2021 November Archive - People's Balita

Archive for November, 2021

DILG, sinimulan ang Barangay Development Program sa Bulacan

Posted on: November 23rd, 2021 by @peoplesbalita No Comments

LUNGSOD NG MALOLOS – Pinangunahan ng Department of the Interior and Local Government ang groundbreaking ceremony ng mga development projects sa ilalim ng 2021 Local Government Support Fund-Support in Barangay Development Program ng National Task Force to End Local Communist Armed Conflict sa Sitio Suha, Brgy. San Mateo, Norzagaray, Bulacan kahapon.

Sa isang simpleng programa, sinabi ni DILG Reg. 3 Director Karl Caesar R. Rimando na pinondohan ng nagkakahalagang P20 milyon ang proyekto kabilang na ang Concreting of Farm-to-Market Road, Construction of Two Units of Health Center at Electrification Project.

Mabibigyan rin ang mga residente ng mga hayop na maaaring paramihin at pagkakitaan, mga pataba at mga binhi.

Samantala, pinasalamatan naman ni Gobernador Daniel R. Fernando ang DILG sa pagpili nito sa Brgy. San Mateo bilang isa sa mga benepisyaryo ng programa at pinaalalahanan ang mga Bulakenyo na ingatan at alagaan ang nasabing mga proyekto sa kanilang barangay.

“Lubos ang aking pasasalamat dahil isa ang Brgy. San Mateo sa napiling lugar dito sa Lalawigan ng Bulacan upang isagawa ang Barangay Development Program. Malaking tulong ito sa ating kapwa Bulakenyo sa Norzagaray, umpisa pa lamang ito ng pag-unlad. Karugtong nito, hinihiling ko lamang na ating alagaan at ingatan ang mga proyektong ipinagkaloob sa atin,” anang gobernador.

Itinatag ang Barangay Development Program (BDP) sa layuning maghatid ng kaunlaran sa mga komunidad sa bansa na dati ay may kaguluhan.

ALDEN, na-sad na ‘di kasama ang pamilya sa pagsi-celebrate ng Christmas, New Year at birthday sa Amerika; tuloy na ang lock-in shooting nila ni BEA

Posted on: November 23rd, 2021 by @peoplesbalita No Comments

SIMULA kagabi muling napapanood si Asia’s Multimedia Star Alden Richards at ang buong cast ng GMA Primetime series na The World Between Us, sa kanilang season returns.

Kaabang-abang ang new look ni Alden na tinawag na “Alden 2.0” dahil ibang-iba na ang character niya bilang si Louie Asuncion, na para na siyang isang high-class model, from a simple but smart guy to a business executive. Napangiti nga si Alden nang sabihin para na siyang isang Korean CEO.

Kaya ang tanong paano niya na-achieve ang new look niya?

“Majority po ng look ko ngayon, akin na po talaga yung isinuot ko, mula sa mga outfits ko at mga accessories, I really invest sa show, kasi I promised na kahit anong pwede kong maitulong, gagawin ko,” paliwanag ni Alden

“Nang mag-season break po kami ng serye, may three-year transition period ang character ko, kaya nag-slimming down ako, to give justice to the transition.

“Hindi po lamang naman ako, ganoon din sina Jasmine Curtis-Smith at Tom Rodriguez. Siguro po nakatulong din yung lock-in taping namin kaya nagkaroon kami lahat ng time to focus on it.

“Medyo mahirap, pero nang makita namin ang changes, nakaka-proud pong panoorin na iyong mga pinaghirapan namin ay may pinuntahan. Tutukan ninyo kami at 8:50 PM sa GMA-7.”

***

STIL on Alden Richards, balitang tuloy na ang lock-in shoot nila ni Bea Alonzo ng A Moment to Remember, na based sa hit 2004 Korean movie of the same title, pero ngayon, may bago na itong title na Special Memory.

Ito ang ipinahayag ni Viva Entertainment executive Vincent del Rosario, matapos nilang maghintay na maayos na ang pagsu-shooting nila dahil nabawasan na ang mga restrictions gawa ng pandemic, at magagawa na nila itong isang well-crafted movie.

Tungkol ito sa isang couple whose relationship would be tested when the wife gets diagnosed with early-onset Alzheimer’s disease.

Balitang magsisimula na silang mag-shooting ng December 1 hanggang December 20. Kaya tamang-tama naman na sa December 23 ang alis ni Alden papuntang San Francisco, to be with his Kuya RD.

Two years ding hindi nakabiyahe si Alden dahil sa pandemic, at ngayon lamang siya nakakuha ng time kaya susulitin na niya mag-rest after ng sunud-sunod na trabaho.

Sad nga lamang si Alden dahil kung dati every year ay kasama niyang nagbibiyahe ang family niya ng Christmas, this year ay hindi sila nakapag-renew ng visa kaya ang makakasama niya ay ang cousin niyang si April, who works in Siargao.

Doon na rin magsi-celebrate ng 30^th birthday niya si Alden sa January 2, 2022. Pagbalik niya ay magri-resume sila ng shoot ng movie ni Bea.

***

NATULOY na at nagsimula na ang lock-in taping ng first team-up nina Kapuso Primetime King Dingdong Dantes at Beauty Gonzalez, after ng Descendants of the Sun ni Dingdong at Stories of the Heart: Loving Miss Bridgette, ni Beauty.

Magtatambal sina Dingdong at Beauty sa “AlterNATE,” para sa second season ng drama anthology na I Can See You, kasama sina Joyce Ching, Bryan Benedict, Jackie Lou Blanco at Ricky Davao (na muling magtatambal after a long while).

The series is under the direction of Dominic Zapata, pagkatapos niyang idirek ang The World Between Us.

(NORA V. CALDERON)

Santo Papa, tinanggap ang mga credentials ng bagong Philippine envoy to The Holy See

Posted on: November 23rd, 2021 by @peoplesbalita No Comments

PORMAL nang umupo bilang bagong Philippine ambassador to The Holy See si dating Department of Foreign Affairs (DFA) Assistant Secretary Myla Grace Ragenia Macahilig.

Pinalitan ni Macahilig si Grace Relucio-Princesa, na nagsilbi bilang Manila’s ambassador to The Holy See mula September 2018 hanggang unang bahagi ng taon.

Sa social media accounts ng Vatican News, ipinaskil nito ang mga larawan ni Pope Francis na tinatanggap ang mga credentials ni Macahilig bilang hudyat ng opisyal na pagsisimula nito ng kanyang bagong gampanin bilang kinatawan ng Pilipinas sa The Holy See.

Matatandaang, noong nakaraang Hunyo ay kinumpirma ng Commission on Appointments ang nominasyon ni Macahilig na noong panahon na iyon ay Asec ng DFA.

Nabanggit ni Macahilig na ang kanyang ‘assignment’ sa The Holy See ay kanyang “first posting as ambassador.”

“This year is actually a very auspicious year for Philippines and the Holy See diplomatic relations. As everyone may remember, this is actually the 70th year of the establishment of diplomatic relations between the Philippines and the Holy See,” ang naging pahayag ni Macahili sa komisyon noong panahon na iyon.

“In addition, the Catholic Church in the Philippines is actually commemorating the 500th year of the introduction of Christianity to the country (this year),” aniya pa rin.

Si Macahilig ay nagsilbi sa DFA sa loob ng 23 taon. Ang huling naging posisyon nito ay bilang assistant secretary sa financial management services office ng DFA.

Nagtrabaho rin siya sa mga embahada ng Pilipinas sa New Zealand mula 2002 hanggang 2008, at United Kingdom mula 2012 hanggang 2018. (Daris Jose)

PDu30, pinakilos ang lahat ng ahensiya ng pamahalaan para suportahan ang Bayanihan Bakunahan” program

Posted on: November 23rd, 2021 by @peoplesbalita No Comments

INATASAN ni Pangulong Rodrigo Roa Duterte ang lahat ng ahensiya ng pamahalaan at mga instrumentalidad na ipaabot ang lahat ng posibleng suporta sa “Bayanihan Bakunahan” program na pinangungunahan ng Department of Health at Department of Interior and Local Government.

Ang aktibidad na tatakbo mula Nobyembre 29 hanggang Disyembre 1 ay naglalayong bakunahan ang 15 milyong Filipino sa 16 na rehiyon sa labas ng Kalakhang Maynila.

Sa kasalukuyan, may 32.9 milyong Filipino ang fully vaccinated laban sa COVID-19.

“The Bayanihan Bakunahan” project seeks to significantly add to this figure, as we have all seen evidence of how increased vaccination rates have contributed to the reduction of active COVID-19 cases and the drop in daily new COVID-19 cases,” ayon kay acting Presidential spokesperson at Cabinet Secretary Karlo Nograles.

Kaya nga, hinikayat ng pamahalaan ang mga hindi pa bakunadong mamamayang filipino na magpartisipa sa “Bayanihan Bakunahan” project upang mabigyan ng mga ito ang kanilang mga sarili at pamilya ng proteksyon at kapayapaan ng isipan dahil sa bakunag ituturok sa kanila.

Sa kabilang dako, pinasalamatan naman ng Malakanyang ang lahat ng nag-organisa ng mga tauhan at resources para pakilusin sa pagbabakuna sa mga mamamayang filipino.

Pinasalamatan din ni Nograles ang mga frontliners na ginagawa ang lahat ng kanilang makakaya para makapag-ambag sa tagumpay ng nasabing inisyatiba.

“Together, we can get the jabs done; together, we can beat COVID,” ayon kay Nograles. (Daris Jose)

“DRUG QUEEN” TIMBOG SA P13 MILYON SHABU SA MALABON

Posted on: November 23rd, 2021 by @peoplesbalita No Comments

MAHIGIT P13 milyon halaga ng shabu ang nasamsam ng mga awtoridad sa 23-anyos na bebot na binansagan ng mga pulis bilang “drug queen” matapos matimbog sa buy bust operation sa Malabon City, kamakalawa ng gabi.

Sa report ni Malabon police chief Col. Albert Barot kay Northern Police District (NPD) Director PBGEN Jose Hidalgo Jr., ang pagkakaaresto kay Herssie Ogoy ng Fatima Street Tulay 14, Brgy. Daang Hari, Navotas City ay nagmula sa impormasyon na ibinunyag ni Alejandro Blancaflor, 46, na unang naaresto ng mga pulis, kasama ng dalawa pa sa buy bust operation sa Don Basilio Blvd. Brgy. Dampalit dakong alas-6:20 ng Biyernes ng gabi.

Nang isailalim siya sa custodial debriefing, sinabi ni Blancaflor kay P/Lt. Alexander Dela Cruz, hepe ng Station Drug Enforcement Unit (SDEU) na nagmula sa isang alyas Herssie ang ilegal na droga na kanilang ibinenta sa isang police poseur-buyer, kasama ng 19 grams ng shabu na nakuha sa kanila na naging dahilan upang magsagawa ang mga operatiba ng panibagong buy-bust operation.

Nagawa ni P/Cpl. Paulo Laurenz Rivera na umaktong poseur-buyer, kasama si P/Cpl Ferdinand Danzal na nagsilbi bilang back-up na makipagtransaksyon ng P50,000 halaga ng shabu kay Ogoy sa Dalagang Bukid St. Brgy. Longos dakong alas-11 ng gabi na nagresulta sa pagkakaaresto sa suspek.

Narekober sa suspek ang dalawang malaking chinese tea bag at isang knot tied transparent plastic bag na naglalaman ng humigi’t kumulang sa 2 kilos at 50 grams ng hinihinalang shabu na may standard drug price P13,940,000, buy bust money na limang pirasong tunay na P1,000 bills at 45 pirasong boodle money, pulang eco bag at cellphone. (Richard Mesa)

Ads November 22, 2021

Posted on: November 22nd, 2021 by @peoplesbalita No Comments

DILG, LLP umapela sa Senado na ibalik ang tinapyas na P28.1-B BDP fund

Posted on: November 20th, 2021 by @peoplesbalita No Comments

KAPWA umapela sa Senado ang Department of the Interior and Local Government (DILG) at League of Provinces of the Philippines (LPP) na ibalik ang tinapyas na P28.1 bilyong pondo ng Barangay Development Program (BDP) para sa New People’s Army (NPA)-cleared barangays na ipinanukala ng National Task Force to End Communist Armed Conflict (NTF-ELCAC) sa 2022 budget.

“The Support to the Barangay Development Program (SBDP) is a game-changer in our battle to end communist terrorism in the country. Unti-unti nang nararamdaman ng mga naninirahan sa mga barangay na sakop ng SBDP ngayong taon ang tunay na kahulugan ng pagbabago at pagkalinga ng gobyerno na hindi nila naramdaman sa nakaraan dahil sa mga Komunistang Terorista ,” ayon kay DILG Secretary Eduardo M. Año.

Aniya, mayroon ng momentum sa paglaban sa communist terrorism at ang pagtapyas sa P28.1 bilyon ay makapagbibigay lamang ng “wrong signal” sa Local Government Units na umaasa sa mga nasabing development projects sa susunod na taon.

“We must remember that the battle against the CTGs (communist terrorist groups) is not just a battle of arms, it’s also a battle for the hearts and minds of our people,” ayon sa Kalihim.

Ito rin ang sinabi ng LLP sa kanilang 8th General Assembly passed Resolution No. 2021-009, sumusuporta sa anti-insurgency program ni President Rodrigo Roa Duterte at hinikayat ang Senado na aprubahan ng buo ang panukalang Support to the Barangay Development Program sa 2022 General Appropriations Bill.

“The full and continued implementation of the BDP needs to be pursued in order to bring about and sustain progress and development in these identified conflict-affected barangays that urgently need government support and assistance,” ayon naman kay LPP President and Marinduque Governor Presbiterio Velasco Jr.

Sinabi ni Año na ang mga panukalang proyekto sa ilalim ng SBDP ay pawang mga in-identify mismo ng mga residente “represent their collective aspiration towards genuine peace and development.”

“Cutting the proposed NTF-ELCAC budget next year will deprive these remote barangays of development and will make them vulnerable once more to the CTGs at a time when we have already gained significant strides in our whole-of-nation approach to defeat communist terrorism,” ayon kay Año.

“Mahigit 50 taon nang naghihirap at napag-iwanan ang ating mga kababayan na nakatira sa mga bulubundukin at malalayong lugar na dati ay pinamumugaran ng mga communist terrorist groups. Nakikiusap po tayo sa ating mga Senador na huwag ipagkait ang pagkakataong maramdaman nila ang pagmamalasakit ng gobyerno at malasap ang tunay pagbabago,” dagdag na pahayag nito. (Daris Jose)

Brgy Poblacion, Pulilan, iniuwi ang dalawang pangunahing parangal sa Ika-20 Gawad Galing Barangay

Posted on: November 20th, 2021 by @peoplesbalita No Comments

LUNGSOD NG MALOLOS– Wagi ang “Poblacion, Pagbangon, at Paghilom” ng Barangay Poblacion, Pulilan bilang isa sa limang parangal na Natatanging Gawaing Pambarangay, habang nanaig ang kanilang Kapitan Ryan P. Espiritu bilang Natatanging Punong Barangay sa ginanap na Ika-20 Gawad Galing Barangay sa Gitna ng Pandemya Awarding Ceremonies na ginanap online ngayong araw.

Kinilala rin sila bilang Hall of Fame awardee matapos magwagi ng Natatanging Gawaing Pambarangay nang tatlong sunud-sunod na taon simula 2018. Nag-uwi sila ng P100,000 perang papremyo at plake ng pagkilala, habang tumanggap si Kapitan Espiritu ng P30,000 perang gantimpala at plake ng pagkilala.

Kabilang sa apat pang nagwagi para sa Natatanging Gawaing Pambarangay na binigyan ng P100,000 perang insentibo at plake ng pagkilala bawat isa ang “Nagkakaisang Barangay! COVID-19 Kayang Labanan: Disiplina, Malasakit, at Bayanihan ang Nanguna” ng Tibig, Bulakan na binigyan rin ng Hall of Fame award; “Malasakit sa Pagbabago, Lambakin Panalo” ng Lambakin, Marilao; “Sa Panahon ng Pandemya, Walang Mahusay, Walang Magaling Basta Sama-sama nating Labanan ang COVID-19” ng Tigbe, Norzagaray; at “Plano, Aksyon, at Solusyon” ng Bunsuran 2^nd, Pandi.

Sinabi ni Presidential Adviser on Peace, Reconciliation and Unity at National Task Force against COVID-19 Chief Implementer at Vaccine Czar Kalihim Carlito G. Galverz, Jr. na ang susi sa epektibong pagpapatupad ng pinakamahuhusay na gawain laban sa COVID-19 sa lalawigan ay nakasalalay sa mga kawani ng barangay at lokal na pamahalaan.

“Ako po ay nagagalak sa napakahusay na pagtugon ng ating kapwa Bulakenyo sa pangangailangan ng ating mga kababayan sa gitna ng hamon na dulot ng pandemya na ito. Sa harap ng pagsubok na ating kinakaharap ay napatunayan ninyo ang inyong husay, tapang, at dedikasyon sa inyong sinumpaang tungkulin bilang mga lingkod bayan,” ani Kalihim Galvez.

Sa kanyang bahagi, binati at pinasalamatan ni Gob. Daniel R. Fernando ang lahat ng nanalo at sinabi na naging hindi malilimutan at makasaysayan ang pagbibigay ng parangal dahil sa isang taong pagpapaliban nito dahil sa krisis na dulot ng pandemya.

“Tayo pong lahat ay sinubok ng pandemyang tulad ng COVID-19 lalo na sa paglilingkod sa ating kapwa at bayan ngunit hindi po nahinto ang ating serbisyo at patuloy tayong nandyan. Mas nanaig ang tungkulin sapagkat tayo ay kinakailangang kumilos, kinakailangang gumanap sa responsibilidad, at kinakailangang mabilis ang pagresponde sa mga emerhensiya,” anang gobernador.

Samantala, nakuha ng Pinagkaisang Lakas ng Kababaihan ng Bunsuran I, Pandi ang Natatanging Volunteer Group kung saan nag-uwi sila ng P30,000 perang gantimpala at plake ng pagkilala; habang iniuwi ni Evangeline Bautista ng Panghulo, Obando ang Natatanging Kagawad ng Barangay at tumanggap ng P15,000 perang insentibo at plake ng pagkilala.

Kabilang sa iba pang nagsipagwagi sina Annalyn DC. Degoma ng Baka-bakahan, Pandi para sa Natatanging Ingat-Yaman ng Barangay, Joy Alelou S. Dela Peña ng Pandayan, Lungsod ng Meycauayan para sa Natatanging Kalihim ng Barangay, Edwin V. Lopez ng Lumangbayan, Plaridel para sa Natatanging Barangay Tanod, Jan Niño M. Tolentino ng Agnaya, Plaridel para sa Natatanging Barangay Training and Employment Coordinator, Manuel C. Garcia ng Parulan, Plaridel para sa Natatanging Barangay Health Worker, Rosemarie S. Lazaro ng Sapang, San Miguel para sa Natatanging Mother Leader, at Vilma M. Oronce ng San Miguel Calumpit para Natatanging Lingkod Lingap sa Nayon kung saan lahat sila ay tumanggap ng P10,000 perang gantimpala at plake ng pagkilala.

Sara tinanggap ang Chairmanship ng Lakas–CMD

Posted on: November 20th, 2021 by @peoplesbalita No Comments

Tinanggap ni Davao City Mayor Sara Duterte-Carpio ang alok ni Sen. Ramon “Bong” Revilla Jr. na maging chairman ng Lakas-CMD.

“I am honored to accept the Chairmanship of Lakas–CMD,” pahayag ni Sara.

Ang Lakas-CMD ay partido ni dating Pangulong Gloria Macapagal Arroyo na President Emeritus ng Lakas habang si House Majority Leader at 1stDistrict Leyte Rep. Martin Romualdez ang Presidente.

“In full support of Mayor Sara Duterte’s candidacy for Vice President, I am offering her my post as Chairman of Lakas-CMD,” sabi ni Revilla.

Ang pahayag ay ginawa ni Revilla ilang araw matapos na ampunin ng kanilang partido si Sara na tumatakbo na rin bilang Vice-President sa 2022 national elections.

Pahayag pa ni Revilla, buo ang kanyang tiwala at kumpiyansa sa liderato ni Sara at naniniwala na magtatagumpay ang kanilang partido dahil sa kanya sa 2022.

ALDEN, inamin na ang character sa ‘TWBU’ ang pinaka-special kaya nahihirapang bumitaw

Posted on: November 20th, 2021 by @peoplesbalita No Comments

MAY pa-surprise si Cassy Legaspi sa kanyang kakambal na si Mavy Legaspi.

Laging emotional si Carmina Villarroel sa tuwing magla-lock-in taping ang mga anak niya. Talagang kahit ikalawa, ikatlong beses na magla-lock-in ang mga ito, hindi pa rin niya mapigil ang pag-iyak.

Dumating na si Mavy mula sa lock-in taping ng kasalukuyang umeere sa GMA primetime na I Left My Heart in Sorsogon at first teleserye nito.

Pero pag-uwi niya ng bahay, ang mga magulang naman ang wala para personal siyang salubungin. Sina Carmina at Zoren Legaspi naman ang magkasamang naka-lock-in taping. Kasalukuyang nagte-taping ang mga ito ng GMA series na “The End of Us” na eere na ngayong December.

Wala man personally, pero feel sa post ni Carmina na malungkot ito na hindi nga nakita ang pagdating ng anak. Pero nagpasalamat kay Cassy sa pagigiging thoughtful daw sa kanyang kakambal.

Sey ni Carmina, “Welcome home kuya @mavylegaspi. Sorry we are not there to welcome you. Kami naman naka–lock-in ni Tatay. Congrats again to your first serye ever. Thank you @cassy for the balloons. You are so thoughtful.”

***

MAY sepanx as in separation anxiety raw na nararamdaman ang Asia’s Multimedia Star na si Alden Richards ngayong tapos na talaga silang mag-lock-in taping para sa season’s return ng The World Between Us.

Hindi lang si Alden kung hindi lahat halos sila sa cast at production.

Kaya sabi ni Alden, “Hindi pa, hindi pa tapos. Kasi, parang sanay na kapag natapos ang isang project, may cast party. Hindi pa natin nagagawa, kapag medyo okay na, we’ll have cast party. So for now, hindi pa tapos.”

Sa lahat daw talaga ng ginawang serye at role ni Alden, ang character niya sa TWBU daw ang pinaka-special sa kanya dahil isa raw ito sa talagang pangarap niyang gampanan. Kaya sabi ni Alden, parang matagal na raw siyang immersed sa role dahil noon pa, sa isip niya, nai-imagine na niyang talaga.

So, sa teaser nga na ipinapalabas, kapansin-pansin na nag-iba na siya bilang si Louie Asuncion. Version 2.0 nga raw na siyang dapat talagang abangan.

Sa isang banda, excited na rin si Alden dahil after almost two years, makakapag-travel na siya at sey niya, Christmas, New Year at Birthday niya ay sa U.S. daw niya ise-celebrate.

‘Yun nga lang, unlike before na nakakasama niya halos ang buong pamilya niya, ngayon daw ay hindi dahil hindi pa open ang embassy at sila lang ng pinsan niya ang may U.S. visa na.

(ROSE GARCIA)