2021 August Archive - People's Balita

Archive for August, 2021

Digital COVID-19 vaccine IDs sa NCR handa na Setyembre 1 – Abalos

Posted on: August 25th, 2021 by @peoplesbalita No Comments

Handa na pagsapit ng unang araw ng Setyembre ngayong taon ang digital COVID-19 vaccine certificates o IDs para sa National Capital Region, ayon kay Metropolitan Manila Development Authority (MMDA) chairman Benhur Abalos.

Kinukolekta na kasi aniya ng Department of Information and Communications Technology (DICT) ang lahat ng datos hinggil sa COVID-19 vaccination sa NCR.

Nauna nang sinabi ng DICT na sa Setyembre nga ilulunsad ang digital COVID-19 vaccine certificate portal.

Ayon kay DICT Undersecretary Emmanuel Caintic, nakikipag-ugnayan ang kagawaran sa Department of Health para ilunsad ang “VaxCertPH” sa unang linggo mismo ng Setyembre.

Sinabi ni Abalos na nakiusap siya kay Caintic para sa pagkakaroon ng feature kung saan maaring i-check ng LGUs sa NCR kung ang isang tao ay naturukan na ng COVID-19 vaccine doses mula sa iba’t ibang LGUs para maiwasan na madoble ang pagtuturok sa kanila ng bakuna.

Kaugnay nito, muling nagbabala ang chairman ng MMDA sa mga kumukuha ng booster shots sa iba’t ibang LGUs.

Ang mga mahuhuling gumagawa nito ay tiyak na makukulong, ayon kay Abalos.

LGUs sa NCR nagkasundo na magtulungan na bakunahan ang residente ng bawat isa

Posted on: August 25th, 2021 by @peoplesbalita No Comments

NAPAGKASUNDUAN ng local government units sa National Capital Region (NCR) na magtulungan sa pagbabakuna ng mga residente ng bawat isa.

Sa virtual press briefing ni Presidentia spokespeerson Harry Roque, sinabi ni Metropolitan Manila Development Authority (MMDA) chair Benhur Abalos na kailangan lamang na ang COVID-19 vaccine recipients ay magtakda muna ng kanyang iskedyul at makakuha ng QR code para maturukan ng bakuna laban sa covid 19 mula sa NCR LGU.

“Now we are going to vaccinate as one,” ayon kay Abalos.

“So napagkasunduan na magkaroon ng QR code na yung mga labas namin na hindi resident ng LGU ay puwedeng magpabakuna,” dagdag na pahayag nito.

Plano rin aniya nila na palawigin ang pagbabakuna ng NCR LGUs sa mga kalapit na lalawigan gaya ng Bulacan, Rizal, Laguna, at Cavite.

Sa kabilang dako, sinabi naman ni MMDA General Manager Jojo Garcia na ang NCR LGUs ay magkakaroon ng uniform registration para sa COVID-19 vaccination.

Nauna rito, nanawagan naman si Marikina City Mayor Marcelino Teodoro nang pagtutulungan sa pagbabakuna sa hanay ng local government units para makamit ang herd immunity sa rehiyon.

Aniya, naghihintay lamang ang Marikina City government ng polisiya sa inisyatibang ito mula sa National Vaccination Operations Center.

Binigyang diin nito na ang daylight population o mga taong regular na nagpupunta sa Kalakhang Maynila para magtrabaho, pumasok sa eskuwela at mag-negosyo o kalakal ay kailangan din na makasa sa vaccination efforts ng NCR LGUs. (Daris Jose)

Malakanyang, nanawagan sa PhilHealth na bayaran na ang lahat ng hospital claims

Posted on: August 25th, 2021 by @peoplesbalita No Comments

NANAWAGAN ang Malakanyang sa Philippine Health Insurance Corp. (PhilHealth) na bayaran ang lahat ng pagkakautang nito o ang mga claims ng mga pribadong ospital lalo pa’t marami sa mga ito ang nagkokonsidera na putulin ang ugnayan sa state insurer.

Sa katunayan, may tatlong hospital groups na ang nagkokonsidera na kumalas sa PhilHealth matapos na magpalabas ang state insurer ng circular na pansamantalang sinusupinde ang pagbabayad sa mga claims.

Pinatunayan lamang ng PhilHealth na ang ipinalabas nitong circular ay isang “fraud-control measure” matapos na imbestigahan ang ahensiya sa P153.7 bilyong pisong nawala o nalugi rito mula taong 2013 hanggang 2018.

Sinabi ni Presidential Spokesperson Harry Roque na kailangan lamang na bayaran ng PhilHealth ang lahat ng hospitals’ claims dahil ang naging banta ng mga osiptal na kakalas sa PhilHealth ay isang malinaw na makadidiskaril sa universal health care law.

Ang mga pribadong ospital ang nagbibigay ng bultong health care services sa bansa.

Makabubuti sa PhilHealth na imbestigahan ang claims sa halip na bantaan ang mga ospital na iba-blacklist.

“Ang gobyerno sa pamamagitan ng PhilHealth ang siyang bibili ng lahat ng medical goods and services kaya itong banta nila [private hospitals] na sila ay titigil na magbigay serbisyo at magdi-disengage sa PhilHealth, that has the potential of derailing the universal health care law,” anito.

“Ang panawagan ko sa PhilHealth, magbayad kayo ng mga dapat bayaran. Totoo, maraming ma-anomalyang mga claims. Ang dapat gawin diyan, litisin ang magsusumite ng mga fictitious claims at mga ma-anomalyang claims, ‘wag natin gamitin ‘yung blacklisting o ‘yung threat of blacklisting dahil hindi kakayanin ma-implement ang universal health care law na pang-gobyernong hospital lamang ang magbibigay ng serbisyo lalung lalo na sa panahon ng pandemya,” dagdag na pahayag ni Sec. Roque.

Samantala, tinawagan din ng pansin ni Sec. Roque si PhilHealth President and Chief Executive Officer Dante Gierran na sibakin sa puwesto ang mga tiwaling opisyal na di umano’y sangkot sa maanomalyang hospital claims.

“Ang panawagan ko kay Atty. Gierran, bakit iisa pa lang ang natatanggal sa PhilHealth dahil sa mga anomalya, nag-resign pa? Ang ibig mo bang sabihin lahat ng mga anomalya sa nakalipas, eh narariyan pa rin lahat ng tao na responsable diyan at ni isang tao sa PhilHealth hindi dapat sibakin? Hindi kapani-paniwala ‘yan,” aniya pa rin. (Daris Jose)

LTFRB walang operasyon, 20 empleyado may COVID

Posted on: August 25th, 2021 by @peoplesbalita No Comments

Suspendido muna ang operasyon ng Land Transportation Franchising and Regulatory Board (LTFRB) sa Quezon City ngayon may pinatutupad na modified enhanced community quarantine (MECQ).

Ayon sa LTFRB maliban sa restrictions sa ilalim ng MECQ nalaman rin na may 20 empleyado sa central office nito ang nagpositibo sa COVID.

Ganon pa man, ang LTFRB ay patuloy na tatangap ng online transactions para sa mga correction ng typographical errors, confirmation ng units para sa franchise, verification, pagbibigay ng provisional authority, kasama na rin ang tungkol sa Information System Management at Public Utility Vehicle Modernization Program.

“The LTFRB has a limited capacity during MECQ, but will continue servicing the public,” ayon sa ahenisya.

Dagdag pa ng LTFRB na patuloy pa rin magkakaron ng online hearings ayon sa nakatakdang schedule habang ang 24/7 the assistance hotline ay mananatiling bukas pa rin.

Sa ngayon ang LTFRB ay nagpapatupad ng mahigpit na health protocols para sa mga stakeholders at empleyado nito.

Habang ang Land Transportation Office (LTO) naman ay nagbukas na ng kanilang mga tangapan sa Metro Manila, Laguna at Bataan simula noong nakaraang Lunes. Subalit magkakaron lamang sila ng ng 50 percent capacity.

“We remind the public to follow COVID-19 protocols to prevent the transmission of the virus and to allow transactions to continue,” ayon naman sa LTO.

Samantala, inihayag naman ng Department of Transportation (DOTr) na walang mababago sa kapasidad ng mga pampublikong transportasyon sa National Capital Region (NCR) ganon din sa Bataan at Laguna kung saan ito ay mananatiling 50 percent lamang sa ilalim ng MECQ.

Nilinaw din ng DOTr na ang mga authorized persons outside residence (APORs) na siyang kinilala ng Inter-Agency Task Force for the Management of Emerging Infectious Diseases (IATF) ang siyang papayagan na gumamit ng mga transport services.

“Just like during the ECQ period, there will be stricter enforcement of safety measures to ensure that only APORs are permitted to use public transport, as mandated by IATF,” wika ni DOTr Secretary Arthur Tugade.

Ang mga public utility buses at jeepneys ay patuloy na magkakaron ng operasyon na ang kapasidad ay 50 percent at kinakailangan na may one-seat-apart at dapat ay walang nakatayong pasahero at isang pasahero lamang ang pinapayagan na umupo sa hanay ng driver.

Pinapayagan rin ang taxi services at transport network vehicle service samantalang ang mga tricycles ay kinakailangan naman na isa lamang ang sakay.

Patuloy rin ang operasyon ng mga rail lines ngayon panahon ng MECQ kung saan magkakaron ng mga marshals upang makilala ang mga APORs at para magpatupad ng rin ng health at safety protocols.

“Domestic flights and sea travel in the NCR will also continue during MECQ, subject to community quarantine restrictions of the passenger’s destination,” saad ng DOTr. LASACMAR

Sen. Lapid, nagpositibo sa COVID-19

Posted on: August 24th, 2021 by @peoplesbalita No Comments

Kinumpirma ngayon ng kampo ni Sen. Lito Lapid na nagpositibo ang mambabatas sa COVID-19.

Ayon sa kaniyang chief of staff na si Jericho Acedera, kasalukuyang sumasailalim sa treatment ang senador.

Naka-confine umano ito sa Medical City sa Clark, Pampanga.

Ikinokonsidera ng kaniyang doktor ang kondisyon ni Lapid bilang “mild to moderate” COVID case.

Inaalam na rin kung saan nahawa ang mambabatas, habang may contact tracing naman sa mga taong posibleng na-expose sa kaniya sa mga nakaraang araw.

5 hanggang 8 milyong Covid-19 vaccines darating ngayong linggo-Galvez

Posted on: August 24th, 2021 by @peoplesbalita No Comments

INAASAHAN ng Pilipinas na makatatanggap ito ng lima hanggang walong milyong doses ng bakuna laban sa coronavirus disease (COVID-19) sa ika-apat at huling linggo ng buwan ng Agosto.

Ito ang naging pagtataya ni vaccine czar at chief implementer ng National Task Force (NTF) Against COVID-19 Sec. Carlito Galvez Jr.

Ani Galvez, inaasahan niyang kabilang sa ide-deliver sa bansa ang tatlong milyong doses ng Sinovac, 360,000 doses ng Pfizer, at 1.8 milyong doses ng Moderna.

Ang mga bakunang Sinovac at Pfizer ay binili ng pamahalaan habang ang Moderna naman ay binili ng gobyerno at ng pribadong sektor sa pamamagitan ng trilateral arrangement.

Maliban dito, inaasahan din ni Galvez na magde-deliver ang COVAX facility ng “monthly pledge” nito na tatlong milyong doses sa Pilipinas.

“Napakasaya po natin dahil palaki nang palaki ang bilang ng ating mga kababayan na nakakakuha na ng complete doses ng mga bakuna,” ang pahayag ni Galvez

“The government is expected to breach the 30-millionth mark in administered jabs since it first began the national vaccination program in March. As of Aug. 20, more than 13 million Filipinos have already been fully vaccinated while 16.9 million have received their first dose,”aniya pa rin.

Samantala, target naman ng pamahalaan na gawing fully vaccinated ang 18.5 % ng 77 million eligible population bago matapos ang taon para makamit ang herd immunity. (Daris Jose)

Ugas handang bigyan ng rematch si Pacquiao

Posted on: August 24th, 2021 by @peoplesbalita No Comments

Handang bigyan ni Cuban champion Yordenis Ugas si Manny Pacquiao ng rematch.

Sinabi nito na malaki pa rin ang respeto nito sa fighting senator.

Dalawang daan porsyento aniya na ito ay hindi magdadalawang isip na bigyan si Pacquiao ng rematch.

Magugunitang nakuha ni Ugas ang unanimous decision na panalo kay Pacquiao at nakuha ang WBA super welterweight belt.

Pacquiao, mananatiling Pambansang Kamao ng mga Filipino

Posted on: August 24th, 2021 by @peoplesbalita No Comments

MANANATILING “People’s Champ” si Senador Emmanuel “Manny” Pacquiao kahit natalo siya kanyang laban kay WBA welterweight champion Yordenis Ugas ng Cuba.

Sinabi ni Presidential Spokesperson Harry Roque, mananatiling matatag at hindi matitinag ang suporta ng publiko sa boxing career ng tinaguriang Pambansang Kamao.

“The boxing icon’s loss in Las Vegas would not diminish the honors he bestowed to our country and the joy he gave to our people,” ayon kay Sec. Roque.

Mananatili aniyang nakaukit sa puso ng mga Filipino si Senador Pacquiao bilang People’s Champ.

“Mabuhay ka, Manny!,” sigaw ni Sec. Roque.

Samantala, pinasalamatan naman ni Senador Bong Go si Pacquiao sa ipinamalas nitong tapang sa laban nito kay Ugas.

Para kay Go, si Pacquiao ay isang huwaran na patuloy na nagbibigay ng inspirasyon sa mga kabataang atleta at sa bawat Pilipino.

“Thank you to my fellow Senator and Mindanaoan, Manny Pacquiao, for putting up a gallant fight against reigning WBA (Super) welterweight champion Yordenis Ugas.” ayon kay Go.

“Senator Manny, sa muli, maraming, maraming salamat at mabuhay ka!,” dagdag na pahayag nito.

Suporta kay Pacquiao bumuhos

Posted on: August 24th, 2021 by @peoplesbalita No Comments

Nagpahayag ng ibayong suporta pa rin ang Malacañang at maging mga kasamahan sa Senado kay Senador Manny Pacquiao sa kabila ng pagkatalo niya kay Cuban boxer Yordenis Ugas sa kanilang super welterweight boxing match sa Las Vegas, Nevada.

“The boxing icon’s loss in Las Vegas would not diminish the honors he bestowed to our country and the joy he gave to our people,” ayon sa pahayag ng Office of the Presidential Spokesperson Harry Roque.

“Senator Pacquiao will forever be etched in the hearts of Filipinos as our People’s Champ,” dagdag pa nito.

Sinabi pa na tuloy pa rin ang suporta ng Palasyo kay Pacquiao sa kabila ng pagkatalo sa mas batang Cubano na isa ring dating Olympian at sa mga nakaraang isyu sa pagitan ni Pangulong Rodrigo Duterte.

Para naman sa kaniyang mga kasamahan sa Senado, mananatili na ‘national treasure’ ng Pilipinas si Pacquiao dahil sa pagpapakita niya ng tapang at husay sa kabila ng kaniyang edad na 42. (Daris Jose)

Pacquiao nagpahiwatig ng posibleng pag-retiro kasunod nang pagkatalo vs Ugas

Posted on: August 24th, 2021 by @peoplesbalita No Comments

Kasunod ng kanyang unanimous decision loss kay Yordenis Ugas sa kanilang bakbakan kahapon sa T Mobile Arena sa Las Vegas, nagpahiwatig si Manny Pacquiao na posibleng isasabit na niya ang kanyang boxing gloves makalipas ang ilang dekadang pagsabak sa itaas ng lona.

Sa kanilang post fight press conference, sinabi ni Pacquiao na maraming bagay na ang kanyang ginawa sa pagboboksing, at marami rin ang naging kapalit nito sa kanyang buhay.

Sa ngayon, pinag-iisipan na raw niya ang kanyang future sa boxing at nakikita na rin ang kanyang sarili makasama pa lalo ang kanyang pamilya.

Bagama’t talo, labis namang nagpapasalamat si Pacquiao sa kanyang mga fans na pumunta sa laban nila ni Ugas.

Nagpasalamat din siya sa suporta ng mga ito sa kanya at sa pagkakataon na maibahagi ang kanyang mga karanasan sa pagboboksing.

Magugnita na mula noong Enero 1995 ay lumalaban na si Pacquiao sa boxing bilang isang professional athlete.

Sa kanyang 72 professional bouts, kinikilala si Pacquiao sa ngayon bilang tanging eight-division world champion.