MINABUTI na lamang sagutin ni bagong Kapuso actress Bea Alonzo ang mga issues tungkol sa paglipat niya sa GMA Network. 

May mga nagtampo nga raw kasi kay Bea nang iwanan niya ang isang project niya sa ABS-CBN, dahil sa paglipat niya ng network. May mga hindi ring magandang comments kay Bea ng mga dati raw niyang kasamahan.

  Hindi na tinukoy ni Bea ang mga comments, basta nagbigay na lamang siya ng statement na malinis ang kanyang konsensiya at wala siyang iniwanang responsibilidad, wala siyang mga taong tinapakan at maayos ang kanyang pagpapaalam sa mga executives ng network.

May manager si Bea na very professional, kaya nakatitiyak kaming hindi basta aalis si Bea sa dati niyang network kung mayroon siyang commitment na maiiwanan.

  Still on Bea, ngayong she’s back in town after a month vacation in the US with boyfriend Dominic Roque, naghahanda na siya sa pagsisimula ng shooting ng first project niya as a Kapuso star, na pagtatambalan nila ni Asia’s Multimedia Star Alden Richards, na ipu-produce ng Viva Films, APT Entertainment at GMA Pictures.

   ***

     TAMANG-TAMA naman na very soon ay balik na rin ang lock-in taping ni Alden Richards at ng buong cast ng romantic-drama series sa last chapter ng story, na kasalukuyang naka-season break at babalik sila sa November 15.

Marami nang excited sa muling pagbabalik ng serye lalo pa at nagbigay si Alden ng ilang eksenang dapat abangan.

  “Makukulong ako sa kasalanang hindi ko ginawa,” kuwento ni Alden sa virtual mediacon ng serye.

“Ano ang krimeng nangyari, at sino ang may kasalanan pero sa akin ipasasagot ang krimen.  Ang mga mapapanood ninyo this week ay siya kayang mangyayari hanggang sa pagtatapos namin?”

   Pero ang isa pang ikinai-excite ng mga fans ni Alden ay ang interview naman sa kanya ng 24 Oras, na nag-iwan siya ng message na “may big announcement ako on my birthday this coming January, 2022, isa iyon sa surprise ko, mas matindi kaysa concert.”

  Mabilis na kumalat sa social media ang announcement ni Alden, kaya abang-abang na lamang tayo, mabilis lang lilipas ang five months to January, 2022.

  Napapanood ang The World Between Us hanggang this Friday, August 27, pagkatapos ng 24 Oras sa GMA-7.

    ***

     TOTOO na ang balitang hiwalay na sina Paolo Contis at LJ Reyes, ayon na rin sa manager ni Paolo, si Manay Lolit Solis. 

Wala pang nagsasalita either kay Paolo or kay LJ, pero wala raw third party, tulad ng mga nasusulat.  Latest balita ay bumalik na muli si Paolo sa bahay nila ng mommy niya.

Sunud-sunod ang mga shows ni Paolo sa GMA at kasama nga siya sa lock-in taping ng I Left My Heart in Sorsogon with Heart Evangelista and Richard Yap.

  Tutok naman ngayon si LJ sa pag-aalaga sa mga anak niyang si Aki at si Summer, anak nila ni Paolo.  At naging visible na rin si LJ ngayon sa mga shows sa GMA Network.

Co-host na siya nina Camille Prats at Iya Villania sa morning show na Mars Pa More at madalas na rin siyang mag-guest sa ibang shows ng GMA.  Napapanood din siya sa replay ng afternoon prime series na The Good Daughter with Kylie Padilla and Rocco Nacino, pagkatapos ng Ang Dalawang Ikaw sa GMA-7.

(NORA V. CALDERON)

NAKAUSAP na namin dati pa si Kris Bernal bago siya nag-vlog tungkol sa pagkawala niya sa Kapuso network.

Tinanong din namin siya kung may sama ba siya ng loob, apprehensive pa itong umamin pero sinabi rin niya na, “Yes, oo, at first, nakaramdam ako ng kahit paano, sama ng loob, kasi ang tagal ko na sa network ‘di ba? “Parang napatanong lang din ako sa sarili ko, ano ba ‘yung nagawa ko? May mali ba ‘kong ginawa? Kasi in fairness naman to me, hindi naman ako namimili ng project at saka, lahat ng ibinibigay sa akin, binibigay ko naman ang best ko.

  “Pero sa umpisa lang naman ‘yun, napapaisip ka. Pero naintindihan ko rin. Siyempre, pandemic. Apektado naman talaga lahat.”

Itinanggi rin niya ang isyu na kaya hindi siya ni-renew ng network dahil nagpapataas siya ng talent fee.

Sey niya rin sa vlog niya, “Hindi po totoo ‘yun, sabi ko, kahit babaaan niyo na, kahit ano lang po. I’m after you know, doing show because acting is my passion.”

At kaya raw tumanggap din siya ng project na at hindi na nahintay ang home network niya dahil kailangan din daw niyang mag-trabaho talaga. Pero sey niya, sobrang nagpaalam pa rin daw siya sa GMA-7.  At never raw niyang sisiraan ang network dahil very grateful and blessed nga siya rito.

Inamin din niya na totoong marami siyang kinausap na manager na possible na mag-manage sa kanya.  At ang manager nga raw niya ngayon ay sa ALV ni Arnold Vegafria. 

  “May mga project na rin siyang naka-line-up for me, may movie at series din pero ayoko munang sabihin baka hindi matuloy. Masarap lang pakinggan na may interested pa rin sa akin,” sey niya.

***

POSITIBO sa COVID-19 ang actor/Senator na si Lito Lapid.

Sa ngayon daw, nasa Medical City ito sa Clark, Pampanga.

Nakausap namin ang kanyang daughter-in-law na si Tanya Garcia na kasalukuyang nasa America kasama ang mga anak at ang mister na si Mark Lapid.

Ayon kay Tanya, dahil nga sa situwasyon ni Senator Lito, hindi maiwasang hindi mag-alala ni Mark.  Nagwo-worry raw ito sa kanyang Daddy, pero aware rin naman na kahit nandito sila sa Pilipinas, hindi rin sila makakalapit o mababantayan ito sa hospital.

Kaya timing na rin daw na schedule talaga nilang bumalik na ng bansa ngayong araw na ito from more than a month vacation din sa America.  Pero katulad ng ibang nanggaling ng ibang bansa, required din silang buong pamilya na mag-undergo muna ng ten days quarantine.

Sa ngayon, getting better naman daw ang kondisyon ni Sen. Lito kumpara raw kahapon.

***

NAPAKA-VOCAL ng actress na si Dina Bonnevie sa mga papuri niya sa co-star at ang Asia’s Multimedia Star na si Alden Richards.

Sey niya  kasi na talagang noon pa, gusto niyang maka-trabaho si Alden.  At ‘yun nga, more than her expectation daw sa kanya si Alden.

At sa mga papuring binitawan nga kay Alden, hindi lamang ni Ms. D kung hindi maging ng isa pang award-winning actress sa GMA Primetime series na The World Between Us pwede ng malunod si Alden, huh!

Sabi ni Ms. D, “More than what I expected, kasi I thought. Kasi, I really wanted to work with Alden. Kasi nga, gusto ko lahat ng mga now na artista, up and coming supertstar, gusto kong maka-trabaho and I was so happy to have given the chance to work with Alden.”

Tila nakilala na nga nang husto ni Ms. D si Alden dahil hindi na lang abot-abot ang papuri niya rito bilang isang artista, bilang businessman na rin.

Sey pa rin niya, “Personally, I think, he’s very kind, very giving, very respectful, very gracious. He’s so gracioso. Such a gentleman and very generous.”

Kaya inunahan na ni Dina si Alden na ‘wag daw ikalalaki ng ulo nito ang mga papuring naririnig.

“I was actually surprise knowing him and finding that he’s actually more than what I expected. Hindi lang pala siya guwapo, pati ‘yung kalooban niya, guwapo rin.”

Season ender na this week ng The World Between Us. Ang isa sa main reason kung bakit may season ender ang serye para sa safety ng cast at crew ngayong sobrang taas pa talaga ng positive cases lalo na sa NCR.

(ROSE GARCIA)