAGTAPOS nooong Linggo, December 19, ang grand finals ng GMA television reality singing competition na The Clash Season 4.

Kaya any day now ay aalis na ang isa sa panel judges na si Asia’s Nightingale Lani Misalucha, pabalik sa Las Vegas, Nevada, para doon na muna muling manatili kasama ang kanyang mga anak at apo.

Sa isang interview ng 24 Oras kay Lani, sinabi ni Lani na almost two years na siyang narito, dahil sa simula pa lamang ng The Clash, isa na siya sa mga judges, kasama ni Comedy Queen Ai Ai delas Alas at Asia’s Romantic Balladeer Christian Bautista.

Kung matatandaan, last year, hindi natapos ni Lani ang The Clash Season Three, dahil nagkaroon siya ng bacterial meningitis, na nawalan pansamantala ng pandinig ang right ear niya, kaya pinalitan muna siya ni Concert Queen Pops Fernandez.

      “I am praying na makaabot ako sa bahay namin sa Amerika bago mag-Pasko,” wika ni Lani.

“Sana walang maging aberya sa pagta-travel namin.  I cannot await to see my daughters, especially ang mga apo ko, iyong pinakabata sa kanila, 10 days old pa lamang ipinanganak nang umalis ako pabalik ng Pilipinas.”

May mga shows na raw siyang gagawin sa Amerika, pero mami-miss niya ang mga hosts na nakasama niya sa show na sina Julie Anne San Jose, Rayver Cruz, Ken Chan at Rita Daniela.

“Napamahal na sila sa akin, they are really, really nice people.  Mababait, masarasp katrabaho, wala silang yabang sa katawan.”

Bon voyage, Lani!

***

PERSONAL na naranasan ni Kapuso actor Tom Rodriguez ang galit ng bagyong Odette habang nasa Cebu siya last Friday.

Tom shared in his video sa Instagram habang pansamantalang pinalikas ang mga tao kasama niya sa isang hotel dahil sa lakas ng hangin at ulan.

Hindi binanggit ni Tom kung bakit nasa Cebu siya, pero ayon sa kanya may reception daw ng kasal na ginaganap doon.

“May kasal dito pero pinaakyat na lahat for everyone’s safety. Pinapunta na lahat sa ballroom.”

Para sa safety ng mga tao, nilagyan  daw ng wooden bar ang main entrance ng hotel bilang harang dahil sa sobrang lakas ng ulan at hangin, ngunit kalaunan ay nabali rin ito sa lakas ng hampas ng hangin.

“Bumukas… muntik mabasag, nabali yung harang na kahoy.”

Nahirapan din daw si Tom na maka-reply sa mga tumatawag sa kanya pati ang wife na si Carla Abellana dahil down ang mga phones and pero ipinaalam lamang na he’s okey at ligtas naman siya.

“I am in awe with the Cebuano’s spirit na nagkaisa lahat sa hotel to make sure the doors don’t give in para mag-flood sa loob at mag-cause ng panic. 

“We’re grateful sa mga kababayan natin dito na tumugon sa mga panganagailangan ng mga guests.”

(NORA V. CALDERON)