2021 November Archive - People's Balita

Archive for November, 2021

Launching ni BEA bilang Calendar Girl, mabilis na nag-trending sa socmed; tinanggihan noong unang i-offer

Posted on: November 27th, 2021 by @peoplesbalita No Comments

MABILIS na nag-trending sa social media ang launching ng Kapuso actress na si Bea Alonzo as the new Tanduay Calendar Girl for 2022.

Sa interview kay Bea, hindi pala first time na nag-offer sa kanya ang produkto na maging calendar girl nila, pero hindi niya tinanggap dahil parang hindi pa iyon ang right time for her.

But this time, tinanggap na niya ang offer na maging Calendar Girl na ginawa ang online event titled ‘The Perfect Match.’

Early 2021 ay inihanda na ng ace photographer na si Marc Nicdao at ng glam team ni Pam Quiñones ang shoot, at si Bea, on her part, dumaan na rin ng slimming process para mas mapaganda pa ang body niya.

Ang location shoot ay ginawa sa isang farm at nag-lock in sila roon for four days. (Ang farm kaya ni Bea sa Zambales ang ginamit nila sa photoshoot?)

Ayon pa rin kay Bea, hindi raw matatapos sa pagiging Calendar Girl 2022 lamang ang contract niya sa kanila, dahil may iba pa siyang projects na gagawin. Nai-shoot na rin ni Bea ang TVC nito na mapapanood na rin anytime soon.

***

ISA pang nag-trending last Monday, November 22, ay ang pagbabalik ng GMA Primetime series na The World Between Us nina Alden Richards, Jasmine Curtis-Smith, Tom Rodriguez, matapos ang season break nila.

Umani ito ng papuri dahil ibinalik ni Direk Dominic Zapata ang ilang ‘di malilimutang eksena sa simula ng story, hanggang sa season break nila.

Ngayon, kaabang-abang na kung paano ililigtas ni Louie (Alden) ang sarili sa mga kasalanang hindi niya ginawa, gabi-gabi after I Left My Heart in Sorsogon sa GMA-7.

***

KAGABI ang 25th anniversary celebration ng gag-comedy show na Bubble Gang.

Nag-try pala ang creative director na si Michael V na maimbita ang mga dating miyembro ng show, like Ogie Alcasid na matagal ding naging host ng show pero nasa kabilang istasyon na siya.

“There was an attempt,” sabi ni Bitoy,

“We did our best, but along the way, nagkaroon ng dahilan para hindi magawa yung mga na-envision namin.”

Hindi pa rin kasi sila makapag-tape na lahat sa studio, may mga work from home pa rin, dahil nag-iingat sila, tulad ni Bitoy. Kaya simple celebration lamang muna ang gagawin nila ngayon.

Once daw na nakabalik na sila sa new normal, mas marami na silang bagong maihahain sa kanilang mga viewers tuwing Friday evening sa GMA-7.

***

SA London na nga kaya titira ang actress na si Bela Padilla?

Instagram post niya: “So, I moved to London a few months ago. And I tried to find my footing first before sharing what it’s really like now. I’m ready to let you into my life and will tell you more about it.”

Si Bela ay British-Filipina. May Swiss boyfriend siya, si Norman Bay.

Iiwanan na kaya ni Bela ang showbiz?

(NORA V. CALDERON)

Probe vs ‘cocaine user’ tuloy – PNP

Posted on: November 27th, 2021 by @peoplesbalita No Comments

Tuloy ang imbestigasyon sa isyu ng ‘cocaine user’ bagama’t nagboboluntaryo sa drug test ang mga presidential aspirants.

Ayon kay PNP chief, Gen Dionardo Carlos, idodokumento lamang nila ang resulta ng drug test na magsisilbing ehemplo sa publiko.

Aniya, kailangan nilang imbestigahan ang alegasyon na nag-uugnay sa isang kandidato sa iligal na droga.

Dagdag pa ni Carlos, suportado naman nila ang drug test kahit na hindi ito mandatory sa mga kumakandidato. Nakahanda aniya ang Forensic Group sa mga nagnanais na sumailalim sa drug test.

Matatandaang ibinunyag ni Pangulong Duterte na may presidential aspirant na gumagamit ng ‘cocaine’. Hindi naman pinangalanan ng Pangulo ang presidentiable.

Una nang sumailalim sa drug test ang tandem nina Senator Ping Lacson at Tito Sotto na nagnegatibo.

Kahapon ay sumulat din sa Philippine Drug Enforcement Agency si Manila Mayor Isko Moreno kaugnay ng kahandaan nito na sumailalim sa drug test. Sa kanyang liham sa PDEA sinabi ni Moreno na kailanman ay hindi siya tumikim ng cocaine, shabu at ecstasy.

Lunes naman nang ihayag ni dating Senator Bongbong Marcos na sumailalim siya sa drug testing sa isang private hospital at negatibo ang resulta. (Daris Jose)

Suspendido ang operasyon ng LRT 1 sa Nov. 28

Posted on: November 27th, 2021 by @peoplesbalita No Comments

Hinto muna ang operasyon ng Light Rail Transit Line 1 (LRT1) sa November 28 dahil sa gagawing paglilipat sa bagong signaling system ayon sa Light Rail Manila Corp. (LRMC).

Hindi lamang sa November 28 kung hind isa darating na Jan. 23 at 30 ay hinto rin muna ang operasyon ng LRT1 upang matapos na ang kailangan paglilipat sa bagong signaling system.

Ang LRMC at ang kanilang contractor ay nakatakdang magsagawa ng sunod-sunod na test runs sa nasabing rail system upang malaman ang kahandaan ng bagong signaling system.

“Railway signaling is a system used to direct railway traffic and keep trains clear of each other at all times to ensure smooth and safe operations,” wika ng LRMC.

Ginagawa ang upgrading ng LRT 1 sa bagong Alstom signaling system upang makayanan ang commercial use ng fourth generation train sets ng kasalukuyang system. Ang mga bagong train sets ay nakatakdang gamitin sa kalagitnaan ng susunod na taon upang makumpleto ang safety checks, inspections at iba pang kinakailangan test runs.

“We look forward to the developments lined up for the LRT 1 in 2022. The migration to the new signaling system underscores LRMC’s commitment in modernizing the railway system and delivering better service to our customers,” saad ni COO Enrico Benipayo.

Kung kaya’t hinihingi nila ang pangunawa ng mga pasahero at publiko dahil sa pansamantalang inconvenience na mararanasan ng mga pasahero subalit tinitiyak ng LRMC na magiging beneficial ang kanilang gagawin sa darating na panahon.

Noong pang nakaraang January nagsimulang dumating ang batches ng fourth generation train sets. Bawat Gen-4 train set ay may four (4) light rail vehicles (LRV) na may total capacity na 1,300 na pasahero kada takbo.

Samantala, may kabuohang 30 train sets o 120 na LRVs na galing sa Spain at Mexico ang nakatakdang dumating hanggang sa June ng susunod na taon na gagamitin sa LRT 1 system at ganon din para sa pagbubukas ng Cavite Extension project.

Ang LRMC ay isang consortium ng MPIC’s Metro Pacific Light Rail Corp, Ayala’s AC Infrastructure Holdings Corp. at Macquarie Infrastructure Holdings PTE Ltd, na siyang nag take over sa management ng LRT Line 1 noong 2015. LASACMAR

Mga recovered patients, partially vaccinated payagang kumain sa mga resto- NTF adviser Herbosa

Posted on: November 27th, 2021 by @peoplesbalita No Comments

DAPAT ding payagang kumain sa mga restaurants ang mga indibidwal na naka-recover mula sa COVID-19 at iyong mga partially vaccinated dahil sa medical conditions.

Ito ang pahayag ni National Task Force Against COVID-19 medical adviser Dr. Ted Herbosa matapos sabihin ni Pangulong Rodrigo Roa Duterte na dapat i-ban ang mga unvaccinated individuals na pumasok sa mga restaurants at establisimyento dahil maaaring maka-kontamina ang mga ito sa iba.

“Kung ikaw ay nagka-COVID, na-ICU, kahit ikaw ay hindi ka vaccinated, may antibodies ka, so safe rin ako kasama yung mga ganoon. Ang third… yung mga hindi nabakunahan because may allergy sila,” ayon kay Herbosa sa Laging Handa briefing.

“So idadagdag ko ‘yun. Fully vaccinated, natural immunity sa dating inpeksyon, at those that cannot be vaccinated because of some medical condition,” dagdag na pahayag ni Herbosa.

Samantala, suportado naman ni Herbosa na payagan ang mga unvaccinated individuals sa “outdoors” para mapigilan ang pagkalat ng virus.

“I’m sure yang mga restaurant na yan ay nag offer ng al fresco or open air for the unvaccinated. So kung ang kanilang lugar ay closed lang, I think It is safe policy na i-allow lang yung mga vaccinated para may proteksyon yung mga kliente nila,” aniya pa rin. (Bishop Jesus “Jemba” M. Basco)

Ads November 27, 2021

Posted on: November 27th, 2021 by @peoplesbalita No Comments

NTC sa publiko: Huwag i-click ang links, magbigay ng personal data sa mga natatanggap na spam messages

Posted on: November 27th, 2021 by @peoplesbalita No Comments

Pinag-iingat ng National Telecommunications Commission (NTC) ang publiko sa mga natatanggap na spam messages.

Ayon kay NTC Deputy Commissioner Edgar Cabarrios, huwag na dapat buksan pa ang link na nakapaloob sa spam messages na ito.

Bukod dito, hindi rin dapat magbigay ng personal data ang sinuman sa mga links na kanilang matatanggap.

Sa ngayon, sinabi ni Cabarrios na inaatasan na nila ang mga telecommunications companies na magpadala ng advisories sa kanilang mga subscribers na huwag paniwalaan at pansinin pa ang spam messages na kanilang matatanggap mula sa mga hindi kilalang numero.

Magugunita na sa mga nakalipas na linggo ay usap-usapan ang pagdami ng mga spam messages na natatanggap ng publiko na nag-aalok ng trabaho na may malaking pasahod.

Nauna nang sinabi ng National Privacy Commission na kanilang natukoy na nagmula sa international syndicates ang naturang mga spam messages gamit ang mga prepaid numbers. (Daris Jose)

ANDREA, naniniwala na kailangang i-maintain ang ‘well-balanced and healthy lifestyle’; honored na napiling endorser ng Beautéderm

Posted on: November 27th, 2021 by @peoplesbalita No Comments

SA last quarter ng 2021, may pasabog na naman ang patuloy na nangunguna na Beautéderm Corporation at pinagsisigawan na ‘take charge of your health’.

Sa pamamagitan ito ng REIKO and KENZEN Beautéderm Health Boosters, na isang essential line ng mga health supplements na ine-endorse ng newest ambassador na si Andrea Brillantes.

Isa si Andrea sa pinaka-accomplish na homegrown young actresses ng ABS-CBN at impressive ang kanyang body of work na kinabibilangan ng mga top-rating teleserye na tulad ng Annaliza, Pangako Sa ‘Yo, Kadenang Ginto, at ang katatapos lamang na inspirational, primetime drama na Huwag Kang Mangamba.

Kasama rin ang mga notable appearances sa mga pelikula gaya ng Crazy Beautiful You, Everyday I Love You, Banal, The Ghosting, The Mall, The Merrier, at sa action thriller na On The Job: The Missing 8.

“Tagahangga po ako ng Beautéderm na isang kumpanya na maraming natutulungan na tao,” sabi ni Andrea.

“Karamihan po sa mga kaibigan ay brand ambassadors ng Beautéderm and it is such a dream come true for me now that I am officially part of the family. A well-balanced and healthy lifestyle are very important to maintain nowadays at honored ako na napili ako ni Ms. Rei para i-represent ang REIKO and KENZEN Beautéderm Health Boosters.

“With REIKO and KENZEN Beautéderm Health Boosters, I am able to take charge of my health confidently as these essential supplements are providing me with the energy and extra protection every day. Excited po ako i-share ang REIKO and KENZEN Beautéderm Health Boosters sa lahat.”

Ang REIKO and KENZEN Beautéderm Health Boosters ay binubuo ng pitong FDA-notified at all-natural health supplements na kinabibilangan ng KENZEN Bacopa Monniera + Centella Asiatica (Memory Booster) MeMax, na mayroong Phosphatidylserine, Bacopa Monniera, Centella Asiatica, at Lutein at pati na rin ng Silicone Dioxide Starch, Stearic Acid, at Calcium – na kilala sa kakayanan nitong mag-boost ng brain function, mag-enhance ng memory function, at mag-prevent ng memory loss; KENZEN BioDopa + Rosemary (Energy Booster) VivaGen, na mayroong Mucuna Pruriens extracts, Rosemary, at Maca and Guarana extracts – na tumutulong sa pagpapababa ng stress at sa pag-maintain ng physical at psychological vitality; KENZEN Vitamin C + Zinc (Immunity Booster) Z Plus – na mayroong Vitamin C o ascorbic acid at pati na rin ng Zinc na mahalaga sa growth, development, at repair ng lahat ng mga body tissues; REIKO Valeriana Officinalis + L-theanine (Sleep Enhancer) SomNest, Valeriana Officinalis extracts, 98% L-theanine, at GABA (Gamma Aminobutyric Acid) na lahat ay mainam para sa insomnia; REIKO Vitamin D + Grape Seed (Sun Protection Enhancer) PrestoSol, na mayroong Vitamin D, Grape Seed extracts, Amla extracts, at Rosemary extracts; REIKO Coffee Bean + Salacaia (Diet Enhancer) Slimaxine mayroong Coffee Bean extracts, Salacia extracts, at Ginger extracts; at REIKO Andrographis + Ginger (Digestion Enchancer) Fitox, na mayroong Andrographis at Ginger Plus Curcumin na nagpipigil sa mga flu viruses na kumapit sa cells ng katawan at isa ring natural appetite suppressant habang kinokontrol ang sugar levels respectively.

Ang lahat ng ito ay masusing pinormula upang makapagbigay ng pang-araw araw na optimum wellness na tumutulong palakasin ang overall wellbeing ng bawat tao lalo na ngayon kung saan ang maayos na pamumuhay ay binibigyang kahulugan ng isang holistically sound physical, emotional, at mental conditions.

Karapat-dapat ding banggitin na ang launch ng REIKO and KENZEN Beautéderm Health Boosters ay bahagi ng on-going 12th anniversary celebration ng Beautéderm na nagsimula noong Agosto 2021 at kasabay rin nito ang pagdiriwang ng kaarawan ng President and CEO ng kumpanya na si Rhea Anicoche-Tan ngayong Nobyembre.

“My team and I have been working on REIKO and KENZEN Beautéderm Health Boosters for over a year now at ang aking plano ay mai-launch ito in time for the 12th anniversary of the company at ng birthday ko na rin,” sabi ni Rhea.

“Maraming naituro ang pandemic sa atin, that we should be grateful for all the many blessings God continues to shower to all of us, na mahalaga ang pamilya, at dapat nating alagaan ang ating kalusugan.

“We need to boost our immune system and take care of not just of our bodies but also our minds as well. Ang REIKO and KENZEN Beautéderm Health Boosters ang aking maliit na contribution para siguraduhin ko na nasa tamang kalusugan ang lahat. I welcome Andrea to the family as she is an amazing addition to the gang.

“Sang-ayon ako sa kanya na kailangan nating i-maintain ang isang balanced at healthy na lifestyle. Ang REIKO and KENZEN Beautéderm Health Boosters ay para sa lahat at sa wakas, matapos ang aming hard work, nandito na ito!”

Para sa karagdagang impormasyon ukol sa REIKO and KENZEN Beautéderm Health Boosters at kapana-panabik na updates kay Andrea Brillantes at sa Beautéderm, sundan ang @beautédermcorporation sa Instagram at TikTok; at @beautedermcorp sa Twitter; i-like ang Beautéderm sa Facebook; at mag-subscribe sa Beautéderm TV sa YouTube.

(ROHN ROMULO)

P576K halaga ng marijuana nasabat sa Malabon, 4 timbog

Posted on: November 27th, 2021 by @peoplesbalita No Comments

SHOOT sa kulungan ang apat na hinihinalang drug personalities, kabilang ang isang bebot matapos makuhanan ng halos P.6 milyon halaga ng shabu sa isinagawang buy bust operation ng pulisya sa Malabon City, kamakalawa ng gabi.

Kinilala ni Malabon police chief Col. Albert Barot ang naarestong mga suspek na sina Prea Enate, 21, ng Caloocan, Lyndon Regino alyas “Dodong”, 27 ng Brgy. Tonsuya, Mark Carlo Fortes, 20 ng Navotas city, at Jarwin Gamalog alyas “Aweng”, 20 ng Caloocan city.

Ayon kay Col. Barot, dakong alas-7:30 ng gabi nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Alexander Dela Cruz ng buy bust operation sa Salinas St., Brgy. Longos.

Nagawang makipagtransaksyon ng isang pulis na nagpanggap na buyer kay Enate at Regino ng P16,000 halaga ng marijuana.

Nang tanggapin ng mga suspek ang marked money mula sa poseur buyer kapalit ng isang brick ng marijuana ay agad silang sinuggaban ng mga operatiba, kasama si Gamalog at Portes.

Nakumpiska ng mga operatiba sa mga suspek ang tinatayang nasa 4.800 grams ng hinihinalang pinatuyong dahon ng marijuana na may standard drug price P576,000, buy bust money na isang tunay na P1,000 at 16 pirasong boodle money, motorsiklo, back pack bag, green plastic bag at eco bag.

Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002. (Richard Mesa)

Booster shots sa healthcare workers sa Quezon City, lumarga na

Posted on: November 27th, 2021 by @peoplesbalita No Comments

Umarangkada na rin ang pagbibigay ng booster shots ng Quezon City government sa mga healthcare workers kahapon.

May inisyal na 5,000 healthcare workers at non-medical personnel sa health facilities ang bibigyan ng booster shots mula kahapon hanggang sa Biyernes sa ibat- ibang vaccination sites sa Rosa Susano Elementary School, Pinyahan Elementary School at Don Alejandro Roces Science Technology High School.

Ang pagbabakuna sa A1 Priority Group ay magpapatuloy sa susunod na mga araw.

“Our healthcare workers are the first ones to receive the vaccines when we first launched it in March. Since they are consistently exposed to the virus due to their work, it is important that they be given booster shots for additional protection,” pahayag ni QC Mayor Joy Belmonte.

Sa ilalim ng panuntunan ng Department of Health, ang booster doses ay ibibigay lamang sa nabakunahan na ng second shots ng may anim na buwan o sa pagitan ng buwan ng Abril at Mayo.

Ngayong darating na weekend, ang QC-based tertiary hospitals ay magsisimulang bakunahan ang kanilang medical at non- medical staff.

Marc Pingris hindi pa tuluyang nagretiro sa paglalaro ng basketball

Posted on: November 27th, 2021 by @peoplesbalita No Comments

Hindi pa tuluyang nagretiro sa paglalaro ng basketball si PBA star Marc Pingris.

Inanunsiyo kasi ng Nueva Ecija Rice Vanguards na pumirma sa kanila ang nine-time PBA champion para sa 2021 Chooks-to-Go Maharlika Pilipinas Basketball League Invitational Cup.

Gaganapin ang torneo mula Disyembre 11 hanggang 23, 2021.

Sinabi ni Rice Vanguards head coach Charles Tiu na labis silang nagagalak sa pagpayag ni Pingris na sumali sa kanilang koponan.

Magugunitang noong Mayo ay nagdesisyon ang 40-anyos na si Pingris na magretiro sa paglalaro sa PBA matapos ang 17 taon.