2021 December Archive - People's Balita

Archive for December, 2021

Kyrie Irving palalaruin na rin sa limited games ng Brooklyn Nets

Posted on: December 22nd, 2021 by @peoplesbalita No Comments

Inanunsiyo ngayon ng Brooklyn Nets na papayagan na rin nilang makalaro ang kontrobersiyal na All-Star guard na si Kyrie Irving.

Kung maalala mula nang magsimula ang NBA season ay hindi na nakalaro si Irving dahil sa mahigpit na patakaran ng New York laban sa mga players na hindi pa nagpapabakuna laban sa COVID-19.

Nilinaw naman ng Brooklyn na papayagan lamang nila si Irving bilang part-time player sa mga games na gagawin sa labas ng New York at Toronto.

Ginawa ng Brooklyn ang hakbang dahil na rin at umabot na sa pitong players ang hindi nakakapaglaro bunsod ng injuries at pag-quarantine sa mga ito kasama na ang isa pang superstar ng Nets na si James Harden.

Kabado rin ang koponan lalo na at sila ang top team sa Eastern Conference ay mawawala pa ang dating MVP na si Kevin Durant upang pagpahingahin muna.

Ang next road game ng Nets ay sa Dec. 24 laban sa Blazers.

Ads December 22, 2021

Posted on: December 22nd, 2021 by @peoplesbalita No Comments

ILANG KALSADA, DI PA RIN MADAANAN-DPWH

Posted on: December 22nd, 2021 by @peoplesbalita No Comments

NAG-ABISO sa mga motorista ang Department of Public Works and Highways (DPWH) na hindi pa rin maaaring madaanan ang walong kalsada habang limitado ang access ng limang pang kalsada dahil sa pagbaha, landslide, bumagsak na tulay at soil collapse o pagguho ng lupa.

Ayon sa Department of Public Works and Highways-Bureau of Maintenance (DPWH-BOM) ang mga saradong kalsada ay ang Puerto Princesa North Road, section sa Langogan Bridge at iba pang section sa Brgy Langogan, Puerto Princesa City sa Palawan;Daang Maharlika sa Southern Leyte; Misamis Oriental – Bukidnon – Agusan Road sa Brgy. Siloo at Brgy. San Luis. Malitbog, Bukidnon; Butuan City – Cagayan de Oro City – Iligan City Road, Old Mambayaan Bridge; Sta. Filomena – Bonbonon – Digkilaan, Rogongon Road; Sitio Salinsing, Brgy. Rogongon, Ilagan City; Dinagat-Loreto Road Mahayahay, San Jose, Dinagat Islands;Bayugan-Calaitan-Tandag Road sa Brgy. Sto. Nino, Bayugan City, Agusan del Sur; Bayugan-Esperanza Road, Brgy. Nato at Brgy Hawilian, Esperanza, Agusan del Sur.

Limitado naman ang access sa Anini-Y – T. Fornier – Hamtic Road, sa Antique, Jct. SH Impasug-ong – Patulangan By-Pass Rd, sa Bukidnon; Dinagat-Loreto Road , Mahayahay, San Jose, Dinagat Islands; NJR Bah-Bah-Talacogon Rd., sa Brgy, Lucena, Prosperidad, Agusan del Sur; at Butuan City-Pianing-Tandag Rd. Brgy. Anticala, Butuan City, Agusan del Norte.

Nasa 29 kalsada naman ang nalinis na at binuksan na ng DPWH Quick Response Teams mula sa Regional Offices at District Engineering Offices sa mga apektadong lugar simula December 16, 2021.

Ang partial cost ng pinsala sa public infrastructure ay nanatiling aabot sa P308.9 milyon. GENE ADSUARA

PDu30, nagtalaga ng Crisis Manager sa mga lugar na labis na hinagupit ng bagyong Odette

Posted on: December 22nd, 2021 by @peoplesbalita No Comments

PANGANGASIWAAN ni DSWD Secretary Rolando Bautista ang Crisis Management Group na tututok sa mabilis na paghahatid ng kailangang tulong para sa mga residenteng lubhang tinamaan ng nagdaang bagyong Odette.

Ayon kay Acting Presidential Spokesperson at Cabinet Secretary Karlo Nograles, partikular na pinatututukan ni Pangulong Rodrigo Roa Duterte kay Bautista ang Siargao, Dinagat Island at ang Surigao city.

Makakatulong ni Secretary Bautista si NDRRMC Executive Director Ricardo Jalad na kapwa tututok sa agarang paghahatid ng tulong sa mga sinalanta ng kalamidad.

Ani Nograles, nais ng Pangulo na maging paspasan ang pagpapadala ng tulong gaya ng tubig, food at non- food items gayundin ng kailangang tents.

Sinabi pa nito na magkakaroon na rin ng assessment sina Bautista at Jalad para sa posibilidad na pagsasagawa na ng food at cash for work. (Daris Jose)

203 bagong COVID-19 cases sa Phl naitala; 41 labs ‘di nakapagsumite ng datos – DOH

Posted on: December 22nd, 2021 by @peoplesbalita No Comments

Aabot lang sa 203 ang bilang ng bagong COVID-19 cases sa Pilipinas matapos na 41 laboratoryo sa bansa ang sinuspinde ang kanilang operations at hindi nakapagsumite ng datos dahil sa Bagyong Odette.

Sinabi ng Department of Health (DOH) na 395 pa ang gumaling sa sakit, at 64 ang nadagdag sa mga nasawi.

Ang active cases naman sa ngayon ay nasa 9,729 ang bilang, kung saan 42.9 percent ang mild o asymptomatic.

Sa kabuuan, mayroon na ang Pilipinas na 2,837,577 confirmed COVID-19 cases.

Sa naturang bilang, 2,777,109 ang gumaling na pero 50,739 naman ang namatay.

‘Hangin ni Odette, mala-washing machine’

Posted on: December 22nd, 2021 by @peoplesbalita No Comments

Mistulang ikot ng washing machine ang hangin ng Bagyong Odette.

Ito ang pagsasalarawan ni Jeffrey Crisostomo, public information chief ng Dinagat Islands nang hambalusin ni Odette ang lalawigan.

“Para siyang washing machine na paikot ka. ‘Di mo alam kung saan ka tatakbo kung matamaan ka ng ganu’ng klaseng hangin,” ani Crisostomo.

Kasunod nito, sinabi ni Crisostomo na 10 katao ang iniwang patay ni Odette habang nasa 90 hanggang 95 porsiyento naman ang mga bahay ang winasak.

Tinatayang nasa 128,000 katao ang naapektuhan.

Ang Dinagat Island ang ikalawang binayo ni Odette noong Huwebes matapos ang pananalasa sa Siargao Island.

Ayon kay Crisostomo, kailangan ng Dinagat Islands ng malinis na tubig at pagkain.

Sinisikap din nilang maibalik ang linya ng komunikasyon at kuryente sa Dinagat Islands upang mas maging madali at mabilis ang pagtugon at koordinasyon ng tulong sa mga nasalanta. (Daris Jose)

Relief goods lulan ng BRP Tubbataha nakatakdang ipamahagi

Posted on: December 22nd, 2021 by @peoplesbalita No Comments

Kaagad nang ipapamahagi sa mga apektadong pamilya sa Bohol ngayong araw ang mga relief supplies na dala ng BRP Tubbataha.

Ito ay matapos na makarating na sa Central Visayas ang naturang barko ng ulan ang 270 sako ng bigas, 37 piraso ng tarpaulin, apat na drum ng gasolina, apat na solar sets, dalawang generator sets, at kahun-kahong canned goods at instant noodels.

Kaagad din naman tinurn-over ang nasabing relief supplies sa Philippine Coast Guard District Central Visayas para kaagad din itong maibigay sa mga sinalanta ng Bagyong Odette sa Bohol ngayong araw.

Nauna nang naglabas ng direktiba si Pangulong Rodrigo Duterte na gamitin lahat ng assets at resources ng pamahalaan para makatulong sa agarang pagbangon ng mga pamilyang nabiktima ng Bagyong Odette.

P7.3-M halaga ng family food packs naipamahagi ng DSWD

Posted on: December 22nd, 2021 by @peoplesbalita No Comments

Aabot na sa P7.3 million halaga ng family food packs ang naipamahagi ng Department of Social Welfare and Development (DSWD) sa mga apektado nang pananalasa ng Bagyong Odette.

Sa Laging Handa public briefing, sinabi ni DSWD spokesperson Irene Dumlao na bukod sa mga family food packs mayroon ding P1.1 million halaga ng sleeping kits at beds na ipinamamahagi ang kanilang kagawaran.

Sa tulong ng Philippine Army at private shipping company ay naipahatid na ng DSWD ang mga family food packs sa mga probinsya ng Dinagat Islands at Siargao.

Bukod sa mga relief supplies na nanggagaling sa kanilang central office, sinabi ni Dumlao na mayroon ding mga stockpiles ang iba’t ibang opisina ng DSWD sa rehiyon.

Sa katunayan, ang kanilang opisina sa Region 9 at Region 12 ay nakapaghatid na rin ng augmentation sa mga field offices sa Caraga region.

Sa ngayon, patuloy aniyang namamahagi ang kagawaran ng mga family food packs sa mga apektadong residente sa Eastern at Western Visayas. (Daris Jose)

Lacson, Sotto, Magalong nagsanib vs hacking

Posted on: December 22nd, 2021 by @peoplesbalita No Comments

Dahil sa lumalalang problema sa cybersecurity at hacking, binigyang-tuon ni Partido Reporma chairman at standard-bearer Panfilo “Ping” Lacson at running mate niya na si Senate President Vicente Tito Sotto III, kasama ni Baguio City Mayor Benjamin Magalong ang paghahanap ng solusyon sa isyung ito na nambibiktima lalo na sa mga overseas Filipino worker.

Inimbitahan sina Lacson at Sotto sa Summer Capital of the Philippines nitong Biyernes para dumalo sa Youth Empowerment Forum ng Sangguniang Kabataan, matapos nito, nakipagpulong ang dalawang batikang mambabatas sa alkalde kung saan napag-usapan ang ‘smart city’ project ni Magalong.

Bumilib si Lacson sa programang ito ni Magalong lalo’t konektado ito sa layunin niyang magkaroon ng full digitalization para sa mga transaksyon ng pamahalaan na makatutulong para masugpo ang pangongotong at iba pang katiwalian sa gobyerno at mga isyu na may kaugnayan sa cybersecurity.

Giniit ni Lacson na kinakailangan ng suporta ng pamahalaan para sa research at development na makakapagpabuti sa serbisyo ng gobyerno, mga bangko at iba pang negosyo. Gayunman, sa kabila umano ng mga ipinasa nilang batas sa Senado at paglalaan ng pondo, hindi pa rin nakakamit ng mga Pilipino ang maayos na teknolohiya.

“Ang kalaban talaga dito corruption, ano. ‘Yung sa amin kasi, ‘pag na-solve natin ‘yung corruption sa government at least 50 percent of all our problems will be solved. Sinasadya e. We can fully digitalize our economy. Pati ‘yung mga business transactions, but they refuse, I don’t know why,” sabi ni Lacson.

Dahil na rin sa pagpapalakas ng digitalization sa Baguio City, pinuri ng Lacson-Sotto tandem ang naging maayos na pamamalakad ni Magalong na isa ring retired general. Para sa batikang mambabatas, ang ginagawa ng alkalde ay perpektong halimbawa ng isang magandang pamamahala. (Gene Adsuara)

Pedicab driver todas sa motor sa Navotas

Posted on: December 21st, 2021 by @peoplesbalita No Comments

NASAWI ang isang pedicab driver matapos aksidenteng mabangga ng isang motorsiklo habang tumatawid sa kahabaan ng Road-10 sa Navotas City, kamakalawa ng gabi.

Dead on arrival sa Navotas City Hospital sanhi ng tinamong pinsala sa ulo at katawan ang biktima na kinilalang si Dennis Pagulayan, 39 ng R-10, Brgy., NBBN Proper.

Nahaharap naman sa kaukulang kaso ang driver ng Yamaha Nmax motorcylce (630-ATF) na kinilalang si Manuel Maribojoc, 51 ng 5 Vincent St., B.F Road Quezon City.

Base sa report ni PSSg Levi Salazar kay Navotas police chief Col. Dexter Ollaging, dakong alas-7:45 ng gabi nang maganap ang insidente kahabaan ng Road-10, NBBS Proper.

Sa inisyal na imbestigasyon, tinatahak ni Maribojoc sakay ng kanyang motorsiklo ang naturang lugar patungong Malabon City nang aksidente nitong mabangga ang biktima na tumatawid sa lugar.

Matapos nito, isinugod ang biktima at ang driver ng motorsiklo sa naturang pagamutan subalit, hindi na umabot ng buhay si Pagulayan habang matapos naman magamot ang tinamong mga sugat ay dinala sa himpilan ng pulisya si Maribojoc. (Richard Mesa)