2021 November Archive - People's Balita

Archive for November, 2021

3-day national COVID-19 vaccination drive, handa na kahit kulang pa ng volunteers – NTF

Posted on: November 30th, 2021 by @peoplesbalita No Comments

All set na ang pamahalaan para sa pagsisimula ng tatlong araw na national vaccination drive simula bukas, Nobyembre 29.

Ito’y kahit 51,000 pang volunteers ang kulang ayon kay National Task Force Against Coronavirus Disease 2019 (NTF – COVID-19) spokesperson Restituto Padilla.

Kasabay nito ay iginiit ni Padilla na kailangan pa rin ng pamahalaan ng mas maraming volunteers na tatao sa mahigit 6,000 active vaccination sites at posibleng 5,000 na mas maliit na sites na maaaring idagdag.

Mismong ang Department of Health (DOH) na rin aniya ang nagsabi na kailangan pa rin ng karagdagang mga volunteer na makakasama ng 18,000 na kumpirmado nang sasali sa tatlong araw na bakunahan.

Nauna nang sinabi ng DOH na nangangailangan sila ng nasa 160,000 volunteers para sa vaccination drives na kabibilangan ng mga health screeners, post-vaccination monitoring personnel, health educators, registration personnel, data consolidators, encoders, at vaccinators mismo.

Bilang bahagi ng solusyon, sinabi ni Department of the Interior and Local Government (DILG) Undersecretary at spokesman Jonathan Malaya na inatasan na ni DILG Secretary Eduardo Año ang mga local government units na gamitin ang kanilang contact tracers para tumulong.

Ang mga may medical background ay papayagang makapagbakuna habang iyong mga non-medical personnel naman ay itotoka sa data management. (Daris Jose)

PDu30, iginiit ang Asia-Europe partnership para sa mas malakas na socioeconomic recovery

Posted on: November 30th, 2021 by @peoplesbalita No Comments

IGINIIT ni Pangulong Rodrigo Roa Duterte ang pagtutulungan ng Asya at Europa para sa inclusive socioeconomic recovery base sa prinsipyo ng “justice, fairness, and equality” upang matugunan ang hamon na bitbit ng coronavirus (COVID-19) pandemic.

Inihayag ito ni Pangulong Duterte sa Second Plenary Session ng 13th Asia-Europe Meeting (ASEM) Summit sa Malakanyang, araw ng Biyernes, Nobyembre 26.

Sa naging mensahe ng Pangulo, sinabi nito na ang pagkagambala na dala ng COVID-19 pandemic sa vulnerable countries, binanggit din ng Pangulo ang salungat na pakinabang sa economic growth at poverty reduction habang ang nangyayaring recovery mula rito ay tila unequal o hindi pantay.

“COVID-19 has affected us all, but the recovery is unequal. This cannot be attributed only to lapses in domestic policy, but also to structural constraints in the global economy,” ayon sa Pangulo.

“We need more multilateral action to address these constraints. Our ultimate goal is to speed up more economic exchanges and people mobility in the new normal,” dagdag na pahayag ng Punong Ehekutibo.

Dahil dito, muling nanawagan ang Pangulo para sa pagpapatuloy ng negosasyon ng Free Trade Agreement (FTA) kasama ang European Union (EU).

Ayon sa Pangulo, “robust economic relations between the Philippines and the EU will lift millions of Filipinos out of poverty.”

Hiniling naman nito sa regional bloc na bigyan ang mga Filipino ng “chance at a life of dignity.”

Hinikayat din ng Chief Executive ang ASEM partners na i- renew ang kanilang suporta para sa bukas at patas na trading system sa ilalim ng World Trade Organization (WTO).

Inulit din ng Pangulo na kahalagahan ng pagpapatuloy ng safe cross-border travel para buhayin ang ekonomiya.

Ipinanukala rin ng Pangulo na i- adopt ang scientific, non-discriminatory, at World Health Organization (WHO)-compliant framework ukol sa vaccine certificate recognition.

Muling nanawagan ang Pangulo para sa “equal vaccine access” at binigyang diin na ang geopolitics ay walang gampanin sa vaccine availability at supply.

Tinukoy din ng Pangulo na ang mga ASEM stakeholders ay kailangan na hindi lamang tumutok sa recovery kundi dapat ay ituon din ang pansin sa “preparedness and resiliency.”

Ang 13th ASEM Summit ay nag-adopt ng 3 outcome documents na kinabibilangan ng ASEM13 Chair’s Statement, Phnom Penh Statement on the Post-COVID-19 Socio-Economic Recovery, at Way Forward on ASEM Connectivity.

Itinatag noong 1996, ang ASEM ay isang informal platform para sa political dialogue at cooperation, kung saan ay pinagsama ang 53 partners. Kinabibilangan ito ng 51 partner countries at organizational partners, ang EU at ang ASEAN. (Daris Jose)

Ads November 29, 2021

Posted on: November 29th, 2021 by @peoplesbalita No Comments

Mga empleyadong magpapabakuna sa 3 day national vaccination event, hindi mamarkahan ng absent

Posted on: November 27th, 2021 by @peoplesbalita No Comments

HINDI mamarkahan ng “absent” ang mga empleyado na magpapabakuna laban sa Covid-19 sa isasagawang 3-day national vaccination event sa Nov. 29-Dec. 1.

Kailangan lamang na magpakita ng “proof of inoculation” ang mga empleyadong magpapabakuna laban sa nasabing virus.

Tinintahan kasi ni Pangulong Rodrigo Roa Duterte ang isang kautusan na nagsasaad na ang mga empleyado na makatatanggap ng COVID-19 shots sa isasagawang 3-day national vaccination event sa Nov. 29-Dec. 1 ay hindi mamarkahan ng absent subalit kailangang magpakita ng pruweba na binakunahan nga sila.

Nauna rito, idineklara naman ni Pangulong Duterte ang November 29, 30 at December 1 bilang Bayanihan, Bakunahan National COVID-19 Vaccination Days.

Ito ang nakasaad sa ilalim ng Proclamation 1253 na ipinalabas ni Pangulong Duterte araw ng Miyerkules kung saan ay pinapayagan ang public at private sector employees na magpabakuna sa mga nasabing araw na hindi mamarkahan ng absent mula sa trabaho, subalit kailangan lamang magpakita ng pruweba na nabakunahan nga sila sa nasabing petsa.

Sinabi pa rin ng Malakanyang na special working day sa Nobyembre 29 at Disyembre 1, 2021.

Ang mga araw na nabanggit ay bahagi ng isasagawang 3 araw na national COVID-19 vaccination drive na magsisimula sa Nob. 29. hanggang Dis. 1.

“Sa pagkakaalam ko, magiging special working day sya,” ayon kay Acting Presidential spokesperson at Cabinet Secretary Karlo Nograles.

Sa ngayon, naghahanda na ang Local Government Units (LGUs) para sa nasabing event.

Para naman sa National Vaccines Operation Center (NVOC), pasisimplehin ang mga requirements sa national COVID vaccination days, at hinihikayat na rin ang mga LGU na tumanggap ng mga walk in sa mga araw na iyon.

Target ng gobyerno, makapagbakuna ng 15 milyong Pilipino sa loob lang ng tatlong araw na vaccination drive.

Planong itaas sa 11,000 ang kasalukuyang 8,000 active COVID vaccination sites sa buong bansa para sa pagdaraos ng national vaccination drive.

Nasa 170,000 hanggang 200,000 na healthworkers naman ang planong ilalagay dito, sa tulong ng government agencies, private sector at non-government organizations. (Daris Jose)

First appearance ni SHARON sa ‘FPJ’s Ang Probinsyano’, inabangan at nasilayan na bilang Aurora

Posted on: November 27th, 2021 by @peoplesbalita No Comments

NOONG Biyernes, November 26, ang unang araw ng paglabas ni Megastar Sharon Cuneta sa FPJ’s Ang Probinsyano.

Si Sharon mismo ay nag-share ng teaser sa kanyang FB page kung saan ipinahayag niya na lalabas na siya sa highly-popular action series ni Coco Martin.

Ang ‘very special participation’ ni Sharon ay ang isa sa mga highlights sa ikaanim na taong anibersaryo ng FPJAP. Maganda tiyak ang role na ibinigay ng Dreamscape kay Sharon kaya napapayag nila ang megastar na mag-taping at gumawa ng isang teleserye.

First time na gagawa ni Sharon ng teleserye sa ABS-CBN, something that she hasn’t done in her entire career.

Marahil nami-miss na ni Mega ang pag-arte kaya ‘di ito nag-atubiling tanggapin ang alok ng Dreamscape Entertainment na makasama sa action series ng aktor at direktor.

Kanino kaya may kaugnayan si Sharon sa kwento ng FPJAP – kay Coco or kay Julia Montes?

Baka naman kay President Oscar Hidalgo (played by Rowell Santiago, one of Mega’s favorite leading man and a dear friend).

Tiyak na maraming Sharonians ang nag-abang para masilayan ang first appearance ni Sharon bilang Aurora sa FPJ’s Ang Probinsyano.

***

TULOY na tuloy na raw ang fluvial parade na idaraos ng mga festival entries this year.

Dahil kailangan pa rin ang social distancing because of the Covid 19 virus, pag-uusapan pa raw ng Execom ang pagdaraos ng isang fluvial parade in lieu of the traditional parade of stars ng MMFF entries every year.

Last year ay virtual ang parade, pati ang awards night. Pero this year ay sa Pasig River rarampa ang 8 competing entries sa MMFF.

From Pasig ay daraan ang fluvial parade sa Mandaluyong, Makati at magtatapos sa Maynila.

Paano kaya mag-aabang ang mga fans sa mga artista kung nasa Pasig River ang sentro ng parade?

Well, bahala ang Execom ng MMFF, headed by Benjur Abalos, sa panukala nilang ito.

We are sure gagawa sila ng paraan para maengganyo ang mga tao to go out para saksihan ng ang fluvial parade.

(RICKY CALDERON)

PSC mamamagitan na sa alitan nina Obiena at PATAFA

Posted on: November 27th, 2021 by @peoplesbalita No Comments

Nanawagan ang Philippine Sports Commission (PSC) sa pagresolba ng gusot sa pagitan ng Philippine Athletics Track and Field Association (PATAFA) at si pole vaulter EJ Obiena.

Ayon sa PSC na handa silang mamagitan at magsagawa ng pag-uusap sa dalawang panig.

Nagbabala rin ang PSC na kapag bigong maresolba at magmatigas ang dalawang panig ay maaapektuhan ang kanilang financial assistance na ibinibigay sa PATAFA.

Pinapahinto rin ng PSC ang magkabilang ng panig na maglabas ng anumang pahayag sa publiko at sa social media.

Naniniwala pa rin kasi ang PSC na ang pagresolba ng nasabing usapin ay ang mapayapang pag-uusap.

Magugunitang hinihingi ni Obiena sa PATAFA na mag-public apology dahil sa maling pahayag nila na pineke umano nito ang liquidation at hindi pagbabayad sa coach nito.

Pamamahagi ng fuel subsidy sa jeepney drivers, umarangkada na – LTFRB

Posted on: November 27th, 2021 by @peoplesbalita No Comments

Nagsimula nang magkaloob ang pamahalaan ng fuel subsidies na may halagang P1 bilyon para sa may 136,000 driver ng pampasaherong jeep upang maibsan ang epektong dulot sa patuloy na pagtaas ng halaga ng petroleum products.

Ito ay makaraang ilunsad ng Land Transportation Franchising and Regulatory Board (LTFRB) ang ‘Pantawid Pasada Fuel Program’ (PPP) na tutulong sa mga driver na apektado ang kabuhayan ng oil price hike.

“Bagama’t nakita natin sa nakaraang ilang linggo, bahagyang bumaba ang presyo ng krudo at gasolina pero mataas pa rin ang presyo kumpara sa umpisa ng taong ito. Kailangang tulungan natin ang transport sector, lalung-lalo na ang mga tsuper at operator ng public utility jeepneys,” pahayag ni LTFRB chairman Martin Delgra.

Aniya ang subsidy ay hindi lamang para mabawasan ang gastusin sa pagkakarga ng krudo ng mga driver ng jeep kundi upang matiyak na may maghahatid sundo sa mga mananakay ngayong panahon ng pandemic.

Sinabi ni Delgra na may matatanggap na P7,200 ang bawat sasakyan na one-time subsidy at ang pondo ay ipapasok sa PPP cards ng mga driver.

Nilinaw ng LTFRB na ang subsidy ay maaari lamang magamit na pambayad sa ikakargang krudo ng mga jeep sa siyam na participating petroleum retail outlets o gasoline stations.

Ang mga lalabag sa paggamit ng PPP cards ay awtomatikong aalisan ng anumang benepisyo sa pamahalaan at tatanggalin sa subsidy program na nasa ilalim ng Tax Reform for Acceleration and Inclusion (TRAIN) Law.

Ang LTFRB ay may 85,000 active PPP card holders at 78,000 dito ay tumanggap na ng kanilang subsidies.

Sinabi ni Delgra na ang mga wala pang cards ay maghintay lamang dahil patuloy ang pagpoproseso dito ng Land Bank of the Philippines para sa printing at pamamahagi nito. (Gene Adsuara)

POLISIYA sa PAGSUOT ng FACE SHIELD GAWING SIMPLE at ISA LANG PARA sa LAHAT NANG MAIWASAN NA MALITO ng TAO

Posted on: November 27th, 2021 by @peoplesbalita No Comments

Marami na sanang natuwa nang inanunsyo ng Malacañang na hindi na mandatory ang pagsuot ng face shield. Rekomendasyon din ito ng IATF at Metro Manila Mayors sa mga lugar na nasa ilalim ng Alert level 1 to 3.

Sa public transport ay hindi na rin requirement ang face shield para makasakay ang pasahero ayon sa DOTr. Pero may bagong tono ang acting spokesperson na si Karlo Nograles na ang IATF Resolution 149 ay may nakaakibat na na “without prejudice to employers still requiring its use for customers and employees”. Ibig sabihin ay – Ok hindi na required ng gobyerno ang faceshield, pero pwede pa rin ire-quire ng mga nay ari ng mga business establishment!

Abay parang wala rin! Paano malalaman ng tao na sa pupuntahan nilang establishmento ay required ang face shield o hindi. Kaya para sigurado ay magsusuot na rin sila! At paano sa public transport kung ang operator naman ay mag require sa pasahero nila na dapat naka face shield ang sakay nila. At sa mga LGU na may face shield na ordinansa tulad sa Quezon City na nagpapataw ng multa at kulong sa hindi tamang pagsuot ng face shield? Malaking kalituhan sa hulihan! Bakit hindi ba pwede simple lang na voluntary na ang pagsuot bg face shields sa mga lugar sa ilalim ng Alert level 1 to 3 maliban sa mga hospital at health facilities PERIOD!

Bakit binigyan pa ng diskresyon ang may ari ng mga establishmento. Kung ganun rin lang para sigurado ay mag face shield na lang para hindi ka maabala!

Ano ba talaga ang hiwaga sa face shield na yan at hindi magkaroon ng malinaw na polisiya na wala ng “depende pa ” sa mayari ng establishmento.

Pagkaganito na pabagubago ang polisiya sa pagsuot ng face shield ay paalala lang ito sa tao na itong face shield ang simbolo ng korupsyon sa panahon ng pandemya. (Atty. Ariel Enrile – Inton)

TOM HARDY BREAKS UP WITH “VENOM” IN “LET THERE BE CARNAGE”

Posted on: November 27th, 2021 by @peoplesbalita No Comments

TOM Hardy returns to the big screen in Venom: Let There Be Carnage as the lethal protector Venom, one of MARVEL’s greatest and most complex characters.

(Watch the film’s latest trailer at https://youtu.be/NPdyL1NSlto)

In Venom: Let There Be Carnage, Eddie Brock (Hardy) has told Venom that he could bite the heads off of bad guys, and the symbiote is 100% here for it, dubbing themself the Lethal Protector and munching evildoers in pursuit of justice… and Eddie’s career is firmly on the upswing, getting the career-defining last interview with serial killer Cletus Kasady (Woody Harrelson).

But despite it all, they still make each other nuts – and their constant bickering escalates until it finally devolves into a violent manic battle as they try to figure out who is throwing who out of the apartment and the body they share. Both Venom and Eddie are determined to figure out if they really do need each other after all.

Hardy is committed to every film he makes but took that commitment to another level with this film: he receives the first feature film writing credit of his career, having penned the story with Kelly Marcel, who also wrote the screenplay. “Tom is a creative force with a brilliant mind for generating ideas, so collaborating with him on the story for Venom: Let There Be Carnage was a really fun and exciting time where anything felt possible for these characters that we have grown so fond of,” says Marcel. “Tom worked tirelessly to bring this story to life both in development and on set. We all know how talented he is onscreen, but I’m very excited for people to get to see how brilliant he is offscreen as well.”

Director Andy Serkis says that Eddie and Venom might be a match made in hell – but they are a match nonetheless. “It’s Jekyll and Hyde,” he explains. “Eddie is rather arrogant, thinking life owes him a favor. Venom is the complete opposite, unfiltered and speaking his mind totally. And they’re trapped together. After meeting in the first movie, they’ve now got the seven-year-itch; they’ve had enough of each other and can’t wait to be apart.”

It’s the old story – can a human man and an alien symbiote share one apartment (and one body, for that matter) without driving each other crazy? (Answer: no.)

“The argument in the apartment is one of the first things we shot,” says Serkis. “For two years, these two have been living a frat party kind of life in Eddie’s apartment, and he’s sick and tired of his place being trashed. It’s like living with an oversized toddler with no control whatsoever.”

After their epic breakup, though, it becomes clear that neither is going to make it on his own. When part of the symbiote leaps into Cletus Kasady moments before his execution, the serial killer becomes host for Carnage, an even-larger, even-deadlier, and much-more-malevolent spawn of the alien, ruthless and pure evil.

Venom: Let There Be Carnage will be distributed in the Philippines by Columbia Pictures, local office of Sony Pictures Releasing International. Use the hashtag #Venom

(ROHN ROMULO)

DOH nangangambang tataas ulit ang COVID-19 cases habang papalapit ang Pasko

Posted on: November 27th, 2021 by @peoplesbalita No Comments

Nangangamba ang Department of Health (DOH) na tumaas ulit ang maitatalang mga bagong kaso ng COVID-19 sa Pilipinas ngayong papalapit na ang Pasko.

Sa briefing ng House Committee on Trade and Industry, binigyan diin ni DOH Epidemiology Bureau Dir. Alathea de Guzman na hindi dapat nagpapakampante ang publiko sa kabila nang pagbaba ng mga naitatalang nagong COVID-19 cases sa mga nakalipas na linggo.

Ipinapaala niya na nariyan pa rin ang banta ng coronavirus kaya dapat pa rin ang ibayong pagsunod sa minimum health protocols kahit pa niluluwagan na ang mobility restrictions.

Sa kanyang ulat sa komite, ibinahagi ni De Guzman na sa ngayon ay nasa one percent na lamang ng total caseload ang bilang ng mga pasyenteng nagpapagaling pa sa COVID-19 o iyong mga maituturing pang active cases.

Ang recovery rate naman aniya ay pumapalo na sa 97.38 percent, habang ang fatality rate naman ay 1.62 percent.